2019 - جىلى شينجياڭنىڭ وڭىرلىك ءوندىرىس جالپى ءونىم قۇنى سايكەس مەزگىلدەگىدەن %2. 6 ارتتى

  گازەتىمىزدىڭ جالپىلىق اقپارات قۇرالدارى ءتىلشىسى شى شين 1 - ايدىڭ 22 - كۇنى ۇرىمجىدەن حابارلايدى. ءتىلشىنىڭ 1 - ايدىڭ 22 - كۇنى اشىلعان 2019 - جىلعى شينجياڭنىڭ حالىق شارۋاشىلىعى اينالىم جاعدايىنان اقپار جاريالاۋ ماجىلىسىنەن ۇعىسۋىنشا، مەملەكەتتىك ساناق مەكەمەسىنىڭ ءبىر تۇتاس ەسەپتەۋى ارقىلى 2019 - جىلى شينجياڭنىڭ وڭىرلىك ءوندىرىس جالپى ءونىم قۇنى ءبىر تريلليون 359 ميلليارد 711 ميلليون يۋان بولىپ، سالىستىرمالى باعا بويىنشا ەسەپتەگەندە، وتكەن جىلداعىدان %2. 6 ارتقان.

  اۆتونوميالى رايوندىق دامۋ جانە رەفورما كوميتەتىنىڭ مەڭگەرۋشىسى، اۆتونوميالى رايوندىق ساناق مەكەمەسى پارتيا باسشىلىق گرۋپپاسىنىڭ شۋجيى، مەكەمە باستىعى شۇي بين بىلاي دەدى: 2019 - جىلى كۇردەلى دە قاتاڭ ەل ءىشى - سىرتى جاعدايى مەن ۇزدىكسىز ارتقان ەكونوميكانىڭ قۇلدىراۋى قىسىمىندا، بۇكىل رايون جوعارىدان تومەنگە دەيىن نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىن دايەكتىلەندىرىپ، ”التىنى ورنىقتىرۋ“ قىزمەتىن كۇش سالا جاقسى ىستەپ، ارتۋدى ورنىقتىرۋ، رەفورمانى جەبەۋ، قۇرىلىمدى رەتتەۋ، حالىققا تيىمدىلىك جاساۋ، حاۋىپ - قاتەردەن ساقتانۋ، ورنىقتىلىقتى ساقتاۋ قىزمەتتەرىن ءبىر تۇتاس جوسپارلاپ جاقسى ىستەدى. شينجياڭنىڭ حالىق شارۋاشىلىعى ورنىقتى اينالىم جاساپ، باستى كورسەتكىشتەر ۇيلەسىمدى ارالىقتى ساقتاپ، تيبىن وزگەرتىپ، دارەجەسىن جوعارىلاتۋ تىڭعىلىقتى ىلگەرىلەتىلىپ، قامداۋ جاعىنداعى قۇرىلىمدىق رەفورما تىڭ ىلگەرىلەۋشىلىكتەرگە يە بولىپ، دامۋدىڭ ساپاسى مەن ونىمدىلىگى ۇزدىكسىز ارتتى.

  2019 - جىلى شينجياڭنىڭ 1 - كاسىبىنىڭ ارتقان قۇنى 178 ميلليارد 175 ميلليون يۋان بولىپ، %5.3 ارتقان؛ 2 - كاسىپتىڭ ارتقان قۇنى 479 ميلليارد 550 ميلليون يۋان بولىپ، %3.7 ارتقان؛ 3 - كاسىپتىڭ ارتقان قۇنى 701 ميلليارد 986 ميلليون يۋان بولىپ، %8.1 ارتقان.

  وتكەن ءبىر جىلدا، شينجياڭنىڭ تۇراقتى مۇلىككە قوسقان قارجىسى ورنىقتى جوعارىلاپ، جابدىق جاساۋ كاسىبى مەن جوعارى تەحنيكا، جاساۋ كاسىبىنە قوسىلعان قارجى تەز ارتىپ، تۇراقتى مۇلىككە قوسىلعان قارجىنىڭ (ەگىنشى وتباسىلارى قامتىلمايدى) ارتۋ قارقىنى الدىڭعى جىلداعىدان27.7 پايىز ارتقان؛ تۇتىنۋ بازارى ورنىقتىلىق بارىسىندا جوعارىلاپ، تۇتاس جىلدا شينجياڭنىڭ قوعامدىق تۇتىنۋ بۇيىمدارىن بولشەك ساتۋ جالپى سوماسى 336 ميلليارد 161 ميلليون يۋانعا جەتىپ، الدىڭعى جىلدان %5.5 ارتتى، جاڭاشا تۇتىنۋدىڭ ارتۋى ءبىرشاما تەزدەپ، تۇتاس جىلدا شينجياڭ ىشىندەگى كاسىپورىنداردىڭ تورداعى بولشەك ساتۋ سوماسى 20 ميلليارد 200 ميلليون يۋانعا جەتىپ، الدىڭعى جىلدان %26.5 ارتتى، شينجياڭنىڭ ءوز جەرىندەگى تۇتىنۋشىلاردىڭ توردان ساتىپ الۋ ارقىلى توردا بولشەك ساتىپ الۋ سوماسى 99 ميلليارد 10 ميلليون يۋانعا جەتىپ، %35.9 ارتىپ، شينجياڭنىڭ قوعامدىق تۇتىنۋ بۇيىمدارىن بولشەك ساتۋ جالپى سوماسىندا %29.5تى يەلەدى.

  2019 - جىلى شينجياڭدا تۇرعىنداردىڭ تۇتىنۋ باعاسى ( CPI ) سايكەس مەزگىلدەگىدەن %1.9 ارتىپ، بۇكىل ەلدىڭ ورتاشا ورەسىنەن (%2.9) ءبىر پايىز تومەن بولىپ، بۇكىل ەلدە (31 ولكەنى، اۆتونوميالى رايوندى، قالانى جوعارىدان تومەنگە قاراي تىزگەندە) 31 - قاتارعا تۇردى.

  بۇقارانىڭ ”اقشا قاپشىعى“ اناعۇرلىم قامپيدى. 2019 - جىلى شينجياڭدا بارلىق تۇرعىنداردىڭ جان باسىنا تۋرا كەلەتىن قولداعى تابىسى ورتا ەسەپپەن 23 مىڭ 103 يۋان بولىپ، سايكەس مەزگىلدەگىدەن %7.5 ارتىپ، باعا فاكتورىن الىپ تاستاعاندا، ءىس جۇزىندىك ارتۋى %5.5 بولعان؛ جۇمىستاندىرۋ ورنىقتى بولدى، قالا - قالاشىقتاردا تىڭنان جۇمىستانعاندار 480 مىڭ 900 ادام مولايىپ، باسقا كاسىپكە ويىستىرىلىپ جۇمىستاندىرىلعان اۋىل - قىستاق ارتىق ەڭبەككۇشتەرى 2 ميلليون 860 ادام بولعان؛ بۇكىل جىلدا 645 مىڭ كەدەي حالىق كەدەيلىكتەن ارىلىپ، 976 قىستاق كەدەي قىستاق قاتارىنان شىعارىلىپ، 12 كەدەي اۋداننىڭ قالپاعى الىنىپ، كەدەيلىكتىڭ تۋىلۋ سالىستىرماسى %1.2كە تومەندەدى.

  مۇنان سىرت، مەملەكەت بويىنشا ەكونوميكانى 4 - رەتكى جاپپاي تەكسەرۋدەگى تەكسەرۋ ماتەريالدارى مەن مەملەكەتتىك ساناق مەكەمەسى بەلگىلەگەن جىلدىق ەسەپ - قيساپتى جان - جاقتى تەكسەرۋ ءادىسى بويىنشا، 2018 - جىلى شينجياڭنىڭ وڭىرلىك ءوندىرىس جالپى ءونىم قۇنىنا وزگەرىس ەنگىزىلدى. وزگەرىس ەنگىزىلگەننەن كەيىنگى 2018 - جىلعى شينجياڭنىڭ وڭىرلىك ءوندىرىس جالپى ءونىم قۇنى وسىدان بۇرىن جاريالانعان ناتيجەدەن ءبىراز جوعارى بولىپ، ەڭ سوڭىندا ءبىر تريلليون 280 ميلليارد 939 ميلليون يۋان بولدى.

جاۋاپتى رەداكتور: نۇربولات قابىل
  • 1
  • 2
  • 3
  • 4