مەملەكەت وردەنىن جانە مەملەكەت داڭق اتاعىن باعالاۋ، بەرۋ

  شينحۋا اگەنتتىگىنىڭ 12 - ايدىڭ 25 - كۇنى بەيجيڭنەن بەرگەن حابارى (چي شىڭ). 2019 - جىلى 9 - ايدىڭ 29 - كۇنى تۇستەن بۇرىن ساعات 10دا، جۇڭحۋا حالىق رەسپۋبليكاسىنىڭ مەملەكەت وردەنىن جانە مەملەكەت داڭق اتاعىن بەرۋ سالتى حالىق سارايىندا سالتاناتپەن وتكىزىلدى، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ يۇي مين قاتارلى 8 ادامعا رەسپۋبليكا وردەنىن، راۋل كاسترو رۇز قاتارلى 6 ادامعا دوستىق وردەنىن، يە پەيجيان قاتارلى 28 ادامعا مەملەكەت داڭق اتاعىن بەردى. باس شۋجي شي جينپيڭ ماڭىزدى ءسوز سويلەدى، ۋاڭ حۋنيڭ شي جينپيڭ قول قويعان جۇڭحۋا حالىق رەسپۋبليكاسىنىڭ مەملەكەت ءتوراعاسى بۇيرىعىن وقىدى.

  جۇڭحۋا ۇلتى ەجەلدەن قاھارمانداردى قۇرمەتتەپ كەلگەن، پارتيا مەن مەملەكەت ەجەلدەن قاھارمان ۇلگىلەردى ماراپاتتاۋعا وسكەلەڭ ءمان بەردى. جاڭا جۇڭگو قۇرىلعان 70 جىلدان بەرى، جاڭا جۇڭگونىڭ ءاربىر ۇرپاق تاڭداۋلى قۇرىلىسشىلارى مەن قاراپايىم ەڭبەكشىلەرى كۇش جالعاپ ەكپىندەي ىلگەرىلەپ جانە ايانباي كۇرەسىپ، جۇڭگوشا سوتسياليزم قۇرىلىسى بارىسىندا كورنەكتى ۇلەستەر قوسىپ، كۇللى جۇرتتى جالت قاراتارلىقتاي تابىستارعا قول جەتكىزدى. پارتيانىڭ 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى ەلەۋلى ەڭبەكتى، داڭقتى ماراپاتتاۋ قىزمەتىنە وسكەلەڭ ءمان بەردى، باس شۋجي شي جينپيڭ كوپ رەت ماڭىزدى نۇسقاۋ جاسادى، 2015 - جىلى جۇڭگو كوممۋنيستىك پارتياسى ورتالىق كوميتەتى «پارتيا مەن مەملەكەتتىڭ ەلەۋلى ەڭبەكتى، داڭقتى ماراپاتتاۋ ءتۇزىمىن ورناتۋ جانە ونى كەمەلدەندىرۋ جونىندەگى پىكىر»دى باسىپ تاراتتى، مەملەكەتتىك حالىق قۇرىلتايى تۇراقتى كوميتەتى دە «جۇڭحۋا حالىق رەسپۋبليكاسىنىڭ مەملەكەت وردەنى جانە مەملەكەت داڭق اتاعى زاڭىن» جاريالادى؛ 2017 - جىلى جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس «مەملەكەتتىڭ ەلەۋلى ەڭبەكتى، داڭقتى ماراپاتتاۋ ەرەجەسىن» باسىپ تاراتتى.

  2019 - جىلى جاڭا جۇڭگو قۇرىلعاندىعىنىڭ 70 جىلدىعى قارساڭىندا، پارتيا ورتالىق كوميتەتى مەملەكەت وردەنىن جانە مەملەكەت داڭق اتاعىن شوعىرلى باعالاۋدى، بەرۋدى ورىستەتۋدى ۇيعاردى. نەگىزگى زاڭعا ساي، مەملەكەتتىك حالىق قۇرىلتايى تۇراقتى كوميتەتى ”مەملەكەت وردەنىن جانە داڭق اتاعىن بەرۋدى بەلگىلەدى جانە ۇيعاردى“، مەملەكەت ءتوراعاسى مەملەكەتتىك حالىق قۇرىلتايى تۇراقتى كوميتەتىنىڭ ۇيعارىمىنا ساي، ”مەملەكەت وردەنىن جانە داڭق اتاعىن بەردى“. پارتيا ورتالىق كوميتەتىنىڭ تىكە باسشىلىعىندا، باعالاۋ جانە ماراپاتتاۋ قىزمەتى 2019 - جىلدىڭ باسىندا باستالعان، پارتيا مەن مەملەكەتتىڭ ەلەۋلى ەڭبەكتى، داڭقتى ماراپاتتاۋ قىزمەتى كوميتەتى ءبىر تۇتاس جوسپارلاپ سايكەستىرۋگە جاۋاپتى بولدى، جيناقتاپ باعالاۋ - تەكسەرۋ ورنىنىڭ قاتارعا ءتىزۋ پىكىرىنەن تولىق پايدالانۋ نەگىزىندە، ەڭ جوعارى ولشەمگە تاباندى بولىپ، ەڭبەك ناتيجەسى باعدارىنا تاباندى بولىپ، ءىس جۇزىندىك ۇلەسىن ەڭ ماڭىزدى باعالاۋ ولشەمى ەتىپ، تۇرعىسى بەرىك، ءمورالى وسكەلەڭ بولۋ، بۇقارا جاپپاي مويىنداۋ سىندى نەگىزگى تالاپقا تاباندى بولىپ، ۇسىنىلعان كانديداتتاردىڭ حالىق پەن ۋاقىتتىڭ سىنىنان سۇرىنبەي وتە الۋىنا شىنايى كەپىلدىك ەتتى. جان - جاقتىلى سالىستىرۋ، جالپىلىق تەڭگەرۋ، كانديداتتاردى تەكسەرۋ، مەملەكەت بويىنشا اشىق جاريالاۋ سياقتى بۋىنداردان وتكەننەن كەيىن، ”رەسپۋبليكا وردەنىن“ جۇڭگوشا سوتسياليزم قۇرىلىسىندا جانە مەملەكەتتى قورعاۋدا وراسان زور ۇلەس قوسقان، كورنەكتى ەڭبەك سىڭىرگەن ايگىلى قايراتكەرلەرگە بەردى؛ ”دوستىق وردەنىن“ ەلىمىزدىڭ سوتسياليستىك وسىزامانداندىرۋ قۇرىلىسىندا جانە جۇڭگو مەن شەتەلدىڭ اۋىس - كۇيىس سەلبەستىگىن جەبەۋدە، دۇنيە ءجۇزىنىڭ بەيبىتشىلىگىن قورعاۋدا كورنەكتى ۇلەس قوسقان شەتەلدىكتەرگە بەردى؛ مەملەكەت داڭق اتاعىن ەكونوميكا، قوعام، مەملەكەت قورعانىسى، ديپلوماتيا، وقۋ - اعارتۋ، عىلىم - تەحنيكا، مادەنيەت، دەنساۋلىق ساقتاۋ، دەنە تاربيە سياقتى ءارقايسى سالادا، ءار كاسىپتە ماڭىزدى ۇلەس قوسقان، وسكەلەڭ داڭققا يە كورنەكتى قايراتكەرلەرگە بەردى. مەملەكەت مەرەكەسى قارساڭىندا، ءتوراعا شي جينپيڭ ءتوراعا بۇيرىعىنا قول قويىپ، تۇڭعىش رەت جاڭا جۇڭگونىڭ قۇرىلىسىنا جانە دامۋىنا كورنەكتى ۇلەس قوسىپ، ەلەۋلى ەڭبەك سىڭىرگەن ۇلگىلەرگە مەملەكەت وردەنىن جانە مەملەكەت داڭق اتاعىن بەردى.

  مەملەكەت وردەنىن جانە مەملەكەت داڭق اتاعىن بەرۋ قيمىلىن ورىستەتۋ − قازىرگى نەگىزگى زاڭ جاريالانىپ اتقارىلعاننان بەرگى تۇڭعىش رەتكى بولىپ، باستامالىق ءمان الدى، نەگىزگى زاڭنىڭ مەملەكەت وردەنى، اتاعى ءتۇزىمىن اتقارۋ جونىندەگى ماڭىزدى امالياتى سانالادى، نەگىزگى زاڭنىڭ رۋحىن ايگىلەدى، ەلەۋلى ەڭبەك سىڭىرگەن ۇلگىلەردىڭ تاريحي ەڭبەگىن تۇراقتاندىرۋ ارقىلى ۇلگى ورناتىپ، تۋ تىكتەۋ سوتسياليستىك وزەكتى قۇن كوزقاراسىن جەتىلدىرۋدە جانە اسقاقتاتۋدا، مەملەكەتتىڭ جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدە كەلەلى ءمان الادى.

جاۋاپتى رەداكتور: ريزا حاميت