شي جينپيڭ گەرمانيانىڭ زۇڭليى مەركەلمەن تەلەفوندا سويلەستى

  شينحۋا اگەنتتىگىنىڭ 1 - ايدىڭ 22 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 1 - ايدىڭ 22 - كۇنى ۇسىنىس بويىنشا گەرمانيانىڭ زۇڭليى مەركەلمەن تەلەفوندا سويلەستى.

  مەركەل شي جينپيڭگە جانە جۇڭگو حالقىنا مەرەكەلىك تىلەك ءبىلدىرىپ، جۇڭگو حالقىنا ىزگى تىلەك تىلەدى.

  شي جينپيڭ مەركەلگە جانە گەرمانيا حالقىنا جاڭا جىلدىق سالەم جولدادى. شي جينپيڭ مىنالاردى ءبىلدىردى: بيىل جۇڭگو مەن گەرمانيادا، جۇڭگو مەن ەۆروپادا كوپ ءتۇرلى كەلەلى ساياسي كەڭەستىك تارتىپتەر بار، ەكى جاق، ءسوزسىز، تىعىز بايلانىستى ساقتاپ، جۇڭگو - گەرمانيا، جۇڭگو - ەۆروپا قارىم - قاتىناسىنىڭ جاڭا ءبىر جىلدا تىڭ دامۋعا قول جەتكىزۋىن بىرگە ىلگەرىلەتۋى كەرەك.

  شي جينپيڭ بىلاي دەپ اتاپ كورسەتتى: قازىر دۇنيە ءجۇزى جاعدايى ءتىپتى دە اۋمالى - توكپەلى كۇيدە تۇر. جۇڭگو - گەرمانيا ماڭىزدى جاۋاپكەرشىلىك ارقالاپ وتىر، ەكى ەلدىڭ سەلبەستىگى الدە - قاشان ەكى جاقتى كاتەگوريادان اسىپ ءتۇستى. جۇڭگو جاق باستان - اياق گەرمانيامەن قارىم - قاتىناسىن دامىتۋعا وسكەلەڭ ءمان بەرىپ كەلەدى، جۇڭگو مەن گەرمانيانىڭ ءوزارا سۇيەنەتىن جانە يدەولوگيادان اتتاپ وتەتىن سەلبەسۋشىگە اينالۋىن ءۇمىت ەتەمىن. جۇڭگونىڭ قاتىستى مەملەكەتتەرمەن ەكونوميكا - ساۋدا سەلبەستىگىن ورىستەتۋى ەۆروپا جاق پەن گەرمانيا جاقتى قامتىعان وزگەدە ساۋدا سەرىكتەرىنىڭ مۇددەسىنە ىقپال كورسەتپەيدى، جۇڭگو بازارى ۇزدىكسىز ارتادى. جۇڭگو جاق گەرمانيا جاقپەن سەلبەسىپ، تەڭ يگىلىككە كەنەلۋ رۋحىن نەگىزگە الىپ، ەكى جاقتى ەكونوميكا - ساۋدا، عىلىم - تەحنيكا، گۋمانيتارلىق سياقتى ءتۇرلى سالالارداعى سەلبەستىك جونىندە ىلگەرىلەي وتىرىپ جوبا جاساۋدى قالايدى، گەرمانيا جاقتىڭ جۇڭگو كاسىپورىندارىنىڭ گەرمانياعا بارىپ قارجى قوسۋىنا ءادىل باسەكە شارت - جاعدايىن ۇزدىكسىز جاراتۋىن ءۇمىت ەتەمىن. جۇڭگو جاق گەرمانيا جاقپەن بىرگە كليمات وزگەرىسىنە توتەپ بەرۋ، دۇنيە جۇزىلىك ساۋدا ۇيىمى رەفورماسى سياقتى بۇكىل الەمدىك ەكونوميكانى جونگە سالۋ ماسەلەلەرىندە بايلانىستى كۇشەيتۋدى قالايدى.

  شي جينپيڭ بىلاي دەپ باسا دارىپتەدى: بيىل − جۇڭگو - ەۆروپا قارىم - قاتىناسىنداعى ماڭىزدى ءبىر جىل. جۇڭگو جاق ەۆروپا وداعىمەن قارىم - قاتىناسىنا باستان - اياق ستراتەگيالىق دەڭگەيدەن جانە ۇزاق بولاشاقتىق تۇرعىدان مامىلە جاسايدى جانە ونى دامىتادى، ەۆروپانىڭ ءبىر تۇلعالانۋىن قولدايدى. جۇڭگو جاق ەۆروپا وداعىنداعى ءار ەلمەن بىرگە ورتاق تانىمدى ۇيىستىرىپ، نازاردى سەلبەستىككە شوعىرلاندىرىپ، اشىق دۇنيە جۇزىلىك ەكونوميكانى قالىپتاستىرۋ، كوپ جاقتىلىق پەن ەركىن ساۋدانى قورعاۋ، دۇنيە ءجۇزىنىڭ بەيبىتشىلىگى مەن ورنىقتىلىعىن قورعاۋ ءۇشىن ۇلەس قوسۋدى قالايدى. جۇڭگو جاق گەرمانيا جاقپەن بىرگە قۇلشىنىپ، جۇڭگو مەن ەۆروپانىڭ ءبىر قىدىرۋ ماڭىزدى بارىس - كەلىستەرىنە شارت - جاعداي جاراتىپ، ناتيجەنى قوردالاندىرۋدى قالايدى.

  مەركەل مىنالاردى ءبىلدىردى: گەرمانيا جاق جۇڭگومەن سەلبەستىك سەرىكتەستىك قارىم - قاتىناسىن دامىتۋعا وسكەلەڭ ءمان بەرەدى، گەرمانيا مەن جۇڭگونىڭ ورتاق تۇيىندەرى وتە كوپ، ەكى جاقتىڭ ءتۇرلى جىكتەگىلەرىنىڭ ناتيجەلى كەڭەس پەن اۋىس - كۇيىستى ساقتاپ، ءوزارا پايدا جەتكىزۋ سەلبەستىگىن ىلگەرىلەتۋىن ءۇمىت ەتەمىن. گەرمانيا جاق جۇڭگو مەن امەريكانىڭ ءبىرىنشى كەزەڭدىك ەكونوميكا - ساۋدا كەلىسىمىن جاساعانىنا سۇيىنەدى. گەرمانيا جاق جۇڭگونىڭ بازاردى گەرمانياعا اشىق ۇستاپ وتىرعاندىعىن القايدى، گەرمانيا دا بازاردى جۇڭگوعا ۇزدىكسىز اشىق ۇستايدى، گەرمانيا جاق جۇڭگونى ءوز ىشىنە العان ءار ەل كاسىپورىندارىنا ءادىل مامىلە جاسايدى. بيىل ەۆروپا مەن جۇڭگونىڭ ءبىر قىدىرۋ ماڭىزدى كەڭەستىك تارتىپتەرى بار، گەرمانيا جاق جۇڭگو جاقپەن تىعىز بايلانىس جاساپ، سايكەسىپ، ناتيجەگە قول جەتكىزۋگە شىنايى كەپىلدىك ەتۋدى، وتە - موتە، ەۆروپا - جۇڭگو قارجى قوسۋ كەلىسىمى، كليمات وزگەرىسىنە ورتاق توتەپ بەرۋ، ءۇشىنشى جاق بازارى سەلبەستىگى سياقتى جاقتاردا بەلسەندى ىلگەرىلەۋشىلىكتەرگە قول جەتكىزۋدى قالايدى. ورتا، شىعىس ەۆروپا ەلدەرىنىڭ جۇڭگومەن سەلبەستىگى ەۆروپا - جۇڭگو سەلبەستىگىنىڭ ماڭىزدى قۇرامداس بولىگى.

  مەركەل مىنالاردى ءبىلدىردى: گەرمانيا جاق جۇڭگو جاقتىڭ جاڭا تيپتەگى ايدارشا ۆيرۋسىمەن جۇعىمدالۋدان بولعان وكپە قابىنۋ ىندەتى جاعدايىنا دەر كەزىندە توتەپ بەرىپ، اشىق، جاريا بولۋدى ساقتاعانىن، سونداي - اق حالىقارالىق سەلبەستىكتى بەلسەنە ورىستەتكەنىن القايدى. گەرمانيا جاق جۇڭگو جاققا قولداۋ كورسەتۋدى جانە كومەكتەسۋدى قالايدى. شي جينپيڭ العىس ايتا كەلىپ، جۇڭگو جاقتىڭ گەرمانيانى ءارى دۇنيە جۇزىلىك دەنساۋلىق ساقتاۋ ۇيىمىن ءوز ىشىنە العان حالىقارالىق قوعاممەن سەلبەستىكتى كۇشەيتۋدى قالايتىندىعىن باسا دارىپتەدى.

  مەركەل شي جينپيڭنىڭ جۋىقتا جوعارى دارەجەلى ۋاكىلدەردى ليۆيا ماسەلەسى جونىندەگى بەرلين جوعارى دارەجەلىلەر باس قوسۋىنا قاتىناسۋعا جىبەرگەندىگىنە العىس ايتتى. ەكى ەل باسشىلارى تاعى قازىرگى حالىقارالىق جانە وڭىرلىك كەلەلى ماسەلەلەر جونىندە كوزقاراس اۋىستىردى.

جاۋاپتى رەداكتور: نۇربولات قابىل