اۋەلگى ماقسات قاسيەتىن ماڭگى ساقتاپ، پارتيانى جاپپاي قاتاڭ جونگە سالۋدىڭ جاڭا تاراۋىن جازدى

اۋەلگى ماقسات قاسيەتىن ماڭگى ساقتاپ، پارتيانى جاپپاي قاتاڭ جونگە سالۋدىڭ جاڭا تاراۋىن جازدى

− پارتيا 19 - كەزەكتى ورتالىق ءتارتىپ تەكسەرۋ كوميتەتىنىڭ ءتورتىنشى جالپى ءماجىلىسى اشىلۋ قارساڭىندا

□ شينحۋا اگەنتتىگىنىڭ ءتىلشىسى جۋ جيچاي

  ”پارتيامىز 100 جىلدىق ءىرى پارتيا رەتىندە، باستان - اياق حالىقتىڭ جاقتاۋىنا جانە قولداۋىنا يە بولىپ، جۇڭحۋا ۇلتىنىڭ ماڭگىلىك ۇلى ءىسىن جازۋدا، ءسوز جوق، باستان - اياق اۋەلگى ماقسات پەن بورىشتى ەستە بەرىك ساقتاپ، پارتيانىڭ العاباسارلىعىن السىرەتەتىن، پارتيانىڭ كىرشىكسىزدىگىنە زيان جەتكىزەتىن بارلىق فاكتورلاردى باتىل جويۋ، پارتيانىڭ دەنەسىنە جابىسقان بارلىق ۋلى مەرەزدەردى باتىل الاستاۋ، اۋەلگى ماقسات پەن بورىشقا قايشى كەلەتىن، پارتيانىڭ ىرگەسىن شايقالتاتىن بارلىق حاۋىپ - قاتەرلەردەن باتىل ساقتانۋ كەرەك“.

  2020 - جىل باستالىسىمەن، باس شۋجي شي جينپيڭ ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن قورىتىندىلاپ، پارتيانىڭ وزىنە توڭكەرىس جاساۋىن تەرەڭدەتىپ، بۇكىل پارتيانىڭ اۋەلگى ماقساتتى ۇمىتپاۋىن، بورىشتى ەستە بەرىك ساقتاۋىن ۇزدىكسىز ىلگەرىلەتۋ جونىندە اتتانىسقا كەلتىردى.

  ماڭگىلىك ۇلى ىسكە ۇمتىلۋدا، 100 جىل ءدال تولىسىپ شالقىعان شاعى.

  پارتيانىڭ 19 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى جاڭا تاريحي باستامادا پارتيا قۇرىلىسىنىڭ جاڭا ۇلى ينجەنەرياسىن ىلگەرىلەتىپ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن ىشكەرىلەي ورىستەتىپ، تاباندىلىقپەن ستيلدى دۇرىستاپ، ءتارتىپتى قاتايتىپ، شىرىكتەسۋگە قارسى تۇرىپ، پارتيا مەن مەملەكەتتىڭ باقىلاۋ جۇيەسىن ۇزدىكسىز اقاۋسىزداندىرىپ، كەمەلدەندىرىپ، ءتارتىپ تەكسەرۋ، باقىلاۋ - تەكسەرۋ قىزمەتىنىڭ جوعارى ساپالى دامۋىن ىلگەرىلەتىپ، جاڭا داۋىردە پارتيانى جاپپاي قاتاڭ جونگە سالۋدىڭ جاڭا تاراۋىن جازدى.

اۋەلگى ماقساتتى بەكەمدەپ، جاڭا داۋىردەگى پارتيانىڭ وزىنە توڭكەرىس جاساۋىن ىشكەرىلەي ىلگەرىلەتتى

  وسى ءسات حالىق رەسپۋبليكاسىنىڭ جادىنا وشپەستەي بولىپ جازىلدى −

  2019 - جىلى 10 - ايدىڭ 1 - كۇنى جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ زور جينالىسىنداعى بۇقارالىق شەرۋدە پارتيانىڭ نارت قىزىل گەربىنىڭ الىپ مودەلىن نەگىز ەتكەن ”پارتيانى قاتاڭ جونگە سالۋ“ شارشى توبى تيان - انمىن الاڭىنان ءوتتى.

  اشەكەيلى اۆتوموبيلدە ”ورتالىقتىڭ 8 ءتۇرلى بەلگىلەمەسىنىڭ رۋحى“، ”ۇيرەنۋدە قۋاتتى ەل“، ”جۇڭگو كوممۋنيستىك پارتياسىنىڭ شارلاۋ قىزمەتى ەرەجەسى“، ”جۇڭگو كوممۋنيستىك پارتياسىنىڭ پارتيا ىشىندەگى باقىلاۋ ەرەجەسى“ سياقتى فاكتورلار ەرەكشە كوز تارتتى.

  جاڭا داۋىردەگى پارتيا قۇرىلىسىنىڭ وسى جەتىستىكتەرى 100 جىلدىق ءىرى پارتيانىڭ وزىنە توڭكەرىس جاساۋعا باتىل بولۋداي ايقىن قاسيەتىن جاندى تۇردە ايگىلەپ، جاڭا جۇڭگونىڭ شۇعىلالى جويقىن وزگەرىسىنىڭ ىشكى لوگيكاسىن تەرەڭ اشىپ كورسەتتى.

  پارتيانىڭ 18 - قۇرىلتايىنان بەرگى ايبىنى كۇشتى ۇردىسكە قايىرىلا قاراساق، پارتيانى جاپپاي قاتاڭ جونگە سالۋدى ”ءتورتتى جاپپاي ورىنداۋ“ ستراتەگيالىق ورنالاستىرۋىنا ەنگىزۋدەن پارتيا قۇرىلىسىنىڭ جاڭا ۇلى ينجەنەرياسىنىڭ ”ءتورت ۇلى“داعى شەشۋشى رولىن كورنەكتى تۇردە باسا دارىپتەگەنگە، ودان ارى ”جۇڭگو كوممۋنيستىك پارتياسىنىڭ باسشىلىعى جۇڭگوشا سوتسياليزمنىڭ ەڭ ماندىك ەرەكشەلىگى“ دەگەندى مەملەكەتتىڭ ءتۇبىرلى زاڭىنا جازعانعا دەيىن... پارتيانىڭ جاپپاي باسشىلىعىنا تاباندى بولۋ جانە كەمەلدەندىرۋ، پارتيانى پارتيا باسقارۋعا، پارتيانى جاپپاي قاتاڭ جونگە سالۋعا تاباندى بولۋ − ءارى تاريحي جەتىستىكتىڭ، تاريحي وزگەرىستىڭ ماڭىزدى مازمۇنى، ءارى ونىڭ شەشۋشى تىرەگى.

  2019 - جىل − جاڭا جۇڭگو قۇرىلعاندىعىنىڭ 70 جىلدىعى ءارى جۇڭگو كوممۋنيستىك پارتياسىنىڭ بۇكىل ەلدە بيلىك جۇرگىزگەندىگىنىڭ 70 جىلدىعى.

  كەلگەن جولعا قايىرىلا قاراپ، جاڭا ساپارعا قادام باستى. جاڭا تاريحي ارتقى كورىنىس استارىندا قايتكەندە جاڭا داۋىردەگى پارتيانىڭ وزىنە توڭكەرىس جاساۋىن ىشكەرىلەي ىلگەرىلەتۋگە بولادى؟

  ”پارتيانى جاپپاي قاتاڭ جونگە سالۋدىڭ اناعۇرلىم زور ستراتەگيالىق جەتىستىكتەرىنە قول جەتكىزىپ، شىرىكتەسۋگە قارسى تۇرۋ كۇرەسىنىڭ تەگەۋرىندى جەڭىسىن بەكەمدەۋ، دامىتۋ كەرەك“. 2019 - جىلى 1 - ايدىڭ 11 - كۇنى پارتيا 19 - كەزەكتى ورتالىق ءتارتىپ تەكسەرۋ كوميتەتىنىڭ ءۇشىنشى جالپى ماجىلىسىندە باس شۋجي شي جينپيڭ پارتيانى جاپپاي قاتاڭ جونگە سالۋ ارقىلى پارتيانىڭ ىنتىماعىن، بىرلىگىن نىعايتۋ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋگە پارمەندى كەپىل ازىرلەۋ جونىندە ستراتەگيالىق ورنالاستىرۋ جاسادى.

  تەمىر سوعۋ ءۇشىن، ءسوز جوق، تەمىردەن دە مىقتى بولۋ كەرەك. اناعۇرلىم ايبىندى ساپار، اناعۇرلىم جاپالى سىن - سايىستا، ءسوز جوق، اناعۇرلىم پارمەندى جول باستاۋشى كۇشتى شىڭاۋ كەرەك.

  جاڭا داۋىردەگى پارتيا قۇرىلىسىنىڭ مىندەتتەرىنە جانە پارتيا ىشىندە ساقتالىپ وتىرعان كورنەكتى ماسەلەلەرگە مەڭزەس، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى نەگىزگى جەلى ەتىپ، ”اۋەلگى ماقساتتان اينىماۋ، بورىش ارقالاۋ، پارىقتاردى تابۋ، تياناقتاندىرۋدى يگەرۋ“ جالپى تالابىن ارقاۋ ەتىپ، ۇيرەنۋ تاربيەسىن، تەكسەرۋ - زەرتتەۋدى، ماسەلەلەردى قاداعالاۋدى، رەتتەۋ - تۇزەتۋدى تياناقتاندىرۋدى باستان - اياق ساباقتاستىردى −

  وزدىگىنەن شوعىرلى ۇيرەنۋ، نازاريا ۇيرەنۋ وزەكتى گرۋپپاسىنىڭ ۇيرەنۋى، ارناۋلى تاقىرىپتاعى كىتاپ وقۋ كلاسى، شوعىرلى زەرتتەۋ - تالقىلاۋ، اۋىس - كۇيىس جاساۋ... يدەيالىق جاقتان پارتيا قۇرۋعا جانە نازاريالىق جاقتان پارتيانى كۇشەيتۋگە تاباندى بولىپ، جاڭا داۋىردەگى جۇڭگو كوممۋنيستەرىنىڭ پارتيانىڭ جاسامپاز نازارياسىن جەتەكشى ەتىپ، ۇيرەنۋگە سۇيەنە وتىرىپ بولاشاققا بەت الۋداي قۋاتتى سانالىلىعىن تاعى ايگىلەدى.

  پارتياعا كىرگەندەگى سەرتىن قايتا پىسىقتاپ، پارتياعا كىرۋ كەشىرمەسىن قايتا ەسكە الىپ، پارتياعا كىرۋدەگى اۋەلگى ماقساتىن قايتا سۇراپ، ارناۋلى تاقىرىپتاعى دەموكراتيالىق تۇرمىس جيىنىن، ۇيىمدىق تۇرمىس جيىنىن اشىپ، سىن جانە ءوز - وزىنە سىن ورىستەتتى... جاڭا داۋىردەگى جۇڭگو كوممۋنيستەرى ءار رەتكى پارتيانىڭ ىشكى ساياسي تۇرمىسىن قاتايتۋ شىنىعۋىندا سەنىم نەگىزىن اناعۇرلىم بەكەمدەدى، رۋحاني كالتسيدى تولىقتادى.

  رايوندار، تاراۋلار، ورىندار باس شۋجي شي جينپيڭنىڭ ماڭىزدى نۇسقاۋىنىڭ رۋحىن مۇقيات ۇيرەنىپ، دايەكتىلەندىرىپ، نەگىزگى تاقىرىپتىق تاربيەدە كورسەتىلگەن 8 جاقتاعى كورنەكتى ماسەلەنى ارنايى رەتتەپ جونگە سالۋدى شىن مانىندە ويداعىداي يگەرىپ، تىڭعىلىقتى ونىمدىلىككە قول جەتكىزدى −

  نەگىزگى تاقىرىپتىق تاربيەدە، پارتيا مەن ۇكىمەتتىڭ باسقارۋشى باسشى كادرلارىنىڭ، مەملەكەت مەنشىگىندەگى كاسىپورىن قىزمەتكەرلەرىنىڭ ايگىلى ەرەكشە ونىمدەردەن، ەرەكشە بايلىقتان پايدالانىپ جەكە باسىنا پايدا ءتۇسىرۋ ماسەلەلەرىن ارنايى رەتتەپ جونگە سالدى. مەملەكەت بويىنشا ايگىلى ەرەكشە ونىمدەردەن، ەرەكشە بايلىقتان پايدالانىپ جەكە باسىنا پايدا ءتۇسىرۋ ماسەلەسىنەن 2848ىن تەكسەرىپ ءبىر جاقتى ەتىپ، 4217 ادامدى ءبىر جاقتى ەتتى، مۇنىڭ ىشىندە 749 ادام ءادىليا ورگانىنا تاپسىرىلدى، 2009 ادامعا پارتيا ءتارتىبى جازاسى بەرىلدى، 1161 ادامعا اكىمشىلىك جازا بەرىلدى.

  بۇقارانىڭ مۇددەسىنە نەمقۇرايدى قاراۋ، زيان جەتكىزۋ ماسەلەلەرىن شوعىرلى تۇردە رەتتەپ جونگە سالدى، مەملەكەت بويىنشا جالپى 98 مىڭ ماسەلەنى تەكسەرىپ ءبىر جاقتى ەتىپ، 130 مىڭ 100 ادامدى ءبىر جاقتى ەتتى. مەملەكەت دارەجەلى 832 كەدەي اۋداننىڭ مىندەتتى وقۋ - اعارتۋ ساتىسىنداعى وقۋدان قالعان وقۋشى سانى 267 مىڭى ازايدى، ءبىر ميلليون 270 مىڭ ارحيۆ تۇرعىزىلىپ، كارتچكالانعان كەدەي وتباسى، ەڭ تومەنگى تۇرمىسى قامتاماسىز ەتىلەتىن وتباسى سياقتى ءتۇيىندى وبيەكتىلەردىڭ حاۋىپتى ۇيلەرىن جوندەۋ ورىندالدى، ارحيۆ تۇرعىزىلىپ، كارتچكالانعان 653 مىڭ كەدەيدىڭ اۋىز سۋ حاۋىپسىزدىگى ماسەلەسى شەشىلدى، كەدەي قارتتار، مۇگەدەكتەر، بالالار سياقتى ەرەكشە قيىنشىلىعى بار قاۋىمنان جاڭادان ءبىر ميلليون 49 مىڭ وتباسى، ءبىر ميلليون 756 مىڭ ادامدى ەڭ تومەنگى تۇرمىسىن قامتاماسىز ەتىلەتىندەر قاتارىنا ەنگىزدى...

  نەگىزگى تاقىرىپتىق تاربيە بارىسى − پارتيانى جاپپاي قاتاڭ جونگە سالۋ بارىسى. حالىق بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى كورنەكتى كۇشەيىپ، ەكونوميكالىق دامۋ ورتاسى اناعۇرلىم ساپالىلانىپ، پارتيانىڭ بيلىك جۇرگىزۋ نەگىزى اناعۇرلىم بەكەمدەلدى.

جاعدايدان ۇتىمدى پايدالانىپ العا ىلگەرىلەپ، پارتيانى جاپپاي قاتاڭ جونگە سالۋدا تاعى دا جاڭا جاعداي اشتى

  1 - ايدىڭ 11 - كۇنى ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى: ”مەملەكەتتىك وركەندەتۋ بانكەسى پارتكومىنىڭ بۇرىنعى شۋجيى، القا باستىعى حۋ حۋايباڭ تارتىپكە، زاڭعا اۋىر قايشىلىق جاساعاندىقتان پارتيادان ايدالدى“ دەگەن حابار تاراتتى.

  ءبىر اپتانىڭ الدىندا، 1 - ايدىڭ 4 - كۇنى ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى: ”مەملەكەتتىك حالىق قۇرىلتايى ىشكى ىستەر ءادىليا كوميتەتىنىڭ بۇرىنعى ورىنباسار مەڭگەرۋشى مۇشەسى، شانشي ولكەلىك پارتكومنىڭ بۇرىنعى شۋجيى جاۋ جىڭيۇڭ تارتىپكە، زاڭعا اۋىر قايشىلىق جاساعاندىقتان پارتيادان ايدالدى“؛ ”شانشي ولكەلىك ۇكىمەت پارتيا باسشىلىق گرۋپپاسىنىڭ بۇرىنعى مۇشەسى، بۇرىنعى ورىنباسار ولكە باستىعى چىن گوچياڭ تارتىپكە، زاڭعا اۋىر قايشىلىق جاساعاندىقتان پارتيادان، اكىمشىلىك مىندەتتەن ايدالدى“ دەگەن حابار تاراتتى.

  ءجيى تارالىپ جاتقان ”جولبارىس سوعۋ“ ينفورماتسيالارى پارتيانى جاپپاي قاتاڭ جونگە سالۋدى سوڭىنا دەيىن جۇرگىزۋ بەكىمى مەن ەرىك - جىگەرىن تاعى دا كورسەتتى.

  2018 - جىلدىڭ اياعىندا، ورتالىق كوميتەت ساياسي بيۋروسىنىڭ ءماجىلىسى شىرىكتەسۋگە قارسى تۇرۋ كۇرەسىنىڭ جاعدايى جونىندە ”شىرىكتەسۋگە قارسى تۇرۋ كۇرەسىندە تەگەۋرىندى جەڭىسكە قول جەتتى“ دەپ كەلەلى تۇجىرىم جاسادى، سونىمەن بىرگە ”شىرىكتەسۋگە قارسى تۇرۋ كۇرەسىنىڭ جاعدايى ءالى دە قاتاڭ دا كۇردەلى، پارتيانى جاپپاي قاتاڭ جونگە سالۋدىڭ مىندەتى ءالى اۋىر، جولى ءالى الىس“ دەپ ايقىن باسا دارىپتەدى.

  بۇل − قامال الۋ شايقاسى، استە تيتتەي دە ەنجارلىق ەتۋگە بولمايدى؛ بۇل ۇزاققا سوزىلاتىن سوعىس، استە جول ورتادا توقتاۋعا بولمايدى.

  ”ءبىز پارتيانى جاپپاي قاتاڭ جونگە سالۋدى ۇزدىكسىز ىلگەرىلەتۋىمىز، پارتيا ستيلى، پاكتىك قۇرىلىسى مەن شىرىكتەسۋگە قارسى تۇرۋ كۇرەسىن ۇزدىكسىز ىلگەرىلەتۋىمىز كەرەك“. پارتيا 19 - كەزەكتى ورتالىق ءتارتىپ تەكسەرۋ كوميتەتىنىڭ ءۇشىنشى جالپى ماجىلىسىندە باس شۋجي شي جينپيڭ پارتيانى جاپپاي قاتاڭ جونگە سالۋدا جاعدايدان ۇتىمدى پايدالانىپ العا ىلگەرىلەپ، تاعى دا جاڭا جاعداي اشۋدىڭ ەكپىندى بۇيرىعىن جاريالادى.

  پارتيانى جاپپاي قاتاڭ جونگە سالۋدا تاعى دا جاڭا جاعداي اشىپ، وزەكتى ارقاۋ ەتۋدى، كەلەلى جاعدايعا قىزمەت وتەۋدى اناعۇرلىم كورنەكتىلەندىرىپ، ساياسي باقىلاۋدى ناقتىلاندىرۋدى، ۇدايىلاندىرۋدى كۇش سالا ىلگەرىلەتتى.

  2019 - جىلى 12 - ايدىڭ 22 - كۇنىنەن 25 - كۇنىنە دەيىن، ورتالىقتىڭ 15 شارلاۋ گرۋپپاسىنىڭ ورتا، باتىس بولىكتەگى 13 ولكە، اۆتونوميالى رايون، قالاعا جانە 13 ورتالىق ورنىنا شوعىرلى تۇردە جايعاسۋىنا ىلەسە، پارتيانىڭ 19 - قۇرىلتايىنان كەيىنگى ورتالىقتىڭ تۇڭعىش رەتكى شارلاۋدا ”قايتا قاداعالاۋى“ رەسمي باستالدى.

  كەدەيلىكتەن ارىلتۋدان قامال الۋ ”سىرگە جيار“ شەشۋشى شايقاستى قارسى الدى، ورتالىقتىڭ شارلاۋ گرۋپپاسى دامىل تاپپاي تاعى دا ساپارعا اتتانىپ، جاۋاپكەرشىلىكتى تاعى دا جەتكىزىپ، رەتتەۋ - تۇزەتۋدى تاعى دا قۋزاپ، ونىمدىلىكتەردى تاعى دا بەكەمدەپ، شارلاۋدىڭ ساياسي باقىلاۋداعى ءتۇبىرلى ورنىن تولىق ايگىلەدى.

  2019 - جىلدىڭ باسىندا «جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ ساياسي قۇرىلىسىن كۇشەيتۋ جونىندەگى پىكىرىن» باسىپ تاراتىپ، پارتيانىڭ ساياسي قۇرىلىسىن ءبىر تۇتاس باسشىلىققا الىپ، پارتيانىڭ ءتۇرلى قۇرىلىستارىن جاپپاي ىلگەرىلەتۋ جونىندە ايقىن تالاپ قويدى.

  ساياسي ءتارتىپ پەن ساياسي قاعيدانى ەڭ الدىنا قويىپ، پارتياعا ادال بولماعان، شىنايى بولماعان ”ەكىبەتكەيلىك“تى، ”ەكىبەتكەيلەر“دى باتىل الاستاپ، قاتاڭ باقىلاۋ، ءتارتىپ اتقارۋ، جاۋاپقا تارتۋ ارقىلى ورتالىقتىڭ بۇيرىقتارىنىڭ ىركىلىسسىز بولۋىنا شىنايى كەپىلدىك ەتىپ، پارتيا ورتالىق كوميتەتىنىڭ كەلەلى شەشىمدەرىنىڭ، ورنالاستىرۋلارىنىڭ ناقتاپ تياناقتاندىرىلۋىن ىلگەرىلەتتى.

  2019 - جىلى 1 - ايدان 11 - ايعا دەيىن، ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى ساياسي تارتىپكە قايشىلىق جاساۋ دەلولارىنان 16 مىڭىنا دەلو تۇرعىزىپ، ەستەلىككە الىپ تەكسەرىپ، 17 مىڭ ادامعا جازا بەرىپ، پارتيانىڭ ىنتىماعى مەن بىرلىگىن تەمىردەي ءتارتىپ ارقىلى قورعادى.

  ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى جياڭسۋ شياڭشۇي تيانجيا - ي حيميا ونەركاسىپ شەكتى سەرىكتەستىگىندەگى ”21 - ناۋرىز“ ەرەكشە اۋىر جارىلىس شىرعالاڭى، جيلين چاڭبايشان حالىقارالىق ساياحات دەمالىس ءوڭىرى نىسانىنىڭ بەلگىلەمەگە قايشىلىق جاساۋ ماسەلەسى سياقتى مىندەتىن وتەمەۋگە، جاۋاپكەرسىزدىك ىستەۋگە قاتىستى پارتيا ۇيىمدارى مەن باسشى كادرلاردى قاتاڭ جاۋاپقا تارتتى.

  ىشكى موڭعۇل مانجوۋلي شەكارا وتكەلىندەگى ءىشىنارا ورىندار مەن كاسىپورىنداردى بەتالدى اقى الۋ، باعانى بەتالدى قىمباتتاتۋدى سالىقتى ازايتۋ، اقىنى تومەندەتۋ پايداسىنا دولايلاستىرۋ ماسەلەسى بويىنشا جاۋاپقا تارتتى، يۇننان شۋانۋي قالاسى حايداي قالاشىعىن اۋىل - قىستاقتىڭ اۋىز سۋ حاۋىپسىزدىگى ينجەنەرياسىندا جالعاندىق ىستەۋ ماسەلەسى بويىنشا قاتاڭ جاۋاپقا تارتتى...

  2019 - جىلى 1 - ايدان 10 - ايعا دەيىن، مەملەكەت بويىنشا جالپى 6500دەن استام پارتيا ۇيىمى، 33 مىڭ 800دەن استام پارتيالى باسشى كادر جاۋاپقا تارتىلدى. جاۋاپقا تارتۋدىڭ ”قارپىمدى قارۋلىق“ رولى شىن مانىندە ساۋلەلەندىرىلىپ، ءار دارەجەلى پارتيالى كادرلاردى مىندەت وتەپ، جاۋاپكەرشىلىكتى ادا ەتۋگە قۋزادى.

  پارتيانى جاپپاي قاتاڭ جونگە سالۋدا جاڭا جاعداي اشىپ، باستان - اياق تەبىنىن كەمىتپەي، ولشەمىن بوساڭسىتپاي، وكتەم كۇيدى ورنىقتىرىپ، جازالاۋ - جونگە سالۋ سەرپىنىن ورنىقتىرىپ، كادر - بۇقارانىڭ شىرىكتەسۋگە ۇزدىكسىز قارسى تۇرۋداعى، سۇرقيالىقتى جازالاۋداعى مەجەسىن ورنىقتىردى.

  2019 - جىلى 5 - ايدىڭ 9 - كۇنى ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى جاريالاعان ءبىر حابار كەڭ كولەمدە نازاردى اۋداردى:

  ”يۇننان ولكەلىك پارتكومنىڭ بۇرىنعى شۋجيى چين گۋاڭرۇڭ تارتىپكە، زاڭعا اۋىر قايشىلىق جاساۋ كۇمانىنا شاتىلىپ، ىرىقتىلىقپەن ءوزى كەلىپ قىلمىسىن مالىمدەدى، قازىر ورتالىق ءتارتىپ تەكسەرۋ كوميتەتىنىڭ، مەملەكەتتىك باقىلاۋ - تەكسەرۋ كوميتەتىنىڭ تارتىپتىك تەكتەۋىنە جانە باقىلاۋ - تەكسەرۋىنە الىندى“.

  بۇل پارتيا 18 - قۇرىلتايىنان بەرگى ءبىرىنشى بولىپ ىرىقتىلىقپەن كەلىپ قىلمىسىن مالىمدەگەن بۇرىنعى ولكە - مينيستر دارەجەلى ”ءبىرىنشى باسشى“.

  10 كۇننەن كەيىن تاعى ءبىر حابار كەڭىنەن تارالدى: ”جۇڭحۋا بۇكىل مەملەكەتتىك قامداۋ - ساتۋ سەلبەستىك باس كووپەراتيۆى پارتيا باسشىلىق گرۋپپاسىنىڭ ورىنباسار شۋجيى، القالار كەڭەسىنىڭ مەڭگەرۋشىسى ليۋ شىيۇي جولداس تارتىپكە، زاڭعا قايشىلىق جاساۋ كۇمانىنا شاتىلىپ، ىرىقتىلىقپەن كەلىپ قىلمىسىن مالىمدەدى، قازىر ورتالىق ءتارتىپ تەكسەرۋ كوميتەتىنىڭ، مەملەكەتتىك باقىلاۋ - تەكسەرۋ كوميتەتىنىڭ تەكتەۋىنە جانە تەكسەرۋىنە الىندى“.

  وكتەم سەسكەندىرۋدىڭ جانە ساياساتتىڭ اسەرىندە، ىرىقتىلىقپەن كەلىپ قىلمىسىن مالىمدەۋ جايتىنىڭ ۇزدىكسىز كوبەيۋى، شىرىكتەسۋگە قارسى تۇرۋ كۇرەسىنىڭ ۇستەم جەڭىسىن بەكەمدەۋدەگى، دامىتۋداعى جاندى دايەككە اينالدى.

  پارتيا 19 - قۇرىلتايىنان باستاپ 2019 - جىلى 6 - ايدىڭ اياعىنا دەيىن، اي ۋىنلي، ۋاڭ تيە، چين گۋاڭرۇڭ، ليۋ شىيۇي قاتارلى ورتالىق باسقاراتىن كادرلاردى قامتىعان جيىنى 8700دەن استام پارتيالى كادر ىرىقتىلىقپەن كەلىپ قىلمىسىن مويىندادى.

  شەكتەۋسىز رايون قالدىرماۋ، جاپپاي قامتۋ، نولدىك توزىمدىلىك، سەسكەندىرۋ اسەرى ۇزدىكسىز ۇلعايدى.

  ”جولبارىس“قا قىلپى بىلىنە سالا سوققى بەردى − 2019 - جىلى 1 - ايدان 11 - ايعا دەيىن، ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى ورتالىق باسقاراتىن كادرلاردان 42 ادامعا دەلو تۇرعىزىپ، تەكتەۋگە الدى، تەكسەردى، 40 ادامعا پارتيا ءتارتىبى جازاسىن، اكىمشىلىك جازاسىن بەردى؛ بۇكىل مەملەكەتتەگى ءتارتىپ تەكسەرۋ، باقىلاۋ - تەكسەرۋ ورگاندارى 555 مىڭ دەلوعا دەلو تۇرعىزىپ، تەكتەۋگە الىپ، تەكسەرىپ، 485 مىڭ ادامعا پارتيا ءتارتىبى جازاسىن، اكىمشىلىك جازاسىن بەردى، 19 مىڭ ادامدى قىلمىس كۇمانى بويىنشا پروكۋراتۋرا ورگانىنا تاپسىردى.

  بەتالدى ۇشقان ”شىبىن“دى قاقتى − 2019 - جىلى 1 - ايدان 11 - ايعا دەيىن، بۇكىل ەلدە كەدەيلەردى سۇيەمەلدەۋ سالاسىنداعى شىرىكتەسۋ جانە ستيل ماسەلەسىنەن 70 مىڭ 800ىن تەكسەرىپ ءبىر جاقتى ەتىپ، 99 مىڭ ادامدى ءبىر جاقتى ەتتى؛ حالىق تۇرمىسى سالاسىنداعى شىرىكتەسۋ جانە ستيل ماسەلەسىنەن 86 مىڭ 400ىن تەكسەرىپ ءبىر جاقتى ەتىپ، 110 مىڭ ادامدى ءبىر جاقتى ەتتى.

  ”تۇلكى“نى سوڭىنا دەيىن قۋدى − 2019 - جىلى 1 - ايدان 11 - ايعا دەيىن، بۇكىل ەلدە سىرتقا قاشقانداردان جيىنى 1841 ادام قايتارىپ اكەلىندى، مۇنىڭ ىشىندە پارتيا مۇشەسى مەن مەملەكەت قىزمەتكەرىنەن 816 ادام، ”قىزىل قۋعىنداۋ بۇيرىعى تۇسىرىلگەن“ 35 ادام، ”100 قىزىل قۋعىنداۋ بۇيرىعى تۇسىرىلگەن“ 4 ادام بار، قايتارىپ الىنعان قيانات اقشا سوماسى شامامەن 4 ميلليارد 91 ميلليون يۋان حالىق اقشاسى بولدى.

  پارتيانى جاپپاي قاتاڭ جونگە سالۋدا تاعى جاڭا جاعداي اشىپ، ۇزاق ۋاقىت كۇش سالىپ، ىشكەرىلەي ىلگەرىلەتۋ بارىسىندا جاڭا ەرەكشەلىك ايگىلەدى.

  2019 - جىلى 12 - ايدىڭ 16 - كۇنى مەملەكەتتىك ءتىل بايلىعىن باقىلاۋ - ولشەۋ جانە زەرتتەۋ ورتالىعى ”2019 - جىلعى جۇڭگو اقپارات قۇرالدارىنداعى 10 ءىرى جاڭا ءسوزىن“ جاريالاعاندا ”نەگىزگى ساتىنىڭ اۋىرتپالىعىن جەڭىلدەتۋ جىلى“ دەگەن ءسوز قوسىلدى.

  ءبىر جىلدان بەرى فورماشىلدىقتى، تورەشىلدىكتى جونگە سالۋ ”ءتورت بۇرىس ستيل“دى تۇزەتۋ - جونگە سالۋداعى ماڭداي الدى مىندەتكە اينالدى.

  2019 - جىلى 1 - ايدان 11 - ايعا دەيىن، بۇكىل ەلدە فورماشىلدىق، تورەشىلدىك ماسەلەسىنەن جيىنى 62 مىڭ 800ى تەكسەرىلىپ ءبىر جاقتى ەتىلىپ، پارتيالى كادرلاردان 90 مىڭنان استام ادام ءبىر جاقتى ەتىلىپ، تۇڭعىش رەت تەكسەرىلىپ ءبىر جاقتى ەتىلگەن راقاتقۇمارلىق، استا - توكتىك ماسەلەلەرىنىڭ سانىنان اسىپ، ستيلدى دۇرىستاپ، ءتارتىپتى قاتايتۋدىڭ جەتىستىكتەرى ارقىلى نەگىزگى ساتىداعى كادر - بۇقاراعا وزگەرىستى كورسەتىپ، شىنايى ”سەزىندىردى“.

  ءبىر جىلدان بەرى، فينانستاعى شىرىكتەسۋگە قارسى تۇرۋ تەبىنى ۇزدىكسىز ارتتىرىلدى.

  ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى نازاردى فينانستاعى بىلىقپالىقتىڭ استارىنداعى مۇددە قاتىناسى مەن بايلانىس تۇيىلىسىنە شوعىرلاندىرىپ، الاساپىراندىق تۋدىرىپ جۇرگەن كاپيتال ”دوكەيلەرى“ مەن فينانس باقىلاۋ - باسقارۋ قۇرىلىمدارىنداعى ”سىبايلاستار“دى تارتىپ شىعاردى. 2019 - جىلى 1 - ايدان 10 - ايعا دەيىن، فينانس جۇيەسىندەگى تارتىپكە، زاڭعا قايشىلىق جاساۋ دەلوسىنان 5500دەن استامىنا دەلو تۇرعىزىپ، تەكتەۋگە الىپ، تەكسەرىپ باقىلاۋدى كۇشەيتۋ ارقىلى باقىلاۋ - باسقارۋدى كۇشەيتۋدى جەبەپ، حاۋىپ - قاتەردەن ساقتانۋدان جانە ونى جويۋدان قامال الۋ شايقاسىنىڭ جەڭىسىنە جەتۋگە دەم بەردى.

  ءبىر جىلدان بەرى ”باسقالقاعا سوققى بەرۋ، توردى بۇزۋ“ ىشكەرىلەي ىلگەرىلەدى.

  يۇننانداعى سۇن شياۋگو دەلوسىنان حۋنان شينحۋاڭ ”جاتتىعۋ الاڭىنداعى ولىك كومۋ دەلوسى“نا دەيىن، بۇكىل ەلدەگى قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسى ورىستەتىلگەننەن بەرى، بۇكىل ەلدەگى ءتارتىپ تەكسەرۋ، باقىلاۋ - تەكسەرۋ ورگاندارى قارا كۇشتەرگە ساياتىن، سۇرقيا كۇشتەرگە ساياتىن شىرىكتەسۋ جانە ”باسقالقا“ ماسەلەسىنەن جيىنى 47 مىڭ 200ىنە دەلو تۇرعىزىپ، تەكسەرىپ ءبىر جاقتى ەتىپ، پارتيالى كادرلار مەن ۇكىمەت قىزمەتكەرلەرىنەن جيىنى 54 مىڭ 500 ادامدى ءبىر جاقتى ەتىپ، 6393 ادامدى ءادىليا ورگاندارىنا تاپسىرىپ، ”شىرىق بۇزۋشىلار“دى تارتىپ شىعارىپ، ادىلدىكتى، تۋراشىلدىقتى قورعادى.

رەفورمانى تەرەڭدەتىپ، پارتيا مەن مەملەكەتتىڭ باقىلاۋ جۇيەسىن ۇزدىكسىز اقاۋسىزداندىردى

  1 - ايدىڭ 3 - كۇنى گۇيجوۋ ماۋتاي توبى ءماجىلىس ورتالىعىنىڭ ۇلكەن زالىنا ادام لىق تولىپ، راي قاتاڭ كۇيگە ءوتتى، ”ماۋتاي توبى ساقتاندىرۋ - ەسكەرتۋ تاربيە جينالىسى“ دەپ جازىلعان قىزىل كەرمە تۋ ەرەكشە كوزگە تۇسەدى.

  ”مەن پارتيا مەن ۇيىمنىڭ قامقورلىعىنا، سەنىمىنە جانە ماپەلەۋىنە ۇياتتىمىن، ەركىندىكتەن ايرىلعاندا بارىپ ەركىندىكتىڭ قۇنىن ءتۇسىندىم...“ ساقتاندىرۋ - ەسكەرتۋ تاربيەسى جينالىسى ماۋتاي توبىنىڭ بۇرىنعى القا باستىعى يۋان رىنگو قاتارلى تارتىپكە، زاڭعا قايشىلىق جاساۋشىلاردىڭ ساقتاندىرۋ - ەسكەرتۋ تاربيەسى فيلمىمەن باستالدى.

  كەزىندەگى ”قاسىنداعى ادام“نىڭ شىن كوڭىلدەن ەگىلگەن وكىنىشى جيىنعا قاتىناسقان كادرلاردىڭ، جۇمىسشى - قىزمەتكەرلەردىڭ كوڭىلدەرىنە سويىلداي ءتيدى.

  دەلونى عيبىرات ەتىپ، دەلو ارقىلى تۇزەتۋدى جەبەدى، بىلتىردان بەرى گۇيجوۋ ولكە، قالا، اۋدان، اۋىل 4 دارەجەسىندە ساقتاندىرۋ - ەسكەرتۋ تاربيە جينالىسىن اشىپ، «باسشى كادرلاردىڭ ماۋتاي اراعىنان پايدالانىپ جەكە پايدا ءتۇسىرۋىن قاتاڭ شەكتەۋ جونىندەگى بەلگىلەمەنى»، «پارتيالى باسشى كادرلاردىڭ ماۋتاي اراعىنان پايدالانىپ جەكە پايدا ءتۇسىرۋ ارەكەتىنىڭ ءتارتىپ جازاسى بەلگىلەمەسىن» جاساپ شىعاردى.

  ءبىر دەلونى تەكسەرىپ ءبىر جاقتى ەتىپ، ءبىر اۋماقتى ساقتاندىرىپ، ءبىر ءوڭىردى ارناعا ءتۇسىردى، بۇل شىرىكتەسۋگە باتىنا الماۋ، شىرىكتەسۋگە مۇمكىندىك بولماۋ، شىرىكتەسۋدى ويىنا الماۋ ءتۇزىلىس مەحانيزمىن ورناتۋدىڭ ءتيىمدى امالياتى.

  19 - كەزەكتى ورتالىق ءتارتىپ تەكسەرۋ كوميتەتىنىڭ ءۇشىنشى جالپى ءماجىلىسى تۇڭعىش رەت ”جوعارى ساپا“نى قىزمەت بايانداماسىنىڭ نەگىزگى تاقىرىبىنا ەنگىزىپ، ”پارتيا مەن مەملەكەت باقىلاۋ جۇيەسىن اقاۋسىزداندىرىپ، جاڭا داۋىردەگى ءتارتىپ تەكسەرۋ، باقىلاۋ - تەكسەرۋ قىزمەتىنىڭ جوعارى ساپالى دامۋىن قۇلشىنا جۇزەگە اسىرۋ“دى ايقىن العا قويدى.

  باقىلاۋ سىندى ءبىرىنشى مىندەت جاۋاپكەرشىلىگىن ناقتاپ، اشالاپ ىستەپ، ”ءتورت ءتۇرلى كۇي“دى ۇلاستىرىپ قولداندى −

  2019 - جىلدىڭ الدىڭعى 3 توقسانىندا، بۇكىل ەلدەگى ءتارتىپ تەكسەرۋ، باقىلاۋ - تەكسەرۋ ورگاندارى باقىلاۋدىڭ، ءتارتىپ اتقارۋدىڭ ”ءتورت ءتۇرلى كۇيىن“ قولدانىپ، جيىنى ءبىر ميلليون 249 مىڭ ادام - رەت سىن ايتىپ، تاربيە بەرىپ، كومەكتەستى جانە ءبىر جاقتى ەتتى. مۇنىڭ ىشىندە ءبىرىنشى ءتۇرلى كۇي بويىنشا 854 مىڭ ادام - رەت سىن ايتىپ، تاربيە بەردى، كومەكتەستى، بۇل جالپى ادام - رەت سانىنىڭ %68.4ىن ۇستايدى، بۇرىنعى جىلدارمەن سالىستىرعاندا، ارا سالماعى ۇزدىكسىز جوعارىلاپ، ”ءتورت ءتۇرلى كۇي“دى قولدانۋ اناعۇرلىم دالمە - ءدال بولىپ، باقىلاۋ، ءتارتىپ اتقارۋ وتە از ساندىنى جازالاۋ - جونگە سالۋدان باسىم كوپ ساندىنى باسقارۋعا قاراي ۇزدىكسىز كەڭەيۋ جۇزەگە استى.

  سونىمەن بىرگە، ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى ۇزدىكسىز ىزدەنىس جاساپ، جاڭالىق اشىپ، دەلو ارقىلى تۇزەتۋدى جەبەۋدىڭ جانە رەتتەۋ - تۇزەتۋدى تياناقتاندىرۋدىڭ ”سوڭعىلىق ءىسىن“ قۇلشىنا جاقسى ىستەدى. ءتارتىپ تەكسەرۋ، باقىلاۋ - تەكسەرۋ جونىندەگى ۇسىنىستاردى ورتاعا قويۋ ارقىلى دەلو تۋىلعان ورىنداردىڭ تاربيە - ساباق الۋىن ىلگەرىلەتىپ، تۇزىمدىك ولقىلىقتى تولىقتاپ، شىرىكتەسۋگە مۇمكىندىك بولماۋ ”قاپاسىن“ بەكەمدەدى؛ تۇرگە، ساتىعا ءبولىپ ساقتاندىرۋ - ەسكەرتۋ تاربيەسىن جانە پاكتىك تاربيەسىن ورىستەتۋ ارقىلى شىرىكتەسۋدى ويىنا الماۋ سانالىلىعىن بەكەمدەدى.

  باقىلاۋ - تەكسەرۋ فۋنكتسياسىن كەڭەيتۋدى ىلگەرىلەتىپ، باقىلاۋمەن ءار قالتارىستى قامتىدى −

  جىجياڭ جۋجي قالاسى چىنجاي قالاشىعى دۇڭساي قىستاعىنىڭ تۇرعىندارىنىڭ ويىنا كەلمەگەنى ”ۇشتى - كۇيدى جوعالعان“ 50 مىڭ يۋان كوللەكتيۆ قارجىسىنىڭ ءىز - دەرەگى بىردەمدە انىقتالدى.

  2019 - جىلى 10 - ايدىڭ اياعىندا، چىنجاي قالاشىعى ءتارتىپ تەكسەرۋ كوميتەتى باقىلاۋ - تەكسەرۋ كەڭسەسى دۇڭساي قىستاعىنداعى باقىلاۋ - تەكسەرۋ ينفورماتسيا قىزمەتكەرى مالىمدەگەن دەرەكتى قابىلداعاننان كەيىن، دەرەۋ انىقتاپ تەكسەرۋ جۇرگىزدى، سونىمەن بىرگە قالالىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتىنەن شاعىن اۋماق بىرلەسىپ ارەكەتتەنىپ تەكسەرۋ جۇرگىزۋدى ءوتىنىش ەتتى. قىسقا عانا 3 كۇندە، وسى قىستاقتىڭ بۇرىنعى قازىنا بۇعالتىرى ما XXتىڭ قىزمەت قولايلىلىعىنان پايدالانىپ ۇكىمەت اقشاسىن جەكە قىلعۋ سىندى زاڭعا، تارتىپكە، قايشى فاكتى تەكسەرىپ انىقتالىپ، ما XXكە دەلو تۇرعىزىلىپ تەكتەۋگە الىنىپ، تارتىپكە قايشىلىق جاساپ تاپقان اقشاسى قايتارىپ الىندى.

  بۇل بارلىق الەۋمەتتىك ۇقىق جۇرگىزەتىن ۇكىمەت قىزمەتكەرلەرىن باقىلاۋمەن جاپپاي قامتۋدىڭ ءبىر شاعىن كورىنىسى. 2018 - جىلى 7 - ايدا، جىجياڭ بۇكىل ولكەدەگى 1389 اۋىل، قالاشىقتى (ءمالى) باقىلاۋ - تەكسەرۋ كەڭسەسىمەن جاپپاي قامتۋدى ەڭ الدىمەن جۇزەگە اسىرىپ، نەگىزگى ساتىداعى بۇقارانىڭ ”ەسىك الدىندا“ باقىلاۋ - تەكسەرۋ كوميتەتى بولۋىنا مۇمكىندىك جاسادى.

  باقىلاۋ - تەكسەرۋ ءتۇزىلىسى رەفورماسىنىڭ تەرەڭدەي ىلگەرىلەۋىنە ىلەسە، باقىلاۋ - تەكسەرۋ فۋنكتسياسى ۇزدىكسىز مەملەكەت مەنشىگىندەگى كاسىپورىندارعا، فينانس كاسىپورىندارىنا، جوعارى مەكتەپتەرگە كەڭەيىپ، ۇزدىكسىز نەگىزگى ساتىعا كەڭەيىپ، پارتيا مەن مەملەكەتتىڭ باقىلاۋ قىزمەتىندە اق تاڭداق قالماۋىنا، قاعىس قالاتىن ورىن بولماۋىنا مۇمكىندىك جاسادى.

  وكىلەتتى ءتۇزىلىس مەحانيزمىن كەمەلدەندىرىپ، شارلاپ تەكسەرۋ وتكىر قارۋىنىڭ ءدۇزىن ۇزدىكسىز جارقىراتتى −

  2019 - جىلى 12 - ايدىڭ 20 - كۇنى، ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتىنىڭ سايتىندا ”ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتىنىڭ جۇڭگو اۋىل شارۋاشىلىق بانكەسىندە تۇرعان ءتارتىپ تەكسەرۋ، باقىلاۋ - تەكسەرۋ گرۋپپاسىنان، شانشي ولكەلىك ءتارتىپ تەكسەرۋ كوميتەتى، باقىلاۋ - تەكسەرۋ كوميتەتىنەن“ كەلگەن حابار جاريالاندى: اۋىل شارۋاشىلىق بانكەسى شانشي بولىمشە بانكەسى پارتكومىنىڭ بۇرىنعى ورىنباسار شۋجيى چىڭ جينچيان تەكتەپ، تەكسەرۋگە الىندى.

  ورتالىق باسقاراتىن فينانس ورىندارىندا تۇرعان ءتارتىپ تەكسەرۋ، باقىلاۋ - تەكسەرۋ گرۋپپاسى مەن جەرگىلىكتى ءتارتىپ تەكسەرۋ، باقىلاۋ - تەكسەرۋ كوميتەتتەرى بىرلەسىپ دەلو ءبىتىردى، بۇل وكىلەتتى قۇرىلىمدار رەفورماسى ونىمدىلىگىنىڭ ءبىر بەينەسى. قازىر ورتالىق باسقاراتىن 15 فينانس كاسىپورنىندا قۇرىلعان ءتارتىپ تەكسەرۋ قۇرىلىمدارى ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتىنىڭ وكىلەتتى ءتارتىپ تەكسەرۋ، باقىلاۋ - تەكسەرۋ گرۋپپاسى بولىپ وزگەرتىپ قۇرىلىپ، ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتىنىڭ تىكەلەي باسشىلىعىندا بولدى؛ ورتالىق باسقاراتىن 31 جوعارى مەكتەپ ءتارتىپ تەكسەرۋ كوميتەتى شۋجيلەرىنىڭ ەسىمىن كورسەتۋ، تەكسەرۋ، مىندەتكە تاعايىنداۋىن ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى باسقارۋشى تاراۋدىڭ پارتيا باسشىلىق گرۋپپاسىمەن بىرگە جۇرگىزۋگە وزگەردى.

  2019 - جىلى ورتالىق شارلاپ تەكسەرۋ گرۋپپاسى داعدىلى شارلاپ تەكسەرۋ جانە كەدەيلىكتەن ارىلتۋدان قامال الۋداعى ارناۋلى شارلاپ تەكسەرۋ بويىنشا 2 كەزەك ”قايتا قاداعالاۋ“ ورىستەتىپ، 108 جەرگىلىكتى ورىننىڭ، مەكەمەنىڭ پارتيا ۇيىمىن قامتىپ، 19 - كەزەكتى ورتالىق شارلاپ تەكسەرۋمەن جاپپاي قامتۋ مىندەتىن ورىنداۋ مولشەرىن %50تەن اسىردى؛ 31 ولكە، رايون، قالا جانە شينجياڭ ءوندىرىس - قۇرىلىس بيڭتۋانى پارتكومىن شارلاپ تەكسەرۋمەن جاپپاي قامتۋدى ورىنداۋ مولشەرى %59.5 بولدى؛ قىستاق دارەجەلى پارتيا ۇيىمدارىن شارلاۋ - تەكسەرۋمەن قامتۋ مولشەرى %63.7كە جەتتى. ورتالىق، ولكە، قالا، اۋدان 4 دارەجەلى شارلاپ تەكسەرۋ، شارلاۋ - تەكسەرۋ قىزمەت جۇيەسى ىشكەرىلەي كەمەلدەنىپ، شارلاپ تەكسەرۋدىڭ وتكىر قارۋى نەگىزگى ساتىعا تىكە جەتتى.

  بەلگىلەمە بويىنشا، ءتارتىپ بويىنشا، زاڭ بويىنشا جۇرگىزىپ، ءتارتىپ تەكسەرۋ، باقىلاۋ - تەكسەرۋ زاڭ - بەلگىلەمە ءتۇزىمى داۋىرمەن بىرگە ىلگەرىلەدى −

  2019 - جىلى 9 - ايدا، جاڭادان وزگەرىس ەنگىزىلگەن «جۇڭگو كوممۋنيستىك پارتياسىنىڭ جاۋاپقا تارتۋ ەرەجەسى» باسىپ شىعارىلىپ اتقارىلىپ، جاۋاپقا تارتۋ قىزمەتىنىڭ ساياسيلىعىن، دالمە - دالدىگىن، ناقتى ونىمدىلىگىن كۇشەيتۋگە ءتۇبىرلى بويسۇنۋ ولشەمىن ازىرلەدى؛

  2019 - جىلى 1 - ايدا جانە 7 - ايدا، «جۇڭگو كوممۋنيستىك پارتياسىنىڭ ءتارتىپ تەكسەرۋ ورگاندارىنىڭ باقىلاۋ، ءتارتىپ اتقارۋ قىزمەت ەرەجەسى»، «باقىلاۋ - تەكسەرۋ ورگاندارىنىڭ باقىلاۋ، زاڭ اتقارۋ قىزمەت بەلگىلەمەسى» ىلگەرىندى - كەيىندى اتقارىلىپ، ءتارتىپ تەكسەرۋ، باقىلاۋ - تەكسەرۋ ورگاندارىنىڭ مىندەت ۇقىعىن دۇرىس جۇرگىزۋىنە بويسىنۋ ولشەمىن ازىرلەدى؛

  ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى جەتەكشى پىكىر باسىپ تاراتىپ، ءتارتىپ تەكسەرۋ، باقىلاۋ - تەكسەرۋ ورگاندارىنىڭ (قۇرىلىم) باقىلاۋ، تەكسەرىپ تەكتەپ، تەكسەرۋ بارىسىنداعى ىستەستىگىن، سەلبەستىگىن ىشكەرىلەي ارناعا ءتۇسىردى، «مەملەكەتتىك باقىلاۋ - تەكسەرۋ كوميتەتىنىڭ ەڭ جوعارى حالىق پروكۋراتۋراسىمەن مىندەتتىك قىلمىس دەلولارىن ءبىتىرۋ قىزمەتىن ۇشتاستىرۋ ادىستەرى» سياقتىلار جاسالىپ شىعارىلىپ، ءتارتىپ پەن زاڭ ۇلاسقان، زاڭ مەن زاڭ ۇشتاسقان ءتۇزىم نەگىزى ۇزدىكسىز بەكەمدەلدى.

  ”شىرىكتەسۋگە باتىنا الماۋ، شىرىكتەسۋگە مۇمكىندىك بولماۋ، شىرىكتەسۋدى ويىنا الماۋ“ ءبىر تۇلعالى ىلگەرىلەپ، ءتارتىپ باقىلاۋ، باقىلاۋ - تەكسەرۋدى باقىلاۋ، وكىلەتتى باقىلاۋ، شارلاپ تەكسەرىپ باقىلاۋ ”تورتپەن جاپپاي قامتۋ“ ۇقىق باقىلاۋ جاعدايى ۇزدىكسىز كەمەلدەنىپ، شىرىكتەسۋگە قارسى تۇرۋ، جونگە سالۋ ونىمدىلىگى ۇزدىكسىز جوعارىلاپ، ءتارتىپ تەكسەرۋ، باقىلاۋ - تەكسەرۋ قىزمەتى جوعارى ساپالى دامۋدا تىڭ قادامدار باستى.

(شينحۋا اگەنتتىگىنىڭ 1 - ايدىڭ 12 - كۇنى بەيجيڭنەن بەرگەن حابارى)

جاۋاپتى رەداكتور: ريزا حاميت