شاپشاڭ قيمىلداپ، كوپ ءتۇرلى شارانى قاتار قولدانىپ، پارمەندى قامتاماسىز ەتتى

رايونىمىزداعى فۋنكتسيالىق تاراۋلار بورىشتارىن ارقالاپ، جاۋاپكەرشىلىكتەرىن وتەپ، قىزمەتتى تىڭعىلىقتى ىستەدى −

شاپشاڭ قيمىلداپ، كوپ ءتۇرلى شارانى قاتار قولدانىپ، پارمەندى قامتاماسىز ەتتى

□ گازەتىمىزدىڭ جالپىلىق اقپارات قۇرالدارى تىلشىلەرى

  2 - ايدىڭ 3 - كۇنى ءۇرىمجى ديوپۋ حالىقارالىق اۋەجايى T3 اۋەجاي تەرمينالىنىڭ كەلۋ زالىندا وڭتۇستىك اۆياتسيا سەرىكتەستىگىنىڭ قىزمەتكەرى اۋەجايعا جەتكەن جولاۋشىلاردىڭ دەنە تەمپەراتۋراسىن ولشەۋدە.□ سۋرەتتى ءتىلشىمىز ۋاڭ جىن تۇسىرگەن

  جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتى تۋىلعاننان بەرى، رايونىمىزداعى فۋنكتسيالىق تاراۋلار شاپشاڭ ات سالىسىپ، بەلسەندى قيمىلداپ، باس شۋجي شي جينپيڭنىڭ ماڭىزدى ءسوزى مەن ماڭىزدى نۇسقاۋىنىڭ رۋحىن باتىلدىقپەن دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ قىزمەت ورنالاستىرۋلارىن مۇقيات اتقارىپ، بورىشتارىن ارقالاپ، جاۋاپكەرشىلىگىن وتەپ، قىزمەتتى تىڭعىلىقتى ىستەپ، ىندەتتەن ساقتانۋ - تىزگىندەۋدىڭ قۋاتتى بىرىككەن كۇشىن قالىپتاستىردى. ىندەتپەن سايىسۋدا بۇل ارادا ەڭ باتىل اتقارۋ، ەڭ شاپشاڭ ارەكەت، ەڭ پارمەندى كەپىلدىك بار!

كوپ ءتۇرلى شارانى قاتار قولدانىپ، ىندەتتەن ساقتانۋ - تىزگىندەۋ زاتتىق ماتەريالدارىمەن قامداۋعا كەپىلدىك ەتتى

  ىندەت تۋىلعاننان بەرى، رايونىمىزداعى فۋنكتسيالىق تاراۋلار تۇلعالىق جاۋاپكەرشىلىكتى شىنايى اتقارىپ، كوپ ءتۇرلى شارانى قاتار قولدانۋ ارقىلى قاتىستى كاسىپورىنداردىڭ شيكىزات تاپشى بولۋ، ەڭبەككۇش جەتكىلىكسىز بولۋ سياقتى قيىنشىلىقتارىن جەڭۋىنە كومەكتەسىپ، كاسىپورىنداردىڭ ەڭ تەز قارقىنمەن جۇمىستى، ءوندىرىستى قالپىنا كەلتىرۋىن جەدەلدەتىپ، ىندەتتەن ساقتانۋ - تىزگىندەۋ قاجەتىن قاناعاتتاندىردى.

  كاسىپورىندار اڭىس ەتكەن ءتۇرلى قيىنشىلىقتارعا قاراتا، اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى تۇرگە ايىرىپ تالداۋ ارقىلى دەر كەزىندە سايكەستىرىپ ءبىر جاقتى ەتتى، قازىر اۆتونوميالى رايونىمىز ىشىندە ماسكى، اۋاشالاۋ كيىمى، زارارسىزداندىرۋعا پايدالانىلاتىن بۇيىمدار سياقتى شۇعىل قاجەتتى زاتتىق ماتەريالداردى ءتۇيىندى وندىرەتىن كاسىپورىنداردى قايتا جۇمىس باستاۋعا، قايتا ءوندىرىس جۇرگىزۋگە ۇيىمداستىردى. 2 - ايدىڭ 1 - كۇنىنە دەيىن ”84“ زارارسىزداندىرۋ سۇيىقتىعىن وندىرەتىن 3 كاسىپورىن جيىنى 967 توننا ءوندىردى؛ %75تىك زارارسىزداندىرۋ سپيرتىن وندىرەتىن 2 كاسىپورىن جيىنى 57.49 توننا ءوندىردى؛ مەديتسينادا پايدالانىلاتىن ءبىر رەتتىك ماسكى (ميكروپسىزداندىرىلماعان) سياقتى ساقتانۋعا پايدالانىلاتىن بۇيىمداردى وندىرەتىن 2 كاسىپورىن ءبىر رەتتىك مەديتسينادا پايدالانىلاتىن ماسكىدەن جيىنى (ميكروپسىزداندىرىلماعان) 235 مىڭ 300 داناسىن ءوندىرىپ، ءبىر رەتتىك اۋاشالاۋ كيىمىنەن (ميكروپسىزداندىرىلماعان) 18 مىڭ 900ىن ءوندىردى. سونىمەن بىرگە، شينجياڭ سۋلياۋ قوعامىمەن سۋلياۋ قوراپتى شەلەكتەرمەن (قۇمىرا) قامداۋ ىستەرىن ۇشتاستىرىپ، كاسىپورىنداردىڭ قوراپتاۋ ماتەريالدارى تاپشى بولۋ ماسەلەسىنە كومەكتەستى.

  ىندەتتەن ساقتانۋ - تىزگىندەۋ زاتتىق ماتەريالدارىمەن قامتاماسىز ەتۋدى كۇشەيتۋ ءۇشىن، اۆتونوميالى رايون ەڭ تەز قارقىنمەن كۇنىنە 200 مىڭ ماسكى ءوندىرۋ قۋاتىنا يە ءبىر رەتتىك ساقتانۋ ماسكىسىن ءوندىرۋ جەلىسىن قۇرۋدى ۇيعاردى. اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى جابدىق جاساۋ زاۆودتارىمەن بەلسەندىلىكپەن بايلانىس جاسادى، قازىر العاشقى ادىمدا حابدىقپەن قامداۋ ساۋداگەرلەرى بەلگىلەندى.

  ىندەتتەن ساقتانۋ - تىزگىندەۋ زاتتىق ماتەريالدار بازارىنىڭ قامداۋىن قامتاماسىز ەتۋ ءۇشىن، اۆتونوميالى رايوندىق بازاردى باقىلاۋ - باسقارۋ مەكەمەسى، ءدارى - دارمەكتەردى باقىلاۋ - باسقارۋ مەكەمەسى مەديتسينادا پايدالانىلاتىن ماسكىنى تىزىمگە الدىرۋ، كاسىپورىنداردىڭ ءوندىرىس جاسىل جولىن جاڭادان جەدەل اشىپ، شينجياڭ ىشىندەگى مەديتسينادا پايدالانىلاتىن ماسكى وندىرەتىن 3 كاسىپورىننىڭ قىسقا ۋاقىت ىشىندە ءوندىرىستى قالپىنا كەلتىرۋىنە كومەكتەستى. سونىمەن بىرگە، ءدارى - دارمەك وندىرەتىن، تيجارات ەتەتىن 200دەن استام كاسىپورىندى ۇيىمداستىرىپ، جۇمىلدىرىپ، ءتۇرلى ساقتانۋ بۇيىمدارىن ساتىپ الىپ، بۇكىل شينجياڭداعى ەمدەۋ قۇرىلىمدارى مەن ءدارى - دارمەك دۇكەندەرىنە جونەلتتى. قازىرگە دەيىن جيىنى مەديتسينادا پايدالانىلاتىن 8 ميلليون 930 مىڭ ماسكى ساتىپ اكەلىنىپ، بازارعا شىعارىلىپ، 3 كاسىپورىن وندىرگەن ماسكى 700 مىڭعا تايادى.

بۇقارامەن تىلەكتەس بولىپ، حالىق تۇرمىسىن قامتاماسىز ەتۋدى پارمەندى، ءتارتىپتى تۇردە ويداعىداي ىستەدى

  ىندەت تۋىلعان سوڭ، حالىق تۇرمىسىن قامتاماسىز ەتۋ ءار ۇلت بۇقاراسى نازار اۋدارعان تۇيىنگە اينالدى. بۇقارانىڭ اسىققانىنا اسىعۋ، بۇقارانى ۋايىمنان ارىلتۋ − رايونىمىزداعى ءار دارەجەلى فۋنكتسيالىق تاراۋلاردىڭ جاۋاپكەرشىلىگىنە سايادى.

  تۇتاس شينجياڭداعى ءار ۇلت بۇقاراسىنىڭ ءومىرىنىڭ حاۋىپسىزدىگى مەن دەنساۋلىق اقاۋسىزدىعى رايونىمىزداعى دەنساۋلىق ساقتاۋ، سالاماتتىق تاراۋلارىن الاڭداتىپ وتىر. ءبىر جاعىنان، ”ساقتانۋ“دى يگەرىپ، ەندى ءبىر جاعىنان، ”ەمدەۋ“دى يگەردى. ىندەت تۋىلعان سوڭ، اۆتونوميالى رايوندىق دەنساۋلىق ساقتاۋ، سالاماتتىق تاراۋلارى دەر كەزىندە ەمدەۋ - قۇتقارۋ باسشىلىق گرۋپپاسىن قۇرىپ، بيڭتۋان مەن جەرگىلىكتى ورىننان 100دەن استام ەمدەۋ مامانىنان قۇرالعان ماماندار قۇتقارۋ - ەمدەۋ گرۋپپاسىن ۇيىمداستىردى؛ اۆتونوميالى رايوندىق حالىق شيپاحاناسى سياقتى 7 ەمدەۋ قۇرىلىمى باس بولىپ كوپ سالالى دياگنوز قويۋ، ەمدەۋ ۇيىرمەسىنەن 10 گرۋپپا قۇرىپ، ءارقايسى جەرلەردەن دياگنوزى انىقتالعان ناۋقاستاردى عىلمي قۇتقارىپ، ەمدەۋىنە جاۋاپتى بولىپ، جەتەكشىلىك ەتتى؛ حاۋىپتى، سالماقتى ناۋقاستاردى ەمدەيتىن ءبىر ۇيىرمەنى كەز كەلگەن ۋاقىتتا ءارقايسى جەرلەرگە بارىپ تەحنيكالىق كومەك كورسەتۋگە زاپاسقا ساقتادى؛ رۋحاني سالاماتتىق بويىنشا پسيحيكالىق جەتەكشىلىك ەتۋ ۇيىرمەسىنەن ەكەۋىن ۇيىمداستىردى.

  قۇتقارۋ - ەمدەۋ تورىن اقاۋسىزداندىرۋ ءۇشىن، رايونىمىز 16 ەمدەۋ قۇرىلىمىن تۇڭعىش توپتا بەلگىلەنگەن قۇتقارۋ - ەمدەۋ شيپاحاناسى ەتىپ تۇراقتاندىرىپ، ىندەتتىڭ دامۋ جاعدايىنا نەگىزدەلە وتىرىپ تاعى 9 ايماقتان، وبلىستان، قالادان بەلگىلەنگەن قۇتقارۋ - ەمدەۋ شيپاحاناسىنان 10ىن قوسىپ جانە رەتتەپ، قۇتقارۋ - ەمدەۋ كولەمىنىڭ قول جەتىمدىلىگىنە شىنايى كەپىلدىك ەتىپ، جولدا جوتكەۋ مەن ىندەتتىڭ تارالۋ حاۋپىن تومەندەتتى. سونىمەن بىرگە، قىزمەت بارىسىن جانە دياگنوز قويۋ ءتارتىبىن جۇيەلىلەندىرىپ، الىس ارالىق تۇعىر ورناتىپ، پسيحيكالىق جەتەكشىلىك ەتۋدى ورىستەتىپ، جۇڭگوشا - باتىسشا ەمدەۋدى قاتار قولدانىپ، قۇتقارۋ - ەمدەۋ قىزمەتىن جاپپاي كۇشەيتتى.

  اۆتونوميالى رايوندىق حالىق ىستەرى مەڭگەرمەسى ىندەتتەن ساقتانۋ - تىزگىندەۋ باسشىلىق گرۋپپاسىن قۇرىپ، ءار كۇنى اماندىقتى مالىمدەۋ مەحانيزمىن ورناتىپ، ءار دارەجەلى حالىق ىستەرى تاراۋلارىنان حالىق ىستەرى مينيسترلىگى تۇسىرگەن ىندەتتەن ساقتانۋ - مەڭگەرۋ باعدارناماسىن قاتاڭ تياناقتاندىرۋدى تالاپ ەتىپ، كۇتۋ، قارايلاسۋ قىزمەت وتەۋىمەن قامدايتىن قارتتاردى كۇتىمدەۋ، بالالاردى باعۋ، رۋحاني اۋرۋلار دەنساۋلىعى سياقتى يگىلىك قۇرىلىمدارىن جابىق باسقارۋدى كۇشەيتتى. ۇيلەنۋدى تىزىمگە الۋ ورگاندارى كەلىپ - كەتكەندەردىڭ دەنە تەمپەراتۋراسىن ولشەۋدى ويداعىداي ىستەپ، قىزمەت وتەۋ ورىندارىنىڭ اۋاسىن الماستىرۋدى جانە زارارسىزداندىرىپ باسقارۋدى ويداعىداي ىستەپ، بۇقارانى ىندەتتەن ساقتانۋ - تىزگىندەۋ مەزگىلىندە تىزىمگە الۋ راسمياتىن بىتىرۋدە ۋاقىتىن الىستاتۋعا جەتەكتەپ، ادامداردىڭ توپتالۋىنىڭ الدىن الدى؛ كوپ ءتۇرلى شارا قولدانىپ، قيىنشىلىعى بار بۇقارانىڭ نەگىزگى تۇرمىسىن قامتاماسىز ەتتى.

  اۆتونوميالى رايوندىق ساۋدا ىستەرى مەڭگەرمەسى الدىمەن شۇعىل جاعدايعا توتەپ بەرۋ جوباسىن جاساپ ءارى اتقارىپ، دەر كەزىندە بازاردى قامداۋدى قامتاماسىز ەتۋ حابارلاندىرۋىن تاراتىپ، بازاردى قامتاماسىز ەتۋ مەن اينالىم سالاسىنىڭ حاۋىپسىزدىگىنە جانە رايونىمىزدىڭ ەت بازارىن قامتاماسىز ەتۋ، باعانى ورنىقتىرۋعا شىنايى كەپىلدىك ەتۋ قىزمەتىنە ورنالاستىرۋ جاسادى. تۇتاس رايونداعى ساۋدا ىستەرى جۇيەسى بازار اينالىسىن باقىلاۋ، مالىمدەۋ ءتۇزىمىن اتقارۋمەن بىرگە، اۆتونوميالى رايوندىق دامۋ، رەفورما كوميتەتى، بازاردى باقىلاۋ - باسقارۋ مەكەمەسى سياقتى ورىندارمەن بەلسەنە سايكەسىپ، ۇشتاسىپ، تۇتاس رايوننىڭ بازار وزگەرىسىن ءجىتى قاداعالادى. 1 - ايدىڭ 31 - كۇنىنە دەيىن اۆتونوميالى رايونداعى ءتۇيىندى ساۋدا دۇكەندەرى، ەرەن بازارلار، كاسىپورىندار جالپى 264 مىڭ ماسكى، 710 مىڭ 700 قۇمىرا زارارسىزداندىرۋ سۇيىقتىعىن ساتتى.اۆتونوميالى رايوندىق بازاردى باقىلاۋ - باسقارۋ مەكەمەسى مەن اۆتونوميالى رايوندىق ءدارى - دارمەكتى باقىلاۋ - باسقارۋ مەكەمەسى قىزمەت گرۋپپاسىن قۇرىپ، وڭتۇستىك - سولتۇستىك شينجياڭعا بارىپ، ىندەتتەن ساقتانۋ - تىزگىندەۋ بۇيىمدارىنىڭ باعاسىن، بازاردىڭ ىندەتتەن ساقتانۋ - تىزگىندەۋ جانە ازىق - تۇلىك حاۋىپسىزدىگى جاعدايىن ءتۇيىندى تۇردە تەكسەرىپ، باعانى قىمباتتاتۋ، جالعان، ”ءۇش كۋالىكسىز“ ونىمدەر، جالعان ۇگىت جۇرگىزۋ، زاڭسىز جولدارمەن ساتىپ الىپ ساۋدالاۋ، باعانى انىق بەلگىلەمەۋ سياقتى زاڭعا قايشى ءبىر توپ دەلونى تەكسەرىپ ءبىر جايلى ەتىپ، بازار ءتارتىبىن ءونىمدى قورعادى.

تىزە قوسا قيمىلداپ، تىعىز سايكەسىپ، ىندەتكە بىرگە قارسى اتتاندى

  ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە جەتۋدە تاراۋلار تىعىز سايكەسىپ، بىرلەسىپ ساقتانىپ، بىرلەسىپ تىزگىندەۋ كەرەك.

  ىندەتتەن ساقتانۋ - تىزگىندەۋ ءۇشىن، اۆتونوميالى رايوندىق دەنساۋلىق ساقتاۋ، سالاماتتىق كوميتەتى كۇندەلىكتى تۇجىرىمداۋ گرۋپپاسىن قۇرىپ، بۇكىل رايونىمىزدىڭ جارىققا شىعۋ مۇمكىندىگى بار ىندەتكە دەر كەزىندە، عىلمي، ءونىمدى توتەپ بەرۋىنە جەتەكشىلىك ەتتى. اۆتونوميالى رايوندىق دەنساۋلىق ساقتاۋ، سالاماتتىق كوميتەتى بارىستى، ۋاقىت شەگىن ايقىنداپ، جەر - جەردىڭ ىندەت جاعدايى جونىندەگى ينفورماتسياسىن دەر كەزىندە جوعارىعا مالىمدەۋىنە شىنايى كەپىلدىك ەتتى. رايونىمىزدىڭ ىندەت جاعدايى وزگەرىسىنە ساي، ءار كۇنى ىندەتتەن ساقتانۋ - تىزگىندەۋ بەينەجازبا جۇيەسى ارقىلى بۇكىل شينجياڭنىڭ ايماق، وبلىس دارەجەلى ساقتانۋ - تىزگىندەۋ كاسىپتىك قىزمەتكەرلەرىنە باۋلۋ جۇرگىزدى ءارى اڭىس ەتىلگەن ماسەلەلەرگە باعىتتاي جەتەكشىلىك ەتتى. سونىمەن بىرگە، تاراعىش اۋرۋلار ءىلىمى بويىنشا تەكسەرۋ جۇرگىزۋگە دەرەۋ ۇيىمداستىرىپ، ساقتانۋ - تىزگىندەۋ ونىمدىلىگىنە كەپىلدىك ەتتى.

  شينجياڭنىڭ تەمىر جول تاراۋلارى ساقتانۋ - تىزگىندەۋدى كۇشەيتىپ، جولاۋشىلار بەكەتكە كىرىپ پويەزعا شىعاردا جانە كوزەۋلى جەرگە جەتىپ بەكەتتەن شىعاردا تۇگەلدەي دەنە تەمپەراتۋراسىن ولشەدى؛ پويەز قاتىناۋ بارىسىندا قىزعان جولاۋشىلار بايقالسا، پويەزدا اۋاشالاۋعا دەرەۋ ۇيىمداستىردى ءارى قىزعان جولاۋشىلاردى الدىڭعى جاقتاعى الىپ قالىپ باقىلاۋ بەكەتى قۇرىلعان پويەز ستانسياسىنا تاپسىرىپ، پويەزدا شۇعىل جاعدايعا توتەپ بەرۋ سيپاتتى زارارسىزداندىرۋدى جانە ەتەنە جاناسقانداردى تىزىمگە الۋدى ويداعىداي ىستەدى؛ پويەز قىزمەتكەرلەرى 2 ساعاتتا ءبىر رەت جولاۋشىلار ۇنەمى جۇعىساتىن تۇستارعا زارارسىزداندىرعىش بۇركىپ جانە جاعىپ، زارارسىزداندىرىپ، ميكروپسىزداندىرىپ، ۆاگون تازالىعىنا كەپىلدىك ەتتى؛ پويەز سوڭعى بەكەتكە جەتىپ پويەز توقتاتۋ ورنىنا كىرگەننەن كەيىن ىندەتتەن ساقتانۋ تاراۋى پويەزدى تۇتاسىمەن، قالتارىس قالدىرماي زارارسىزداندىرىپ، ميكروپسىزداندىرىپ جانە اۋانى زارارسىزداندىرىپ، تازارتىپ، پويەزدىڭ ماسەلە تۋىلماي قاتىناۋىنا كەپىلدىك ەتتى.

  گوۋاڭ شينجياڭ ەلەكتر شەكتى سەرىكتەستىگى شۇعىل جاعدايعا توتەپ بەرۋ، قامتاماسىزداندىرۋ مەحانيزمىن ورناتىپ، اۋەلگى كوكتەم مەرەكەسىندە ەلەكترگە كەپىلدىك ەتۋ دايىندىق جوباسى نەگىزىندە شۇعىل جاعدايعا توتەپ بەرۋ بويىنشا جىلدام جوندەۋ 2 - تىركەسپەلى توبىن قۇرىپ، تەلەفوننىڭ تاۋلىك بويى ىركىلىسسىز تۇرۋىن ساقتاپ، ءتۇرلى توسىن وقيعاعا تاباندا اڭىس قايتارۋعا شىنايى كەپىلدىك ەتتى؛ ۇكىمەتتىڭ شۇعىل جاعدايعا توتەپ بەرۋ قولباسشىلىق ورتالىعى، ەمدەۋ - قۇتقارۋداعى بەلگىلەنگەن شيپاحانا، اۋرۋدان ساقتانۋ - تىزگىندەۋ ورتالىعى، ىندەتتەن ساقتانۋ - تىزگىندەۋ بۇيىمدارىن وندىرەتىن كاسىپورىن سياقتى ماڭىزدى ورىنداردى ەلەكترمەن قامداۋ قىزمەت وتەۋ قامتاماسىزدىعىن كۇشەيتتى؛ ىندەتتەن ساقتانۋ - تىزگىندەۋ قۇرىلىمدارىنىڭ ەلەكتر پايدالانۋ قاجەتىنە قولداۋ كورسەتىپ، ەرەكشە ىستەردى ەرەكشە ءبىتىرۋ پرينسيبىنە ساي، ورناتۋ، سيىمدىلىعىن ارتتىرۋ سياقتى قۇرىلىستاردى جۇرگىزۋگە ىرىقتى تۇردە سايكەسىپ، جاڭادان ارتقان ەلەكترمەن قامداۋ مىندەتىن دەر كەزىندە ورىنداۋعا شىنايى كەپىلدىك ەتتى؛ تەلەفون، كەلتە حات سياقتى تاسىلدەردى قولدانىپ، كليەنتتەرگە اقى تاپسىرۋدى ەسكەرتىپ، اۆتوماتتى ەلەكتر اقىسىن تولەۋ تەرمينالىنىڭ كۇنى بويى قالىپتى جۇمىس جۇرگىزۋىن قامتاماسىز ەتتى.

  اۆتونوميالى رايوندىق تۇرعىن ءۇي جانە قالا - اۋىل قۇرىلىسى مەڭگەرمەسى جەر - جەردىڭ قالا باسقارۋ، قورا - جاي باسقارۋ، سۋ ىستەرى سياقتى تاراۋلارىنىڭ قالا - قالاشىقتاردى سۋمەن قامداۋ، لاس سۋلاردى ءبىر جاقتى ەتۋ، قالا كوركى، قورشاعان ورتا تازالىعى، قۇرىلىس جۇرگىزۋ، قوجالىق قىزمەت وتەۋ سياقتى كاسىپ سالالارىنىڭ ىندەتتەن ساقتانۋ - تىزگىندەۋ قىزمەتىن ويداعىداي ىستەۋىنە جەتەكشىلىك ەتىپ، قالا - قالاشىقتارداعى سۋمەن قامداۋ جۇمىسىن باسقارۋ كاسىپورىندارىن، مال - مۇلىك ۇقىعى ورىندارىن، قوجالىق باسقارۋ تاراۋلارىن سۋمەن قامداۋدى باسقارۋدى كۇشەيتۋگە، ىندەتتەن ساقتانۋ شاراسىن تياناقتاندىرۋعا، سۋ ساپاسىنىڭ حاۋىپسىزدىگىنە شىنايى كەپىلدىك ەتۋگە قۋزادى. كەرەكسىز ەتىلگەن ماسكىنى جيناۋدى، جەتكىزۋدى، ءبىر جاقتى ەتۋدى جاپپاي كۇشەيتىپ، تۇرمىستىق قوقىر - قوقسىقتاردى تاسيتىن جابدىقتار، ءبىر جاقتى ەتۋ ورىندارى، سونداي - اق قالالارداعى الەۋمەتتىك دارەتحانا سياقتى اۆتوكولىكتەردى جانە ورىنداردى زارارسىزداندىرۋ شاراسىن كۇشەيتتى. مۇنان سىرت، قوجالىق قىزمەت وتەۋ كاسىپورىندارىن ساقتانۋ بىلىمدەرىن ۇگىتتەۋدى كۇشەيتۋگە قۋزاپ، يەگەرلەردىڭ ساقتانۋ - تىزگىندەۋ جانە ءوزىن قورعاۋ قابىلەتىن جوعارىلاتىپ، قوجالىق قىزمەت وتەۋ كاسىپورىندارىنىڭ شاعىن اۋماقتاعى تۇرعىندار عيماراتتارىنىڭ ليفتتەرى، كىرە بەرىس زالى سياقتى الەۋمەتتىك اۋماقتارىنىڭ تازالىعىن جانە زارارسىزداندىرىپ، ميكروپسىزداندىرۋ قىزمەتىن كۇشەيتتى.

  (تىلشىلەرىمىز شى شين، ما ينيڭ، رىن حۋا، چاۋ جين، لي لين، حي حۇڭۋي، لۋ فىڭباۋ، چىن چياڭۋي، ۋاڭ يۇيجاۋ، يۋان لەي جازعان)

جاۋاپتى رەداكتور: سايراش تۇرارجان