پارتيانىڭ ءدىن قىزمەتى نەگىزگى باعىتىن ىشكەرىلەي دايەكتىلەندىرىپ، ءدىننىڭ سوتسياليستىك قوعامعا ۇيلەسۋىن جەبەۋ كەرەك

  اۆتونوميالى رايون باسشىلارى اۆتونوميالى رايوندىق ەكى ماجىلىسكە قاتىناسقان ءدىن سالاسىنداعى حالىق قۇرىلتايى ۋاكىلدەرى مەن ساياسي كەڭەس مۇشەلەرىنە امانداستى ءارى ولارمەن اڭگىمە وتكىزدى

  پارتيانىڭ ءدىن قىزمەتى نەگىزگى باعىتىن ىشكەرىلەي دايەكتىلەندىرىپ، ءدىننىڭ سوتسياليستىك قوعامعا ۇيلەسۋىن جەبەۋ كەرەك

  چىن چۋانگو ءسوز سويلەدى، شوكىرات زاكىر، شاۋكەت يمىن، نۇرلان ءابىلماجىن بىرگە بارىپ امانداسىپ، اڭگىمەلەستى

  1 - ايدىڭ 7 - كۇنى اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن اۆتونوميالى رايوندىق ەكى ماجىلىسكە قاتىناسقان ءدىن سالاسىنداعى حالىق قۇرىلتايى ۋاكىلدەرى مەن ساياسي كەڭەس مۇشەلەرىنە امانداستى ءارى اڭگىمە ءماجىلىس وتكىزدى. □ سۋرەتتى گازەتىمىزدىڭ جالپىلىق اقپارات قۇرالدارى ءتىلشىسى سۇي جىجيان تۇسىرگەن

  تىلشىلەرىمىز ياۋ تۇڭ، ۋاڭ شيڭرۇي 1 - ايدىڭ 7 - كۇنى ۇرىمجىدەن حابارلايدى. 1 - ايدىڭ 7 - كۇنى تۇستەن كەيىن اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن اۆتونوميالى رايوندىق ەكى ماجىلىسكە قاتىناسقان ءدىن سالاسىنداعى حالىق قۇرىلتايى ۋاكىلدەرى مەن ساياسي كەڭەس مۇشەلەرىنە شىن ىقىلاسپەن امانداستى ءارى ولارمەن اڭگىمە ءماجىلىس وتكىزىپ، ءدىن قىزمەتىن دەن قويا جاقسى ىستەۋ، ءدىن تاتۋلىعىن، جاراسىمدىلىعىن جەبەۋ توڭىرەگىندە ءدىن سالاسىنداعى قالىڭ وتانشىل قايراتكەرلەردىڭ پىكىر - ۇسىنىستارىن مۇقيات تىڭدادى.

  اڭگىمە ءماجىلىستىڭ الدىندا، چىن چۋانگو، شوكىرات زاكىر، شاۋكەت يمىن، نۇرلان ءابىلماجىن قاتارلى باسشىلار ءدىن سالاسىنداعى حالىق قۇرىلتايى ۋاكىلدەرىمەن، ساياسي كەڭەس مۇشەلەرىمەن ءبىر - بىرلەپ قول الىسىپ، ءوزارا امانداستى.

  اڭگىمە ءماجىلىس مەرەيلى بەينەدە ءوتتى، ماجىلىسكە قاتىناسقاندار جارىسا ءسوز كەزەگىن الدى. ابدۇرىقىپ ءتومۇرنياز، مامەت جۇما، جي رىن، ياڭ جيە، ماقسات قابيدەن، ساۋۇتجان ابىلىميت، اسانتۇر ءومىرباي، ما جينيۇن قاتارلى ۋاكىلدەر مەن مۇشەلەر جەكە - جەكە لەبىز ءبىلدىردى. كوپشىلىك مىنالاردى ءبىلدىردى: سوڭعى جىلدارى شينجياڭنىڭ بەت - بەينەسى كۇن سايىن تۇرلەنىپ، قوعامدىق كەلەلى جاعداي جاراسىمدى، ورنىقتى بولدى، ەكونوميكا جوعارى ساپامەن دامىدى، ۇلتتار ىنتىماعى بەكەمدەلدى، كۇشەيدى، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى بارعان سايىن كۇشەيدى. اۆتونوميالى رايونداعى ءار دارەجەلى پارتكوم مەن ۇكىمەت پارتيانىڭ ءدىن قىزمەتى نەگىزگى باعىتىن مۇقيات دايەكتىلەندىرىپ، پارتيانىڭ ءدىني سەنىم ەركىندىگى ساياساتىن تياناقتاندىرىپ، دىنگە سەنەتىن بۇقارانىڭ عۇرىپ - ادەتىنە تولىق قۇرمەت ەتىپ، نەگىزدىك قۇرىلعى، قوعامدىق قامتاماسىزداندىرۋ سياقتى الەۋمەتتىك قىزمەت وتەۋلەردى ءدىني قيمىل ورىندارىنا، ءدىني وقىتۋشى - قىزمەتكەرلەرگە جالپىلاستىرىپ، ءدىني قيمىل ورىندارىن جوندەۋ قارجىسىن قازىنا مەجە ەسەبىنە ەنگىزىپ، ءدىني قيمىل ورىندارى مەن ءدىني قيمىل شارت - جاعدايىن ۇزدىكسىز جاقسارتتى. باسشى كادرلاردىڭ وتانشىل ءدىني قايراتكەرلەرمەن بايلانىس ورناتۋ ءتۇزىمىن اقاۋسىزداندىرىپ، كەمەلدەندىرىپ، ەمدەۋ قامسىزداندىرۋى، زەينەتكەرلىك قامسىزداندىرۋى، سالماقتى ناۋقاس قامسىزداندىرۋى، جازاتايىم زاقىمدالۋ قامسىزداندىرۋى، ەڭ تومەنگى تۇرمىستى قامتاماسىزداندىرۋ جانە تەگىن دەنساۋلىق تەكسەرۋ سياقتى ساياساتتاردى جاپپاي تياناقتاندىرىپ، ءدىني قايراتكەرلەردىڭ تۇرمىستىق قوسىمشا قاراجاتىنىڭ ولشەمىن 2 رەت جوعارىلاتتى، قالىڭ ءدىني قايراتكەرلەر مەن دىنگە سەنەتىن بۇقارا پارتيانىڭ ابزال ساياساتىنا شىن جۇرەكتەن العىس ايتتى.

  چىن چۋانگو تىڭداي وتىرىپ ەستەلىك الىپ، كوپشىلىكپەن ىشكەرىلەي اڭگىمەلەسىپ تالقى جۇرگىزدى.

  ءدىن سالاسىنداعى ۋاكىلدەر مەن مۇشەلەردىڭ سوزدەرىن مۇقيات تىڭداعان سوڭ، چىن چۋانگو بىلاي دەدى: وتكەن ءبىر جىلدا، شينجياڭنىڭ ورنىقتىلىق، دامۋ، رەفورما ىستەرى جاپپاي دامىپ، تىڭ ىلگەرىلەۋشىلىككە قول جەتكىزدى. وسى ناتيجەلەرگە قول جەتۋى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ، شىنايى قامقورلىعىنىڭ ناتيجەسى، بۇكىل رايونداعى پارتيا، ۇكىمەت، ارميا، ساقشى، بيڭتۋان، حالىقتىڭ جۇدىرىقتاي جۇمىلىپ، قاجىرلىلىقپەن كۇرەس جۇرگىزۋىنىڭ ناتيجەسى، ءدىن سالاسىنداعى قالىڭ وتانشىل قايراتكەرلەر دە بەلسەندى رول ساۋلەلەندىرىپ، ماڭىزدى ۇلەس قوستى. چىن چۋانگو اۆتونوميالى رايوندىق پارتكوم، حالىق قۇرىلتايى، ۇكىمەت، ساياسي كەڭەس اتىنان بۇكىل رايونىمىزدىڭ ءدىن سالاسىنداعى وتانشىل قايراتكەرلەرگە شىن جۇرەكتەن العىس ايتتى.

  چىن چۋانگو بىلاي دەدى: پارتيانىڭ ءدىن ساياساتىن اناعۇرلىم دايەكتىلەندىرىپ، تياناقتاندىرىپ، ءدىن سالاسىنداعى قالىڭ قايراتكەرلەر مەن دىنگە سەنەتىن بۇقارانى اناعۇرلىم ويداعىداي ىنتىماقتاستىرىپ جانە ۇيىستىرىپ، جۇڭگوشا سوتسياليستىك شينجياڭ قۇرۋعا قۇلشىنۋ كەرەك. پارتيانىڭ ءدىن قىزمەتى نەگىزگى باعىتىن بۇلجىماي دايەكتىلەندىرىپ، زاڭدىلارىن قورعاۋعا، زاڭسىزدارىن تەجەۋگە، ۇشقارىلىقتى اۋىزدىقتاۋعا، سىنالاپ كىرۋگە قارسى تۇرۋعا، قىلمىسقا سوققى بەرۋگە تاباندى بولىپ، ءدىندى سوتسياليستىك قوعامعا ۇيلەسۋگە بەلسەنە جەتەكتەۋ كەرەك. پارتيانىڭ ءدىني سەنىم ەركىندىگى ساياساتىن جاپپاي دايەكتىلەندىرىپ، دىنگە سەنەتىن بۇقارانىڭ عۇرىپ - ادەتىنە شىن مانىندە قۇرمەت ەتىپ، ءدىني ۇيىمداردىڭ، ءدىني مەكتەپتەردىڭ، ءدىني قيمىل ورىندارىنىڭ، ءدىني قايراتكەرلەردىڭ جانە دىنگە سەنەتىن بۇقارانىڭ زاڭدى ۇقىق - مۇددەسىن زاڭ بويىنشا قورعاپ، قالىپتى دىنگە سەنۋ مەن ءدىني ۇشقارىلىقتىڭ شەك - شەكاراسىن دۇرىس ويداعىداي يگەرىپ، دىنگە سەنەتىن بۇقارانىڭ قالىپتى ءدىني قاجەتى مەن قالىپتى ءدىني قيمىلدارىن زاڭ بويىنشا قامتاماسىز ەتۋ كەرەك. ءدىني قيمىل ورىندارىنىڭ الەۋمەتتىك قىزمەت وتەۋ دەڭگەيىن ۇزدىكسىز جوعارىلاتىپ، ”جەتىنى جەتكىزۋ، ەكى بولۋ“دى، ”توعىزدى سەپتەۋ“دى تىڭعىلىقتى ىلگەرىلەتىپ، ءتۇرلى قامتاماسىزداندىرۋ شارالارىن جاپپاي تياناقتاندىرىپ، ءدىني ورىندار مەن ءدىني قيمىل شارت - جاعدايىن ۇزدىكسىز جاقسارتۋ كەرەك. وتانشىل ءدىني قايراتكەرلەرگە كوڭىل ءبولۋ مەن قامقورلىق جاساۋدى كۇشەيتىپ، وتانشىل ءدىني قايراتكەرلەردى جاقىن جان اشىرى، دوسى رەتىندە كورۋگە تاباندى بولىپ، ءار دارەجەلى باسشى كادرلاردىڭ وتانشىل ءدىني قايراتكەرلەرمەن بايلانىس ورناتۋ ءتۇزىمىن جاپپاي تياناقتاندىرىپ، ءتۇرلى قامقورلىق ساياساتتارىن بۇلجىماي تياناقتاندىرىپ، ولاردىڭ ناقتى قيىنشىلىقتارى مەن ماسەلەلەرىن شەشۋىنە ىزگى نيەتپەن كومەكتەسىپ، قالىڭ ءدىني قايراتكەرلەرگە پارتيا مەن ۇكىمەتتىڭ قامقورلىعىن، مەيىرىن شىن مانىندە سەزىندىرۋ كەرەك. ءدىني وقىتۋشى - قىزمەتكەرلەردى تاربيەلەۋ - باۋلۋدى كۇشەيتىپ، ءدىني قايراتكەرلەردىڭ قابىلەتىن، ساپاسىن شىن مانىندە ءوسىرىپ، ساياسيدا سەنىمدى، ءدىن جاعىندا ماعلۇماتتى، احىلاق جاعىندا جۇرتتى يلاندىرا الاتىن، شەشۋشى ساتتە رول اتقارا الاتىن ءدىني وقىتۋشى - قىزمەتكەرلەر قوسىنىن قۇرۋ كەرەك. وتانشىل ءدىني قايراتكەرلەردىڭ بەلسەندى رولىن تولىق ساۋلەلەندىرىپ، ءدىن سالاسىنىڭ ءدىن قاعيدالارى مەن ءدىن جوسىندارى جونىندە زامانىمىزداعى جۇڭگونىڭ دامۋ، العا باسۋ تالابىنا ۇيلەسەتىن، جۇڭحۋانىڭ تاڭداۋلى ءداستۇرلى مادەنيەتىنە ۇيلەسەتىن تۇسىنىك جاساۋىن قولداپ، ەلىمىزدە ءدىننىڭ جۇڭگوشالانۋ بەتالىسىنا تاباندى بولۋ كەرەك.

  چىن چۋانگو ءدىن سالاسىنداعى قالىڭ قايراتكەرلەردىڭ وتاندى ءسۇيۋ، ءدىندى قاستەرلەۋ تاڭداۋلى ءداستۇرىن ساۋلەلەندىرىپ، دىنگە سەنەتىن بۇقارانى دۇرىس سەنىم، دۇرىس جولمەن جۇرۋگە، ۇشقارىلىققا قارسى تۇرۋعا جەتەكتەپ، اناعۇرلىم كوپ ۋاقىت پەن زەيىن - زەردەنى ءوندىرىستى دامىتۋعا، ەڭبەكشىلدىكپەن اۋقاتتانۋعا، حالىق تۇرمىسىن جاقسارتۋعا جۇمساپ، ورنىقتىلىقتى قورعاۋعا، ىنتىماقتى نىعايتۋعا، جاراسىمدىلىقتى جەبەۋگە جۇمساپ، پارتيا مەن ۇكىمەتتىڭ توڭىرەگىنە تىعىز ىنتىماقتاسىپ، ۇلتتار ىنتىماعىن، ءدىننىڭ ۇيلەسكىشتىگىن، قوعام جاراسىمدىلىعىن جەبەۋگە بەلسەندى ۇلەس قوسۋىن ءۇمىت ەتتى.

  اۆتونوميالى رايون باسشىلارىنان سو يۋە، مۇتالىپ وبۇل اڭگىمە ماجىلىسكە قاتىناستى.

جاۋاپتى رەداكتور: سايراش تۇرارجان