شي جينپيڭ مەن يتاليانىڭ زۇڭتۇڭى ماتتارەللا جەكە - جەكە 2020 ”جۇڭگو - يتاليا مادەنيەت جانە ساياحات جىلى“نىڭ باستالۋ سالتىنا قۇتتىقتاۋ حات جولدادى

  

  شينحۋا اگەنتتىگىنىڭ 1 - ايدىڭ 22 - كۇنى بەيجيڭنەن بەرگەن حابارى. 1 - ايدىڭ 21 - كۇنى مەملەكەت ءتوراعاسى شي جينپيڭ مەن يتاليانىڭ زۇڭتۇڭى ماتتارەللا جەكە - جەكە حات جازىپ، 2020 ”جۇڭگو - يتاليا مادەنيەت جانە ساياحات جىلى“نىڭ يتاليانىڭ ريمدە باستالعاندىعىن قۇتتىقتادى.

  شي جينپيڭ بىلاي دەپ اتاپ كورسەتتى: جۇڭگو مەن يتاليا شىعىس، باتىس وركەنيەتىنىڭ كورنەكتى ۋاكىلى. 2000 نەشە جىلدىڭ الدىندا بايىرعى جىبەك جولى 10 مىڭ شاقىرىم شالعايدا جاتقان جۇڭگو - يتاليا وركەنيەتىن ءوزارا تۇتاستىرىپ ساۋلە شاشتىردى؛ بۇگىن ”ءبىر بەلدەۋ، ءبىر جول“ باستاماسى 1000 جىلعا جالعاسقان دوستىق بارىس - كەلىستىڭ جاڭا ومىرشەڭدىك كۇشىن قايتادان قاۋلاتتى.

  شي جينپيڭ بىلاي دەپ باسا دارىپتەدى: جۇڭگو - يتاليا ەكى ەلدىڭ مادەنيەت پەن ساياحات بايلىعى مول. جۇڭگو - يتاليا مادەنيەت جانە ساياحات سالاسىنداعى قايراتكەرلەردىڭ بايىرعى وركەنيەتتىڭ جاڭا داۋىردەگى تىلدەسۋىنىڭ ايشىقتى كورىنىسىن بىرگە كەستەلەپ، دۇنيە ءجۇزى وركەنيەتىنىڭ الۋان تۇرلىلىگىنە جانە ۇقساماعان مادەنيەتتەردىڭ اۋىس - كۇيىسىنە، ءوزارا ۇلگى الۋىنا تىڭ ۇلەس قوسۋلارىن ءۇمىت ەتەمىن.

  ماتتارەللا قۇتتىقتاۋ حاتىندا مىنالاردى ءبىلدىردى: يتاليا - جۇڭگو دوستىعى ۇزاقتان جالعاسىپ كەلەدى، ەكى ەل حالقى كەزىندە بايىرعى جىبەك جولىنداعى ۇقساماعان ۇلت، ۇقساماعان وڭىرلەر اراسىنداعى اۋىس - كۇيىستە نەگىزگى رول اتقارىپ، باستان - اياق ءوزارا قۇرمەت ەتىپ، ءوزارا ءسۇيىنىپ كەلدى. قازىرگى تاڭداعى دۇنيە ءجۇزىنىڭ كۇن سايىن كۇردەلى جاعدايى الدىندا، ءبىز ءبىر - ءبىرىن سۇيەنىش ەتۋدىڭ، ءوزارا پايدا جەتكىزىپ سەلبەستىك جاساۋدىڭ قۇنىن جەتە تانۋىمىز، جوعارى ساپالى گۋمانيتارلىق اۋىس - كۇيىستى ىلگەرىلەتىپ، بولاشاقتاعى سىن - سايىستارعا قول ۇستاسا توتەپ بەرۋىمىز كەرەك.

  2019 - جىلى 3 - ايدا ءتوراعا شي جينپيڭ يتالياعا ساپارلاي بارعان كەزدە ماتتارەللا زۇڭتۇڭمەن بىرگە 2020 - جىلى جۇڭگو مەن يتاليانىڭ ديپلوماتيالىق قارىم - قاتىناس ورناتقاندىعىنىڭ 50 جىلدىعى قارساڭىندا ءوزارا مادەنيەت جانە ساياحات جىلىن وتكىزۋدى جاريالاعان بولاتىن. جۇڭگو مەن يتاليا ەكى جاق ساحنالىق كوركەمونەر، كەسكىندەۋ كوركەمونەرى، جاسامپازدىق جوبالاۋ، مادەنيەت مۇراسى، ساياحات، كينو - كەسكىن سياقتى كوپ سالانى قامتىعان قيمىل وتكىزەدى.

جاۋاپتى رەداكتور: نۇربولات قابىل