جاڭا داۋىردە ەكولوگيالىق وركەنيەت قۇرىلىسىن ىلگەرىلەتۋدىڭ ”التى ءتۇرلى پرينسيبى“

  شينحۋا اگەنتتىگىنىڭ 12 - ايدىڭ 21 - كۇنى بەيجيڭنەن بەرگەن حابارى (چي شىڭ). 2018 - جىلى 5 - ايدىڭ 18 - كۇنىنەن 19 - كۇنىنە دەيىن، ەكولوگيالىق ورتانى قورعاۋ جونىندەگى مەملەكەتتىك ءماجىلىس بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىستە ماڭىزدى ءسوز سويلەپ جاڭا داۋىردە ەكولوگيالىق وركەنيەت قۇرىلىسىن ىلگەرىلەتۋ پرينسيبىن العا قويىپ، ەكولوگيالىق وركەنيەت جۇيەسىن قۇرۋدى جەدەلدەتۋدى باسا دارىپتەدى.

  ءماجىلىس شي جينپيڭنىڭ ەكولوگيالىق وركەنيەت يدەياسىن قورىتىندىلاپ ءارى بايىمداپ، جاڭا داۋىردە ەكولوگيالىق وركەنيەتتى جانە كورىكتى جۇڭگو قۇرىلىسىن ىلگەرىلەتۋدە، ءسوز جوق، ”التى ءتۇرلى پرينسيپ“كە تاباندى بولۋ كەرەكتىگىن العا قويدى: ادام مەن تابيعاتتىڭ جاراسىمدى قاتار ءومىر سۇرۋىنە تاباندى بولىپ، جاسىل تاۋ، تۇنىق سۋدىڭ ءوزى باعالى بايلىق، تاماشا ەكولوگيالىق ورتا − حالىق تۇرمىسى ءۇشىن ەڭ كوپ جالپىعا ءتيىمدى قۇت - ىرىس، تاۋ، سۋ، ورمان، اتىز، كول، جايلىم تىرشىلىكتىڭ ورتاق تۇلعاسى، ەكولوگيالىق ورتانى ەڭ قاتاڭ ءتۇزىم، ەڭ قاتاڭ زاڭمەن جونگە سالۋ ارقىلى ەكولوگيالىق ورتانى قورعاپ، الەمدىك ەكولوگيالىق وركەنيەت قۇرىلىسىن بىرگە جوسپارلاۋ كەرەك. ”التى ءتۇرلى پرينسيپ“تىڭ العا قويىلۋى ءبىزدىڭ لاستانۋدان ساقتانۋىمىزعا جانە ونى جونگە سالۋدان قامال الۋ شايقاسىن ويداعىداي جۇرگىزۋىمىزگە، ەكولوگيالىق ورتانى قورعاۋدى جاپپاي كۇشەيتۋىمىزگە ايقىن باعدار كورسەتىپ، جەتەكشى يدەيا مەن ارەكەتتە بويسۇنۋ ولشەمىن ازىرلەدى. ەكولوگيالىق ورتانى قورعاۋ جونىندەگى مەملەكەتتىك ءماجىلىستىڭ جەڭىسپەن اشىلۋى ەلىمىزدىڭ ەكولوگيالىق ورتانى قورعاۋىنا كۇشتى يدەيالىق جەتەكشى، نازاريالىق نەگىز جانە امالياتتىق قوزعاۋشى كۇش ازىرلەدى.

  ەكولوگيالىق ورتا − پارتيانىڭ بورىشىنا، نەگىزگە ماقساتىنا قاتىستى كەلەلى ساياسي ماسەلە، سونداي - اق حالىق تۇرمىسىنا قاتىستى كەلەلى قوعامدىق ماسەلە. ەلىمىز ەجەلدەن بەرى، ەكولوگيالىق ورتانى قورعاۋعا وسكەلەڭ ءمان بەرىپ، بايلىقتى ۇنەمدەۋ مەن قورشاعان ورتانى قورعاۋدى نەگىزگى مەملەكەت ساياساتى، باياندى دامۋدى مەملەكەت ستراتەگياسى ەتىپ تۇراقتاندىردى.

  پارتيا 18 - قۇرىلتايىنان بەرى، ەلىمىز ەكولوگيالىق وركەنيەت جونىندەگى جوعارى دەڭگەيدە جوبالاۋ مەن ءتۇزىم جۇيەسى قۇرىلىسىن جەدەل ىلگەرىلەتىپ، «جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ ەكولوگيالىق وركەنيەت قۇرىلىسىن جەدەل ىلگەرىلەتۋ جونىندەگى پىكىرىن»، «ەكولوگيالىق وركەنيەت ءتۇزىلىسى رەفورماسىنىڭ جالپى تۇلعالىق جوباسىن» ىركەس - تىركەس شىعارىپ، ەكولوگيالىق وركەنيەت قۇرىلىسىنا ساياتىن 40 نەشە ءتۇرلى رەفورما جوباسىن جاساپ، جالپى تۇلعالىق نىسانا، نەگىزگى ۇستانىم، باستى پرينسيپ، ءتۇيىندى مىندەت، ءتۇزىم قامتاماسىزدىعى سياقتى جاقتاردان ەكولوگيالىق وركەنيەت قۇرىلىسىنا جالپى بەتتىك، جۇيەلى ورنالاستىرۋ جاسادى. مەملەكەتتىك حالىق قۇرىلتايى تۇراقتى كوميتەتى، ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى قورشاعان ورتانى لاستاۋ جانە ەكولوگيانى ءبۇلدىرۋ جونىندەگى ايىپتاۋ ولشەمىن ايىرىپ، جازالاۋ تەبىنىن ارتتىرىپ، تەگەۋرىندى كۇي قالىپتاستىردى. سونىمەن بىرگە، جاسىل دامۋدى ىلگەرىلەتىپ، اتموسفەرا، سۋ، توپىراقتىڭ لاستانۋىنان ساقتانۋ جانە ونى جونگە سالۋدىڭ ءۇش ۇلكەن ارەكەت جوسپارىن ىشكەرىلەي اتقارىپ، «جۇڭگونىڭ 2030 - جىلعى باياندى دامۋ كەڭەستىك ءتارتىبىن تياناقتاندىرۋ جونىندەگى مەملەكەتتىك جوباسىن» الدىمەن جاريالاپ، « كليمات وزگەرىسىنە توتەپ بەرۋدىڭ مەملەكەتتەر جوباسىن (2014 −2020 - جىل)» اتقارىپ، بىرلەسكەن مەملەكەتتەر ۇيىمىنا «پاريج كەلىسىمىن» بەكىتۋ حۇجاتىن تاپسىردى.

  جاڭا داۋىردە ەكولوگيالىق وركەنيەت قۇرىلىسىن ىلگەرىلەتۋدىڭ ”التى ءتۇرلى پرينسيبى“ندە شي جينپيڭنىڭ ەكولوگيالىق وركەنيەت يدەياسىنىڭ داۋىرلىك ءمانى شوعىرلى ايگىلەنىپ، ەكونوميكالىق دامۋ مەن ەكولوگيالىق ورتانى قورعاۋ قاتىناسىن تەرەڭدەي ۇعىندىرىپ، ەكونوميكالىق، قوعامدىق دامۋ زاڭدىلىعى جانە جاراتىلىستىق ەكولوگيا زاڭدىلىعى جونىندەگى تانىمدى تەرەڭدەتىپ، ءبىزدىڭ ءوندىرىسى دامىعان، تۇرمىسى ىرعىن، ەكولوگياسى تاماشا وركەنيەتتى دامۋ جولىمەن بۇلجىماي جۇرۋىمىزگە ايقىن بەتالىس كورسەتتى.

جاۋاپتى رەداكتور: نۇربولات قابىل
  • 1
  • 2
  • 3
  • 4