قىستاق تۇرعىندارى ۇيلەرىنىڭ ىرگەسىندە ساياحاتتان كىرىس تاباتىن بولدى

قاراقاش اۋدانى جاھانباق اۋىلى داراسكال قىستاعى ساياحات شاعىن قالاشىعىن قالىپتاستىردى −

قىستاق تۇرعىندارى ۇيلەرىنىڭ ىرگەسىندە ساياحاتتان كىرىس تاباتىن بولدى

□ گازەتىمىزدىڭ جالپىلىق اقپارات قۇرالدارى ءتىلشىسى سۇڭ ياۋىن

  رەتتى اسفالت جولدىڭ ەكى بويىندا كاۋاپ دۇكەنى، كيىم - كەشەك دۇكەنى، ناۋبايحانا، قاس تاسى دۇكەنى، كەپتىرىلگەن جەمىس دۇكەنى، ءتۇرلى بۇيىمدار دۇكەنى سياقتى 113 دۇكەن قاز - قاتار جايعاسقان. قاقاعان قاڭتار، ساياحاتتىڭ قاۋرىت كەزى بولماسا دا، قاراقاش اۋدان قالاشىعىنىڭ وڭتۇستىگىنەن 2 كيلومەتر جەردەگى يۇيحى شاعىن قالاشىعى دۋماندى قايناعان بەينە تانىتادى.

  يۇيحى شاعىن قالاشىعى قاراقاش اۋدانى جاھانباق اۋىلىنىڭ داراسكال قىستاعىندا ايقىش - ۇيقىش ورنالاسقان ۇيلەر، رەتتى اۋىل - قىستاق كوشەلەرى، رەتتى ساپ تۇزەگەن كۇن ەنەرگيالى كوشە شامدارى... ساياحاتشىلاردى تاسىعان كوركەم ات اربالار كوشەلەردە قايشالىسىپ ءجۇر، قىستىق دەمالىسقا كەلگەن ستۋدەنت ميھىربان قايۇم كوز الدىنداعى وسى ءبىر شىت جاڭا كورىنىستى كورىپ قاتتى اسەرلەندى: ”ۇيگە قايتپاعالى جارتى جىل بولعان، اۋىلىمدا مۇنداي ۇلكەن وزگەرىستىڭ بولارىن، راسىندا، ويلاماپپىن، بۇرىن ساباقتاستارمەن باس قوسۋ ءۇشىن اۋدانعا باراتىنبىز، قازىر ساباقتاستارىمدى قىستاققا كەلىپ باس قوسۋعا شاقىرا الاتىن بولدىم“.

  قاراقاش اۋدانى ماڭلاي اۋىلىنىڭ ورىنباسار باستىعى، جاھانباق اۋىلى داراسكال قىستاعىندا تۇراتىن ءبىرىنشى شۋجي يۋان سۇڭرىن بىلاي دەپ تانىستىردى: 2019 - جىلى قىستاق ”اۋلا كەلبەتىن كورىكتەندىرۋ، قونىس ورتاسىن جاقسارتۋ، تۇرعىنداردىڭ كىرىسىن ارتتىرۋ، ساياحات كاسىبىن دامىتۋ“دى نىسانا ەتىپ، قونىس ورتاسىن كۇش سالا جاقسارتتى، بۇگىندە قىستاقتا ەرەسەن وزگەرىستەر جارىققا شىقتى.

  ”قىستاعىمىز اۋدان قالاشىعىنا جاقىن، توڭىرەكتە تاعى پويەز ستانسياسى، جولاۋشى تاسىمال بەكەتى بار، ارى - بەرى وتەتىن جولاۋشىلار كوپ. ءبىز وسى ارتىقشىلىققا سۇيەنە وتىرىپ قىستاقتى ساياحات، كوڭىل اشۋ، تۇتىنۋ ءبىر تۇلعالاندىرىلعان امبەباپ شاعىن قالاشىق ەتىپ قالىپتاستىرىپ، قىستاق تۇرعىندارىنا ساياحاتتان كىرىس تاپتىردىق“. يۋان سۇڭرىن: قازىر يۇيحى شاعىن قالاشىعىندا جيىنى 113 دۇكەن بار بولىپ، 200دەن استام كەدەي وتباسىنىڭ كىرىسىنىڭ ورنىقتى ارتۋىنا باستاماشىلدىق ەتىپ وتىر، - دەدى.

  يۇيحى شاعىن قالاشىعىنىڭ كىرە بەرىسىنىڭ جانىنداعى كاۋاپ دۇكەنىندە كاۋاپتىڭ ءيىسى مۇرىن جارىپ، ساياحاتشىلاردى وزىنە تارتادى. ”قازىر ءوز دۇكەنىم بار، قىستاقتىڭ وزىندە اقشا تاباتىن بولدىق“. داراسكال قىستاعىنىڭ تۇرعىنى ابدىراحمان شاكىر تىلشىگە ءوزىنىڭ كاۋاپ دۇكەنىنىڭ قوجايىنى بولا الاتىندىعىن ويلاپ تا كورمەگەنىن ايتتى. وتباسىندا جەرى بولماعاندىقتان، ابدىراحمان مەن ايەلى بۇرىن اۋدان قالاشىعىندا جۇمىس ىستەيتىن.

  قىستاقتىڭ ساياحات شاعىن قالاشىعىن قۇرعانىن بىلگەن سوڭ، ابدىراحمان قىستاققا قايتىپ كاۋاپ دۇكەنىن اشۋدى ۇيعارادى. ”قىستاق كوركەم بولدى، ساياحاتشىلار كەلگەن سوڭ، تاماققا دەگەن سۇرانىس ارتادى“. ونىڭ ويلاعانىنداي، 2019 - جىلى 10 - ايدا ابدىراحماننىڭ كاۋاپ دۇكەنى اشىلىسىمەن ءار كۇنى ادام اياعى ۇزىلمەدى، دۇكەن اشىلىپ 3 ايدا 40 مىڭ يۋاننان استام كىرىس تابادى.

  يۇيحى شاعىن قالاشىعىندا ابدىراحمان سياقتى ساياحاتتان كىرىس تاۋىپ وتىرعان قىستاق تۇرعىندارى بارشىلىق. ءتىلشى قىستاق تۇرعىنى ارزىگۇل توحتىنىڭ 10 شارشى مەترگە جەتپەيتىن شاعىن دۇكەنىنىڭ قاريدارعا تولىپ، ونىڭ الارماندارعا كيىم تاڭداپ بەرىپ جاتقانىن كوردى. ”قىستاقتا كيىم - كەشەك دۇكەنى از، سوندىقتان ساۋدام ءتاۋىر“، - دەدى ارزىگۇل قاربالاستانىپ ءجۇرىپ تىلشىگە.

  دۇكەن اشاردان بۇرىن، ارزىگۇل قاراقاش اۋدان قالاشىعىندا جۇمىس ىستەپتى، ايىنا تاباتىن 1500 يۋان كىرىسى مەكتەپتە وقيتىن 3 بالاعا جەتپەيدى ەكەن. ”قىستاقتىڭ كوركەيىپ، تازاراعانىن كورگەن سوڭ، قىستاققا قايتىپ كيىم - كەشەك دۇكەنىن اشۋدى ۇيعاردىم، بالالارعا قارايلاسىپ قانا قويماي، كىرىس تابا دا الامىن. دۇكەن اشقان ءبىرىنشى ايداعى كىرىسىم وتكەن 2 ايداعى ەڭبەكاقىمنان جوعارى بولدى“، - دەدى ارزىگۇل كۇلىپ.

  ”بيىل كوكتەمدە ءجۇز مۋ جەرگە كۇرىش ەگۋدى، سونداي - اق 3 تەرۋ - ءۇزۋ باقشاسىن اشىپ، اناعۇرلىم كوپ ساياحاتشىنى شاعىن قالاشىققا ساياحاتتاپ كەلۋگە باۋراۋدى جوسپارلاپ وتىرمىز، قىستاق تۇرعىندارى بيىل ءتىپتى جاقسى كىرىس تابۋدى كۇتۋدە“. يۋان سۇڭرىن كەلەسى قادامدا قىستاقتىڭ جۇمساق، قاتتى بولشەك قۇرىلعىلارىن اناعۇرلىم كەمەلدەندىرىپ، اناعۇرلىم كوپ قىستاق تۇرعىندارىنىڭ ساياحات كاسىبىن دامىتۋ ارقىلى كىرىستى ارتتىرىپ كەدەيلىكتەن ارىلۋىنا مۇمكىندىك جاسايتىندىعىن ايتتى.

جاۋاپتى رەداكتور: ريزا حاميت