اۆتونوميالى رايون 2020 - جىلعى كوكتەم مەرەكەسىن توپتىق قۇتتىقتاۋ جينالىسىن وتكىزدى

  اۆتونوميالى رايون 2020 - جىلعى كوكتەم مەرەكەسىن توپتىق قۇتتىقتاۋ جينالىسىن وتكىزدى

  چىن چۋانگو باسقاردى، شوكىرات زاكىر ءسوز سويلەدى

  شاۋكەت يمىن، نۇرلان ءابىلماجىن، سۇن جينلۇڭ، لي پىڭشين قاتىناستى

  1 - ايدىڭ 22 - كۇنى اۆتونوميالى رايوندىق پارتكوم مەن ۇكىمەت 2020 - جىلعى كوكتەم مەرەكەسىن توپتىق قۇتتىقتاۋ جينالىسىن وتكىزدى. اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر قاتارلىلار ءار ۇلت، ءار سالا ۋاكىلدەرىمەن ءبىر اراعا شاتتىقپەن باس قوسىپ، كوكتەم مەرەكەسىن بىرگە قارسى الدى. □ سۋرەتتى گازەتىمىزدىڭ جالپىلىق اقپارات قۇرالدارى ءتىلشىسى سۇي جىجيان تۇسىرگەن

  گازەتىمىزدىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 1 - ايدىڭ 22 - كۇنى ۇرىمجىدەن حابارلايدى. 1 - ايدىڭ 22 - كۇنى تۇستەن كەيىن اۆتونوميالى رايوندىق پارتكوم مەن ۇكىمەت 2020 - جىلعى كوكتەم مەرەكەسىن توپتىق قۇتتىقتاۋ جينالىسىن وتكىزدى. اۆتونوميالى رايون باسشىلارىنان چىن چۋانگو، شوكىرات زاكىر، شاۋكەت يمىن، نۇرلان ءابىلماجىن، سۇن جينلۇڭ، لي پىڭشين قاتارلىلار ءار ۇلت، ءار سالا ۋاكىلدەرىمەن ءبىر اراعا شاتتىقپەن باس قوسىپ، كوكتەم مەرەكەسىن بىرگە قۇتتىقتادى، قۋانىشتى مەرەكەنى بىرگە تويلادى.

  كوكتەم مەرەكەسىن توپتىق قۇتتىقتاۋ جينالىسى باستالاردىڭ الدىندا، چىن چۋانگو، شوكىرات زاكىر، شاۋكەت يمىن، نۇرلان ءابىلماجىن، سۇن جينلۇڭ، لي پىڭشين قاتارلىلار ءار ۇلت، ءار سالا ۋاكىلدەرىمەن ىقىلاسپەن قول الىسىپ، ءوزارا ىزگى تىلەك تىلەپ، كوكتەم مەرەكەسىن قۇتتىقتادى.

  اۆتونوميالى رايوندىق پارتكومنىڭ شۋجيى چىن چۋانگو كوكتەم مەرەكەسىن توپتىق قۇتتىقتاۋ جينالىسىن باسقاردى، اۆتونوميالى رايوندىق پارتكوم، حالىق قۇرىلتايى، ۇكىمەت، ساياسي كەڭەس، شينجياڭ اسكەري رايونى، شينجياڭ ءوندىرىس - قۇرىلىس بيڭتۋانى اتىنان تۇتاس رايونىمىزداعى ءار ۇلت جۇمىسشىلارىنا، ەگىنشى - مالشىلارعا، زيالىلارعا، كادرلارعا جانە ءار سالاداعى قايراتكەرلەرگە، شينجياڭدا تۇراتىن حالىق ازاتتىق ارمياسىنىڭ كوماندير - جاۋىنگەرلەرىنە، قارۋلى ساقشى بولىمدەرىنىڭ وفيتسەر - جاۋىنگەرلەرىنە، قوعام حاۋىپسزدىگى كادر - ساقشىلارىنا، بيڭتۋانداعى كادرلارعا، جۇمىسشى - قىزمەتشىلەرگە، ءارقايسى دەموكراتيالىق پارتيا - توپتارعا، ساۋدا - ونەركاسىپشىلەر بىرلەستىگىنە، پارتيادا، توپتا جوق قايراتكەرلەرگە، حالىقتىق ۇيىمدارعا، دەمالىسقا، زەينەتكە شىققان ساقا جولداستارعا، ورتالىقتىڭ شينجياڭدا تۇراتىن ورىندارىنداعى كادرلارعا، جۇمىسشى - قىزمەتشىلەرگە جانە بارلىق شينجياڭعا كومەكتەسكەن كادرلارعا، شينجياڭنىڭ ورنىقتىلىعىنا، دامۋىنا كوڭىل بولگەن جانە قولداۋ كورسەتكەن بارلىق دوستارعا كوكتەم مەرەكەسى بايلانىسىمەن باقىت جولداپ، ىزگى تىلەك تىلەدى.

  چىن چۋانگو بىلاي دەدى: 2020 - جىل − بەلەستىك مانگە يە ءبىر جىل، تاريحتىڭ توعىسۋ تۇيىنىندە تۇرىپ، ءسوزسىز، ءبىر نيەتپەن ىنتىماقتاسىپ، ناقتى ىستەپ، كۇرەس جۇرگىزىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋگە، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋگە جاپپاي كۇش سالۋ كەرەك. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ەكىنشى، ءۇشىنشى، ءتورتىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزى مەن ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، شينجياڭدى زاڭمەن جونگە سالۋعا، شينجياڭدى ىنتىماقتاستىرا ورنىقتىرۋعا، شينجياڭدى باياندى كوركەيتۋگە تاباندى بولىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، ادال، تاباندى بولىپ، جاۋاپكەرشىلىكتى باتىل ارقالاپ، شىندىققا جۇگىنىپ، ناقتى ءىس ىستەپ، شىنايى يگەرىپ، ناقتى ىستەپ، جاڭا داۋىردەگى جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن قۇلشىنا جازۋ كەرەك.

  اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ءسوز سويلەدى. ول بىلاي دەدى: وتكەن ءبىر جىلدا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءبىز جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن ىشكەرىلەي دايەكتىلەندىرىپ، ورنىقتىلىق، دامۋ قىزمەتتەرىن تىڭعىلىقتى ويداعىداي ىستەپ، شينجياڭنىڭ ءتۇرلى ىستەرىندە تىڭ ىلگەرىلەۋشىلىكتەرگە قول جەتكىزدىك. وسى ناتيجەلەرگە تۇپتەپ كەلگەندە شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعى مەن شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ شۇعىلالى جەتەكشىلىگىندە، جۇڭگوشا سوتسياليزم ءتۇزىمىنىڭ شەكسىز ابزالدىلىعى مەن شينجياڭعا باعىتتامالى كومەكتەسۋ اكەلگەن قولداۋ مەن كومەگىندە، اۆتونوميالى رايوندىق پارتكومنىڭ تۇتاس رايونداعى پارتيا، ۇكىمەت، ارميا، ساقشى، بيڭتۋان، حالىقتى ىنتىماقتاستىرىپ، باستاپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىلدىقپەن، تاباندىلىقپەن بۇلجىماي دايەكتىلەندىرۋىندە، تياناقتاندىرۋىندا قول جەتتى.

  شوكىرات زاكىر بىلاي دەدى: جاڭا ءبىر جىلدا ءبىز شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن بۇلجىماي دايەكتىلەندىرىپ، شينجياڭنىڭ جاراسىمدى، ورنىقتى تاماشا جاعدايىن ۇزدىكسىز بەكەمدەپ، دامىتىپ، ورنىقتىلىقتىڭ پايداسىن تولىق، ويداعىداي پايدالانىپ، جاڭا دامۋ ۇستانىمىنا تاباندى بولىپ، ءۇش ءىرى قامال الۋ شايقاسىن ۇزدىكسىز ويداعىداي جۇرگىزىپ، ءتۇيىندى دامۋ ستراتەگياسىن زور كۇشپەن اتقارىپ، رەفورما جاساۋدى، ەسىك اشۋدى ۇزدىكسىز تەرەڭدەتىپ، بۇقارانىڭ ءتول مۇددەسىنە ساياتىن كورنەكتى ماسەلەلەردى شىنايى ويداعىداي شەشىپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتىپ، بۇكىل ەلمەن بىرگە جاپپاي دوڭگەلەك داۋلەتتى قوعامعا تەڭ قادام تاستاۋعا شىنايى كەپىلدىك ەتۋىمىز كەرەك.

  لي ۋي، شۇي حايرۇڭ، ەركىن تۇنياز، ۋاڭ جۇنجىڭ، سارقىت اقان، ياڭ شين، جاڭ چۇنلين قاتارلى اۆتونوميالى رايوندىق پارتكومنىڭ، حالىق قۇرىلتايىنىڭ، ۇكىمەتتىڭ، ساياسي كەڭەستىڭ، شينجياڭ اسكەري رايونىنىڭ، بيڭتۋان باسشىلىق القاسىنىڭ مۇشەلەرى، اۆتونوميالى رايوندىق جوعارى حالىق سوتى مەكەمەسىنىڭ، اۆتونوميالى رايوندىق حالىق پروكۋراتۋراسىنىڭ نەگىزگى جاۋاپتى جولداستارى، ۇرىمجىدەگى دەمالىسقا، زەينەتكە شىققان ءىشىنارا ساقا جولداستار، 63650 - اسكەري بولىمىندەگى، قارۋلى ساقشى شينجياڭ باس اترەتىندەگى، اۋە ارمياسىنىڭ ءۇرىمجى بازاسىنداعى، بيڭتۋان اسكەري ىستەر بولىمىندەگى، قارۋلى ساقشى بيڭتۋان باس اترەتىندەگى اسكەري اكىمشىلىك نەگىزگى باسشىلار، شينجياڭدا تۇراتىن اسكەري ءبولىم ۋاكىلدەرى، اۆتونوميالى رايونعا توتە قاراستى تاراۋلارداعى، ورىندارداعى نەگىزگى جاۋاپتى جولداستار، ءبىر ءبولىم پارتيا 19 - قۇرىلتايىنىڭ ۋاكىلى، مەملەكەتتىك حالىق قۇرىلتايىنىڭ ۋاكىلى، مەملەكەتتىك ساياسي كەڭەستىڭ مۇشەسى، ءارقايسى دەموكراتيالىق پارتيا - توپتاردىڭ، ساۋدا - ونەركاسىپشىلەر بىرلەستىگىنىڭ، پارتيادا، توپتا جوق قايراتكەرلەردىڭ جانە وتانشىل ءدىني قايراتكەرلەردىڭ ۋاكىلى، سونداي - اق ءار سالا ۋاكىلدەرى جانە وزاتتار كوكتەم مەرەكەسىن توپتىق قۇتتىقتاۋ جينالىسىنا قاتىناستى.

  كوكتەم مەرەكەسىن توپتىق قۇتتىقتاۋ جينالىسىندا ءار ۇلت ادەبيەت - كوركەمونەر قىزمەتكەرلەرى تارتىمدى ادەبيەت - كوركەمونەر ويىندارىن قويدى.

جاۋاپتى رەداكتور: نۇربولات قابىل