جاڭا تيپتى ايدارشا ۆيرۋس وكپە قابىنۋ ىندەتىنىڭ جاعدايىنا تالداۋ جاسادى، ساقتانۋ - تىزگىندەۋ قىزمەتىن كۇشەيتۋدى اقىلداستى

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى كوميتەتى ءماجىلىس اشتى

جاڭا تيپتى ايدارشا ۆيرۋس وكپە قابىنۋ ىندەتىنىڭ جاعدايىنا تالداۋ جاسادى، ساقتانۋ - تىزگىندەۋ قىزمەتىن كۇشەيتۋدى اقىلداستى

جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى

  شينحۋا اگەنتتىگىنىڭ 2 - ايدىڭ 12 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى كوميتەتى 2 - ايدىڭ 12 - كۇنى ءماجىلىس اشىپ، ورتالىق جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ قىزمەتى باسشىلىق گرۋپپاسىنىڭ مالىمەتىن تىڭداپ، كەزەكتەگى جاڭا تيپتى ايدارشا ۆيرۋس وكپە قابىنۋ ىندەتىنىڭ جاعدايىنا تالداۋ جاساپ، ىندەتتەن ساقتانۋ - تىزگىندەۋ قىزمەتىن كۇشەيتۋدى اقىلداستى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى ءارى ماڭىزدى ءسوز سويلەدى.

  شي جينپيڭ بىلاي دەپ اتاپ كورسەتتى: جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى، ءبىز باستان - اياق حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن ءبىرىنشى ورىنعا قويۋعا تاباندى بولىپ، سەنىمدى بەكەمدەۋ، قىيىندىقتى بىلەك بىرىكتىرە جەڭۋ، عىلمي ساقتانۋ - ەمدەۋ، دالمە - ءدال شارا قولدانۋ باس تالابىنا ساي، ىندەتتەن ساقتانۋ - تىزگىندەۋ قىزمەتىن جاپپاي ورىستەتتىك. پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىندا، ورتالىق جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ قىزمەتى باسشىلىق گرۋپپاسى قىزمەتتەردى دەر كەزىندە اقىلداسىپ ورنالاستىردى، مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمى ساياساتتاردى سايكەستىرۋ جانە زاتتىق ماتەريالداردى سەپتەۋ سەرپىنىن كۇشەيتتى، وڭىرلەر، تاراۋلار بەلسەندى تۇردە قىزمەت جاۋاپكەرشىلىكتەرىن وتەدى، قالىڭ ەمدەۋ قىزمەتكەرلەرى اتويلاپ الدا ءجۇرىپ قالتقىسىز ۇلەس قوستى، بۇكىل ەلدەگى ءار ۇلت حالقى ەل بىرلىگىنەن بەرىك قامال تۇرعىزىپ، ىنتىماقتاسا شايقاس جاسادى. قاجىرلى قۇلشىنىستىڭ ناتيجەسىندە ىندەت جاعدايىندا بەلسەندى وزگەرىستەر جارىققا شىعىپ، ساقتانۋ - تىزگىندەۋ قىزمەتىندە بەلسەندى ناتيجەلەرگە قول جەتتى. بۇل وڭاي قولعا كەلگەن جوق، ءار جاق تۇگەلدەي ۇلەس قوستى.

  شي جينپيڭ بىلاي دەپ باسا دارىپتەدى: كەزەكتە ىندەتتەن ساقتانۋ - تىزگىندەۋ قىزمەتى ەڭ مۇشكىل شەشۋشى كەزەڭگە كەلدى، ىندەتتەن ساقتانۋ - تىزگىندەۋدىڭ ءتۇيىندى قىزمەتىن تيتتەي دە بوساڭسىماستان جاقسى ىستەپ، ىندەت توتەنشە اۋىر نەمەسە حاۋىپ - قاتەر ءبىرشاما زور وڭىرلەردە ساقتانۋ - تىزگىندەۋدى كۇشەيتۋ كەرەك. ءار دارەجەلى پارتكوم مەن ۇكىمەت پارتيا ورتالىق كوميتەتىنىڭ شەشىمدەرى مەن ورنالاستىرۋلارىنا ساي، ءتۇيىندى كورنەكتىلەندىرىپ، ءبىر تۇتاس جوسپارلاپ، تەگىس ءمان بەرىپ، تۇرلەر بويىنشا جەتەكشىلىك ەتىپ، وڭىرلەر بويىنشا شارا قولدانىپ، ءتۇرلى قىزمەتتەردى شىن مانىندە شىنايى، ەگجەي - تەگجەيلى، تياناقتى تۇردە يگەرىپ، ىندەتتەن ساقتانۋ - تىزگىندەۋ حالىقتىق شايقاسىنىڭ، جالپى تۇلعالىق شايقاسىنىڭ، توسقاۋىل شايقاسىنىڭ جەڭىسىنە باتىل قول جەتكىزىپ، بيىلعى ەكونوميكالىق، قوعامدىق دامۋدىڭ نىسانا - مىندەتتەرىن جۇزەگە اسىرۋعا قۇلشىنۋى كەرەك.

  ءماجىلىس مىنالاردى اتاپ كورسەتتى: جيناپ ەمدەۋ سالىستىرماسى مەن ەمدەپ ساۋىقتىرۋ سالىستىرماسىن جوعارىلاتۋدى، جۇعىمدالۋ سالىستىرماسى مەن اۋرۋدان ءولۋ سالىستىرماسىن تومەندەتۋدى مىقتاپ ارقاۋ ەتىپ، ىندەتتەن ساقتانۋ - تىزگىندەۋدىڭ ءتۇيىندى بۋىندارىن ويداعىداي يگەرۋ كەرەك. جيناپ ەمدەۋ قۋاتىن جاپپاي كۇشەيتۋ كەرەك، دەنە قىزۋى جوعارىلاعان ناۋقاستار كوپ قالالار بەلگىلەنگەن شيپاحانالاردى، ەمدەۋ توسەكتەرىن جانە اۋاشالاۋ تۇيىندەرىن مولايتۋدى مىقتى ۇستاپ، كۇدىكتى ناۋقاستاردى تەكسەرۋ - ولشەۋ قارقىنىن تەزدەتىپ، باتىل تۇردە جيناۋعا تيىستىلەردى تۇگەل جيناپ، ەمدەۋگە تيىستىلەردى تۇگەل ەمدەپ، جيناپ ەمدەۋ سالىستىرماسىن جوعارىلاتۋ كەرەك. ەرتە بايقاۋ، ەرتە مالىمدەۋ، ەرتە اۋاشالاۋ، ەرتە ەمدەۋ شاراسىن قاتاڭ تياناقتاندىرىپ، الەۋمەتتىك اۋماقتا ساقتانۋ - تىزگىندەۋدى كۇشەيتىپ، ىندەتتىڭ تارالۋ جولدارىن ءۇزىپ، جۇعىمدالۋ سالىستىرماسىن تومەندەتۋ كەرەك. ناۋقاستاردى، اسىرەسە، سالماقتى ناۋقاستاردى قۇتقارۋ - ەمدەۋ دەڭگەيىن جوعارىلاتىپ، باسىمدىققا يە ەمدەۋ بايلىعى مەن تەحنيكالىق كۇشتەردى شوعىرلاندىرا وتىرىپ ناۋقاستاردى قۇتقارىپ، ەمدەپ، دياگنوز قويۋدىڭ، ەمدەۋدىڭ ۇتىمدى جوباسىن دەر كەزىندە قورىتىندىلاپ، جالپىلاستىرىپ، ءدارى - دارمەك پەن ۆاكسينانى زەرتتەپ جاساۋدان قامال الۋ سەرپىنىن كۇشەيتۋ كەرەك. حۋبەي ولكەسى، اسىرەسە، ۋحان قالاسى ءالى دە ىندەتتەن ساقتانۋ - تىزگىندەۋدە بارىنەن ماڭىزدى ورىندا تۇرادى، توسەك جانە ەمدەۋ قىزمەتكەرلەرى سياقتى ەمدەۋ بايلىقتارىنىڭ جەتىسپەۋ ماسەلەسىن كۇش سالا شەشىپ، بەلگىلەنگەن شيپاحانالاردى جەدەل وزگەرتىپ، كەڭەيتىپ، سالماقتى ناۋقاس توسەكتەرىمەن قامداۋدى كۇشەيتىپ، جيناپ ەمدەۋ، باسقا جەرگە اپارىپ ەمدەۋ ارناسىن ىركىلىسسىزدەندىرىپ، جۇعىمدالعان ناۋقاستاردى زور كۇشپەن قۇتقارۋ، ەمدەۋ كەرەك. 19 ولكە حۋبەي ولكەسىنىڭ ۋحاننان باسقا ايماق، قالالارىنا باعتتامالى كومەك بەرۋ جاۋاپكەرشىلىگىن كوتەرمەگە الۋى، ەگجەي - تەگجەيلى، ناقتى تياناقتاندىرۋى كەرەك. ادام كوپ كىرەتىن ولكە، قالالار بىرلەسىپ ساقتانۋ، بىرلەسىپ تىزگىندەۋ، بۇقارالىق ساقتانۋ، بۇقارالىق تىزگىندەۋ تالابىنا ساي، قايتا ورالاتىن ادامداردىڭ سالاماتتىعىن باقىلاۋ - ولشەۋدى كۇشەيتىپ، قاتىناس قۇرالدارى الاڭ - بەكەتتەرىنىڭ زارارسىزداندىرۋ، اۋا الماستىرۋ قىزمەتتەردى جاقسى ىستەپ، ساقتانۋ - تىزگىندەۋ قىزمەتىن شىن مانىندە جاقسى ىستەۋى كەرەك.

  ءماجىلىس مىنالاردى باسا دارىپتەدى: ەمدەۋ زاتتىق ماتەريالدارى سياقتىلارمەن قامداۋدى قامتاماسىز ەتۋدى كۇشەيتىپ، ماسكى، مەديتسينالىق قورعانۋ كيىمدەرىن ءوندىرۋ كاسىپورىندارىنىڭ بەلسەندىلىگىن تولىق جۇمىلدىرىپ، كاسىپورىنداردىڭ جۇمىستى قالپىنا كەلتىرۋىن، ءوندىرىس قۋاتىنا جەتۋىن جەدەل ىلگەرىلەتىپ، شارت - جاعدايى بار كاسىپورىنداردى ءوندىرىس قۋاتىن كەڭەيتۋگە نەمەسە جاڭاشا وندىرىسكە كىرىسۋگە جىگەرلەندىرىپ، قىزمەتكەر، جابدىق، شيكىزات تاپشى بولۋ جانە قارجى كەمشىل بولۋ ماسەلەلەرىن شەشۋىنە كومەكتەسۋ كەرەك. تاپشى زاتتىق ماتەريالداردى ءبىر تۇتاس ءبولىپ، ءتۇيىندى وڭىرلەردىڭ قاجەتىن الدىمەن قامتاماسىز ەتۋ كەرەك. سونىمەن قاتار تۇرمىسقا قاجەتتى بۇيىمداردى ءوندىرۋ، قامداۋ قىزمەتىن جاقسى ىستەپ، ”استىق“قا ولكە باستىعى جاۋاپتى بولۋ ءتۇزىمىن جانە ”كوجە قاتىق“قا قالا باستىعى جاۋاپتى بولۋ ءتۇزىمىن قاتاڭ تياناقتاندىرىپ، نەگىزگى، قوسىمشا ازىق - تۇلىكتەردى ءوندىرۋ، اينالىمعا سالۋ، قامداۋ جۇمىستارىن ۇيىمداستىرۋدى شىن مانىندە ويداعىداي يگەرۋ كەرەك. قازىر كوكتەمگى ەگىس دايىندىعىنىڭ شەشۋشى مەزگىلى، جەر - جەر تۇقىم، حيميالىق تىڭايتقىش، جەم سياقتى اۋىل شارۋاشىلىعى ماتەريالدارىمەن قامداۋدى ۇيىمداستىرۋدى مىقتى يگەرىپ، كوكتەمگى باپتاۋ، كوكتەمگى تۇقىم سەبۋ شارالارىن ويداعىداي تياناقتاندىرىپ، اۋىل شارۋاشىلىعى ءوندىرىسىنىڭ نەگىزىن نىعايتۋ كەرەك.

  ءماجىلىس مىنالاردى اتاپ كورسەتتى: ىندەتتەن ساقتانۋ - تىزگىندەۋدەگى ءتۇيىندى ەمەس وڭىرلەر وڭىرلەر بويىنشا، دارەجە بويىنشا دالمە - ءدال ساقتانۋ - تىزگىندەۋدى جولعا قويۋدى تۇتقا ەتىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق ءتارتىپتىڭ قالپىنا كەلۋىن ءبىر تۇتاس جوسپارلاۋ كەرەك. عىلمي ساقتانۋ - ەمدەۋ، دالمە - ءدال شارا قولدانۋ پرينسيبى بويىنشا، اۋداندى بىرلىك ەتىپ، اۋدانداردىڭ ۇقساماعان حاۋىپ - قاتەر دارەجەسىن بەلگىلەپ، پارىقتى ساقتانۋ - تىزگىندەۋ تاكتيكاسىن وڭىرلەر بويىنشا، دارەجەلەر بويىنشا بەلگىلەۋ كەرەك. ءار دارەجەلى پارتكوم مەن ۇكىمەت ساقتانۋ - تىزگىندەۋ قىزمەتىن شىندىقتى ءىس جۇزىنەن ىزدەي وتىرىپ جاقسى ىستەپ، اۋساي كەتكەن جانە شەكتەن اسقان ادىستەردى دەر كەزىندە تۇزەتىپ، قارا دۇرسىندىكپەن جاۋىپ تاستاپ اياقسىز قالدىرۋدان، توقتاتىپ تاستاپ اياقسىز قالدىرۋدان اۋلاق بولىپ، ىندەتتەن ساقتانۋ - تىزگىندەۋدىڭ بۇقارانىڭ ءوندىرىسى مەن تۇرمىسىنا جاسايتىن ىقپالىن مۇمكىندىكتىڭ بارىنشا ازايتۋ كەرەك.

  ءماجىلىس مىنالاردى باسا دارىپتەدى: بيىل جاپپاي دوڭگەلەك داۋلەتتى قوعام ورناتىلاتىن جانە ”13 - بەسجىلدىق“ جوبا اياقتالاتىن جىل. ءار دارەجەلى پارتكوم مەن ۇكىمەت جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالىن ەڭ تومەنگى شەككە تۇسىرۋگە قۇلشىنىپ، ەكونوميكانىڭ ورنىقتى اينالىمىن جانە قوعامنىڭ جاراسىمدىلىعىن، ورنىقتىلىعىن ساقتاپ، پارتيا ورتالىق كوميتەتى ايقىن بەلگىلەگەن نىسانا - مىندەتتەردى جۇزەگە اسىرۋعا قۇلشىنۋى كەرەك.

  ءماجىلىس مىنالاردى اتاپ كورسەتتى: ماكرولىق ساياساتتى رەتتەۋ سەرپىنىن كۇشەيتىپ، ىندەتتىڭ اكەلەتىن ىقپالىنا مەڭزەس، سايكەستى ساياساتتاردى، شارالاردى زەرتتەپ بەلگىلەۋ كەرەك. بەلسەندى قازىنا ساياساتىنىڭ رولىن اناعۇرلىم جاقسى ساۋلەلەندىرىپ، قارجىلىق ۇسىنىلىمدى كۇشەيتىپ، جەر - جەردىڭ ىندەتتەن ساقتانۋ - تىزگىندەۋ قارجى قاجەتىن ويداعىداي قامتاماسىز ەتۋ كەرەك. سالىقتى جەڭىلدەتۋ، اقىنى ازايتۋدىڭ كەزەڭدىك، باعىتتامالى شارالارىن اقىلداسىپ شىعارىپ، كاسىپورىنداردىڭ شارۋاشىلىق قيىنشىلىعىن شەشۋ كەرەك. بايسالدى اقشا ساياساتىنىڭ يكەمدى ۇيلەسىمدىلىگىن ساقتاپ، ىندەتتەن ساقتانۋ زاتتىق ماتەريالدارىن ءوندىرۋ كاسىپورىندارىن ءوسىم جاعىنان جەڭىلدىك جاسالاتىن سەنىمدى قارىز اقشامەن قولداۋ سەرپىنىن كۇشەيتىپ، ىندەتتىڭ ىقپالى ءبىرشاما اۋىر بولعان وڭىرلەرگە، كاسىپتەرگە جانە كاسىپورىندارعا قاراتا پارىقتى ءتيىمدى فينانستىق قىزمەت وتەۋدى كەمەلدەندىرۋ كەرەك. جۇمىستاندىرۋدا الدىمەن ويلاسۋ ساياساتىن اناعۇرلىم زور سەرپىنمەن ويداعىداي اتقارىپ، ورتا، شاعىن، ۇساق كاسىپورىنداردى قازىنا - سالىق، فينانس، قوعامدىق قامسىزداندىرۋ سياقتى ساياساتتارمەن قولداۋدى كەمەلدەندىرۋ كەرەك. ىندەتتەن ساقتانۋ قىزمەتىن جاقسى ىستەۋگە شىنايى كەپىلدىك ەتۋ العى شارتىندا، تۇرلەر بويىنشا جەتەكشىلىك ەتىپ، ورتالىق كاسىپورىندار، مەملەكەت مەنشىگىندەگى كاسىپورىندار سياقتى ءتۇرلى كاسىپورىنداردىڭ جۇمىستى، ءوندىرىستى قالپىنا كەلتىرۋىن ءتارتىپ تۇردە ىلگەرىلەتۋ كەرەك. جوعارى مەكتەپتەردەن وقۋ تاۋىسقان وقۋشىلار سياقتى قاۋىمدى جۇمىستاندىرۋ قىزمەتىن ءتۇرلى شارالارمەن ويداعىداي ىستەپ، جۇمىستاندىرۋ كەلەلى جاعدايىنىڭ ورنىقتىلىعىنا شىنايى كەپىلدىك ەتۋ كەرەك.

  ءماجىلىس مىنالاردى اتاپ كورسەتتى: ىشكى سۇرانىستى بەلسەنە كەڭەيتىپ، سىرتقى سۇرانىستى ورنىقتىرۋ كەرەك. نازاردى ءتۇيىندى سالالارعا شوعىرلاندىرىپ، جەرگىلىكتى ۇكىمەتتەردىڭ ارناۋلى زايوم بەلەتىنىڭ ۇلەستىرىلۋ باعدارىن ساپالىلاندىرىپ، ورتالىقتىڭ مەجە ەسەپ ىشىندەگى قارجىسىنان ويداعىداي پايدالانىپ، حالىقتىق قارجى قوسۋدىڭ بەلسەندىلىگىن جۇمىلدىرىپ، ءبىر توپ كەلەلى نىساندار قۇرىلىسىن جەدەل ىلگەرىلەتۋ كەرەك. قىزمەت وتەۋ تۇتىنۋىنىڭ ساپاسىن ءوسىرىپ، سيىمدىلىعىن كەڭەيتۋدى ىلگەرىلەتىپ، ناقتى زات تاۋارى تۇتىنۋىن كەڭەيتىپ، جاڭا گۇلدەنگەن تۇتىنۋدىڭ كومەسكى كۇشىن جەدەل جارىققا شىعارۋ كەرەك. سىرتقى ساۋدا كاسىپورىندارىنىڭ جۇمىستى، ءوندىرىستى قاۋىرت قالپىنا كەلتىرۋىن قولداپ، ساۋدانى قارجى توپتاپ قولداۋدى كۇشەيتىپ، ەكسپورتتىڭ سەنىمدى قامسىزداندىرۋ رولىن تولىق ساۋلەلەندىرۋ كەرەك. حالىقارالىق سايكەستىرۋ سەلبەستىگىنە بەلسەنە ات سالىسىپ، سىرتقى ساۋدانىڭ دامۋىنا تاماشا حالىقارالىق ورتا ازىرلەۋ كەرەك. شەتەل قارجى قوسقان ءىرى نىسانداردىڭ تياناقتاندىرىلۋىن ىلگەرىلەتىپ، شەتەل ساۋداگەرلەرىنىڭ قارجى قوسۋ زاڭى مەن ونىڭ سايكەستى زاڭ ەرەجەلەرىن ويداعىداي اتقارىپ، شەتەل ساۋداگەرلەرىنىڭ قارجى قوسۋ ورتاسىن ساپالىلاندىرىپ، شەتەل قارجىسىنىڭ زاڭدى ۇقىق - مۇددەسىن قورعاۋ كەرەك.

  ءماجىلىس مىنالاردى باسا دارىپتەدى: ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ جاقسى ىستەۋ كەرەك، بۇل ءبىر رەتكى ۇلكەن شايقاس ءارى ءبىر رەتكى ۇلكەن سىناق. ءار دارەجەلى پارتكوم، ۇكىمەت جانە ءار دارەجەلى باسشى كادرلار جاۋاپكەرشىلىك ارقالاۋى، سىنداردان ءوتۋى، ولاردا جاۋاپكەرشىلىك ارقالايتىن باتىلدىق، عىلمي ساقتانىپ - تىزگىندەيتىن پاراسات بولۋمەن قاتار، ءبىر تۇتاس جوسپارلاپ تەگىس ءمان بەرەتىن امال، ۇيىمداستىرىپ اتقاراتىن قابىلەت تە بولۋى كەرەك، قىزمەتتەردىڭ تياناقتاندىرىلۋىن شىن مانىندە ويداعىداي يگەرىپ، ۇلكەن شايقاس بارىسىندا اۋەلگى ماقسات پەن بورىشتى امالياتتا ايگىلەپ، ۇلكەن سىناقتا تولىمدى جاۋاپ قايتارىپ، ىندەتتەن ساقتانۋ - تىزگىندەۋ حالىقتىق شايقاسىنىڭ، جالپى تۇلعالىق شايقاستىڭ، توسقاۋىل شايقاسىنىڭ جەڭىسىنە قول جەتكىزۋگە شىنايى كەپىلدىك ەتىپ، تۇتاس جىلداعى ەكونوميكالىق، قوعامدىق دامۋ نىسانا - مىندەتتەرىن جۇزەگە اسىرۋعا قۇلشىنۋى كەرەك.

  ءماجىلىس باسقا دا ىستەردى اقىلداستى.

جاۋاپتى رەداكتور: ريزا حاميت