جاڭا داۋىردەگى پارتيانىڭ ەل باسقارۋداعى ءبىر ايقىن ەرەكشەلىگى

جاڭا داۋىردەگى پارتيانىڭ ەل باسقارۋداعى ءبىر ايقىن ەرەكشەلىگى

− باس شۋجي شي جينپيڭنىڭ 19 - كەزەكتى ورتالىق ءتارتىپ تەكسەرۋ كوميتەتىنىڭ ءتورتىنشى جالپى ماجىلىسىندەگى ماڭىزدى ءسوزىنىڭ رۋحىن ۇيرەنۋ، دايەكتىلەندىرۋ جونىندە

□ حالىق گازەتىنىڭ شولۋشىسى

  ۇلى ىسكە، ءسوز جوق، قۋاتتى پارتيا باسشىلىق ەتۋ كەرەك. پارتيا حالىقتى ىنتىماقتاستىرىپ باستاپ، ۇلى كۇرەس جۇرگىزۋ، ۇلى ءىستى ىلگەرىلەتۋ، ۇلى ارماندى جۇزەگە اسىرۋ ءۇشىن، ءسوز جوق، پارتيانىڭ باسشىلىعىنا مىزعىماستان تاباندى بولىپ جانە ونى كەمەلدەندىرىپ، مىزعىماستان پارتيانى اناعۇرلىم قۋاتتى دا پارمەندى ەتىپ قۇرىپ شىعۋى كەرەك.

  جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنىڭ، كەدەيلىكتەن ارىلتۋدان قامال الۋدىڭ شەشۋشى شايقاسىنىڭ شەشۋشى ساتىندە، 19 - كەزەكتى ورتالىق ءتارتىپ تەكسەرۋ كوميتەتىنىڭ ءتورتىنشى جالپى ءماجىلىسى بەيجيڭدە اشىلدى. ماجىلىستە باس شۋجي شي جينپيڭ ”قوس 100 جىلدىق“ كۇرەس نىساناسىن جۇزەگە اسىرۋدىڭ تاريحي توعىسۋ تۇيىنىندە تۇرىپ، جاڭا داۋىردە پارتيانى جاپپاي قاتاڭ جونگە سالۋدىڭ تاريحي جەتىستىكتەرىن تەرەڭ قورىتىندىلاپ، پارتيامىزدىڭ وزىنە توڭكەرىس جۇرگىزۋىنىڭ تابىستى جولىن، ءونىمدى ءتۇزىمىن تەرەڭ ءتۇسىندىرىپ، پارتيانى باسقارۋدا، پارتيانى جونگە سالۋدا، ءسوز جوق، ”نەگە تاباندى بولۋ جانە ونى نىعايتۋ، نەنى كەمەلدەندىرۋ جانە دامىتۋ كەرەك“ دەگەن كەلەلى ماسەلەگە تەرەڭدەي جاۋاپ بەرىپ، پارتيانى جاپپاي قاتاڭ جونگە سالۋدىڭ تىڭ ناتيجەسى ارقىلى مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ جونىندە ستراتەگيالىق ورنالاستىرۋ جاسادى. باس شۋجي شي جينپيڭنىڭ ماڭىزدى ءسوزى كورەگەندىككە تولى، جالپى جاعدايدى تەگىس مەڭگەرگەن، يدەياسى تەرەڭ، مازمۇنى باي، پارتيانى جاپپاي قاتاڭ جونگە سالۋدىڭ ىشكەرىلەي تەرەڭ دامۋىن ىلگەرىلەتۋدە كەلەلى جەتەكشى مانگە يە.

  پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى پارتيانى جاپپاي قاتاڭ جونگە سالۋدى بۇرىن بولماعان باتىلدىقپەن جانە تاباندىلىقپەن ىلگەرىلەتىپ، جاڭا داۋىردە پارتيانى جاپپاي قاتاڭ جونگە سالۋدىڭ تاريحي، باستاما سيپاتتى جەتىستىكتەرىنە قول جەتكىزۋدى ىلگەرىلەتىپ، جان - جاقتى، تەرەڭ قاتپارلى ىقپال تۋدىردى. ءبىز پارتيانى تاباندىلىقپەن قاتاڭ باسقارىپ، جونگە سالىپ، پارتيانىڭ باسشىلىق ءتۇزىمى جۇيەسىن اقاۋسىزداندىرىپ، پارتيانى جاپپاي قاتاڭ جونگە سالۋ ءتۇزىمىن كەمەلدەندىردىك؛ پارتيانىڭ جاسامپاز نازارياسىمەن بۇكىل پارتيانى تاباندىلىقپەن قارۋلاندىرىپ، اۋەلگى ماقساتتى ۇمىتپاۋ، بورىشتى ەستە بەرىك ساقتاۋ ءتۇزىمىن ورناتىپ، ۇيرەنۋ تاربيەسىنىڭ تۇزىمدەنۋىن، ۇدايىلانۋىن ىلگەرىلەتتىك؛ پارتيا ورتالىق كوميتەتىنىڭ بەدەلىن تاباندىلىقپەن قورعاپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن تاباندىلىقپەن باتىل قورعاۋ تۇزىمدەرىن كەمەلدەندىرىپ، پارتيا ورتالىق كوميتەتىنىڭ كەلەلى قىزمەتتەرگە باسشىلىق ەتۋ ءتۇزىمىن اقاۋسىزداندىردىق؛ پارتيا ستيلى، پاكتىك قۇرىلىسىن تاباندىلىقپەن ىلگەرىلەتىپ، باتىل تۇردە شىرىكتەسۋدى جازالاپ، جونگە سالىپ، بۇرىس ستيلدەردى تۇزەتىپ، حالىق ءۇشىن بيلىك جۇرگىزۋ، حالىققا سۇيەنە وتىرىپ بيلىك جۇرگىزۋ تۇزىمدەرىن اقاۋسىزداندىردىق. اماليات مىنانى تولىق دالەلدەدى: پارتيانى جاپپاي قاتاڭ جونگە سالۋ − جاڭا داۋىردەگى پارتيانىڭ ەل باسقارۋداعى ءبىر ايقىن ەرەكشەلىگى، ول پارتيانىڭ ءوزىن كىرشىكسىزدەندىرۋ، ءوزىن كەمەلدەندىرۋ، ءوزىن جاڭالاۋ، ءوزىن ءوسىرۋ قابىلەتىن بارىنشا كۇشەيتىپ، ۇزاق ۋاقىت بيلىك جۇرگىزۋ شارت - جاعدايىندا وزىندەگى ماسەلەلەردى شەشۋدىڭ، تاريح پەريودىنان سەكىرىپ شىعۋدىڭ تابىستى جولىن قاراستىرىپ، بيلىكتى ۇتىمدى باقىلاۋ ءتۇزىمىن جانە ءتارتىپ اتقارۋ، زاڭ اتقارۋ جۇيەسىن قۇردى. بۇل جولعا، بۇل تۇزىمگە ۇزاق ۋاقىت تاباندى بولۋ ءارى ۇزدىكسىز بەكەمدەپ دامىتۋ كەرەك.

  جاڭا داۋىردەگى پارتيانى جاپپاي قاتاڭ جونگە سالۋدىڭ تاريحي جەتىستىككە قول جەتكىزۋىنىڭ پارتيانىڭ ەل باسقارۋداعى ءبىر ايقىن ەرەكشەلىگىنە اينالۋىنداعى ءتۇبىرلى سەبەپ − پارتيامىز وزىنە ۇلى توڭكەرىس جۇرگىزۋ ارقىلى ۇلى قوعامدىق توڭكەرىسكە جەتەكشىلىك ەتۋگە تاباندى بولىپ، پارتيانى باستان - اياق جۇڭگوشا سوتسياليزم ىستەرىنىڭ پارمەندى باسشىلىق ۇيتقىسىنا اينالدىردى؛ بۇكىل پارتيانىڭ مۇرات - سەنىمىنە عىلمي نازاريامەن جەتەكشىلىك ەتۋگە تاباندى بولىپ، جۇڭگو ارمانىن ءبىر نيەتپەن سومداۋ مۇرات - سەنىمىن ۇزدىكسىز نىعايتتى؛ ”ەكىنى قورعاۋ“ ارقىلى بۇكىل پارتيانىڭ ىنتىماعى مەن بىرلىگىنە جەتەكشىلىك ەتۋگە تاباندى بولىپ، پارتيانىڭ ساياسي باسشىلىق قابىلەتىن، يدەيالىق جەتەكشىلىك ەتۋ قابىلەتىن، بۇقارانى ۇيىمداستىرۋ قابىلەتىن، قوعامدى اتتانىسقا كەلتىرۋ قابىلەتىن ۇزدىكسىز كۇشەيتتى؛ ستيل تۇزەتۋ، ءتارتىپتى قاتايتۋ، شىرىكتەسۋگە قارسى تۇرۋ ارقىلى پارتيانىڭ تىلەگىن، ارميانىڭ تىلەگىن، حالىق تىلەگىن ۇيىستىرۋعا تاباندى بولىپ، حالىقتى باستان - اياق جۇڭگو كوممۋنيستىك پارتياسىنىڭ بيلىك جۇرگىزۋى مەن جۇڭگوشا سوتسياليزم ىستەرىنىڭ دامۋىنداعى جويقىن كۇشكە اينالدىردى.

  بۇگىنگى تاڭداعى دۇنيە ءجۇزى ءجۇز جىلدا بولماعان ۇلكەن وزگەرىستەردى باستان وتكەرۋدە، ەلىمىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ شەشۋشى مەزگىلىندە تۇر، پارتيامىز حالىقتى باستاپ كوپتەگەن جاڭا تاريحي ەرەكشەلىككە يە ۇلى كۇرەس جۇرگىزۋدە، جاعداي، ورتا وزگەرىسىنىڭ تەزدىگى، رەفورما، دامۋ، ورنىقتىلىق مىندەتتەرىنىڭ اۋىرلىعى، قايشىلىق، حاۋىپ - قاتەر، سىن - سايىستاردىڭ كوپتىگى، پارتيامىزدىڭ ەل باسقارۋىنا قويعان سىننىڭ ۇلكەندىگى بۇرىن بولىپ كورگەن ەمەس. پارتيانى جاپپاي قاتاڭ جونگە سالۋدىڭ ىشكەرىلەي تەرەڭ دامۋىن ىلگەرىلەتكەندە عانا، پارتيامىز جۇڭحۋا ۇلتىنىڭ ماڭگىلىك ۇلى ءىسىن جازا الادى. 2020 - جىل − جاپپاي دوڭگەلەك داۋلەتتى قوعام ورناتۋدىڭ جانە ”13 - بەسجىلدىق“ جوبانىڭ اياقتالاتىن جىلى، ءبىز يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن بىرلىككە كەلتىرىپ، پارتيانى دايەكتى تۇردە بۇلجىماستان جاپپاي قاتاڭ جونگە سالىپ، پارتيا مەن مەملەكەتتىڭ باقىلاۋ جۇيەسىنە تاباندى بولىپ جانە ونى كەمەلدەندىرىپ، بيلىكتىڭ جۇرگىزىلۋىن تەجەۋ مەن باقىلاۋدى كۇشەيتىپ، پارتيانىڭ لۋشيان، باعىت - ساياساتتارىنىڭ دايەكتىلەندىرىلۋىنە، تياناقتاندىرىلۋىنا شىنايى كەپىلدىك ەتىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە، كەدەيلىكتەن ارىلتۋدان قامال الۋدىڭ شەشۋشى شايقاسىنا پارمەندى كەپىلدىك ازىرلەۋىمىز كەرەك.

  پارتيامىز 90 ميلليوننان استام پارتيا مۇشەسى، 4 ميلليون 600 مىڭنان استام نەگىزگى ساتى پارتيا ۇيىمى بار پارتيا، ءبىر ميلليارد 400 ميلليون حالقى بار ءىرى ەلدە ۇزاق ۋاقىت بيلىك جۇرگىزىپ كەلگەن پارتيا، جۇڭگوشا سوتسياليزم ىستەرىنىڭ پارمەندى باسشىلىق ۇيتقىسى. اۋەلگى ماقساتتى ۇمىتپاي، بورىشتى ەستە بەرىك ساقتاپ، پارتيانى جاپپاي قاتاڭ جونگە سالۋدى تاباندىلىقپەن ىلگەرىلەتكەندە، پارتيامىز، ءسوز جوق، بۇكىل ەلدەگى ءار ۇلت حالقىن ىنتىماقتاستىرىپ باستاپ، العا باسۋ جولىنداعى ءتۇرلى جاپا - ماشاقات، قيىنشىلىق، حاۋىپ - قاتەر، كەدەرگىلەردى جەڭىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرا الادى.

(شينحۋا اگەنتتىگىنىڭ 1 - ايدىڭ 14 - كۇنى بەيجيڭنەن بەرگەن حابارى)

جاۋاپتى رەداكتور: ريزا حاميت