سەنىمدى بەكەمدەپ، ىندەتتەن ساقتانۋ - تىزگىندەۋ حالىقتىق شايقاسىنىڭ جەڭىسىنە باتىل قول جەتكىزەيىك

سەنىمدى بەكەمدەپ، ىندەتتەن ساقتانۋ - تىزگىندەۋ حالىقتىق شايقاسىنىڭ جەڭىسىنە باتىل قول جەتكىزەيىك

− باس شۋجي شي جينپيڭنىڭ بەيجيڭدە جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتىنە تەكسەرۋ - زەرتتەۋ جۇرگىزىپ، جەتەكشىلىك ەتكەندەگى ماڭىزدى ءسوزى رايونىمىزدا قىزۋ اڭىس قوزعادى

گازەتىمىزدىڭ جالپىلىق اقپارات قۇرالدارى تىلشىلەرى

  2 - ايدىڭ 10 - كۇنى باس شۋجي شي جينپيڭ بەيجيڭدە جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتىنە تەكسەرۋ - زەرتتەۋ جۇرگىزىپ، جەتەكشىلىك ەتىپ، ءبىرىنشى شەپتەگى كادرلارعا، جۇمىسشى - قىزمەتشىلەرگە امانداسىپ، جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتىن ويداعىداي ىستەۋ جونىندە ماڭىزدى ءسوز سويلەدى.

  ”بۇقارانى كەڭىنەن اتتانىسقا كەلتىرىپ جانە بۇقاراعا سۇيەنىپ، ءبىر جاعادان باس، ءبىر جەڭنەن قول شىعارىپ، ەل بىرلىگىنەن بەرىك قامال تۇرعىزىپ، ىندەتتەن ساقتانۋ - تىزگىندەۋ حالىقتىق شايقاسىنىڭ جەڭىسىنە باتىل قول جەتكىزۋ كەرەك“. باس شۋجيدىڭ ماڭىزدى ءسوزى رايونىمىزدا قىزۋ اڭىس قوزعادى. كوپشىلىك ءبىر اۋىزدان مىنانى ءبىلدىردى: پارتيا ورتالىق كوميتەتىنىڭ ىندەتتەن ساقتانۋ - تىزگىندەۋ جونىندەگى ءتۇرلى شەشىمدەرىن، ورنالاستىرۋلارىن باتىل دايەكتىلەندىرىپ، سەنىمدى ونان ارى بەكەمدەپ، شىنايى يگەرىپ، ناقتى ىستەپ، ىندەتتەن ساقتانۋ - تىزگىندەۋ حالىقتىق شايقاسىنىڭ، جالپى تۇلعالىق شايقاسىنىڭ، توسقاۋىل شايقاسىنىڭ جەڭىسىنە باتىل قول جەتكىزەمىز.

الەۋمەتتىك اۋماق سىندى قورعانىس شەبىن باتىل قورعايمىز

  الەۋمەتتىك اۋماق − ىندەتتەن بىرلەسىپ ساقتانۋ، بىرلەسىپ تىزگىندەۋدىڭ ءبىرىنشى شەبى. باس شۋجي شي جينپيڭ الەۋمەتتىك اۋماق سىندى قورعانىس شەبىن قورعاپ تۇرا الساق، ىندەتتىڭ تارالۋ، ءورشۋ جولىن ءونىمدى ۇزۋگە بولاتىندىعىن باسا دارىپتەدى.

  ءۇرىمجى قالاسى تيانشان رايونى دۇڭمىن اۋماعىن باسقارۋ كوميتەتى پارتيا قىزمەتى كوميتەتىنىڭ ورىنباسار شۋجيى، باسقارۋ كوميتەتىنىڭ مەڭگەرۋشىسى جاڭ بين بىلاي دەدى: باس شۋجيدىڭ ماڭىزدى ءسوزىنىڭ رۋحىن تەرەڭ ۇعىنىپ، اۆتونوميالى رايوندىق پارتكومنىڭ ىندەتتەن ساقتانۋ - تىزگىندەۋ قىزمەتى جونىندەگى ورنالاستىرۋلارىن، تالاپتارىن تياناقتاندىرىپ، ناقتىلاندىرىپ، الەۋمەتتىك اۋماقتى ىندەتتەن ساقتانۋ - تىزگىندەۋدەگى بەرىك قامالعا اينالدىرامىز.

  ”باس شۋجي شي جينپيڭنىڭ ماڭىزدى ءسوزى بىزگە اسا زور شابىت جانە دەمەۋ بولدى“. ءۇرىمجى قالالىق ورتا دارەجەلى حالىق سوتى مەكەمەسىنىڭ 1 - تامىز اۋماعىن باسقارۋ كوميتەتى تەلەگراف الەۋمەتتىك اۋماعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي سۇڭ گوجيان بىلاي دەدى: ”ءبىز الەۋمەتتىك اۋماقتاعى پارتيا مۇشەلەرىنىڭ، ەرىكتىلەردىڭ رولىن تولىق ساۋلەلەندىرىپ، قاراستى اۋماق تۇرعىندارى ءۇشىن ويداعىداي، تىڭعىلىقتى قىزمەت وتەپ، ولار الاڭداپ وتىرعان ىستەردى شەشەمىز“.

  ءۇشتۇرپان اۋداندىق پارتكومنىڭ شۋجيى ليۋ گوچياڭ بىلاي دەدى: ءۇشتۇرپان اۋدانى باس شۋجي شي جينپيڭنىڭ ماڭىزدى ءسوزىنىڭ رۋحىن بۇلجىماستان دايەكتىلەندىرىپ، تياناقتاندىرىپ، نەگىزگى ساتى پارتيا ۇيىمىنىڭ جاۋىنگەرلىك قورعاندىق رولى مەن پارتيالى كادرلاردىڭ اۆانگارد ۇلگىلىك رولىن تولىق ساۋلەلەندىرىپ، ەڭ باتىل پوزيتسيا، ەڭ قاتاڭ ستيل، ەڭ پارمەندى شارا ارقىلى وسى ءتۇتىنسىز سوعىستىڭ جەڭىسىنە قول جەتكىزۋگە شىنايى كەپىلدىك ەتەدى.

قيىندىقتى بىلەك بىرىكتىرە جەڭىپ، ۋاقىتتىق قيىندىقتى بىرگە ەڭسەرەمىز

  ءبىر جاقتا قيىنشىلىق بولسا شار تاراپ كومەك بەرەدى. باس شۋجي شي جينپيڭ بىلاي دەپ باسا دارىپتەدى: بۇكىل پارتيا، بۇكىل ارميا، بۇكىل ەلدەگى ءار ۇلت حالقى تۇگەلدەي حۋبەي جانە ۋحان حالقىمەن بىرگە.

  شينجياڭنىڭ تۇڭعىش توپتا حۋبەيعا كومەككە بارعان ەمدەۋ اترەتىنىڭ مۇشەسى، شينجياڭ مەديتسينا داشۋەسىنە قاراستى 1 - شيپاحانانىڭ تىنىس جانە تىنىس جولى قاتەرلى سالماقتى اۋرۋلار ورتالىعىنىڭ شيپاگەرى سۇن فىڭ قازىر ۋحان داشۋەسى حالىق شيپاحاناسى شىعىس شيپاحاناسىندا قۇتقارۋ - ەمدەۋ قىزمەتىن جۇرگىزۋدە. ول بىلاي دەيدى: بۇل ارادا ءبىز جەرگىلىكتى ەمدەۋ اترەتىمەن تىعىز سەلبەستىك جاساپ، تىزە قوسا شايقاس جۇرگىزىپ، كوپشىلىكتىك بىرگە قۇلشىنۋىندا ىندەتتەن ساقتانۋ - تىزگىندەۋ شايقاسىنىڭ جالپى بەتتىڭ جەڭىسىنە، ءسوزسىز، قول جەتكىزەتىنىمىزگە سەنەمىن.

  ”بىرنەشە كۇننىڭ الدىندا، باتىس سولتۇستىك مۇناي الابى حۋبەي ولكەلىك قايىرىمدىلىق باس قوعامى ارقىلى ۋحان قالالىق جينينتان شيپاحاناسىنا ءبىر ميلليون يۋان جىلۋ اتادى“. جۇڭگو مۇناي حيميا باتىس سولتۇستىك مۇناي مەكەمەسى شەكتى سەرىكتەستىگىنىڭ اتقارۋشى جوراسى، پارتكوم شۋجيى ليۋ باۋزىڭ مىنانى ءبىلدىردى: ”ءبىز باس شۋجيدىڭ تالابى بويىنشا، ناقتىلى ارەكەتىمىز ارقىلى ورتالىق كاسىپورنىنىڭ جاۋاپكەرشىلىگىن امالياتتا ايگىلەپ، حۋبەي جانە ۋحان حالقىمەن تىزە قوسا كۇرەس جاساپ، ولارعا شامامىزدىڭ كەلىسىنشە كومەك ازىرلەيمىز“.

  ىندەت تۋىلعاننان كەيىن، شينجياڭ تەمىر جول تاراۋلارى وسى سالاداعى باسىمدىعىن ساۋلەلەندىرىپ، ۋحانعا پياز، ماسكى، باكتەرياعا قارسى قول جۋۋ سۇيىقتىعى، ءدارى - دارمەك سياقتى تۇرمىستىق جانە ەمدەۋگە پايدالانىلاتىن زاتتىق ماتەريالداردى شۇعىل جەتكىزدى. جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگىنىڭ جاۋاپتىسى مىنانى ءبىلدىردى: بۇدان كەيىن تۇرمىستىق جانە ەمدەۋگە پايدالانىلاتىن زاتتىق ماتەريالداردى تەز جەتكىزۋدى جالعاستىرامىز، بۇكىل ەل حالقىنىڭ ءبىر نيەتپەن كۇش قوسىپ، ۋاقىتتىق قيىندىقتى بىرگە ەڭسەرىپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە، ءسوزسىز، قول جەتكىزەتىنىنە سەنەمىن.

ءوز جاۋاپكەرشىلىگىمىزدى ءبىلىپ، ءوز جاۋاپكەرشىلىگىمىزدى ادا ەتەمىز

  باس شۋجي شي جينپيڭ بىلاي دەپ اتاپ كورسەتتى: ءار دارەجەلى پارتكوم مەن ۇكىمەت پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، ىندەتتەن ساقتانۋ - تىزگىندەۋ قىزمەتىن ەگجەي - تەگجەيلى، ناقتى يگەرۋ كەرەك.

  قۇلجا قالالىق پارتكومنىڭ ورىنباسار شۋجيى، قالا باستىعى كامىلجان يۇسۇپ بىلاي دەدى: ”ءبىز ۇگىت تەبىنىن اناعۇرلىم ارتتىرىپ، بۇقارانى ىندەتكە دۇرىس، بايىپتىلىقپەن قاراۋعا، وزىندىك ساقتانۋ تانىمى مەن قورعانۋ قابىلەتىن كۇشەيتۋگە جەتەكتەيمىز. سونىمەن قاتار، ءبىز زاتتىق ماتەريالدار قورىمەن قامداۋدى قامتاماسىز ەتىپ، قىزمەت وتەۋدى قامتاماسىز ەتۋ شارالارىن كۇشەيتىپ، ىندەتتەن ساقتانۋ - تىزگىندەۋ قىزمەتىنىڭ ءساتتى ورىستەتىلۋىن بار كۇشپەن قامتاماسىز ەتەمىز“.

  ”ءبىز ىندەتتەن ساقتانۋ - تىزگىندەۋ قىزمەتىن ونان ارى ەگجەي - تەگجەيلى ناقتى يگەرىپ، بۇقارالىق ساقتانۋ، بۇقارالىق جونگە سالۋدىڭ قاتاڭ شەبىن بەكەمدەيمىز. سونىمەن بىرگە، قىستاق تۇرعىندارىنىڭ تۇرمىستىق قاجەتتى بۇيىمدارىن قامتاماسىز ەتۋ تەبىنىن ارتتىرىپ، بۇقارانىڭ شۇعىل قاجەت ەتەتىنىن، كوكسەگەنىن دەر كەزىندە شەشىم ەتەمىز“، - دەدى موري قازاق اۆتونوميالى اۋدانى قالقانتاۋ اۋىلى پيڭديڭشان قىستاعى پارتيا باس ياچەيكاسىنىڭ شۋجيى جىڭ ۋىنجيە.

  مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگىنىڭ ورىنباسار باس ديرەكتورى اسقار احمەت مىنانى ءبىلدىردى: ”ءبىز باس شۋجيدىڭ تالابى بويىنشا، ەلەكتر تورىنىڭ جۇمىس جۇرگىزۋ ءادىسىن عىلمي ورنالاستىرىپ، ەلەكتر تورىنىڭ ورنىقتى جۇمىس جۇرگىزۋىن بار كۇشپەن قامتاماسىز ەتىپ، قالانىڭ ەلەكتر قۋاتى جان تامىرىن ويداعىداي قورعايمىز“.

  (تىلشىلەر جاڭ يۇنمەي، يۋان لەي، ياڭ شۋحان، چاۋ جين، يۇي مىڭران، جاڭ جىلي، ما ينيڭ، لۋ فىڭباۋ، ءجازيرا نەسىپبەك، شى شين، چىن چياڭۋي، ميھىرگۇل عوپۇر، ليۋ دۇڭلاي، ەرىكتى تىلشىلەر داۋ شۋنرۇڭ، جاڭ كايتو جازعان)

جاۋاپتى رەداكتور: ريزا حاميت
  • 1
  • 2
  • 3
  • 4