شينجياڭ ساياحات قارجى قوسۋ توبى شەكتى سەرىكتەستىگى ماڭدايشالىق اسىپ قۇرىلدى

شينجياڭ ساياحات قارجى قوسۋ توبى شەكتى سەرىكتەستىگى ماڭدايشالىق اسىپ قۇرىلدى

  ءتىلشىمىز شى شين 12 - ايدىڭ 31 - كۇنى ۇرىمجىدەن حابارلايدى. 2019 - جىلى 12 - ايدىڭ 31 - كۇنى شينجياڭ ساياحات قارجى قوسۋ توبى شەكتى سەرىكتەستىگى رەسمي ماڭدايشالىق اسىپ قۇرىلدى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز سەرىكتەستىكتىڭ ماڭدايشالىعىن اشتى ءارى سەرىكتەستىكتىڭ جاۋاپتىلارىمەن اڭگىمە وتكىزدى.

  شينجياڭ ساياحات قارجى قوسۋ توبى اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى جەتەكشى بولىپ قۇرعان ساياحاتتى نەگىزگى كاسىپ ەتكەن تۇڭعىش مەملەكەت مەنشىگىندەگى قارجى قوسۋ سەرىكتەستىگى، مەملەكەت مەنشىگىندەگى مال - مۇلىكتى جايعاستىرۋدا ساياحات كاسىبىنە قارجى قوساتىن، قارجى قۇرايتىن، كاسىپتەردى بىرىكتىرەتىن، ينفورماتسيالىق قىزمەت وتەيتىن، جۇمىستى باسقاراتىن، ساياساتتى ۇلاستىراتىن ماڭىزدى تۇعىر.

  ەركىن تۇنياز بىلاي دەپ اتاپ كورسەتتى: شينجياڭ ساياحات قارجى قوسۋ توبىنىڭ قۇرىلۋى شينجياڭنىڭ ساياحات كاسىبىندەگى ءىرى ءىس، قۋانىشتى ءىس، بارلىق قىزمەتكەرلەر دەڭگەيدى جوعارىلاتىپ، باس شۋجي شي جينپيڭنىڭ مادەنيەت جانە ساياحات قىزمەتى جونىندەگى ماڭىزدى بايىمداۋىن ۇيرەنىپ، ءتۇسىنىپ، وسى ارقىلى وي - سانانى قارۋلاندىرىپ، امالياتقا جەتەكشىلىك ەتىپ، قىزمەتتى ىلگەرىلەتۋ؛ بورىشتى باتىلدىقپەن ارقالاپ، اۆتونوميالى رايوننىڭ ساياحاتتى دامىتۋ جينالىسىندا جاسالعان ءتۇرلى ماڭىزدى ورنالاستىرۋدى ارقاۋ ەتىپ، سەرىكتەستىكتىڭ دامۋ جوباسىن جوعارى باستامادا، جوعارى ولشەمدە، جوعارى دەڭگەيدە ويداعىداي جاساۋ، كەلەلى نەگىزدىك قۇرىلعىلار قۇرىلىسىن جەدەلدەتۋ سياقتى جاقتاردا مەملەكەت مەنشىگىندەگى مال - مۇلىكتىڭ، مەملەكەت مەنشىگىندەگى كاسىپورىنداردىڭ ماڭىزدى رولىن ساۋلەلەندىرۋدى ماڭىزدى ءتۇيىن ەتۋ؛ ءورىس اشا جاڭالىق اشىپ، رەفورما وي جەلىسىمەن وسى زامانعى كاسىپورىن ءتۇزىمىن ورناتىپ، جاڭالىق اشۋ تاسىلىمەن قارجى قوسۋ، قارجى قۇراۋ ءتاسىلىن مولايتىپ، ساياحات ارقىلى شينجياڭدى گۇلدەندىرۋ ستراتەگياسىنىڭ اتقارىلۋىنا جوعارى ساپادا قىزمەت وتەۋ جانە ونى ويداعىداي ىلگەرىلەتۋ؛ جۇيە قالىپتاستىرىپ، ساپالى بايلىقتاردىڭ بازارلانىپ بىرىگۋىن جەدەلدەتىپ، جوعارعى، تومەنگى بۋىنداعى بازار نەگىزگى تۇلعالارىنىڭ دامىپ زورايۋىنا دەم بەرىپ، شوعىرلانعان، تىزبەكتەلگەن دامۋدى جۇزەگە اسىرۋ؛ ماڭداي الدى بولۋعا ۇمتىلىپ، مادەنيەت پەن ساياحاتتىڭ توعىسۋىن تەرەڭدەتىپ، جۇمىس مەحانيزمىن جاڭالاپ، دامۋ ساپاسىن جوعارىلاتىپ، كاسىپورىننىڭ ناقتى قۋاتىن زورايتىپ، ساياحات ارقىلى شينجياڭدى گۇلدەندىرۋ ستراتەگياسىن تياناقتاندىرۋدى ىلگەرىلەتۋدە ۇلگى كورسەتىپ، ونەگە بولۋ كەرەك.

جاۋاپتى رەداكتور: ريزا حاميت