مەنىڭ بالكۇلشە دۇكەنىمنىڭ ساۋداسى كۇسەتتەنە ءتۇستى

مەنىڭ بالكۇلشە دۇكەنىمنىڭ ساۋداسى كۇسەتتەنە ءتۇستى

□ ۇلۇقشات اۋدانى تاربيەلەۋ - باۋلۋ ورتالىعىنان وقۋ تاۋىسقان تاربيەلەنۋشى ياقۇپجان ابدۇكەرىم

  مەنىڭ اتى - ءجونىم ياقۇپجان ابدۇكەرىم، بيىل 34 جاستامىن، ءۇيىم ۇلۇقشات اۋدانىنىڭ قىزىلوي اۋىلىندا. ىلگەرىدە مەن ءدىني ۇشقارى ەلەمەنتتەردىڭ الداپ - ارباۋىمەن، ازعىرۋىمەن ءدىني ۇشقارى يدەيانى جۇقتىرىپ الدىم. ءدىني ۇشقارى ەلەمەنتتەر ماعان: ”ناعىز مۇسىلمان“ ”جات دىندەگىلەر“دى قاقپايلاۋى كەرەك، ”ادام ءولتىرىپ شەيىت بولعاندار“ ”جاننات“قا كىرەدى، - دەدى. مەن بەينە اپيىن شەككەن سياقتى قالىپتى وندىرىسكە، تۇرمىسقا دا قارايلاسۋدى قويدىم، ەگىستىكتى ارام ءشوپ باستى، ۇيدەن جاڭبىر سورعالاسا دا جوندەمەدىم، ۇيدەگى ۇلكەندەر مەن بالالارعا دا قاراۋدان قالدىم، مىنەزىم ۇشقارى بولا ءتۇسىپ، كۇنى بويى باسقالارعا استىرتىن ءدىني ۇشقارى يدەيانى ۋاعىزداۋمەن بولدىم.

  2017 - جىلى 3 - ايدا ۇيىمدەگىلەردىڭ ناسيحاتتاۋىمەن مەن كاسىپتىك شەبەرلىككە تاربيەلەۋ - باۋلۋ ورتالىعىنا كەلىپ ۇيرەنۋگە قاتىناستىم. تاربيەلەۋ - باۋلۋ ورتالىعىنا العاش كەلگەن كەزدە مەنىڭ كوڭىلىم قارسىلىق نىسايعا تولىپ، ءار كۇنى ەپتەپ - سەپتەپ كۇن وتكىزىپ، ۇيرەنۋگە مۇقيات قاتىناسپادىم، مۇعالىمداردىڭ ءسوزىن قۇلاعىما قىستىرمادىم، اۋەلى، ۇنەمى مۇعالىمدارعا اشۋ شاقىرىپ، ايعاي - شۋ شىعارىپ، تاربيەلەۋ - باۋلۋ ورتالىعىنىڭ تاربيەلەۋىنە، باسقارۋىنا سايكەسپەدىم. كەيىن مۇعالىمداردىڭ قامقورلىعىندا، كومەكتەسۋىندە، مەن بىرتىندەپ ءدىني ۇشقارى ەلەمەنتتەردىڭ ءدىن قاعيدالارىن بۇرمالاۋ ارقىلى ادام كوڭىلىن ازعىرىپ، الجاسقان ادامداردى جاماندىق ىستەۋگە، بۇلدىرۋمەن اينالىسۋعا جەلىكتىرگەندىگىن، ازدىرعاندىعىن، شىرعالاعاندىعىن ءتۇسىندىم. دۇرىس پەن بۇرىستى بىرتىندەپ ايىرعان مەنىڭ كوڭىل تۇيىنشەگىم شەشىلىپ، مەملەكەتتە ءبىر تۇتاس قولدانىلاتىن ءتىل - جازۋدى، زاڭ بىلىمدەرىن جانە كاسىپتىك شەبەرلىكتى بەلسەندىلىكپەن ۇيرەنە باستاپ، بولاشاق ومىرگە دە سەنىمىم ارتا ءتۇستى.

  تاربيەلەۋ - باۋلۋ ورتالىعىندا تاماعىمىزدى، جاتار ورنىمىزدى، پايدالاناتىن بۇيىمدارىمىزدى مەكتەپ تەگىن قامدادى، ءبىر كۇندەگى ءۇش ۋاقىت تاماقتىڭ قورەكتىگى مول، جاتاق تازا دا رەتتى، كلاس كەڭ دە جارىق، مادەني كوڭىل اشۋ قيمىلدارى باي مازمۇندى، الۋان ءتۇرلى. كاسىپتىك شەبەرلىك ساباعىندا مەن بالكۇلشە جاساۋدى تاڭدادىم، كاسىپتىك بالكۇلشە جاساۋشى ۇستازدىڭ جەتەكتەۋىمەن مەن الۋان ءتۇرلى بالكۇلشەلەردى، پراندىكتەردى جاساۋ ونەرىن ۇيرەندىم.

  تاربيەلەۋ - باۋلۋ ورتالىعىنان وقۋ تاۋىسقاننان كەيىن، اكە - شەشەم، ايەلىم: بەينە باسقا ءبىر ادامعا وزگەرگەندەيسىڭ، مىنەزىڭ اشىلىپتى، اكە - شەشەڭدى قۇرمەتتەيتىن، ۇيىڭە قارايلاساتىن ەلپەك بولىپسىڭ، بۇرىنعىداي كۇنى بويى ءتۇزۋ كاسىپپەن شۇعىلدانبايتىن ادامعا مۇلدە ۇقسامايسىڭ، - دەستى. اۋىل - قىستاق كادرلارى مەندەگى بەلسەندى وزگەرىستى بايقاعاننان كەيىن، ماعان كومەكتەسىپ اۋدان قالاشىعىنان ءبىر دۇكەنگە بايلانىس جاسادى، مەن بالكۇلشە دۇكەنىن اشتىم. مەن جاساعان بالكۇلشەلەر ءدامدى، ءتۇرى مول، باعاسى ارزان بولعاندىقتان قايىرىلىپ كەلەتىن قاريدارلار كوپ بولدى، بالكۇلشە دۇكەنىنىڭ ساۋداسى كۇسەت بولا ءتۇستى. جۋىقتا مەن بالكۇلشە دۇكەندى قايتا اشەكەيلەپ، كولەمىن كەڭەيتۋگە دايارلىق جاساۋدامىن، ءوزىمنىڭ قاجىرلى ەڭبەگىمە سۇيەنىپ، ءتىپتى دە كوركەم تۇرمىس جاراتامىن، الداعى كۇندەرىمنىڭ، ءسوز جوق، كۇن سايىن جاقساراتىندىعىنا سەنەمىن.

  مەن شىن جۇرەگىمنەن ۇكىمەتكە راقىمەت ايتامىن، تاربيەلەۋ - باۋلۋ ورتالىعى مەنى قۇتقاردى، مەنىڭ قالىپتى ادامنىڭ تۇرمىسىن قايتا تابۋىما مۇمكىندىك بەردى، وتكەندەگى ادام دا، الباستى دا ەمەس كۇندەرگە قوش ايتتىم. قازىر مەنىڭ كوڭىل كۇيىم اعاردى، كوز ايام كەڭەيدى، تۋىس - تۋعان، دوس - جاراندارىممەن بارىس - كەلىسىم قويۋلاستى، ءوزىم دە اقشا تاۋىپ، وتباسىمدى باعىپ - قاعا الاتىن بولدىم.

  جۋىقتا امەريكا پارلامەنتى قاۋىم پالاتاسى ايتىلمىس شينجياڭعا ساياتىن ”زاڭ جوبا“ ماقۇلداپ، كاسىپتىك شەبەرلىككە تاربيەلۋ - باۋلۋ ورتالىعىنا كۇيە جاقتى، مەن امەريكانىڭ كەيبىر ساياساتپازدارىنىڭ اق پەن قارانى شاتاستىرعان، شىندىقتى بۇرمالاعان ارسىز ارەكەتىن قاتاڭ جازعىرامىن جانە وعان باتىل قارسى تۇرامىن. مەن ءوزىمنىڭ ناقتى كەشىرمەلەرىم ارقىلى كوپشىلىككە شينجياڭنىڭ كاسىپتىك شەبەرلىككە تاربيەلەۋ - باۋلۋ ورتالىعى ادامگەرشىلىكپەن باسقارىلاتىن مەكتەپ، ول قاتاڭ جازاعا تارتۋ ەمەس قۇتقارۋ، تاستاپ قويۋ ەمەس قامقورلىق جاساۋ ءتاسىلىن پايدالانىپ، مەن سياقتى ءدىني ۇشقارى يدەيانىڭ ۋلاۋىنا تەرەڭ ۇشىراعان كوپتەگەن ادامداردىڭ تەرىس جولدان قۇتىلۋىنا، باقىتتى تۇرمىس كەشىرۋىنە كومەكتەستى دەپ ايتا الامىن.

  تاربيەلەۋ - باۋلۋ ورتالىعىنان وقۋ تاۋىسقان ءبىر تاربيەلەنۋشى رەتىندە، مەن امەريكانىڭ سول ءبىر ساياساتپازدارىنا سەندەر شينجياڭنىڭ قازىرگى ەكونوميكاسى دامىعان، قوعامى ورنىقتى، ۇلتتارى ىنتىماقتى، ءدىن تاتۋ بولعان اسا تاماشا جاعدايىن كورە تۇرا كورمەسكە سالدىڭدار، شينجياڭعا ورشەلەنە كۇيە جاقتىڭدار، كولگىر كەيىپ - كەسپىرلەرىڭدى، زورەكەرلىك تابيعاتتارىڭدى جۇرت الدەقاشان تانىپ جەتتى، ءبىز ءبىر نيەتپەن ىنتىماقتاسىپ، مەكەنىمىزدى ءتىپتى دە كورىكتى ەتىپ قۇرىپ شىعامىز، سەندەردىڭ قاسكۇنەمدىكتەرىڭ، ءسوزسىز، دالباسالىقپەن تىنادى دەپ قاتاڭ ەسكەرتەمىن.

جاۋاپتى رەداكتور: ريزا حاميت