ءبىر نيەتپەن جۇڭگو ارمانىن بىرگە سومداۋعا اناعۇرلىم جويقىن كۇش ۇيىستىردى

  ءبىر نيەتپەن جۇڭگو ارمانىن بىرگە سومداۋعا اناعۇرلىم جويقىن كۇش ۇيىستىردى

  − 2019 - جىلعى ۇلتتار قىزمەتى دامۋى جونىندە شولۋ

  □ شينحۋا اگەنتتىگىنىڭ ءتىلشىسى ۋاڭ چي

  جۇڭحۋا ۇلتى ءبىر ءۇيلى جانداي ىنتىماقتاسىپ، ءبىر نيەتپەن جۇڭگو ارمانىن بىرگە سومدادى.

  ءبىر جىلدان بەرى مەملەكەتتىك ۇلت ىستەرى كوميتەتى مەن جەرگىلىكتى ءار دارەجەلى ۇلت ىستەرى قىزمەت تاراۋلارى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، ”اۋەلگى ماقساتتى ۇمىپتاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن تىڭعىلىقتى ورىستەتىپ، ساياسي جەتەكشىلىكتى كورنەكتىلەندىرىپ، نازاردى ءتۇيىندى مىندەتتەرگە شوعىرلاندىرىپ، جاۋاپكەرشىلىكتى بەلسەنە ارقالاپ، ىسكەرلىك كورسەتىپ، ۇلتتاردىڭ اناردىڭ دانىندەي تىعىز ۇيىسۋىن جەبەپ، جۇڭحۋا ۇلتىنىڭ سيىسىمدىلىق قۋاتىن اناعۇرلىم كۇشەيتۋ، ۇيىسۋ قۋاتىن اناعۇرلىم زورايتۋ، تاعدىرلاس ورتاق تۇلعاسىنا قادام تاستاۋىن جەبەۋ ءۇشىن ۇزدىكسىز قۇلشىنىس جاسادى.

  ۇلتتاردىڭ ءبىر - بىرىمەن ەتەنە بولىپ، ءوزارا قارايلاسۋىن جەبەدى

  جۇڭحۋا ۇلتىنىڭ تاريحى − ۇلتتاردىڭ ىنتىماقتاسىپ ۇيىسقان، بىرگە ەكپىندەي العا ىلگەرىلەگەن تاريحى.

  وتانىمىزدىڭ باتىس سولتۇستىك شەكاراسىنداعى التاي ساحاراسىنا قازاق شيپاگەرى ءماۋىلشارىپ قاپان ءوزىنىڭ جاستىق ورالىن ارنادى. نەشە ون جىلدا مالشىلىق رايونعا بارىپ ناۋقاس كورىپ، بۇقاراعا قىزمەت وتەپ، بۋرىلتوعاي اۋدانىنىڭ ءاربىر تابيعي قىستاعىن ارالاپ، ءاربىر كيىز ۇيمەن تانىستى.

  قازىرگە دەيىن زەينەتكە شىققانىنا كوپ جىل بولسا دا، ءالى دە اۋىل - قىستاقتا اجالعا اراشاشى، جارالىعا جەبەۋشى بولىپ، ۇلتتار ىنتىماعىن قورعاپ، جەرگىلىكتى ورىنداعى ءار ۇلت بۇقارانىڭ قۇرمەتىنە بولەندى.

  2019 - جىلى 9 - ايدا مەملەكەتتىك ۇلتتار ىنتىماعى، العاباسارلىعى ماداقتاۋ - سيلاۋ جينالىسىندا ءماۋىلشارىپ قاپان سياقتى ۇلتتار ىنتىماعى، العاباسارلىعى ىستەرى ءۇشىن ۇلەس قوسقان 812 ۇلگىلى جەكە، سونداي - اق 665 ۇلگىلى كوللەكتيۆ ماراپاتتالدى.

  مەملەكەتتىك ۇلتتار ىنتىماعى، العاباسارلىعى ماداقتاۋ - سيلاۋ جينالىسىن تابىسپەن اشىپ، «ۇلتتار ىنتىماعى، العاباسارلىعىنداعى وزاتتاردان بولۋ قىزمەتىن جاپپاي، ىشكەرىلەي، باياندى ورىستەتىپ، جۇڭحۋا ۇلتى ورتاق تۇلعا تانىمىن سومداۋ جونىندەگى پىكىردى» دايەكتىلەندىرۋدى، تياناقتاندىرۋدى ۇزدىكسىز ىلگەرىلەتتى. ءبىر جىلدان بەرى مەملەكەتتىك ۇلت ىستەرى كوميتەتى مەن جەرگىلىكتى ءار دارەجەلى ۇلت ىستەرى قىزمەت تاراۋلارى ۇلتتار ىنتىماعى، العاباسارلىعى قىزمەتىن تاعى دا تىڭ بەلەسكە كوتەرۋدى ىلگەرىلەتتى −

  مەملەكەتتىك ۇلتتار ىنتىماعى، العاباسارلىعىنان ۇلگى كورسەتەتىن وبلىستى (ايماق، قالا، امىك) باعالاۋ ولشەمىنە وزگەرىس ەنگىزىپ، ۇلگى كورسەتۋ رايونى (ورىن) باعالاۋ، ات قويۋ، باسقارۋ ءادىسىن جازدى؛

  7 - توپتاعى ۇلتتار ىنتىماعى، العاباسارلىعىنان ۇلگى كورسەتۋ رايونى (ورىن) جانە 6 - توپتاعى مەملەكەتتىك ۇلتتار ىنتىماعى، العاباسارلىعى تاربيە بازاسىن باعالاۋ، ات قويۋ قىزمەتىن تامامداپ، قاتىستى تاراۋلارمەن بىرلەسىپ، ”جۇڭحۋا ۇلتى ورتاق تۇلعا تانىمىن سومداۋ“ زەرتتەۋ بازاسىنا ءوتىنىش بەرۋ جانە باعالاۋدى ىلگەرىلەتتى؛

  بۇكىل ەلدەن از ۇلتتاردىڭ ەكسكۋرسيا ۇيىرمەسىن بەيجيڭگە كەلىپ ەكسكۋرسيادا بولۋعا ءارى مەملەكەت مەرەكەسىن قۇتتىقتاۋ جەلىلەس قيمىلدارىنا قاتىناسۋعا ۇيىمداستىرىپ، تاريحتى ەسكە الىپ، پارتياعا العىس ايتىپ، دامۋدى تىلگە تيەك ەتىپ، ىنتىماقتى جەبەپ، اسكەري شەرۋدى كوزدەن كەشىرىپ، بىرگە ساۋىق قۇرىپ، ءار ۇلت ۋاكىلدەرىنىڭ پارتيانى ءسۇيۋ، مەملەكەتتى ءسۇيۋ سۇيىسپەنشىلىگىن بارىنشا تاسقىنداتتى؛

  ......

  ءبىر قىدىرۋ شارالار ءار ۇلت بۇقاراسىنىڭ بىرگە جاساعان، بىرگە ۇيرەنگەن، قىزمەتتەس بولعان، قۋانىشقا ورتاق بولعان قوعامدىق شارت - جاعدايىن ۇزدىكسىز كەمەلدەندىرىپ، ۇلتتاردىڭ جۇڭحۋا ۇلتى ۇلى شاڭىراعىندا ءبىر - بىرىنە ەتەنە بولىپ، ءوزارا قارايلاسۋىن جەبەدى.

  ۇلتتاردىڭ ورتاق رۋحاني مەكەنىن بەلسەنە تۇلعالادى

  مادەنيەت − ءبىر ۇلتتىڭ جانى، مادەنيەتتى مويىنداۋ ەڭ تەرەڭ قاتپارداعى شىنايى مويىنداۋ.

  ورتا جازىقتىڭ كەڭ - بايتاق دالاسىندا، حۋاڭحى وزەنى جاعالاۋىندا. 2019 - جىلى كۇز باسى، 11 - كەزەكتى مەملەكەتتىك از ۇلتتاردىڭ ءداستۇرلى دەنە تاربيە سپورت جارىسى جىڭجوۋدا وتكىزىلدى.

  جۇڭحۋانى القاپ، ارمانمەن قاۋىشتى. كولەمى عالامات ۇلتتاردىڭ دەنە تاربيە سالتاناتى ءار ۇلتتىڭ ۇلكەن بىرىككەن ساۋىعى، اسا تارتىمدى ۇلتتاردىڭ مادەنيەت سالتاناتى بولدى.

  جارىسقا قاتىناسقان شيزاڭدىق قۇرماساداق تارتۋ قۇراماسىنىڭ مۇشەسى لو حۇڭيىڭ مەن سىۋاڭ چۇيجىن تانىسقاندارىنا تالاي جىل بولعان جاقسى اپەكە - سىڭلىلەر، بۇل ولاردىڭ سپورت جارىسىنا 6 - رەت قول ۇستاسا قاتىناسۋى. قارلى ۇستىرتتەن سايشاڭ جياڭنانعا دەيىن، ليڭناننىڭ گۋاڭدۇڭىنان الۋان تۇسكە بولەنگەن گۇيجوۋعا دەيىن، كەڭ كوسىلگەن ساحارادان ورتا جازىقتىڭ بايتاق دالاسىنا دەيىن جارىس ناتيجەسىن سالىستىرۋدان گورى، ولار بارىستان تىپتەن ءلاززات الدى، باسقا ساڭلاقتارمەن مادەنيەت اۋىس - كۇيىسىن جاساۋدى تىپتەن قاستەرلەدى.

  ءبىر جىلدان بەرى، مەملەكەتتىك ۇلت ىستەرى كوميتەتى مەن جەرگىلىكتى ءار دارەجەلى ۇلت ىستەرى قىزمەت تاراۋلارى كوپ شارانى قاتار قولدانىپ، از ۇلتتاردىڭ مادەنيەت ىستەرىنىڭ دامۋىن ىلگەرىلەتىپ، ءار ۇلتتىڭ ورتاق رۋحاني مەكەنىن تۇلعالادى −

  ”جۇڭحۋا ۇلتىنىڭ بەرەكەلى شاڭىراعى“ اتىنداعى مادەنيەتتى نەگىزگى ساتىعا جەتكىزۋ سياقتى فورماسى ءار الۋان ءتۇرلى ۇلتتىق مادەنيەت، دەنە تاربيە قيمىلدارىن ورىستەتىپ، ۇلتتىق اۆتونوميالى جەرلەردەگى قۇتتىقتاۋ قيمىلى كەزىندە، حال سۇراۋ كونسەرتىن ۇيىمداستىرىپ ورىستەتتى؛

  از ۇلتتاردىڭ بايىرعى شىعارمالارىن جەدەل قۇتقارۋ، جاپپاي تەكسەرۋ، رەتتەۋ، اۋدارۋ جانە زەرتتەۋدى كۇشەيتىپ، ءبىر قىدىرۋ ۇلتتىق اۆتونوميالى جەرلەردە نەگىزگى تاقىرىپتىق كورمە ۇيىمداستىردى؛

  ”مەملەكەتتىك قوس ءتىل ۇيرەنۋدەگى ەرەكشە اۋىل - قالاشىق (پراكتيكا بازاسى)“ قۇرىلىسىن باستاپ اتقارىپ، ۇلتتىق وڭىرلەردىڭ نەگىزدىك وقۋ - اعارتۋىن دامىتۋ تاجىريبەلەرى جونىندە اۋىس - كۇيىس جاساۋ ءماجىلىسىن اشىپ، ۇلتتىق وڭىرلەردىڭ كاسىپتىك وقۋ - اعارتۋىنىڭ رەفورماسىن، دامۋىن ىلگەرىلەتىپ، ۇلتتىق جوعارى مەكتەپتەردىڭ عىلىم - تەحنيكادا جاڭالىق اشۋىن ىلگەرىلەتتى؛

  .......

  قۇلشىنۋدىڭ ارقاسىندا، ۇلتتاردىڭ تاڭداۋلى ءداستۇرلى مادەنيەتى جالعاستىرىلدى، وقۋ - اعارتۋ ىستەرى ورنىقتى دامىدى، ءار ۇلت مادەنيەت جاعىندا ءوزارا قۇرمەتتەيتىن، ءوزارا ءلاززات الاتىن، ءوزارا ۇيرەنەتىن، ءوزارا ۇلگى الاتىن جاعداي ۇزدىكسىز قالىپتاستى.

  ۇلتتىق وڭىرلەردىڭ كەدەيلىكتەن ارىلىپ، دوڭگەلەك داۋلەتتىلىككە ۇمتىلۋ قادامى جەدەلدەدى

  يۇننان ولكەسى شيمىڭ ۋازۋ اۆتونوميالى اۋدانى بانمۋ قىستاعىنداعى لاحۋ ۇلتى بويجەتكەنى ارمەي كەدەي وتباسىندا ومىرگە كەلىپ، ءشوپ كۇركەدە تۇرىپ، اش تا قالعان.

  جەرگىلىكتى ورىننىڭ كومەكتەسۋ - سۇيەمەلدەۋ كادرلارى وعان ءۇمىت ۇشقىنىن تۇتاندىرىپ، ونى اۋدانعا ەنگىزگەن بال شارۋاشىلىعى سەرىكتەستىگىنە بارىپ جۇمىس ىستەۋگە تانىستىرادى. ول ومارتانى كوشىرىپ ءشوپ وتاۋ بارىسىندا، ونى تالاي رەت بال اراسى شاققاننان كەيىن، ارا پاتشاسىن ءوسىرۋ جانە بال اراسىن تۇرگە ايىرۋ سياقتى تەحنيكالاردى ۇيرەنىپ، الىس - جاقىنعا تانىمالى ”ارا باعۋ مايتالمانى“نا اينالادى. 2019 - جىلى 7 - ايدا ول داڭقپەن جۇڭگو كوممۋنيستىك پارتياسىنا كانديدات مۇشە بولادى.

  جۇڭحۋا ۇلتى ءبىر ۇلى شاڭىراق، ءبىر وتباسىنىڭ ادامدارى تەگىس جاقسى تۇرمىسقا قول جەتكىزۋ كەرەك. ۇلتتىق وڭىرلەردىڭ جاپپاي دوڭگەلەك داۋلەتتىلىگى مەن وسىزاماندانۋى بولماسا، بۇكىل ەلدىڭ جاپپاي دوڭگەلەك داۋلەتتىلىگى مەن وسىزاماندانۋى بولماق ەمەس.

  ”جاپپاي دوڭگەلەك داۋلەتتى قوعام ورناتۋدا بىردە - ءبىر ۇلتتىڭ قاعىس قالۋىنا بولمايدى“ نىساناسىن جۇزەگە اسىرۋ ءۇشىن، ءبىر جىلدان بەرى مەملەكەتتىك ۇلت ىستەرى كوميتەتى مەن جەرگىلىكتى ءار دارەجەلى ۇلت ىستەرى قىزمەت تاراۋلارى ۇلتتىق وڭىرلەردىڭ كەدەيلىكتەن ارىلتۋدان قامال الۋ قىزمەتىن ويداعىداي ىستەۋدى كورنەكتىلەندىردى −

  ”13 - بەسجىلدىق“ جوباداعى كەلەلى ينجەنەريالاردىڭ اراسىندا ۇلتتار قىزمەتىنە ساياتىن مىندەتتەردىڭ تياناقتانۋىن ويداعىداي يگەرىپ، ورتالىقتىڭ تيىمدىلىك جاساۋ ساياساتىنىڭ تياناقتانۋىن ىلگەرىلەتتى؛

  مەملەكەت بويىنشا اۆتونوميالى وبلىستاردىڭ جاپپاي دوڭگەلەك داۋلەتتى قوعام ورناتۋداعى تاجىريبەلەرى جونىندەگى اۋىس - كۇيىس جاساۋ جۇمىس باسى ءماجىلىسىن جانە مەملەكەت بويىنشا جان سانى ءبىرشاما از ۇلتتاردىڭ كەدەيلىكتەن ارىلتۋدان قامال الۋ، دوڭگەلەك داۋلەتتىلىككە ۇمتىلۋ جۇمىس باسى ىلگەرىلەتۋ ءماجىلىسىن اشىپ، جان سانى ءبىرشاما از ۇلتتاردىڭ دامۋىن جەبەۋ، شەكارانى گۇلدەندىرىپ، حالىقتى اۋقاتتاندىرۋ قيمىلى سياقتى جوبالاردى ويداعىداي تياناقتاندىرىپ، ۇلتتىق وڭىرلەردىڭ ەكونوميكالىق جاعدايىنا تالداۋ جاساۋدى كۇشەيتىپ، ۇلتتىق وڭىرلەردىڭ جىلدام دامۋ اياق الىسىن ىلگەرىلەتتى؛

  ۇلتتىق وڭىرلەردىڭ ەرەكشە قىستاعىن قورعاۋدى جانە دامىتۋدى، باسقارۋدى جۇيەگە ءتۇسىرىپ، از ۇلتتاردىڭ ءداستۇرلى قولونەر بۇيىمدارىن قورعاۋ جانە دامىتۋ پىكىرىن باسىپ تاراتىپ، ۇلتتىق وڭىرلەردىڭ ەرەكشە كاسىپ سالاسىنىڭ دامۋىن ىلگەرىلەتتى؛

  ......

  ساياساتتىڭ شىعىس جەلىنە ىلەسە، از ۇلت قاۋىمى پارتيا ورتالىق كوميتەتىنىڭ شەشىم - ورنالاستىرۋلارى بويىنشا تاماشا تۇرمىسقا ۇمتىلۋدا.

  اۋەلگى ماقساتتى وزگەرتپەي، قايراتتانا العا تارتتى.

  شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، قالىڭ ۇلت ىستەرى قىزمەتكەرلەرى ۋاقىتپەن جارىسىپ، جاستىق ورالدارىن جەردە قالدىرماي، جۇڭحۋا ۇلتى ورتاق تۇلعا تانىمىن بەرىك سومداۋدى نەگىزگى جەلى ەتىپ، ءتۇرلى قىزمەتتەردى ويداعىداي ىستەپ، ۇلتتاردىڭ كورىكتى مەكەندى بىرگە قۇرۋىن ىلگەرىلەتىپ، كوركەم بولاشاقتى بىرگە جاراتىپ، ءبىر نيەتپەن جۇڭگو ارمانىن بىرگە سومداۋعا ءتىپتى دە زور كۇش - قۋات ۇيىستىردى.

  (شينحۋا اگەنتتىگىنىڭ 1 - ايدىڭ 8 - كۇنى بەيجيڭنەن بەرگەن حابارى)

جاۋاپتى رەداكتور: نۇربولات قابىل