تيانشاننىڭ وڭتۇستىگى مەن سولتۇستىگىندە كوكتەم مەرەكەسىن قۇتتىقتاۋ بەيزاتتىق مادەنيەت مۇرالارى كوكتەم مەرەكەسىنىڭ عۇرىپ - ادەتتەرى كورمەسى باستالدى

تيانشاننىڭ وڭتۇستىگى مەن سولتۇستىگىندە كوكتەم مەرەكەسىن قۇتتىقتاۋ بەيزاتتىق مادەنيەت مۇرالارى كوكتەم مەرەكەسىنىڭ عۇرىپ - ادەتتەرى كورمەسى باستالدى

1 - ايدىڭ 17 - كۇنى ”شينجياڭ جاقسى جەر 7 - كەزەكتى تيانشاننىڭ وڭتۇستىگى مەن سولتۇستىگىندە كوكتەم مەرەكەسىن قۇتتىقتاۋ بەيزاتتىق مادەنيەت مۇرالارى كوكتەم مەرەكەسىنىڭ عۇرىپ - ادەتتەرى كورمەسى“ جەلىلەس قيمىلدارى رەسمي باستالدى. سۋرەتتە: شينجياڭ حالىقارالىق ۇلكەن بازارىنىڭ جاياۋلار كوشەسىندەگى بەل بارابان ويىنى. □ سۋرەتتى گازەتىمىزدىڭ جالپىلىق اقپارات قۇرالدارى ءتىلشىسى جاۋ چاڭفۋ تۇسىرگەن

  گازەتىمىزدىڭ جالپىلىق اقپارات قۇرالدارى ءتىلشىسى جيا چۇنشيا 1 - ايدىڭ 17 - كۇنى ۇرىمجىدەن حابارلايدى. ياڭگى ءبيىن بيلەپ، ايداعار ويناتىپ، ارىستان بيلەتتى... 1 - ايدىڭ 17 - كۇنى دۋماندى ياڭگى ءبيى مەن شاتتىققا تولى بەل بارابان ويىنىنا ىلەسە ”شينجياڭ جاقسى جەر − 7 - كەزەكتى تيانشاننىڭ وڭتۇستىگى مەن سولتۇستىگىندە كوكتەم مەرەكەسىن قۇتتىقتاۋ بەيزاتتىق مادەنيەت مۇرالارى كوكتەم مەرەكەسىنىڭ عۇرىپ - ادەتتەرى كورمەسى“ جەلىلەس قيمىلدارى شينجياڭ حالىقارالىق ۇلكەن بازارىندا باستالدى. سول كۇننەن باستاپ 2 - ايدىڭ 8 - كۇنىنە دەيىن بۇكىل شينجياڭداعى 14 ايماقتا، وبلىستا، قالادا 316 تۇردە، 3095 كەزەك - رەت جەلىلەس مادەنيەت، ساياحات قيمىلى وتكىزىلەدى، قيمىلعا تىكە قاتىناساتىن ادام سانى 2 ميلليون ادام - رەتتەن اسادى دەپ مەجەلەنۋدە.

  سول كۇنى شينجياڭ حالىقارالىق ۇلكەن بازارىندا بەيزاتتىق مادەنيەت مۇرالارىمەن كوكتەم مەرەكەسىن قارسى الۋ بازارىندا حاتكەرلەر قىل قالاممەن ءار ۇلت بۇقاراسىنا ”福“ ءارىبىن جازىپ، كوكتەم بوساعالىعىن ۇسىندى؛ بەيزاتتىق مادەنيەت مۇرالارىن جالعاستىرۋشىلار تەرەزە ويۋىن قيدى، قانت ءمۇسىن سالدى، قامىر ءمۇسىن جاسادى... فورماسى الۋان ءتۇرلى بەيزاتتىق مادەنيەت مۇرالارىن كورسەتۋ قيمىلدارى كوڭىلدى دە بەرەكەلى، شاتتىققا تولى قويۋ مەرەكەلىك راي قالىپتاستىردى.

  ۇعىسۋعا قاراعاندا، بۇل جولعى قيمىل ”بەيزاتتىق مادەنيەت مۇرالارىمەن كوكتەم مەرەكەسىن وتكىزۋ، مادەنيەتتى بارشا وتباسىنا جەتكىزۋ“دى نەگىزگى تاقىرىپ ەتكەن، مازمۇنى باي، فورماسى الۋان ءتۇرلى بولعان. ءان - ءبي تەاترىن قويۋ، جۇمباق شەشۋ، مەرەكە ويىنىن ورىنداۋ، كوكتەم مەرەكەسىنىڭ عۇرىپ - ادەتتەرى سۋرەت كورمەسى، مەرەكەلىك سۋرەتتەر كورمەسى، بەيزاتتىق مادەنيەت مۇرالارى ءداستۇرلى شەبەرلىك كورمەسى، ورەندەر قامىر ءمۇسىن جارىسى، قاعاز قيما تابىستارى كورمەسى، اشەكەي شام كورمەسى جانە قار - مۇزداعى ايداعار قايىق جارىسى سياقتى جەلىلەس قيمىلدار مەرەكەلىك ءتۇستى ايگىلەپ، بۇكىل شينجياڭداعى ءار ۇلت بۇقاراسىنا مول ”مادەنيەت مەرەكەلىك زاتىن“ ۇسىنادى ەكەن.

  اۆتونوميالى رايوندىق مادەنيەت جانە ساياحات مەڭگەرمەسى پارتيا باسشىلىق گرۋپپاسىنىڭ شۋجيى ۋ حۋامين مىنانى ءبىلدىردى: ”بەيزاتتىق مادەنيەت مۇرالارى كوكتەم مەرەكەسىنىڭ عۇرىپ - ادەتتەرى كورمەسى جەلىلەس قيمىلدارى“ مادەنيەت جانە ساياحات مينيسترلىگىنىڭ ءتۇيىندى قولداۋ كورسەتەتىن نىسانىنا ەنگىزىلدى، ول كوكتەم مەرەكەسى كەزىندەگى شينجياڭنىڭ ماڭىزدى مەرەكە قيمىلدارىنىڭ ءبىرى.

جاۋاپتى رەداكتور: ريزا حاميت