ونان ارى قايراتتانىپ، ەرلىكپەن كۇرەس جۇرگىزىپ، جەڭىسكە قول جەتكىزەمىز

رايونىمىزداعى ءار ۇلت كادر - بۇقارا باس شۋجي شي جينپيڭنىڭ بەيجيڭدە جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتىنە تەكسەرۋ - زەرتتەۋ جۇرگىزىپ، جەتەكشىلىك ەتكەندەگى ماڭىزدى ءسوزىنىڭ رۋحىن مۇقيات ۇيرەندى، دايەكتىلەندىردى، كوپشىلىك مىنالاردى ءبىلدىردى −

ونان ارى قايراتتانىپ، ەرلىكپەن كۇرەس جۇرگىزىپ، جەڭىسكە قول جەتكىزەمىز

□ گازەتىمىزدىڭ جالپىلىق اقپارات قۇرالدارى تىلشىلەرى

  ىندەتتەن ساقتانۋ - تىزگىندەۋ قويان - قولتىق سايىسۋ كۇيىنە وتكەن شەشۋشى ساتتە، باس شۋجي شي جينپيڭ بەيجيڭدەگى ىندەتتەن ساقتانۋ - تىزگىندەۋدىڭ ءبىرىنشى شەبىنە بارىپ تەكسەرۋ - زەرتتەۋ جۇرگىزىپ، جەتەكشىلىك ەتىپ، ءبىرىنشى شەپتەگى كادرلارعا، جۇمىسشى - قىزمەتكەرلەرگە امانداسىپ، ولاردان حال سۇراپ، جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتىن ويداعىداي ىستەۋ جونىندە ماڭىزدى ءسوز سويلەدى. ىندەتتەن ساقتانۋ - تىزگىندەۋدىڭ ءبىرىنشى شەبىندە ەرلىكپەن كۇرەس جاساپ جاتقان رايونىمىزداعى ءار ۇلت كادر - بۇقارا جابال مىنالاردى ءبىلدىردى: باس شۋجي شي جينپيڭنىڭ ماڭىزدى ءسوزى ىندەتتەن ساقتانۋ - تىزگىندەۋ قىزمەتىن ويداعىداي ىستەۋگە ءتۇبىرلى بويسۇنۋ ولشەمىن ازىرلەدى، ءسوزسىز، ونان ارى قايراتتانىپ، ەرلىكپەن كۇرەس جۇرگىزىپ، اناعۇرلىم بەرىك سەنىممەن، اناعۇرلىم قايسار جىگەرمەن، اناعۇرلىم باتىل شارالارمەن ىندەتتەن ساقتانۋ - تىزگىندەۋ كۇرەسىنىڭ جالپى بەتتىك جەڭىسىنە كۇش سالا قول جەتكىزەمىز.

  ىندەتتەن ساقتانۋ - تىزگىندەۋ قىزمەتىن ويداعىداي ىستەۋدىڭ جاۋاپكەرشىلىگى اۋىر، استە تيتتەي دە بوساڭسۋعا بولمايدى.

  ”ىندەتتەن ساقتانۋ - تىزگىندەۋدىڭ شەشۋشى ساتىندە، باس شۋجي ءبىرىنشى شەپكە بارىپ ىندەتتەن ساقتانۋ - تىزگىندەۋ قىزمەتىنە قولباسشىلىق ەتىپ، ورنالاستىرۋ جاسادى، بۇل ءبىز سياقتى ءبىرىنشى شەپتە تاپجىلماي قىزمەت ىستەپ جاتقان ەمدەۋ قىزمەتكەرلەرى ءۇشىن ەڭ ۇلكەن شابىت بولدى“، - دەدى اۆتونوميالى رايوندىق جۇقپالى اۋرۋلار شيپاحاناسى پارتكومىنىڭ مۇشەسى، ورىنباسار شيپاحانا باستىعى سۇڭ يۇيشيا، - ىندەت تۋىلعان سوڭ، اۆتونوميالى رايوننىڭ ەمدەۋ - قۇتقارۋ ماماندار گرۋپپاسى مەن وسى شيپاحاناداعى 150دەن استام ەمدەۋ قىزمەتكەرى ءبىرىنشى شەپتە ۇزدىكسىز ەرلىكپەن شايقاس جاساپ، جۇڭگوشا شيپاگەرلىك پەن باتىسشا شيپاگەرلىكتى بىرلەستىرىپ، جان - جاقتى ەمدەۋ سياقتى شارالاردى قولدانىپ، بار كۇشپەن ناۋقاستاردى قۇتقارۋعا - ەمدەۋگە كۇش سالدى.

  باس شۋجي شي جينپيڭ بىلاي دەپ باسا دارىپتەدى: الەۋمەتتىك اۋماق ىندەتتەن بىرلەسىپ ساقتانۋدىڭ، بىرلەسىپ تىزگىندەۋدىڭ ءبىرىنشى شەبى ءارى سىرتتان كىرۋدەن ساقتانۋدىڭ، ىشتە تارالۋدان ساقتانۋدىڭ ەڭ ءونىمدى قورعانىس شەبى. تيانشاننىڭ تۇستىگى مەن تەرىستىگىندە وسى حالىق قورعانىس شەبى بارعان سايىن بەرىك بولا باستادى. ءۇرىمجى قالاسى تيانشان رايونى باتىس ارتقى كوشەسى الەۋمەتتىك اۋماق تۇرعىندار كوميتەتىنىڭ مەڭگەرۋشىسى حى گوميڭ بىلاي دەدى: ”باس شۋجيدىڭ ىقىلاستى ءۇمىتى بىزگە جاۋاپكەرشىلىگىمىزدىڭ سالماقتى، بورىشىمىزدىڭ داڭقتى ەكەنىن سەزىندىردى. ءبىز، ءسوزسىز، ماڭىزدى تاپسىرمانى جەردە قالدىرماي، ءتۇرلى ساقتانۋ - تىزگىندەۋ شارالارىن اناعۇرلىم دايەكتىلەندىرىپ، ناقتىلاپ، وتباسىندا اۋاشالانىپ جاتقاندارعا گۋمانيتارلىق قامقورلىقپەن پسيحولوگيالىق جەتەكتەۋدى ويداعىداي ىستەپ، تۇرعىنداردى ۇيىمداستىرىپ ينتەرنەتتە ’وتباسىندا اۋاشالانۋدا مەن ەڭ مىقتىمىن‘ مادەنيەت - دەنە تاربيە قيمىل جارىسىن وتكىزىپ، كوپشىلىكتىڭ ىندەتتى جەڭۋ سەنىمىن كۇشەيتەمىز“.

  ىندەتتەن ساقتانۋ - تىزگىندەۋ − حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن قورعاۋدىڭ قاتاڭ كۇرەسى. ءار دارەجەلى پارتكوم، ۇكىمەت ورىندارىنىڭ باسشى كادرلارى الدىڭعى شەپتە تۇرىپ قولباسشىلىق ەتۋ، جاۋاپكەرشىلىك ارقالاۋدى كۇشەيتۋ، قالىڭ پارتيا مۇشەلەرى، كادرلار ءبىرىنشى شەپكە اتويلاپ، ءوز جاۋاپكەرشىلىگىن ءبىلىپ، ءوز جاۋاپكەرشىلىگىن ارقالاپ، ءوز جاۋاپكەرشىلىگىن ادا ەتىپ، زەيىن - كۇشتى شوعىرلاندىرىپ، ءار قىزمەتتى، ءار بۋىندى تيتتەي دە قالت جىبەرمەي تىڭعىلىقتى ىستەۋ كەرەك.

  ىندەتتەن ساقتانۋ - تىزگىندەۋ كەزىندە، اۆتونوميالى رايوندىق قاتىناس - تاسىمال تاراۋلارى ىندەتتەن ساقتانۋ - تىزگىندەۋ زاتتىق ماتەريالدارى جانە بۇقارانىڭ تۇرمىستىق زاتتىق ماتەريالدارى تاسىمالىنىڭ ىركىلىسسىزدىگىن بار كۇشپەن قامتاماسىز ەتتى. اۆتونوميالى رايوندىق قاتىناس - تاسىمال مەڭگەرمەسى پارتكومىنىڭ ورىنباسار شۋجيى، مەڭگەرمە باستىعى اسەنجان احمەت بىلاي دەدى: ”ءبىز، ءسوزسىز، باس شۋجيدىڭ تالابى بويىنشا جوعارى قارقىندى تاس جولدىڭ ىركىلىسسىزدىگىن ساقتاۋعا، حاۋىپسىزدىگىن ساقتاۋعا ساياتىن ءتۇرلى قىزمەتتەردى، اسىرەسە، شۇعىل جاعدايعا توتەپ بەرۋ زاتتىق ماتەريالدارى تاسىمال قىزمەت وتەۋى جۇمىسىن تىڭعىلىقتى تۇردە ويداعىداي ىستەپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە باتىل قول جەتكىزۋگە تاماشا جول قاتىناس ورتاسىن ازىرلەيمىز“.

  باس شۋجي شي جينپيڭ ەكونوميكالىق، قوعامدىق دامۋدىڭ ءتۇرلى مىندەتتەرىن ءبىر تۇتاس جوسپارلاپ ىلگەرىلەتىپ، ىندەتتەن ساقتانۋ - تىزگىندەۋدى بار كۇشپەن ويداعىداي يگەرۋمەن بىرگە، ”التىنى ورنىقتىرۋ“ قىزمەتىن ءبىر تۇتاس جوسپارلاپ، ويداعىداي ىستەۋ كەرەكتىگىن اتاپ كورسەتتى.

  اۆتونوميالى رايوندىق دامۋ جانە رەفورما كوميتەتى استىق - ماي جانە ازىق - تۇلىك مانەرلەۋ، ەنەرگيا سياقتى ءوندىرىس كاسىپورىندارىنىڭ جۇمىستى، ءوندىرىستى قالپىنا كەلتىرۋىن جەدەل مىقتاپ يگەرىپ، كومىر، ەلەكتر، ماي، گاز، تاسىمال قامتاماسىزدىعى قىزمەتتەرىن ويداعىداي ىستەپ، حالىق بۇقاراسىنىڭ قالىپتى تۇرمىسىن بار كۇشپەن قامتاماسىز ەتتى. قازىر بۇكىل رايونداعى 100 استىق - ماي مانەرلەۋ كاسىپورنى جۇمىستى قالپىنا كەلتىرىپ، ءوندىرىس جۇرگىزىپ، كۇندىك ءونىم مولشەرى 9339 تونناعا جەتتى؛ سونىمەن بىرگە ءۇرىمجى قالاسىنداعى 62 ءىرى ساۋدا سارايدى، ەرەن بازاردى، 470 كوكونىستى تىكە ساتۋ تۇيىندەرىن زات تولىقتاۋ، سورەلەردى تولتىرۋ جيىلىگىن جوعارىلاتۋعا، ءار كۇنى كەمىندە 3 رەت زات تولىقتاپ، سورەلەردى تولتىرۋدى ورىنداۋعا قۋزادى.

  ”باس شۋجيدىڭ ماڭىزدى ءسوزى ءبىزدىڭ كەزەكتەگى جۇمىستاندىرۋ قىزمەتىن ويداعىداي ىستەۋىمىزگە ايقىن باعىت كورسەتتى“. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى جۇمىستاندىرۋدى جەبەۋ باسقارماسىنىڭ باستىعى جاڭ رۇڭ بىلاي دەپ تانىستىردى: تاياۋدا رايونىمىز ءبىر قىدىرۋ جۇمىستاندىرۋدى ورنىقتىرۋ شاراسىن جولعا قويدى، بۇلار كاسىپورىنداردىڭ جۇمىس باستاۋ، جۇمىستى قالپىنا كەلتىرۋ كەزىندەگى جۇمىستاندىرۋ بويىنشا قىزمەت وتەۋ، قىزمەتكەر قىسقارتپاعان نەمەسە قىزمەتكەردى از قىسقارتقان قامسىزداندىرۋعا قاتىناسقان كاسىپورىندارعا جۇمىس ورنىن ورنىقتىرۋ قوسىمشا قاراجاتىن تاراتۋ، جۇمىستاندىرۋداعى ءتۇيىندى قاۋىمعا دالمە - ءدال قىزمەت وتەۋدى كۇشەيتۋ، ”جەلىدە جۇمىسقا قابىلداۋدى توقتاتپاۋ، جۇمىستاندىرۋ بويىنشا قىزمەت وتەۋدى ۇزدىكسىز جالعاستىرۋ“سياقتى جەلىدە جۇمىسقا قابىلداۋ قيمىلىن ۇدايىلاندىرىپ ورىستەتۋ سياقتىلاردى قامتيدى.

(تىلشىلەرىمىز شى شين، چاۋ جين، يۋان لەي، ميھىرگۇل عوپۇر، لۋ فىڭباۋ، چىن چياڭۋي، ما ينيڭ، حي حۇڭۋي، لي چۇنشيا جازعان)

جاۋاپتى رەداكتور: ريزا حاميت
  • 1
  • 2
  • 3
  • 4