كۇشتى شوعىرلاندىرىپ اۋىر كەدەيلىك قامالىن الدى

  كۇشتى شوعىرلاندىرىپ اۋىر كەدەيلىك قامالىن الدى

  − وڭتۇستىك شينجياڭنىڭ 4 ايماق - وبلىسى كەدەيلىكتەن ارىلتۋدان قامال الۋعا بار كۇشپەن اتوي سالۋدا

  □ شينحۋا اگەنتتىگىنىڭ ءتىلشىسى گۋان چياۋچياۋ

  وڭتۇستىك شينجياڭنىڭ 4 ايماق - وبلىسى − قاشقار، حوتان، اقسۋ ايماقتارى، سونداي - اق قىزىلسۋ قىرعىز اۆتونوميالى وبلىسى، بۇكىل مەملەكەتتەگى ”3 رايون، 3 وبلىس“ اۋىر كەدەي وڭىرلەردىڭ ءبىرى. قۇبا ءشولدى، اسقار تاۋلى، تەرەڭ اڭعارلى كەلەتىن، بايلىق ەرەكشەلىگى جۇتاڭ، جاراتىلىستىق اپات كوپ تۋىلاتىن بۇل ءوڭىردى ۇزاق ۋاقىت كەدەيلىك جايلاپ كەلگەن بولاتىن.

  كەدەيلىكتەن ارىلتۋدان قامال الۋ شەشۋشى شايقاسى شەشۋشى جەڭىستىڭ شەشۋشى كەزەڭىنە ءوتتى. قونىس جاڭالاپ كوشىرىلدى، باسقا كاسىپكە ويىستىرىپ جۇمىستاندىرىلدى، كاسىپ ارقىلى سۇيەمەلدەندى...

  شينجياڭ وڭتۇستىك شينجياڭنىڭ 4 ايماق - وبلىسىنداعى كەدەيلىكتەن ارىلتۋدان قامال الۋدا ناقتى شارا قولدانىپ، ناقتى كىرىستى، كادر - بۇقارا قايراتتانا ناقتى ىستەپ، كەدەي بۇقارانىڭ وندىرىسىندە، تۇرمىسىندا قۋانارلىق وزگەرىستەردى تۋدىردى.

  نازاردى كەدەيلىكتەن ارىلتۋعا شوعىرلاندىرىپ، ”ەكىدەن تارىقتىرماۋ، ءۇشتى قامتاماسىز ەتۋ“دى كۇش سالا شەشتى، قازىر وڭتۇستىك شينجياڭنىڭ 4 ايماق - وبلىسىنداعى كادر - بۇقارا كۇشتى شوعىرلاندىرىپ، ەڭ سوڭعى كەدەيلىك قامالىن الۋعا اتوي سالۋدا.

    زەيىن - زەردەنى، كۇش - قۋاتتى ۇيىستىرىپ، تاۋلى اۋىلعا وراسان زور وزگەرىس اكەلدى

  كۇنلۇن تاۋىنىڭ قويناۋى، قىستاعى تۇستەن كەيىنگى كۇن نۇرى شۇلەن شۇعىلاسىن شاشقان، اسپان شايداي اشىق، شەرحان ھەيت قاربالاس كىرىپ - شىعىپ جاڭا ءۇيىنىڭ اۋلاسىن تازالاپ ءجۇر. 80 شارشى مەترلىك ەكى جاتىن، ءبىر قوناق بولمەلى بۇل جاڭا ءۇيدىڭ ورنالاستىرىلۋى رەتتى، شاي ۇستەلى، سافا، تەلەۆيزور سورەسى جانە توڭازىتقىش ۇيلەسىمدى ءوزارا ورنالاستىرىلىپتى.

  ”كونە ءۇيىمىز وزەن ارناسى جاقتا، ءار جىلى تاسقىن مەزگىلىندە تاسقىن جۇرگەندە ءۇيدى، اۋلانى، قوي قورانى ۇنەمى سۋ باسىپ كەتەتىن“. شەرحان ھەيت: ”ۋاقىت ۇزارا كەلە توپىراق داۋال دا تەز قۇلاپ، قاتەرلى ۇيگە اينالعان ەدى“ دەدى.

  شەرحان ھەيت تۇرعان ياركەن اۋدانى قوشىراپ اۋىلى اراتاش قىستاعى كۇنلۇن تاۋىنىڭ قويناۋىنداعى ءبىرشاما كەڭ اڭعارلى وڭىردە، ياركەن وزەنى اڭعاردان يرەلەڭدەي اعىپ جاتادى.

  قىستاقتا تۇرعان ءبىرىنشى شۋجي لي شۋەبياۋ قىستاقتىڭ بۇرىنعى بەينەسىن الىگە دەيىن ۇمىتا المايدى: اۋدان قالاشىعىنان 120 نەشە كيلومەتر شالعايداعى قىستاقتا تەك توپىراق جول مەن شاعىل جول عانا بار، ەلەكتر دە، قۇبىر سۋى دا تۇتاسپاعان. قىسقا عانا بىرنەشە جىلدا، بۇل اراعا قۇبىر سۋى، ەلەكتر، جول تۇتاسىپ، بۇكىل قىستاقتاعى 130 وتباسىنىڭ تۇرعىنى تۇگەلدەي جاڭادان سالىنعان بەيقۇت ۇيگە كوشىپ كىردى. قىزعىلت رەڭدە بويالعان بەيقۇت ۇيلەر جانىنداعى وزەن جاعالاۋىنىڭ جارىم بەتكەيىنە رەتىمەن ءتىزىلىپ ورنالاسىپ، قاتايتىلعان اسفالت جول ءار ۇيگە دەيىن تۇتاستىرىلدى.

  2019 - جىلى شينجياڭ نازاردى اۋىر كەدەي وڭىرلەرگە شوعىرلاندىرىپ، قازىناداعى كەدەيلەردى سۇيەمەلدەۋ قارجىسىنان 37 ميلليارد 567 ميلليون يۋان ورنالاستىرىپ، اۋىز سۋ حاۋىپسىزدىگىندەگى جانە تۇرعىن ءۇي حاۋىپسىزدىگىندەگى ولقىلىقتاردى كۇش سالا تولىقتادى: اۋىل - قىستاقتاعى اۋىز سۋ حاۋىپسىزدىگىن بەكەمدەۋ، جوعارىلاتۋ ينجەنەرياسى 346 مىڭ كەدەي جان سانىنىڭ اۋىز سۋ حاۋىپسىزدىگى ماسەلەسىن شەشتى؛ قاتەرلى ۇيلەردى وزگەرتىپ سالۋ ينجەنەرياسى ەڭ سوڭعى 9355 كەدەي وتباسىن حاۋىپسىز تۇرعىن ۇيگە كىرگىزدى. شينجياڭداعى كەدەي جان سانىنىڭ قاتەرلى ۇيلەردە تۇرۋ تاريحى تۇبەگەيلى اياقتادى.

  تىڭ ءۇمىت - تىلەكپەن جاڭا ۇيگە كوشىپ كىرگەندەردىڭ اراسىندا، تاعى اباكري حالپات وتباسى دا بار. ول تۇرعان قاعىلىق اۋدانى چيپان اۋىلىنىڭ جاراتىلىستىق شارت - جاعدايى ناشار بولعاندىقتان، جىلدار بويى تاسقىن، لاي كوشكىنى سياقتى گەولوگيالىق اپاتتار مازالاپ، ءۇي، جول سياقتى نەگىزدىك قۇرىلعىلار جىل سايىن ءبۇلىنىپ، جىل سايىن جوندەلەتىن، وعان جەردىڭ جۇتاڭدىعى قوسىلعاندا، تيپتىك ”ءبىر ءوڭىردىڭ سۋى مەن توپىراعى ءبىر ءوڭىردىڭ ادامىن باعۋى قيىن بولعان“ اۋىر كەدەي ءوڭىر بولاتىن.

  كۇنلۇن تاۋىنىڭ قويناۋىنداعى جۇتاڭ تاۋلى قىستاقتان اۋدان قالاشىعىنا كىرگەندە، اباكري حالپات 1 - رەت قابات ۇيدە وتىرىپ، پارمەن جىلىندى. 2019 - جىلى شينجياڭ ”13 - بەسجىلدىق“ قونىس اۋدارتىپ كەدەيلەردى سۇيەمەلدەۋ قۇرىلىسى مىندەتىن ءبىر جىل بۇرىن ورىنداپ، 40 مىڭ 146 وتباسى، 169 مىڭ 400 ادام وسى ساياساتتان يگىلىكتەنىپ جاڭا تۇراققا قۋانىشپەن كوشىپ كىردى.

    دالمە - ءدال شارا قولدانىپ، ”تاقىر كەدەيلىكتەن“ قامال الدى

  وڭتۇستىك شينجياڭداعى كەدەيلىكتەن ارىلتۋدان قامال الۋدىڭ نەگىزگى شايقاس مايدانىندا، بەيقۇت ۇيگە كوشىپ كىرۋ، حاۋىپسىز دە تازا سۋ ءىشۋ، مىندەتتى وقۋ - اعارتۋمەن جاپپاي قامتۋدان يگىلىكتەنۋ ارقىلى، تاعى جالپى حالىقتىڭ دەنساۋلىعىن تەكسەرۋ، ەمدەۋ قامسىزداندىرۋى سياقتى سۇيەمەلدەۋ ساياساتتارىنىڭ ارقاسىندا كەدەيلىكتەن ارىلۋدى جۇزەگە اسىرعان كەدەي وتباسىلارى بارعان سايىن مولايدى.

  29 جاستاعى پاتيگۇل ءالي قولعاپ زاۆودىندا جۇمىس ىستەيدى، بىلتىر 7 - ايدا اۋىل - قالاشىق ەمحاناسىندا دەنساۋلىق تەكسەرتكەندە، ونىڭ وكپە تۋبەركۋلەزىنە شالدىققاندىعى انىقتالعان بولاتىن. ”ءبىر جاقسىسى دەر كەزىندە تەگىن ەمدەلدىم، بىرنەشە ايدان كەيىن قايتالاي تەكسەرتەمىن، ەگەر اۋرۋىم جاقسارسا زاۆودقا قايتىپ كەلىپ قىزمەتكە شىعا بەرەمىن“، - دەدى پاتيگۇل ءالي.

  قاشقار ايماقتىق وكپە اۋرۋلارى شيپاحاناسى يىڭسار بولىمشە شيپاحاناسىنىڭ ورىنباسار باستىعى ۋاڭ حۇي تانىستىرىپ بىلاي دەدى: وكپە تۋبەركۋلەزىن ەمدەۋدىڭ پەريودى ۇزاق، اقىسى جوعارى، ونىڭ ۇستىنە ناۋقاستاردىڭ جارتىسى كەدەي بولعاندىقتان، ولاردى ۋايىمنان ارىلتۋ ءۇشىن شيپاحانامىز تەگىن تاماق، جاتاقپەن قامداپ، تەگىن ەمدەدى، مۇنان سىرت، ارحيۆ تۇرعىزىلىپ، كارتچكالاندىرىلعان كەدەي ناۋقاستارعا تۇرمىستىق بۇيىمدار تەگىن تاراتىلىپ، تۇرمىستىق قاراجات بەرىلدى.

  ”2019 - جىلعى دەنساۋلىق تەكسەرتۋدە، وكپە تۋبەركۋلەز ناۋقاستارىنىڭ ۇيىندەگىلەر مەن جاقىن جۇعىسقاندارعا دا تەكسەرۋ جۇرگىزىلدى، سونىمەن تۋبەركۋلەز اۋرۋىنىڭ تۋىلۋ مولشەرى مەن سانى كورنەكتى تومەندەگەنى بايقالدى“، - دەدى يىڭسار اۋدانى ساقان قالاشىق سەنترلى ەمحاناسىنىڭ باستىعى اسقار ومەر.

  ءۇرتىس ورىستەتىلگەن جالپى حالىقتىڭ دەنساۋلىعىن تەكسەرۋدىڭ ارقاسىندا، ناۋقاستار سالماقتى اۋرۋلارىن ەمدەتۋگە، سوزىلمالى اۋرۋلارىن ەمدەتۋگە كەلىسۋ مۇمكىندىگىنە يە بولىپ قانا قالماستان، تەكسەرۋدە انىقتالعان جۇقپالى اۋرۋلار مەن جەرگىلىكتى اۋرۋلار ناۋقاستارى دەر كەزىندە ەمدەلىپ، اۋىر كەدەي وڭىرگە جاتاتىن وڭتۇستىك شينجياڭنىڭ 4 ايماق - وبلىسىنداعى تۇرعىندار تۋبەركۋلەز، بۋىن قابىنۋ سياقتى جۇقپالى اۋرۋلار مەن جەرگىلىكتى اۋرۋلاردىڭ مازالاۋىنان بىرتىندەپ قۇتىلدى.

  جەرگىلىكتى ورىندارداعى ساياسات - شارالار كەدەيلىكتىڭ مولشەرىن تومەندەتتى، ال شينجياڭعا باعىتتامالى كومەكتەسەتىن ولكە، قالالاردىڭ كومەگى جەرگىلىكتى ورىنداردىڭ دامۋ ۇستانىمىندا بۇرىلىس جاساۋىن جەبەپ، كەدەي وتباسىلاردىڭ كىرىسىن ۇزدىكسىز ارتتىرۋىنا مۇمكىندىك جاسادى.

  جۋىرداعى جىلداردان بەرى، شينجياڭنىڭ قوعامى، ەكونوميكاسى كۇن سايىن تىنىش بولىپ، گۇلدەنىپ، جاسىل دامۋ ۇستانىمى كۇن سايىن جۇرت جۇرەگىنە ۇيالاپ، ەرەكشە جاراتىلىستىق كورىنىس پەن جەرگىلىكتى جۇرت سالتى بارعان سايىن جۇرتتى باۋراپ، ساياحات كاسىبىندە شارىقتاپ ارتۋ بولدى. ساياحات كاسىبىنىڭ جەدەل دامۋى بىرتىندەپ وڭتۇستىك شينجياڭداعى كەدەي بۇقارانىڭ قالتاسىن قامپايتتى. ۇزىننان - ۇزاققا سوزىلعان قارلى تاۋ، ءجيى ورنالاسقان كولدەر، اۋا رايى قۇبىلمالى قاراقۇرىم تاۋى سان - ساناقسىز ساياحاتشىنى وزىنە باۋرادى، تۇتاس ۇزىندىعى 1455 كيلومەتر كەلەتىن شينجياڭ - شيزاڭ جەلىسى تاس جولى جوعارى شەكتەگى ۆەلوسيپەد جولى بولىپ وزگەرىپ، جاھانگەزدەردىڭ سالتانات باعىنا اينالدى.

  قاعىلىق اۋدانىنان 105 كيلومەتر شالعايداعى قارلى تاۋدىڭ ەتەگىندە، نۇرابات قىستاعىنىڭ مالشىلارى رەتتى دە تازا، جارىق بەيقۇت ۇيلەرگە كوشىپ كىرگەندە، ساياحاتتىق قابىلداۋ بولمەسىن ارنايى اشتى، ءبىر تۇندىك جامباس اقى 60 يۋان بولعاندا، مۇنان ءار جىلى ءار شارۋا وتباسى 2000 يۋاننان استام كىرىس كىرگىزەدى.

  2019 - جىلى شاڭحاي شينجياڭعا كومەكتەسۋگە قولباسشىلىق شتابى نۇرابات قىستاعىندا سەپتەلۋى تولىق، حاۋىپسىز دە جايلى ساياحاتتىق قابىلداۋ ءوڭىرىن قارجى قوسىپ سالىپ، قىستاق تۇرعىندارىنا ۇستەمە كىرىس الا كەلۋمەن بىرگە، جەرگىلىكتى ورىنداعى كەدەيلەردى قىزمەت ورنىمەن قامدادى.

  ەڭبەككۇش شوعىرلى كاسىپتەرگە ساۋداگەر شاقىرىپ، قارجى باۋراۋدان كاسىپ تىزبەگىن كەڭەيتۋگە دەيىن، شينجياڭعا كومەكتەسەتىن ولكە، قالالار كەدەيلىكتەن ارىلتۋدان قامال الۋدىڭ نەگىزگى شايقاس مايداندارىندا ۇزدىكسىز كۇش سالدى. 2019 - جىلى شينجياڭعا باعىتتامالى كومەكتەسەتىن 19 ولكە، قالا نازاردى كەدەيلىكتەن ارىلتۋدان قامال الۋ مەن حالىق تۇرمىسى سالاسىنا ۇزدىكسىز شوعىرلاندىرىپ، 18 ميلليارد 819 ميلليون يۋان شينجياڭعا كومەكتەسۋ قارجىسىن سالىپ، شينجياڭعا كومەكتەسۋ نىسانىنان 1935ىن اتقارىپ، شينجياڭنىڭ كەدەيلىكتەن ارىلتۋدان قامال الۋ، حالىق تۇرمىسىن جاقسارتۋ جانە ەكونوميكانى دامىتۋ سياقتى قىزمەتتەرىنە پارمەندى قولداۋ كورسەتتى.

    جۇمىستاندىرۋدى كەڭەيتىپ، اۋىر كەدەيلىك قامالىن الدى

  ۇزاق ۋاقىتتان بەرى، وڭىرلىك، جاراتىلىستىق، ەكونوميكالىق فاكتورلاردىڭ شەكتەمەسىمەن وڭتۇستىك شينجياڭنىڭ 4 ايماق - وبلىسىنداعى اۋىل - قىستاقتاردا ارتىق ەڭبەككۇشتەر مول، باسقا كاسىپكە ويىستىرىپ جۇمىستاندىرۋ ارناسى تار، ساپاسى تومەن، تۇراقتىلىعى ناشار بولۋ سياقتى ماسەلەلەر كورنەكتى بولدى.

  وسى سەبەپتى، شينجياڭ جۇمىستاندىرۋ ارناسىن كەڭەيتۋ، جۇمىستاندىرۋ ءورىسىن كەڭىتۋ سياقتى جولدار ارقىلى، جۇمىستاندىرۋ ”كولشىگى“نىڭ سيىمدىلىگىن ارتتىرىپ، ارحيۆ تۇرعىزىلىپ، كارتچكالاندىرىلعان كەدەي وتباسىلارىنداعى ەڭبەككۇشتەردىڭ باسقا كاسىپكە ويىسىپ جۇمىستانۋىن جۇزەگە اسىرۋعا كومەكتەستى. 2019 - جىلى شينجياڭ وڭتۇستىك شينجياڭداعى كەدەي وتباسىلارىنداعى ەڭبەككۇشتەردەن 3 جىلدا 100 مىڭ ادامدى باسقا كاسىپكە ويىستىرىپ جۇمىستاندىرۋ جوسپارىن ءبىر جىل بۇرىن ورىنداپ، ءاربىر ەڭبەككۇشى بار وتباسىلارىنان كەمىندە ءبىر ادامدى جۇمىستاندىرۋدى جۇزەگە اسىردى.

  تاكلاماكان ءشولىنىڭ جيەگىنە ورنالاسقان كەريا اۋدانى ءشامبابازار قالاشىعىنىڭ باشسايباع قىستاعى وڭتۇستىك شينجياڭداعى كوپتەگەن كەدەي قىستاقتار سياقتى ەگىستىك جەرى از، ءتۇسىمى تومەن، ونىڭ ۇستىنە ورتاسى تۇيىق بولعاندىقتان، جەرگىلىكتى تۇرعىنداردىڭ بارلىعىندا كىرىستى ارتتىرۋدىڭ سەنىمدى ارناسى كەمشىل، جالپى كىرىسى ءبىرشاما تومەن بولدى.

  تىگىنشىلىك شەبەرلىگىن يگەرگەن جاس جىگىت ءماتتوحتى اكىمنىڭ جاڭادان ىرگە تەپكەن ءبىر كيىم تىگۋ كاسىپورنىنا كىرگەنىنە ءبىر جىل بولماعانىمەن، ىشكى وڭىردەگى ماماندانعان تەحنيكتىڭ باۋلۋىندا ءوندىرىس سەحنىڭ تەحنيگى بولىپ جەتىستى، اي سايىن 3000 يۋاننان استام تۇراقتى كىرىسى بار.

  ءماتتوحتى اكىم سياقتى، كاسىپورىنداردا جۇمىستانۋ ارقىلى كىرىستەرىن ارتتىرعان كەدەي قاۋىم بارعان سايىن كوبەيۋدە. ”كاسىپورىن ىشكى وڭىردەن تاڭداۋلى قىزمەتكەر جانە تەحنيكتەردى لەكتورلىك بولۋعا تاڭداپ اكەلدى، ونىڭ ۇستىنە اۋىل - قالاشىق كادرلارى باسقارۋعا قاتىناساتىندىقتان، كەدەي قىزمەتكەرلەردىڭ جالپىلىق تەحنيكالىق دەڭگەيىن جىلدام جوعارىلاتتى“. كاسىپورىن جاۋاپتىسى ياڭ چۇن وسى شارانىڭ كەدەي قاۋىمنىڭ كىرىستەرىن ارتتىرىپ، كەدەيلىكتەن ارىلۋىنا كومەكتەسىپ قالماستان، ەگىنشىدەن كاسىپ سالاسى جۇمىسشىنا اينالۋىنا مۇمكىندىك جاساعانىن ايتتى.

  توقىماشىلىق، كيىم - كەشەك، ەلەكتروندىق جابدىق قۇراستىرۋ، ازىق - تۇلىك مانەرلەۋ... ەڭبەك شوعىرلانعان كاسىپ سالاسى وڭتۇستىك شينجياڭنىڭ 4 ايماق - وبلىسىنداعى كەدەيلىكتەن ارىلتۋدان قامال الۋدا ماڭىزدى رول اتقارۋدا. كوپتەگەن كەدەي وڭىرلەردە، ”اۋداندا باستاماشى كاسىپورىن بولۋ، اۋىل - قالاشىقتا كولەمدى كاسىپورىن بولۋ، قىستاقتاردا سەرىك زاۆود بولۋ، وتباسىلارىندا شاعىن شەبەرحانا بولۋ“ سىندى كاسىپ سالاسى جۇمىستاندىرۋدى جەتەكتەۋ، جۇمىستاندىرۋ كاسىپ سالاسى ۇلگىسىن جەبەۋ كەدەيلىكتەن ارىلتىپ، كىرىستى ارتتىرۋدىڭ ماڭىزدى تۇتقاسىنا اينالدى.

  سونىمەن بىرگە، دالمە - ءدال تياناقتاندىرىلعان سالىقتى ازايتىپ، اقىنى تومەندەتۋ جانە كەدەيلەردى سۇيەمەلدەۋدەگى تيىمدىلىك ساياساتى كەدەيلەردى سۇيەمەلدەۋ كاسىپورىندارىنىڭ دامۋ سەنىمىن بارىنشا جوعارىلاتىپ، كەدەيلەردى سۇيەمەلدەۋ كاسىپ سالاسىنىڭ ”قان جاساۋ“ قابىلەتىن كۇشەيتىپ، كەدەي بۇقارانىڭ جۇمىستانۋ جانە دەربەس شارۋاشىلىق قۇرۋ بەلسەندىلىگىن ارتتىردى.

  حوتان، قاشقار ايماقتارىندا، %95تەن استام سالىق تاپسىرۋشىلار شاعىن كولەمدى سالىق تاپسىرۋشىلار، ولار جەرگىلىكتى ورىنداعى دەربەس شارۋاشىلىق قۇرۋداعى جانە جۇمىستاندىرۋعا قابىلداۋداعى ”نەگىزگى كۇش“كە اينالدى.

  جاڭاءشار اۋدانىنداعى ءبىر كەستەشىلىك، تىگىنشىلىك شارۋالار كاسىپتىك كووپەراتيۆى قۇرىلعاننان قازىرگە دەيىن، جەرگىلىكتى ورىننان 120دان استام كەدەيدى قابىلدادى. ”شاعىن، ۇساق كاسىپورىنداردان ارتقان قۇن سالىعىن الماۋدىڭ ولشەمىن 300 مىڭ يۋاندىق ماۋسىمدىق ساتىلۋ سوماسىنا جوعارىلاتقاننان كەيىن، سەلبەستىك كووپەراتيۆى نەگىزىنەن سالىق تاپسىرمايتىن بولدى، بۇل توڭىرەكتەگى اناعۇرلىم كوپ كەدەي جان سانىنىڭ جۇمىستانىپ، كەدەيلىكتەن ارىلۋىنا وراي ازىرلەدى“، - دەدى سەلبەستىك كووپەراتيۆىنىڭ زاڭدىق يەسى سۇلايمان ءمامتىمىن.

  شارۋاشىلىق قۇرۋدىڭ العاشقى كەزىندە جۇرگەن بولاتجان ءتالىپ تە سالىقتى ازايتىپ، اقىنى تومەندەتۋ ساياساتىنىڭ يگىلىگىن كورىپ، شارۋاشىلىق قۇرىپ، كىرىستى ارتتىرۋدىڭ قوزعاۋشى كۇشىنە يە بولدى. ”مەن سالىقتى ازايتۋدان ىركىپ قالعان اقشانىڭ ءبىر ءبولىمىن ءوندىرىستى كەڭەيتۋگە جۇمساپ، ءبىر ءبولىمىن قىزمەتكەرلەرگە قامسىزداندىرۋ الىپ بەرۋگە جۇمسايمىن، وسىلاي بولعاندا اناعۇرلىم كوپ كەدەي شارۋانى كىرىستەرىن ارتتىرۋعا جەتەكتەۋگە بولادى“، - دەدى بولاتجان ءتالىپ.

  ءتىلشىنىڭ جەرگىلىكتى قاتىستى ورىنداردان ۇعىسۋىنا قاراعاندا، 2020 - جىلى شينجياڭ قالعان 165 مىڭ كەدەي جان سانىنىڭ ۋاعىندا كەدەيلىكتەن ارىلۋىن جۇزەگە اسىرىپ، 560 كەدەي قىستاقتى كەدەيلىك تىزىمىنەن شەگىندىرىپ، 10 كەدەي اۋداننىڭ كەدەيلىك قالپاعىن الىپ تاستايدى ەكەن. سول كەزدە، وڭتۇستىك شينجياڭنىڭ بايتاق دالاسىندا جاپپاي كەدەيلىكتەن ارىلتۋ تابىسپەن تامامدالادى.

  (شينحۋا اگەنتتىگىنىڭ 1 - ايدىڭ 20 - كۇنى ۇرىمجىدەن بەرگەن حابارى)

جاۋاپتى رەداكتور: نۇربولات قابىل

ۇسىنىلعان مازمۇندار