قاشاندا اۋەلگى ماقساتتان اينىماي، بۇلجىماي بورىش ارقالايىق

  قاشاندا اۋەلگى ماقساتتان اينىماي، بۇلجىماي بورىش ارقالايىق

  − باس شۋجي شي جينپيڭنىڭ نەگىزگى تاقىرىپتىق تاربيەنى قورىتىندىلاۋ جينالىسىنداعى ماڭىزدى ءسوزىن ۇيرەنۋ، دايەكتىلەندىرۋ تۋرالى

  □ حالىق گازەتىنىڭ شولۋشىسى

  ءمورالدى، قۇلىقتى ادام پاك، ادال بولادى. ءبىر ادام بولسىن، ءبىر ساياسي پارتيا بولسىن، قىسىلتاياڭ كەزەڭدەردى باستان كەشىرسە دە اۋەلگى ماقساتتى وزگەرتپەۋى، بەينەت − تاۋقىمەتتى قانشا تارتسا دا ءوز قاسيەتىن باياعىداي ساقتاۋى ەڭ قىمباتتى.

  ”اۋەلگى ماقساتتى ۇمىتپاۋدى، بورىشتى ەستە بەرىك ساقتاۋدى، ءسوز جوق، پارتيا قۇرىلىسىن كۇشەيتۋدىڭ ماڭگىلىك تاقىرىبى جانە بارلىق پارتيا مۇشەلەرىنىڭ، كادرلاردىڭ ومىرلىك تاقىرىبى ەتىپ بوساڭسىتپاي ۇدايى يگەرۋ كەرەك“. ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەنى قورىتىندىلاۋ جينالىسىندا باس شۋجي شي جينپيڭ پارتيا قۇرىلىسىنىڭ جاڭا ۇلى ينجەنەرياسىن ىلگەرىلەتۋدى كوزدەي وتىرىپ، بۇل رەتكى نەگىزگى تاقىرىپتىق تاربيەنى جاڭا باستاما ەتۋدى، پارتيانىڭ وزىنە توڭكەرىس جاساۋىن ۇزدىكسىز تەرەڭدەتۋدى كورنەكتى تۇردە باسا دارىپتەپ، بۇكىل پارتيانىڭ اۋەلگى ماقساتتى ۇمىتپاۋىن، بورىشتى ەستە بەرىك ساقتاۋىن ۇزدىكسىز ىلگەرىلەتۋى جونىندە 6 جاقتى تالاپتى ايقىن ورتاعا قويدى، بۇكىل پارتياداعى جولداستاردىڭ سانالىلىقپەن اۋەلگى ماقسات پەن بورىشتى كۇشەيتۋىن جەبەۋدە، قاشاندا اۋەلگى ماقساتتان اينىماۋدى، بورىش ارقالاۋدى ورىنداۋدا، جاڭا ۇزاق جورىققا قايتا سايلانىپ جولعا شىعۋدىڭ تاسقىنداعان كۇشىن توپتاۋدا ماڭىزدى مانگە يە.

  اۋەلگى ماقساتتى ۇمىتپاعاندا عانا، باستاعان ءىستى سوڭىنا شىعارۋعا بولادى. پارتيانىڭ اۋەلگى ماقساتى مەن بورىشى − پارتيانىڭ سيپاتىنىڭ، ءتۇبىرلى ماقساتىنىڭ، مۇرات - سەنىمىنىڭ، كۇرەس نىساناسىنىڭ شوعىرلى بەينەسى، ول پارتيامىزدى ماڭگى اينىماۋعا ىنتالاندىرىپ، پارتيامىزدى قاجىرلىلىقپەن العا باسۋعا جەبەپ كەلەدى. شىكۋمىننان تيان - انمىنعا دەيىن، كاسىپتى وركەندەتۋ جولىنان گۇلدەنۋ جولىنا دەيىن، پارتيامىزدىڭ 100 جىلعا جۋىق ۋاقىتتا جاساعان بارلىق قۇلشىنىسى، جۇرگىزگەن بارلىق كۇرەسى، بەرگەن بارلىق قۇرباندىعى تۇگەلدەي حالىقتىڭ باقىتى مەن ۇلتتىڭ گۇلدەنۋى ءۇشىن بولىپ تابىلادى. وسى اۋەلگى ماقسات پەن بورىشتان باستان - اياق اينىماعاندىقتان دا پارتيامىز ەرەكشە قيىن − قىستاۋ جاعدايدا دامىپ زورايا الدى، تىعىرىققا تىرەلگەن تۇستا قات − قابات قورشاۋدى بۇزىپ شىعا الدى، كۇيزەلىستى ناشار جاعدايدا قايسارلىلىقپەن العا ۇمتىلا الدى. اۋەلگى ماقسات پەن بورىشتى ەستەن شىعارسا، پارتيامىز سيپاتىن وزگەرتەدى، ءتۇسىن وزگەرتەدى، حالىقتان ايرىلادى، بولاشاقتان ايرىلادى.

  قازىر دۇنيە ءجۇزى 100 جىلدا بولماعان زور وزگەرىستى باستان كەشىرۋدە، ەلىمىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ شەشۋشى مەزگىلىندە تۇر، پارتيامىز حالىقتى باستاپ كوپتەگەن جاڭا تاريحي ەرەكشەلىككە يە ۇلى كۇرەس جۇرگىزۋدە، جاعدايدىڭ، ورتانىڭ وزگەرىسىنىڭ تەزدىگى، رەفورما، دامۋ، ورنىقتىلىق مىندەتىنىڭ اۋىرلىعى، قايشىلىقتىڭ، حاۋىپ - قاتەردىڭ، سىن - سايىستىڭ كوپتىگى، پارتيامىزدىڭ ەل باسقارۋ سىنىنىڭ اۋىرلىعى بۇرىن بولىپ كورمەگەن دارەجەدە. مىنانى دا كورە ءبىلۋ كەرەك: پارتيانىڭ ۇزاق ۋاقىت بيلىك جۇرگىزۋ شارت - جاعدايىندا، پارتيانىڭ العاباسارلىعىن السىرەتەتىن، پارتيانىڭ كىرشىكسىزدىگىنە زيان جەتكىزەتىن ءتۇرلى فاكتورلار كەز كەلگەن ۋاقىتتا بولعان، اۋەلگى ماقسات پەن بورىشقا قايشى كەلەتىن، پارتيانىڭ ىرگەسىن شايقالتاتىن قاتەرلەر بارلىق جەردە بولعان، پارتيا ىشىندە ساقتالىپ وتىرعان يدەيا كىرشىكسىز بولماۋ، ساياسي كىرشىكسىز بولماۋ، ۇيىم كىرشىكسىز بولماۋ، ستيل كىرشىكسىز بولماۋ سياقتى كورنەكتى ماسەلەلەر ءالى دە تۇبەگەيلى شەشىلگەن جوق. پارتيامىز 100 جىلدىق ءىرى پارتيا رەتىندە، باستان - اياق حالىقتىڭ جاقتاۋىنا جانە قولداۋىنا يە بولىپ، جۇڭحۋا ۇلتىنىڭ ماڭگىلىك ۇلى ءىسىن جازۋدا، ءسوز جوق، اۋەلگى ماقساتتى ۇمىتپاۋدى، بورىشتى ەستە بەرىك ساقتاۋدى پارتيا قۇرىلىسىن كۇشەيتۋدىڭ ماڭگىلىك تاقىرىبى، بارلىق پارتيا مۇشەلەرىنىڭ، كادرلاردىڭ ومىرلىك تاقىرىبى ەتىپ، اۋەلگى ماقسات پەن بورىشتى قالىڭ پارتيا مۇشەلەرىنىڭ، كادرلاردىڭ جۇرەگىنىڭ تۇكپىرىنە تەرەڭ ۇيالاتۋ، يدەياسىنا تەرەڭ تامىر تارتتىرۋ؛ ءسوز جوق، پارتيانىڭ العاباسارلىعىن السىرەتەتىن، پارتيانىڭ كىرشىكسىزدىگىنە زيان جەتكىزەتىن بارلىق فاكتورلاردى باتىل جويۋ، پارتيانىڭ دەنەسىنە جابىسقان بارلىق ۋلى مەرەزدەردى باتىل الاستاۋ، اۋەلگى ماقسات پەن بورىشقا قايشى كەلەتىن، پارتيانىڭ ىرگەسىن شايقالتاتىن بارلىق حاۋىپ - قاتەرلەردەن باتىل ساقتانۋ كەرەك.

  قاشاندا اۋەلگى ماقساتتان اينىماۋ، بورىش ارقالاۋ ءۇشىن، ۇزدىكسىز تۇردە اۋەلگى ماقساتتى قاداعالاپ، اۋەلگى ماقساتتان اينىماي، ۇزدىكسىز تۇردە بورىشتان بۇلجىماۋ، بورىش ارقالاۋ كەرەك. بۇل رەتكى نەگىزگى تاقىرىپتىق تاربيە نەگىزىنەن اياقتادى، ءبىراق اۋەلگى ماقساتتى ۇمىتپاۋ، بورىشتى ەستە بەرىك ساقتاۋ مەزەتتىك ءىس ەمەس، قايتا ومىرلىك ءىس، ءاربىر پارتيا مۇشەسى تۇگەلدەي يدەيادا، ساياسيدا ۇزدىكسىز قاداعالاۋ، بورشالاۋ جۇرگىزۋى، ويلانۋى، بوگدە زاتتى ۇزدىكسىز الاستاۋى، ۋلى مەرەزدى جويۋى، لاستانۋدان ساقتانۋى؛ ۇنەمى يدەيا - ساياسي جاقتان دەنساۋلىق تەكسەرىپ، پارتيا ورتالىق كوميتەتىنىڭ تالاپتارىمەن ”تۋرالانىپ“، پارتيا ۋستاۆىمەن، پارتيا ەرەجەسىمەن ”سكانەرلەپ“، حالىق بۇقاراسىنىڭ جاڭا ءۇمىت - تىلەگىمەن ”رەنتگەنگە ءتۇسىپ“، اعا بۋىندارمەن، قۇرباندارمەن، ۇزدىك تيپتەرمەن ”سالىستىرۋى“؛ پارتيانىڭ جاسامپاز نازاريالارىمەن اۋەلگى ماقساتتى نارلەندىرىپ، بورىشقا جەتەكشىلىك ەتىپ، پارتيانىڭ ەرەكشە تاريحىنان اۋەلگى ماقساتتى قاراستىرىپ، بورىش ارقالاۋعا ىنتالاندىرىپ، پارتيانىڭ ىشكى ساياسي تۇرمىسىن قاتايتۋ بارىسىندا اۋەلگى ماقساتتى شىڭداپ، بورىشتى شىنايى ءتۇيسىنىپ، اۋەلگى ماقسات پەن بورىشتى قايراتتانا العا باساتىن، ءورىس اشا جاڭالىق جاسايتىن رۋحاني كۇشكە جانە دەن قويا قاجىرلىلىقپەن ىستەيتىن، شىنايى يگەرىپ، ناقتى ىستەيتىن تۇپكىلىكتى قوزعاۋشى كۇشكە اينالدىرۋ كەرەك.

  گۋانشان جاتىر جامىلىپ ءزىل تۇمانعا، بۇيىم ەمەس شىڭ اسۋ قۇلشىنعانعا. ءارقانداي العا باسۋدىڭ بارىندە باسىپ وتكەن جولدى ۇمىتۋعا بولمايدى؛ قانشا الىسقا بارساق تا، قانشاما شۇعىلالى بولاشاققا جەتسەك تە بۇرىنعى وتكەنىمىزدى ۇمىتۋعا، ساپارعا نە ءۇشىن شىققانىمىزدى ۇمىتۋعا بولمايدى. اۋەلگى ماقساتتى جان دۇنيەگە ۇيالاتىپ، بورىشتى ارقالاپ، ۋاقىتپەن جارىسىپ، قايسارلىلىقپەن كۇرەس جۇرگىزسەك، ءبىز، ءسوز جوق، سان - ساناقسىز قيىندىقتاردان قايىسپايتىن جىگەردى بەكەمدەپ، نەعۇرلىم قيىن بولعان سايىن سولعۇرلىم العا ۇمتىلاتىن رۋحتى تاسقىنداتىپ، جاپپاي دوڭگەلەك داۋلەتتى قوعام ورناتۋدىڭ تولىق تابىسپەن اياقتالۋىنا شىنايى كەپىلدىك ەتىپ، جۇڭگو اتتى الىپ كەمەنىڭ تولقىن جارا العا باسۋىن، نىق قاداممەن الىسقا جەتۋىن ىلگەرىلەتە الامىز.

  (شينحۋا اگەنتتىگىنىڭ 1 - ايدىڭ 9 - كۇنى بەيجيڭنەن بەرگەن حابارى)

جاۋاپتى رەداكتور: نۇربولات قابىل