بيىل رايونىمىزدىڭ ساياحات كاسىبى 50 مىڭ ادامدى تىڭنان جۇمىستانۋعا جەتەكتەيدى

بيىل رايونىمىزدىڭ ساياحات كاسىبى 50 مىڭ ادامدى تىڭنان جۇمىستانۋعا جەتەكتەيدى

  گازەتىمىزدىڭ جالپىلىق اقپارات قۇرالدارى ءتىلشىسى لي چۇنشيا، پراكتيكانت شياۋ لياڭيۋان 1 - ايدىڭ 13 - كۇنى ۇرىمجىدەن حابارلايدى. 1 - ايدىڭ 13 - كۇنى اشىلعان اۆتونوميالى رايوننىڭ ادام كۇشى بايلىعى جانە قوعامدىق قامتاماسىزداندىرۋ قىزمەتى ماجىلىسىنەن ۇعىسۋىمىزشا، 2020 - جىلى رايونىمىز ساياحات ارقىلى جۇمىستاندىرۋدى جەبەۋ قىزمەتىن بەلسەنە ىلگەرىلەتىپ، ”7 ءبىر توپ“ ارناسى ارقىلى، ساياحات كاسىبى ارقىلى 50 مىڭ ادامدى تىڭنان جۇمىستاندىرۋدى جۇزەگە اسىرادى ەكەن.

  قوعام ورنىقتىلىعى پايداسىنىڭ ۇزدىكسىز جارىققا شىعۋىنا ساي، رايونىمىزدىڭ ساياحات كاسىبى قارىشتاپ دامىپ، جۇمىستاندىرۋدىڭ ماڭىزدى ارناسىنا جانە تىڭ ارتۋ تۇيىنىنە اينالدى. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ ساناعىنا قاراعاندا، 2019 - جىلى رايونىمىز ساياحات كاسىبىندە ”7 ءبىر توپ“ ارناسى ارقىلى 54 مىڭ 100 ادامدى تىڭنان جۇمىستانۋعا جەتەكتەپ، جىلدىق نىسانا مەن مىندەتتى %135 ورىندادى.

  اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى جۇمىستاندىرۋدى جەبەۋ باسقارماسىنىڭ قىزمەتكەرى ما جيانيۇننىڭ تانىستىرۋىنا قاراعاندا، رايونىمىز سۇرانىستى باعدار ەتۋگە تاباندى بولىپ، جالپى وڭىرلىك ساياحاتتى دامىتۋدى، ساياحات دامۋ كەڭىستىگىنىڭ جاڭا جۇلگەسىن قالىپتاستىرۋدى ارقاۋ ەتىپ، جۇمىستاندىرۋ ءورىسىن كەڭەيتۋ مەن ەكونوميكالىق دامۋدىڭ بىرگە ارەكەتتەنۋىن ىلگەرىلەتىپ، ساياحات كاسىبىنىڭ جۇمىستاندىرۋ تىزبەگىن كەڭەيتىپ، ساياحات كاسىبىنىڭ جۇمىستانۋشىلاردى قابىلداۋى مەن ەڭبەككۇشتەردىڭ ساياحات كاسىبىنە ات سالىسىپ جۇمىستانۋ بەلسەندىلىگىن تولىق جۇمىلدىرىپ، قالالار مەن اۋىلدارداعى ەڭبەكشىلەردىڭ اس - سۋ، قونالقى، جول - ساپار، ساياحات، ساتىپ الۋ، كوڭىل اشۋ سياقتى ساياحاتتاعى فاكتور سالالارعا قاراي شوعىرلانۋىن جەبەپ، ”ساياحات ءدامى“نەن اۋىز ءتيىپ، ”ساياحات اقشاسىن“ تابۋىنا مۇمكىندىك جاسايدى.

  بيىل رايونىمىز ”7 ءبىر توپ“ ءتاسىلى ارقىلى ساياحات كاسىبى بويىنشا جۇمىستاندىرۋ ورىندارىن ءتۇرلى جولدارمەن اشىپ، كوپتەگەن ەڭبەكشىلەردى جۇمىسقا قابىلدايدى. قالا - قالاشىقتارداعى جۇمىستانۋى قيىنعا تۇسكەندەر مەن وڭتۇستىك شينجياڭداعى 4 ايماق، وبلىستاعى اۋىر كەدەي اۋداندارداعى ارحيۆ تۇرعىزىلىپ، كارتچكالاندىرىلعان وتباسىلارىنداعى ەڭبەككۇشتەردى، جۇمىستاندىرۋ جاعىنان سۇيەمەلدەۋدى كۇشەيتۋ، سول جەردىڭ وزىندەگى، جاقىن ماڭداعى جۇمىس ورىندارىمەن قامداۋ سياقتىلار ارقىلى ولاردىڭ ساياحات كاسىبى ارقىلى جۇمىستانۋ مەن ۇزاق ۋاقىت ورنىقتى جۇمىستانۋدى جۇزەگە اسىرۋىنا كومەك كورسەتەدى.

  رايونىمىز تاعى ساياحات كاسىبى جاعىنان باۋلۋدى جەبەۋ جوسپارىن اتقارۋ، تەحنيكۋم مەكتەپتەرىندە ساياحات كاسىبىنە شەبەر دارىندىلاردى باۋلۋ جوسپارىن، ساياحات دارىندىلارىن جۇمىستاندىرۋعا قىزمەت وتەۋ جوسپارىن اتقارۋ سياقتى شارالار ارقىلى جۇمىستاندىرۋدى ارتتىرۋ تاسىلىنە بۇرىلىس جاساۋدى ىلگەرىلەتىپ، اناعۇرلىم كوپ ساياحات دارىندىلارىن باۋلىپ، رايونىمىزدىڭ ساياحاتتىق قىزمەت وتەۋ دەڭگەيىن جوعارىلاتىپ، اناعۇرلىم كوپ قاۋىمنىڭ ساياحاتتى دامىتۋ ارقىلى جوعارى ساپالى دامۋدى جۇزەگە اسىرۋىنا جەتەكشىلىك ەتەدى.

  رايونىمىزدىڭ 2018 - جىلى شىعارعان «اۆتونوميالى رايوننىڭ ساياحات كاسىبى ارقىلى جۇمىستاندىرۋعا جەتەكشىلىك ەتۋ 3 جىلدىق ارەكەت جوباسى (2018 − 2020 - جىلى)»نا ساي، 2018 - جىلى10 مىڭ ادامدى جۇمىستاندىرۋدى، 2019 - جىلى 40 مىڭ ادامدى جۇمىستاندىرۋدى، 2020 - جىلى 50 مىڭ ادامدى جۇمىستاندىرۋدى جۇزەگە اسىرادى.

جاۋاپتى رەداكتور: ريزا حاميت