اۆتونوميالى رايون 4 - كەزەكتى ”حالىق رازى مەملەكەت قىزمەتكەرلەرىن“ جانە ”حالىق رازى مەملەكەت قىزمەتكەرلەرى كوللەكتيۆتەرىن“ ماداقتاۋ - سيلاۋ جينالىسىن اشتى

اۆتونوميالى رايون 4 - كەزەكتى ”حالىق رازى مەملەكەت قىزمەتكەرلەرىن“ جانە ”حالىق رازى مەملەكەت قىزمەتكەرلەرى كوللەكتيۆتەرىن“ ماداقتاۋ - سيلاۋ جينالىسىن اشتى

چىن چۋانگو، شوكىرات زاكىر ماداقتالىپ - سيلانعانداردىڭ ۋاكىلدەرىمەن كەزدەستى، لي پىڭشين كەزدەسۋگە جانە ماجىلىسكە قاتىناستى

1 - ايدىڭ 12 - كۇنى اۆتونوميالى رايوننىڭ 4 - كەزەكتى ”حالىق رازى مەملەكەت قىزمەتكەرلەرىن“ جانە ”حالىق رازى مەملەكەت قىزمەتكەرلەرى كوللەكتيۆتەرىن“ ماداقتاۋ - سيلاۋ جينالىسى ۇرىمجىدە وتكىزىلدى. اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، اۆتونوميالى رايوندىق پارتكومنىڭ ورىنباسار شۋجيى لي پىڭشين ماداقتالىپ - سيلانعانداردىڭ ۋاكىلدەرىمەن كەزدەسىپ، ماداقتالىپ - سيلانعان وزات جەكەلەر مەن وزات كوللەكتيۆتەردى قىزۋ قۇتتىقتادى. □ سۋرەتتى گازەتىمىزدىڭ جالپىلىق اقپارات قۇرالدارى ءتىلشىسى سۇي جىجيان تۇسىرگەن

  تىلشىلەرىمىز ياۋ تۇڭ، ۋاڭ شيڭرۇي 1 - ايدىڭ 12 - كۇنى ۇرىمجىدەن حابارلايدى. 1 - ايدىڭ 12 - كۇنى تۇستەن بۇرىن اۆتونوميالى رايوننىڭ 4 - كەزەكتى ”حالىق رازى مەملەكەت قىزمەتكەرلەرىن“ جانە ”حالىق رازى مەملەكەت قىزمەتكەرلەرى كوللەكتيۆتەرىن“ ماداقتاۋ - سيلاۋ جينالىسى ۇرىمجىدە وتكىزىلدى. اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ماداقتالىپ - سيلانعانداردىڭ ۋاكىلدەرىمەن كەزدەسىپ، ماداقتالىپ - سيلانعان وزات جەكەلەر مەن وزات كوللەكتيۆتەردى قىزۋ قۇتتىقتادى، ءارقايسى كاسىپتە، ءارقايسى سالادا قاجىرلىلىقپەن قىزمەت ىستەپ جاتقان قالىڭ مەملەكەت قىزمەتكەرلەرىنە شىنايى العىس ايتتى ءارى ولارعا وسكەلەڭ قۇرمەت ءبىلدىردى.

  اۆتونوميالى رايوندىق پارتكومنىڭ ورىنباسار شۋجيى لي پىڭشين كەزدەسۋگە قاتىناستى، ماداقتاۋ - سيلاۋ جينالىسىنا قاتىناستى ءارى ءسوز سويلەدى.

  چىن چۋانگو كەزدەسكەندە بىلاي دەدى: شي جينپيڭ جولداستى ۇيتقى ەتكەن پارتيا ورتالىق كوميتەتى مەملەكەت قىزمەتكەرلەرى قىزمەتىنە وسكەلەڭ ءمان بەردى، باس شۋجي شي جينپيڭ مەملەكەتتىك ”حالىق رازى مەملەكەت قىزمەتكەرلەرىن“ جانە ”حالىق رازى مەملەكەت قىزمەتكەرلەرى كوللەكتيۆتەرىن“ ماداقتاۋ - سيلاۋ جينالىسىنا قاتىناسقان ۋاكىلدەرمەن ىستىق ىقىلاسپەن كەزدەسىپ، قالىڭ مەملەكەت قىزمەتكەرىنە دەگەن ىقىلاسى مەن قامقورلىعىن تولىق ايگىلەدى. تۇتاس رايونداعى ءار دارەجەلى مەملەكەت قىزمەتكەرلەرى كوللەكتيۆى مەن قالىڭ مەملەكەت قىزمەتكەرلەرى ماداقتالىپ - سيلانعان كوللەكتيۆتەر مەن جەكەلەردەن ۇيرەنىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، سانالى تۇردە كوممۋنيزم ۇلى مۇراتى مەن جۇڭگوشا سوتسياليزم ورتاق مۇراتىنىڭ تاباندى سەنۋشىلەرى، ادال امالياتشىلارى بولىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن ىشكەرىلەي دايەكتىلەندىرىپ، تياناقتاندىرىپ، نازاردى قوعام ورنىقتىلىعى مەن باياندى تىنشتىق باس نىساناسىنا شوعىرلاندىرىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، سەنىمدە بەرىك بولۋدىڭ، پارتياعا ادال بولۋدىڭ، جاۋاپكەرشىلىك ارقالاپ ىسكەرلىك كورسەتۋدىڭ، حالىق ءۇشىن قىزمەت ىستەۋدىڭ، حالىقتى ءسۇيۋدىڭ، قىزمەت ورنىن ءسۇيىپ، كاسىپتى ارداقتاۋدىڭ، پاك، تارتىپشەڭ بولۋدىڭ ۇلگىسى بولۋعا قۇلشىنىپ، جاپپاي دوڭگەلەك داۋلەتتى قوعام ورناتۋعا تىڭ دا ەلەۋلى ۇلەس قوسۋلارىن ءۇمىت ەتەمىن.

  لي پىڭشين سوزىندە مىنالاردى اتاپ كورسەتتى: اۆتونوميالى رايوندىق پارتكوم شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، مەملەكەت قىزمەتكەرى ءتۇزىمىن جانە قوسىن قۇرىلسىن ىلگەرىلەتۋدە كورنەكتى ناقتى ونىمدىلىككە قول جەتكىزدى؛ تۇتاس رايونداعى قالىڭ مەملەكەت قىزمەتكەرلەرى جان اياماي قىزمەت ىستەپ، جاۋاپكەرشىلىك ارقالاپ، العا ىلگەرىلەپ، شينجياڭنىڭ قوعام ورنىقتىلىعى مەن باياندى تىنشتىعىن قورعاۋعا بەلسەندى ۇلەس قوستى. قالىڭ مەملەكەت قىزمەتكەرلەرىنىڭ شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ساياسيدا شىڭدالىپ، سەنىمدى بەكەمدەپ، نازاريامەن قارۋلانۋدى كۇشەيتىپ، پارتياعا شارتسىز ادال بولىپ، قاي - قاشان دا ساياسيدا بەرىك بولۋىن، يدەيانى بىرلىككە كەلتىرۋىن، ارەكەتتە سانالى بولۋىن؛ اۋەلگى ماقساتتى ۇمىتپاي، حالىققا قىزمەت وتەپ، حالىق تۇرمىسىن زور كۇشپەن قامتاماسىزداندىرىپ جانە جاقسارتىپ، بۇكىل ىنتا - پەيىلىمەن حالىق ءۇشىن قىزمەت ىستەۋ ءتۇبىرلى باستى ماقساتىن شىن مانىندە ناقتاپ تياناقتاندىرۋىن؛ بورىشتى ەستە بەرىك ساقتاپ، جاۋاپكەرشىلىك ارقالاپ، ىسكەرلىك كورسەتىپ، ستراتەگيالىق تاباندىلىقتى ساقتاپ، ورنىقتىلىق، دامۋ قىزمەتتەرىن ويداعىداي ىستەپ، ساياسي جاۋاپكەرشىلىك ارقالاۋدى، تاريحي جاۋاپكەرشىلىك ارقالاۋدى، جاۋاپكەرشىلىكتى ۇستىنە الۋدى شىنايى كۇشەيتۋىن؛ قالتقىسىز ۇلەس قوسىپ، ناقتى يگەرىپ، شىنايى ىستەپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن، اۆتونوميالى رايوندىق پارتكومنىڭ ورنىقتىلىق، دامۋ قىزمەتتەرىنىڭ ناقتى ورنالاستىرۋلارىن ءبىر - بىردەن ناقتى شاراعا، ناقتى ارەكەتكە اينالدىرۋىن؛ تومەنگى شەكتى ساقتاۋدى، پاك - كىرشىكسىز بولۋدى ورىنداپ، ەرەكشەلەنبەۋ يدەياسىن بەرىك ورناتىپ، باقىلاۋدى ىرىقتىلىقپەن قابىلداپ، كۇرەس جاساۋ رۋحىن ساقتاپ، جۇڭگوشا سوتسياليستىك شينجياڭ قۇرۋعا قۇلشىنۋلارىن ءۇمىت ەتەمىن.

  ماجىلىستە 16 ”حالىق رازى مەملەكەت قىزمەتكەرلەرى كوللەكتيۆى“ جانە 38 ”حالىق رازى مەملەكەت قىزمەتكەرى“ ماداقتالىپ - سيلاندى.

  ”حالىق رازى مەملەكەت قىزمەتكەرلەرى“نىڭ ۋاكىلى تولى اۋدانى تولى قالاشىعىنىڭ باستىعى مۇرات قىدىربەك، پوسكام اۋدانى ءادىليا مەكەمەسىنىڭ باستىعى قالبىنۇر پان جۇڭلي، اۆتونوميالى رايوندىق باس جۇمىسشى ۇيىمىنىڭ اتۇش قالاسى اعۋ اۋىلى اراءمالى قىستاعىندا تۇراتىن ءبىرىنشى شۋجي دۋ جيانگاڭ، ”حالىق رازى مەملەكەت قىزمەتكەرلەرى كوللەكتيۆتەرى“نىڭ ۋاكىلى چەرشەن اۋداندىق ورمان - جايلىم مەكەمەسىندەگى جاۋاپتى جولداس ىلگەرىندى - كەيىندى سوزگە شىقتى.

  اۆتونوميالى رايون باسشىلارىنان تيان ۋىن، سارقىت اقان، لي شۋەجۇن، رىن حۋا، ماعاۋ سەيىتقامزا، ياڭ يۇڭ قاتارلىلار قيمىلعا قاتىناستى.

جاۋاپتى رەداكتور: ريزا حاميت