اۋات اۋدانى: وقۋشىلاردىڭ ”ازىق - تۇلىك حاۋىپسىزدىگىن“ قورعادى

اۋات اۋدانى: وقۋشىلاردىڭ ”ازىق - تۇلىك حاۋىپسىزدىگىن“ قورعادى

− نازاردى نەگىزگى تاقىرىپقا، نەگىزگى جەلىگە شوعىرلاندىرىپ، رەتتەۋ - تۇزەتۋدى يگەرۋ جونىندەگى جەلىلەس حابار

□ ءتىلشىمىز جاڭ جىلي ەرىكتى ءتىلشى ۋاڭ يانچي

  ”سەندەردىڭ دۇكەندەرىڭدە ساتىلىپ جاتقان لاتياۋ، گانسۇيميان قانداي ارنامەن كىرگىزىلگەن زاتتار؟“ 2019 - جىلى 12 - ايدىڭ 25 - كۇنى اۋات اۋداندىق تاجىريبە باستاۋىش مەكتەبىنىڭ جانىنداعى ءبىر دۇكەندە اتالعان اۋداننىڭ بازار باقىلاۋ - باسقارۋ مەكەمەسىنىڭ زاڭ اتقارۋشىلارى ساتۋشىدان سۇراستىرىپ جاتتى.

  2 - توپتاعى ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى بارىسىندا اۋات اۋداندىق بازار باقىلاۋ - باسقارۋ مەكەمەسى بۇقارا اڭىس ەتكەن ماسەلەلەردى قاداعالاپ، مەكتەپ ماڭايىنداعى ازىق - تۇلىك حاۋىپسىزدىگىن ارناۋلى رەتتەۋ - جونگە سالۋ ارەكەتىن ورىستەتىپ، وقۋشىلاردىڭ ”ازىق - تۇلىك حاۋىپسىزدىگىن“ شىنايى قورعاپ، ورتا، باستاۋىش مەكتەپتەردىڭ قۇپتاۋىنا جانە قولداۋىنا يە بولدى.

  اۋات اۋداندىق بازار باقىلاۋ - باسقارۋ مەكەمەسى پارتيا باسشىلىق گرۋپپاسىنىڭ شۋجيى، مەكەمە باستىعى ۋ جيانفىڭنىڭ تانستىرۋىنشا، بۇل رەتكى ارناۋلى رەتتەۋ - جونگە سالۋ قىزمەتى مەكتەپ اسحاناسى جانە مەكتەپ ماڭايىنداعى ءمالىش دۇكەندەرىن، قوسىمشا ازىق - تۇلىك دۇكەندەرىن، سونداي - اق ۇلكەن، ورتا ەرەن بازارلار سياقتى ازىق - تۇلىك تيجاراتىمەن شۇعىلداناتىن ورىنداردى ءتۇيىندى وبيەكتى ەتىپ، دامدەندىرىپ جاساعان ۇن تاعامدارى لاتياۋ، بۇرشاق ونىمدەرى، قامپيتقان ازىق - تۇلىكتەر، قانت - كامپيت، سۋسىندىق سياقتى ۇساق ازىق - تۇلىكتەردى ءتۇيىندى ءتۇر ەتىپ، ازىق - تۇلىك شاعىن دۇكەندەرىنىڭ جاي - جاپسارىن جاپپاي انىقتاپ، مەكتەپ ماڭايىنداعى ”لاس، بىلىققان، ناشار“ شاعىن ازىق - تۇلىك ورىنداردى ءتۇيىندى رەتتەپ - جونگە سالدى. ارناۋلى رەتتەۋ - جونگە سالۋ ارەكەتىندە زاڭ اتقارۋشىلار تيجارات جۇرگىزەتىن ورىنداردان زات ەنگىزۋدى تەكسەرۋ ءتۇزىمىن اتقارعان - اتقارماعاندىقتارىن قاتاڭ تەكسەرىپ، تەكسەرۋ بارىسىندا كومەسكى حاۋىپ - قاتەرلەر ءبىرشاما كوپ بايقالعان ازىق - تۇلىكتەردى دەرەۋ سورەدەن ءتۇسىرۋدى تالاپ ەتتى.

  اۋات اۋدانى بازاردى باقىلاۋ - باسقارۋ مەكەمەسى تاعى نەگىزگى تاقىرىپتىق تاربيە مەن پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن تىعىز بايلانىستىرىپ، ازىق - تۇلىك حاۋىپسىزدىگى جۇمىس باسى جيىنىن، باۋلۋ جيىنىن وتكىزۋ سياقتى تاسىلدەر ارقىلى وقۋشىلاردىڭ ”ازىق - تۇلىگى حاۋىپسىزدىگىن“ قورعاۋدىڭ باياندى مەحانيزمىن قالىپتاستىردى. اۋات اۋدانى عۇروچۇل قالاشىعى ورتا مەكتەبىندە زاڭ اتقارۋشىلار ۇستاپ قالعان ”ءۇش كۋالىكسىز“ ازىق - تۇلىكتەردى سول جەردە كورسەتىپ، دەنساۋلىققا جەتكىزەتىن زيانىن ءتۇسىندىردى.

  ۋ جيانفىڭ بىلاي دەپ تانىستىردى: ارناۋلى رەتتەۋ - جونگە سالۋ ارەكەتىندە زاڭ اتقارۋشىلار مەكتەپ ماڭايىنداعى ماگازيندەردى، اس - سۋ دۇكەندەرىن مۇقيات تەكسەرىپ، ازىق - تۇلىك حاۋىپسىزدىگى ولشەمىنە جەتپەگەن شاعىن دۇكەندەردى توقتاتتى. مەكتەپ ماڭايىنداعى ازىق - تۇلىك كاسىبىمەن شۇعىلداناتىن ادامداردى ۇيىمداستىرىپ، مەكتەپتە جانە ماڭايىندا ازىق - تۇلىك حاۋىپسىزدىگى كۋرسىنان 3 كەزەك وتكىزىپ، قاتىناسقان ادام سانى 700گە جەتتى.

جاۋاپتى رەداكتور: ريزا حاميت