پارتيانى دايەكتى تۇردە جاپپاي قاتاڭ جونگە سالىپ، بيلىكتىڭ جۇرگىزىلۋىن تەجەۋ مەن باقىلاۋدى كۇشەيتىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە، كەدەيلىكتەن ارىلتۋدان قامال الۋدىڭ شەشۋشى شايقاسىنا پارمەندى كەپىلدىك ازىرلەۋ كەرەك

شي جينپيڭ 19 - كەزەكتى ورتالىق ءتارتىپ تەكسەرۋ كوميتەتىنىڭ ءتورتىنشى جالپى ماجىلىسىندە ماڭىزدى ءسوز سويلەپ، مىنانى باسا دارىپتەدى

پارتيانى دايەكتى تۇردە جاپپاي قاتاڭ جونگە سالىپ، بيلىكتىڭ جۇرگىزىلۋىن تەجەۋ مەن باقىلاۋدى كۇشەيتىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە، كەدەيلىكتەن ارىلتۋدان قامال الۋدىڭ شەشۋشى شايقاسىنا پارمەندى كەپىلدىك ازىرلەۋ كەرەك

لي كىچياڭ، لي جانشۋ، ۋاڭ ياڭ، ۋاڭ حۋنيڭ، حان جىڭ ماجىلىسكە قاتىناستى، جاۋ لىجي ءماجىلىستى باسقاردى

1 - ايدىڭ 13 - كۇنى، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۇڭگو كوممۋنيستىك پارتياسى 19 - كەزەكتى ورتالىق ءتارتىپ تەكسەرۋ كوميتەتىنىڭ ءتورتىنشى جالپى ماجىلىسىندە ماڭىزدى ءسوز سويلەدى. □ سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن

  شينحۋا اگەنتتىگىنىڭ 1 - ايدىڭ 13 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 1 - ايدىڭ 13 - كۇنى تۇستەن بۇرىن جۇڭگو كوممۋنيستىك پارتياسى 19 - كەزەكتى ورتالىق ءتارتىپ تەكسەرۋ كوميتەتىنىڭ ءتورتىنشى جالپى ماجىلىسىندە ماڭىزدى ءسوز سويلەدى. ول بىلاي دەپ باسا دارىپتەدى: جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ەكىنشى، ءۇشىنشى، ءتورتىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، پارتيانى دايەكتى تۇردە بۇلجىماستان جاپپاي قاتاڭ جونگە سالىپ، پارتيا مەن مەملەكەتتىڭ باقىلاۋ جۇيەسىنە تاباندى بولىپ جانە ونى كەمەلدەندىرىپ، بيلىكتىڭ جۇرگىزىلۋىن تەجەۋ مەن باقىلاۋدى كۇشەيتىپ، پارتيانىڭ لۋشيان، باعىت - ساياساتتارىنىڭ دايەكتىلەندىرىلۋىنە، تياناقتاندىرىلۋىنا شىنايى كەپىلدىك ەتىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە، كەدەيلىكتەن ارىلتۋدان قامال الۋدىڭ شەشۋشى شايقاسىنا پارمەندى كەپىلدىك ازىرلەۋ كەرەك.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي كىچياڭ، لي جانشۋ، ۋاڭ ياڭ، ۋاڭ حۋنيڭ، حان جىڭ ماجىلىسكە قاتىناستى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق ءتارتىپ تەكسەرۋ كوميتەتىنىڭ شۋجيى جاۋ لىجي ءماجىلىستى باسقاردى.

  شي جينپيڭ بىلاي دەپ باسا دارىپتەدى: پارتيا 18 - قۇرىلتايىنان بەرى، ءبىز پارتيانى جاپپاي قاتاڭ جونگە سالۋدى بۇرىن بولماعان باتىلدىقپەن جانە تاباندىلىقپەن ىلگەرىلەتىپ، جاڭا داۋىردە پارتيانى جاپپاي قاتاڭ جونگە سالۋدىڭ تاريحي، باستاما سيپاتتى جەتىستىككە قول جەتكىزۋىن ىلگەرىلەتىپ، جان - جاقتى، تەرەڭ قاتپارلى ىقپال تۋدىردىق. ءبىز ۇلى وزىندىك توڭكەرىس ارقىلى ۇلى قوعامدىق توڭكەرىسكە جەتەكشىلىك ەتىپ، پارتيانىڭ باسشىلىق ءتۇزىمى جۇيەسىن اقاۋسىزداندىرىپ، پارتيا قۇرىلىسى ءتۇزىمى رەفورماسىن تەرەڭدەتىپ، پارتيانى جاپپاي قاتاڭ جونگە سالۋ ءتۇزىمىن كەمەلدەندىرىپ، ءىشىنارا سالالاردا پارتيا باسشىلىعىنىڭ السىرەۋى، پارتيا قۇرىلىسىنىڭ ولقىلىعى، پارتيانى باسقارۋ، پارتيانى جونگە سالۋدىڭ پارمەنسىزدىگى جاعدايىن باتىل وزگەرتىپ، پارتيانىڭ قاشاندا جۇڭگوشا سوتسياليزم ىستەرىنىڭ پارمەندى باسشىلىق ۇيتقىسى بولۋىنا مۇمكىندىك جاسادىق. ءبىز بۇكىل پارتيانىڭ مۇرات - سەنىمىنە عىلمي نازاريامەن جەتەكشىلىك ەتىپ، اۋەلگى ماقساتتى ۇمىتپاۋ، بورىشتى ەستە بەرىك ساقتاۋ ءتۇزىمىن ورناتىپ، تاباندىلىقپەن جاڭا ءداۋىر جۇڭگوشا سوتسياليزم يدەياسى ارقىلى بۇكىل پارتيانى قارۋلاندىرىپ، حالىقتى تاربيەلەپ، قىزمەتكە جەتەكشىلىك ەتىپ، ۇيرەنۋ تاربيەسىنىڭ تۇزىمدەنۋىن، ۇدايىلانۋىن ىلگەرىلەتىپ، جۇڭگو ارمانىن ءبىر نيەتپەن سومداۋ مۇرات - سەنىمىن ۇزدىكسىز نىعايتتىق. ءبىز ”ەكىنى قورعاۋ“ ارقىلى بۇكىل پارتيانىڭ ىنتىماعى مەن بىرلىگىنە جەتەكشىلىك ەتۋگە تاباندى بولىپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن تاباندىلىقپەن قورعاۋدىڭ ءتۇرلى تۇزىمدەرىن كەمەلدەندىرىپ، پارتيا ورتالىق كوميتەتىنىڭ كەلەلى قىزمەتتەرگە باسشىلىق ءتۇزىلىسىن اقاۋسىزداندىرىپ، ءبىر تۇتاس ەرىك پەن ارەكەت ارقىلى پارتيانىڭ ىنتىماعى مەن بىرلىگىن قورعاپ، پارتيانىڭ ساياسي باسشىلىق قابىلەتىن، يدەيالىق جەتەكشىلىك ەتۋ قابىلەتىن، بۇقارانى ۇيىمداستىرۋ قابىلەتىن، قوعامدى اتتانىسقا كەلتىرۋ قابىلەتىن ۇزدىكسىز كۇشەيتتىك. ءبىز ستيل تۇزەتۋ، ءتارتىپتى قاتايتۋ، شىرىكتەسۋگە قارسى تۇرۋ ارقىلى پارتيانىڭ تىلەگىن، ارميانىڭ تىلەگىن، حالىق تىلەگىن ۇيىستىرۋعا تاباندى بولىپ، باتىل تۇردە شىرىكتەسۋدى جازالاپ، بۇرىس ستيلدەردى تۇزەتىپ، پارتيانىڭ العاباسارلىعى مەن كىرشىكسىزدىگىنە ىقپال جاسايتىن كەرەناۋ فاكتورلاردى باتىل الاستاپ، حالىق ءۇشىن بيلىك جۇرگىزۋ، حالىققا سۇيەنە وتىرىپ بيلىك جۇرگىزۋ تۇزىمدەرىن اقاۋسىزداندىرىپ، حالىقتىڭ قاشاندا جۇڭگو كوممۋنيستىك پارتياسىنىڭ بيلىك جۇرگىزۋى مەن جۇڭگوشا سوتسياليزم ىستەرىنىڭ دامۋىنداعى جويقىن كۇشكە اينالۋىنا مۇمكىندىك جاسادىق.

  شي جينپيڭ بىلاي دەپ اتاپ كورسەتتى: پارتيا 18 - قۇرىلتايىنان بەرى، ءبىز ۇزاق ۋاقىت بيلىك جۇرگىزۋ شارت - جاعدايىندا وزىندىك ماسەلەلەردى شەشۋدىڭ، تاريح پەريودىنان سەكىرىپ شىعۋدىڭ تابىستى جولىن قاراستىرىپ، ۇتىمدى بيلىكتى باقىلاۋ ءتۇزىمىن جانە ءتارتىپ اتقارۋ، زاڭ اتقارۋ جۇيەسىن قۇردىق، بۇل جولعا، بۇل تۇزىمگە، ءسوز جوق، ۇزاق ۋاقىت تاباندى بولۋىمىز ءارى ۇزدىكسىز بەكەمدەپ دامىتۋىمىز كەرەك. پارتيا 19 - كەزەكتى ورتالىق كوميتەتىنىڭ ءتورتىنشى جالپى ءماجىلىسى جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن ىلگەرىلەتۋ جونىندە ستراتەگيالىق ورنالاستىرۋ جاسادى. ءتارتىپ تەكسەرۋ، باقىلاۋ - تەكسەرۋ شەبى قاتىستى قىزمەتتەردىڭ تياناقتاندىرىلۋىن ويداعىداي يگەرۋ كەرەك.

  شي جينپيڭ بىلاي دەپ باسا دارىپتەدى: ساياسي باقىلاۋدى قامتاماسىزداندىرۋ ءتۇزىمىنىڭ اتقارىلۋىن كۇشەيتىپ، ”ەكىنى قورعاۋ“ ساياسي سانالىلىعىن كۇشەيتۋ كەرەك. پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ دايەكتىلەندىرىلۋ، تياناقتاندىرىلۋ جاعدايىن باقىلاۋ، تەكسەرۋدى كۇشەيتىپ، جۇڭگوشا سوتسياليزم تۇزىمىنە تىرەك بولعان ءتۇبىرلى تۇزىمگە، نەگىزگى تۇزىمگە، ماڭىزدى تۇزىمگە بۇلجىماي تاباندى بولۋ جانە ونى بەكەمدەۋ كەرەك. پارتيا ورتالىق كوميتەتىنىڭ كەلەلى شەشىمدەرى مەن ورنالاستىرۋلارىنىڭ تياناقتاندىرىلىپ ءونىم بەرۋىن ىلگەرىلەتۋ، بيىل، اسىرەسە، نازاردى جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنىڭ، كەدەيلىكتەن ارىلتۋدان قامال الۋدىڭ شەشۋشى شايقاسىنىڭ مىندەتتەرىنە باقىلاۋدى كۇشەيتۋگە شوعىرلاندىرىپ، ءار دارەجەلى پارتيا ۇيىمىنىڭ جاپپاي شايقاسقا اتتانۋىن، شەبەرلىكپەن ىستەپ تابىسقا جەتۋىن ىلگەرىلەتۋ كەرەك. پارتيانى جاپپاي قاتاڭ جونگە سالۋ جاۋاپكەرشىلىگىن تياناقتاندىرۋدى قۋزاپ، نەگىزگى ساتىداعى پارتيا باسشىلىعى مەن باقىلاۋىنىڭ دارمەنسىزدەنۋ، السىرەۋ ماسەلەسىن شىن مانىندە شەشىپ، جاۋاپكەرشىلىك ارقالاۋدى، جاۋاپكەرشىلىكتەن اينىماۋدى، جاۋاپكەرشىلىكتى ادا ەتۋدى ءاربىر پارتيا ۇيىمىندا، ءاربىر قىزمەت ورنىندا ايگىلەۋ كەرەك. بيلىكتىڭ دۇرىس ارنادا جۇرگىزىلۋىنە كەپىلدىك ەتىپ، دەموكراتيالىق ورتالىقتاندىرۋ تۇزىمىنە تاباندى بولىپ، بيلىك جۇرگىزۋدىڭ شەشىم جاساۋى عىلمي، اتقارۋى باتىل، باقىلاۋى پارمەندى مەحانيزمىن قالىپتاستىرىپ، بيلىكتى ءادىل ىستەتۋدى، بيلىكتى زاڭ بويىنشا ىستەتۋدى، بيلىكتى پاكتىكپەن ىستەتۋدى قۋزاۋ كەرەك.

  شي جينپيڭ بىلاي دەپ اتاپ كورسەتتى: حالىقتى وزەك ەتكەن قىزمەت باعىتىنا تاباندى بولىپ، تاڭداۋلى ستيل ارقىلى جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋ، كەدەيلىكتەن ارىلتۋدان قامال الۋدىڭ شەشۋشى شايقاسىنا اتتانۋ كەرەك. كادرلاردىڭ ءىس تىندىرىپ ناتيجە شىعارۋىنىڭ قول - اياعىن فورماشىلدىقتىڭ، تورەشىلدىكتىڭ بۇعاۋىنان، ”قۋلىعى“نان بوساتىپ، شىندىققا جۇگىنۋ، ناقتى ءىس تىندىرۋ، كىرشىكسىز، پاك بولۋداي جاڭا ستيل، دۇرىس سالتتى قالىپتاستىرۋ كەرەك. كەلەلى قىزمەتتىڭ، كەلەلى كۇرەستىڭ ءبىرىنشى شەبىندە كادرلاردى باۋلىپ، كادرلاردى شىنىقتىرىپ، جاقسى كادرلاردىڭ تولىسىپ - جەتىلۋىنە، قارا ءۇزىپ شىعۋىنا مۇمكىندىك جاساۋ كەرەك. كەدەي وڭىرلەردەگى بۇقارانىڭ اڭىسى كۇشتى بولعان، بۇقارانىڭ مۇددەسىنە زالال جەتكىزەتىن كورنەكتى ماسەلەلەردى شوعىرلى تۇردە شەشىپ، كەدەيلىكتەن ارىلتۋدان قامال الۋداعى فورماشىلدىق، تورەشىلدىك ماسەلەلەرىن دالمە - ءدال جونگە سالىپ، كەدەيلىكتەن ارىلتۋ قىزمەتىنىڭ ناتيجەسىن، اسىرەسە، كەدەي اۋدانداردىڭ كەدەيلىك قالپاعىن الۋ جاعدايىن باقىلاۋدى كۇشەيتۋ كەرەك. حالىق تۇرمىسى سالاسىنداعى ”ۇساق شىرىكتەسۋ“دى، قارا، سۇرقيا كۇشتەردى ىرقىنا جىبەرىپ قورعاشتايتىن ”باسقالقا“نى، حالىققا تيىمدىلىك جاساۋ ساياساتىنىڭ تياناقتانۋىنا ”كەدەرگى كەلتىرەتىن“ بوگەتتەردى ىشكەرىلەي رەتتەپ، جونگە سالىپ، نەگىزگى ساتى پارتيا ۇيىمىنىڭ جان - جاقتى شىڭالۋىن جەبەۋ كەرەك.

  شي جينپيڭ بىلاي دەپ باسا دارىپتەدى: ”جولبارىس“تى سوعىپ، ”شىبىن“دى بىرگە قاعۋعا ۇزدىكسىز تاباندى بولىپ، تيىلماۋ، قولىن تارتپاۋ سىندى تارتىپكە، زاڭعا قايشى ماسەلەلەردى ءتۇيىندى تۇردە تەكسەرىپ ءبىر جاقتى ەتۋ كەرەك. ءبىز ءشىرىتۋ مەن شىرىتۋگە قارسى كۇرەستىڭ قاتاڭدىعىن، كۇردەلىلىگىن ايقىن تانىپ، شىرىكتەسۋگە قارسى كۇرەستىڭ ۇزاق ۋاقىتتىلىعىن، جاپالىلىعىن تانىپ، حاۋىپ - قاتەردەن ساقتانۋ تانىمىن شىن مانىندە كۇشەيتىپ، شىرىكتەسۋدى جونگە سالۋ رولىن جوعارىلاتۋىمىز كەرەك. پارتيا 18 - قۇرىلتايىنان بەرى تيىلماي، قولىن تارتپاي، پارتيانىڭ نازاريالارىنىڭ جانە لۋشيان، باعىت - ساياساتتارىنىڭ دايەكتى اتقارىلۋىنا اۋىر كەدەرگىلىك جاساعان، پارتيانىڭ بيلىك جۇرگىزۋ نەگىزىنە اۋىر زالال جەتكىزگەن شىرىكتەسۋ ماسەلەلەرىن، ءسوز جوق، قاتاڭ تەكسەرىپ ءبىر جاقتى ەتۋ، قاتاڭ جازالاۋ كەرەك. ءار ءتۇرلى حاۋىپ - قاتەردىڭ استارىنداعى شىرىكتەسۋ ماسەلەلەرىن باتىل تەكسەرىپ ءبىر جاقتى ەتىپ، فينانس سالاسىنداعى شىرىكتەسۋگە قارسى تۇرۋ قىزمەتىن تەرەڭدەتىپ، مەملەكەت مەنشىگىندەگى كاسىپورىنداردىڭ شىرىكتەسۋگە قارسى تۇرۋ سەرپىنىن ارتتىرىپ، مەملەكەت بايلىعىن، مەملەكەت مەنشىگىندەگى مال - مۇلىكتى باسقارۋدى كۇشەيتىپ، جەرگىلىكتى قارىز حاۋىپ - قاتەرىندە جاسىرىنعان شىرىكتەسۋ ماسەلەلەرىن تەكسەرىپ ءبىر جاقتى ەتۋ كەرەك. ەمدەۋ قۇرىلىمىنىڭ ءىش - سىرتپەن استاسىپ قامسىزداندىرۋ الدامشىلىعىمەن اينالىسۋ ارەكەتىن باتىل تەكسەرىپ ءبىر جاقتى ەتىپ، باياندى باقىلاۋ - باسقارۋ مەحانيزمىن ورناتۋ جانە كۇشەيتۋ كەرەك. شەكارا سىرتىنداعى مەملەكەت مەنشىگىندەگى مال - مۇلىكتى باقىلاۋ - باسقارۋ ءتۇزىمىن كەمەلدەندىرۋ كەرەك. ورتالىقتىڭ 8 ءتۇرلى بەلگىلەمەسىنىڭ رۋحىن باتىل دايەكتىلەندىرىپ، تاباندىلىقتى ساقتاپ، تيتتەي دە جول بەرمەي، كونە ماسەلەلەردىڭ قايتا قوزداۋىنان، جاڭا ماسەلەلەردىڭ بەلەڭ بەرۋىنەن، ۇساق ماسەلەلەردىڭ ۇلعايۋىنان ساقتانۋ كەرەك. ءار دارەجەلى ”ءبىرىنشى باسشىلار“دى باقىلاۋدى، تەكسەرۋدى كۇشەيتىپ، مىندەت وتەگەندە تايساپ تۇرۋ، مەرزىمدى ۋاقىتتا كەزەكپەن قىزمەت ىستەۋ، مىندەتتەن بوساعان سوڭ قازىنالىق باقىلاۋ جۇرگىزۋ سياقتى تۇزىمدەردى كەمەلدەندىرىپ، سىن جانە ءوز - وزىنە سىن قارۋىن ويداعىداي پايدالانۋ كەرەك.

  شي جينپيڭ بىلاي دەپ اتاپ كورسەتتى: پارتيا ستيلى، پاكتىك قۇرىلىسىنىڭ زاڭدىلىعىن تەرەڭ يگەرىپ، شىرىكتەسۋگە باتىنا الماۋدى، شىرىكتەسۋگە مۇمكىندىك بولماۋدى، شىرىكتەسۋدى ويىنا الماۋدى ءبىر تۇلعالى ىلگەرىلەتۋ كەرەك. شىرىكتەسۋگە باتىنا الماۋدى، شىرىكتەسۋگە مۇمكىندىك بولماۋدى، شىرىكتەسۋدى ويىنا الماۋدى ءبىر تۇلعالى ىلگەرىلەتۋ شىرىكتەسۋگە قارسى تۇرۋ كۇرەسىنىڭ نەگىزگى باعىتى بولىپ قانا قالماستان، جاڭا داۋىردە پارتيانى جاپپاي قاتاڭ جونگە سالۋدىڭ دا ماڭىزدى جالپى جوباسى. شىرىكتەسۋگە باتىنا الماۋ، شىرىكتەسۋگە مۇمكىندىك بولماۋ، شىرىكتەسۋدى ويىنا الماۋ ءبىر - بىرىنە سۇيەنەتىن، ءبىرىن - ءبىرى جەبەيتىن ورگانيكالى تۇتاس تۇلعا، ءسوز جوق، ءبىر تۇتاس جوسپارلاپ، قوسىلا ارەكەت ەتىپ، جالپى تۇلعالىق ونىمدىلىكتى كۇشەيتۋ كەرەك. ءتارتىپتى، زاڭدى قاتاڭ اتقارۋ ارقىلى ءتۇزىمنىڭ قاتاڭدىعىن كۇشەيتىپ، ۇزدىكسىز كەمەلدەنەتىن ءتۇزىم جۇيەسىن، قاتاڭ دا ءونىمدى باقىلاۋ جۇيەسىن قالىپتاستىرۋدى ىلگەرىلەتىپ، يدەيالىق سەنىم تاربيەسىن كۇشەيتىپ، پارتيالىلىق سانانى جوعارىلاتىپ، اۋەلگى ماقساتتى ۇمىتپاۋدىڭ، بورىشتى ەستە بەرىك ساقتاۋدىڭ يدەيالىق نەگىزىن بەكەمدەۋ كەرەك. ”قاتاڭدىق“ نەگىزگى ارناسىنا ۇزاق ۋاقىت تاباندى بولۋمەن بىرگە، ”ءۇشتى اجىراتۋ“دى ورىنداۋعا شەبەر بولۋ كەرەك؛ حالىق تىلەگىنە، حالىق رايىنا ۇيلەسۋمەن بىرگە، كادرلاردى جاۋاپكەرشىلىك ارقالاپ، ىسكەرلىك كورسەتۋگە دە ىنتالاندىرىپ، ”ءتورت ءتۇرلى كۇي“ ازىرلەگەن ساياسات، تاكتيكادان تولىق پايدالانىپ، ساقتالىمدى ۇتىمدى ءبىر جاقتى ەتۋ، جويۋ، باقىلاۋدى كۇشەيتىپ ارتۋ مولشەرىن تەجەۋ ارقىلى ساياسي ونىمدىلىكتىڭ، ءتارتىپ - زاڭ ونىمدىلىگىنىڭ، قوعامدىق ونىمدىلىكتىڭ ورگانيكالى بىرلىگىن جۇزەگە اسىرۋ كەرەك.

  شي جينپيڭ بىلاي دەپ باسا دارىپتەدى: پارتيا مەن مەملەكەتتىڭ باقىلاۋ جۇيەسىن كەمەلدەندىرىپ، ءتارتىپ تەكسەرۋ، باقىلاۋ - تەكسەرۋ ءتۇزىلىسى رەفورماسىن ءبىر تۇتاس جوسپارلاپ ىلگەرىلەتۋ كەرەك. ءتۇزىمدى ۇزدىكسىز اقاۋسىزداندىرىپ، جۇيەنى كەمەلدەندىرىپ، باقىلاۋ جۇيەسىن پارتيانىڭ باسشىلىق تۇزىلىسىنە ۇيلەستىرىپ، مەملەكەتتى جونگە سالۋ جۇيەسىمەن توعىستىرىپ، ءتۇزىم ارتىقشىلىعىن جونگە سالۋ ونىمدىلىگىنە اناعۇرلىم جاقسى اينالدىرۋدى ىلگەرىلەتۋ كەرەك. پارتكومنىڭ (پارتيا باسشىلىق گرۋپپاسى) جاپپاي باقىلاۋى، ءتارتىپ تەكسەرۋ كوميتەتىنىڭ، باقىلاۋ - تەكسەرۋ كوميتەتىنىڭ ارناۋلى جاۋاپتى بولىپ باقىلاۋى، پارتيا قىزمەتى تاراۋلارىنىڭ فۋنكتسيالىق باقىلاۋى، پارتيانىڭ نەگىزگى ساتى ۇيىمدارىنىڭ داعدىلى باقىلاۋى، پارتيا مۇشەلەرىنىڭ دەموكراتيالىق باقىلاۋى سياقتىلاردى ۇشتاستىرۋدى، ءبىر تۇلعا ەتىپ توعىستىرۋ كەرەك. پارتيا ىشىندەگى باقىلاۋدى جەتەكشى ەتىپ، حالىق قۇرىلتايىنىڭ باقىلاۋىن، دەموكراتيالىق باقىلاۋدى، اكىمشىلىك باقىلاۋدى، ءادىليالىق باقىلاۋدى، ەسەپ تەكسەرۋ باقىلاۋىن، قازىنا - بۇعالتىرلىق باقىلاۋدى، ساناق باقىلاۋىن، بۇقارالىق باقىلاۋدى، قوعامدىق پىكىر باقىلاۋىن ورگانيكالى تۇتاستىرۋ، ءوزارا سايكەستىرۋ كەرەك. ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى پارتيا مەن مەملەكەتتىڭ باقىلاۋ جۇيەسىندەگى رولىن ويداعىداي ساۋلەلەندىرىپ، ءبىر تۇلعالى ىلگەرىلەتىپ، ءتارتىپ تەكسەرۋ، باقىلاۋ - تەكسەرۋ ءتۇزىلىسى رەفورماسىنىڭ مىندەتتەرىن تياناقتاندىرۋ كەرەك.

  شي جينپيڭ بىلاي دەپ اتاپ كورسەتتى: قاتاڭ ءتارتىپ ارقىلى ءتۇزىمدى قورعاپ، ءتارتىپتىڭ تەجەۋ كۇشى مەن ءتۇزىمنىڭ اتقارۋ كۇشىن كۇشەيتۋ كەرەك. جاپپاي قامتىعان ءتۇزىمنىڭ اتقارىلۋىن باقىلاۋ مەحانيزمىن كەمەلدەندىرىپ، داعدىلى قاداعالاۋ مەن ارناۋلى تەكسەرۋدى كۇشەيتۋ كەرەك. ءتۇزىمنىڭ اتقارىلۋ جاعدايىن باعالاۋ مازمۇنىنا ەنگىزىپ، كادرلاردىڭ قاتاڭ تۇردە ءتۇزىم بويىنشا مىندەت اتقارۋىن، جاۋاپكەرشىلىكتى ادا ەتۋىن، تۇزىمنەن شەبەرلىكپەن پايدالانىپ ءىستى جوسپارلاۋىن، ءىستى تىندىرۋىن ىلگەرىلەتۋ كەرەك. ءونىمدى جاۋاپقا تارتۋ ارقىلى ءتۇزىمنىڭ اتقارىلۋىن كۇشەيتىپ، ۇقىقتان بەتالدى پايدالانۋ، ۇقىقتى ورىنسىز پايدالانۋ سىندى جاۋاپكەرسىزدىك ىستەۋ ارەكەتىن تەكتەۋمەن بىرگە، ۇقىقتى قولدانباۋ، ۇقىقتان قول ءۇزۋ سىندى قىزمەت اتقارماۋ ارەكەتىن دە تەكتەۋ، تىكە جاۋاپكەرشىلىكتى تەكتەۋمەن بىرگە، قاتىستى باسشىلىق جاۋاپكەرشىلىكتى دە تەكتەۋ كەرەك.

  شي جينپيڭ بىلاي دەپ باسا دارىپتەدى: ءتۇزىمنىڭ بەدەلىن قورعاۋ، ءتۇزىمنىڭ اتقارىلۋىن قامتاماسىز ەتۋ ءتارتىپ تەكسەرۋ، باقىلاۋ - تەكسەرۋ ورگاندارىنىڭ ماڭىزدى مىندەت جاۋاپكەرشىلىگى. ءتارتىپ تەكسەرۋ، باقىلاۋ - تەكسەرۋ ورگاندارى پارتيانىڭ ساياسي قۇرىلىسىن باستاماشىلدىقپەن كۇشەيتىپ، پارتياعا شارتسىز ادال بولۋداي داڭقتى داستۇرگە مۇراگەرلىك ەتىپ، ادال، كىرشىكسىز، جاۋاپكەرشىلىك ارقالايتىن، كۇرەس جاساۋعا باتىل، شەبەر جاۋىنگەر بولۋ كەرەك. پارتيا ورتالىق كوميتەتىنىڭ ءتارتىپتىڭ اتقارىلۋىن باقىلاۋ قىزمەت ەرەجەسىن جاساۋى، ءتارتىپتىڭ اتقارىلۋىن باقىلاۋ قىزمەت بەلگىلەمەسىن بەكىتۋى − ءتارتىپ تەكسەرۋ، باقىلاۋ - تەكسەرۋ ورگاندارىنا ءتۇزىم تۇراقتاندىرۋ، قاعيدا تۇرعىزۋ ءۇشىن، ونى، ءسوز جوق، بۇلجىتپاستان تىڭعىلىقتى اتقارۋ كەرەك. ءار دارەجەلى پارتكومدار ءتارتىپ تەكسەرۋ كوميتەتىنە، باقىلاۋ - تەكسەرۋ كوميتەتىنە باسشىلىق پەن باقىلاۋدى كۇشەيتىپ، ءتارتىپ اتقارۋ، زاڭ اتقارۋ ۇقىعىنىڭ باقىلاۋدا بولۋىنا، شەكتەۋدە بولۋىنا شىنايى كەپىلدىك ەت−ۋ كەرەك. ءتارتىپ تەكسەرۋ، باقىلاۋ - تەكسەرۋ ورگانى ءوزىن باقىلاۋدى، ءوزىن تەجەۋدى كۇشەيتۋدە ۇلگى كورسەتىپ، زاڭمەن جونگە سالۋ تانىمىن، ءتارتىپ تانىمىن، دالەل - سىپات تانىمىن بەرىك ورناتىپ، قاتاڭ تۇردە ۇقىق شەكتەمەسى، ەرەجە، ءتارتىپ بويىنشا قىزمەت ورىستەتۋ، اناعۇرلىم زور كۇش سالىپ قوسىندى كۇشەيتىپ قۇرۋ، كادردى ىسىلدىرۋ كەرەك.

  جاۋ لىجي ءماجىلىستى باسقارعان كەزدە بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى ءسوزى، ”قوس 100 جىلدىق“ كۇرەس نىساناسىن جۇزەگە اسىرۋدىڭ تاريحي توعىسۋ تۇيىنىندە تۇرىپ، جاڭا داۋىردە پارتيانى جاپپاي قاتاڭ جونگە سالۋدىڭ تاريحي تابىستارىن تەرەڭ قورىتىندىلاپ، پارتيامىزدىڭ وزىنە توڭكەرىس جاساۋدى جۇزەگە اسىرۋداعى ءساتتى جولىن، ءونىمدى ءتۇزىمىن تەرەڭ ءتۇسىندىرىپ، پارتيانى باسقارۋدا، پارتيانى جونگە سالۋدا، ءسوز جوق، ”نەگە تاباندى بولۋ، نەنى بەكەمدەۋ، نەنى كەمەلدەندىرۋ جانە دامىتۋ“ سىندى كەلەلى ماسەلەگە تەرەڭ جاۋاپ بەرىپ، پارتيانى جاپپاي قاتاڭ جونگە سالۋدىڭ جاڭا ونىمدىلىكتەرى ارقىلى مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋگە ستراتەگيالىق ورنالاستىرۋ جاسادى. ءسوز ءتيىمدى جاعدايدى جوسپارلاپ، جالپى جاعدايدى جاپپاي ەسەپكە الدى، يدەياسى تەرەڭ، مازمۇنى باي، پارتيانى جاپپاي قاتاڭ جونگە سالۋدىڭ تەرەڭدەي دامۋىن ىلگەرىلەتۋ جونىنەن كەلەلى جەتەكشى مانگە يە. ءار دارەجەلى پارتيا ۇيىمدارى مەن قالىڭ پارتيالى كادرلار باس شۋجي شي جينپيڭنىڭ ماڭىزدى ءسوزىنىڭ رۋحىن جەتەكشى ەتىپ، ”ءتورت تانىم“دى ۇزدىكسىز كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، بەرىك، ورنىقتى بولىپ، ورنىقتىلىق بارىسىندا ىلگەرىلەۋگە تالپىنىپ، ”قاتاڭدىق“ نەگىز ارناسىنا ۇزاق ۋاقىت تاباندى بولىپ، شىرىكتەسۋگە قارسى تۇرۋ كۇرەسىنىڭ ۇستەم جەڭىسىن ۇزدىكسىز بەكەمدەۋ، دامىتۋ كەرەك.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىنىڭ قاتىستى باسشى جولداستارى، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستىڭ قاتىستى باسشى جولداستارى، سونداي - اق ورتالىق اسكەري ىستەر كوميتەتىنىڭ مۇشەلەرى ماجىلىسكە قاتىناستى.

  ورتالىق ءتارتىپ تەكسەرۋ كوميتەتىنىڭ مۇشەلەرى، ورتالىق پەن مەملەكەت ورگاندارىنىڭ قاتىستى تاراۋلارىنىڭ، ءارقايسى حالىقتىق توپتاردىڭ نەگىزگى جاۋاپتى جولداستارى، اسكەري ءبولىمنىڭ قاتىستى ورىندارىنىڭ نەگىزگى جاۋاپتى جولداستارى قاتارلىلار ماجىلىسكە قاتىناستى. ءماجىلىس تەلەۆيزور - تەلەفون ءماجىلىسى فورماسىندا وتكىزىلدى، ءارقايسى ولكە، اۆتونوميالى رايون، توتە قاراستى قالالاردىڭ جانە شينجياڭ ءوندىرىس - قۇرىلىس بيڭتۋانىنىڭ، سونداي - اق اسكەري ءبولىمنىڭ قاتىستى ورىندارى بولىمشە ءماجىلىس ورنىن اشتى.

  جۇڭگو كوممۋنيستىك پارتياسى 19 - كەزەكتى ورتالىق ءتارتىپ تەكسەرۋ كوميتەتىنىڭ ءتورتىنشى جالپى ءماجىلىسى 1 - ايدىڭ 13 - كۇنى بەيجيڭدە اشىلدى. ورتالىق ءتارتىپ تەكسەرۋ كوميتەتىنىڭ تۇراقتى كوميتەتى ءماجىلىستى باسقاردى. 1 - ايدىڭ 13 - كۇنى تۇستەن كەيىن، جاۋ لىجي ورتالىق ءتارتىپ تەكسەرۋ كوميتەتى تۇراقتى كوميتەتى اتىنان «پارتيا مەن مەملەكەتتىڭ باقىلاۋ جۇيەسىنە تاباندى بولىپ جانە ونى كەمەلدەندىرىپ، جاپپاي دوڭگەلەك داۋلەتتى قوعام ورناتۋعا پارمەندى كەپىل ازىرلەيىك» دەگەن تاقىرىپتا قىزمەت بايانداماسىن جاسادى.

جاۋاپتى رەداكتور: ريزا حاميت