الدىڭعى 11 ايدا 208 ميلليون ادام - رەتتەن استام ساياحاتشى قابىلدادى

شينجياڭنىڭ ساياحات كاسىبى ءۇرتىس جەدەل ارتتى

الدىڭعى 11 ايدا 208 ميلليون ادام - رەتتەن استام ساياحاتشى قابىلدادى

سايكەس مەزگىلدەگىدەن %41.65 ارتتى

12 - ايدىڭ 21 - كۇنى ساياحاتشىلار جىبەك جولى حالىقارالىق دەمالىس رايونى قار شاڭعى الاڭىندا شاڭعى تەبۋدە. 2019 − 2020 - جىلعى قىس ماۋسىمى كىرگەننەن بەرى، بۇل قار شاڭعى الاڭى 60 مىڭنان استام ادام - رەت ساياحاتشى قابىلدادى. □ سۋرەتتى ءتىلشىمىز ۋاڭ جىن تۇسىرگەن

  ءتىلشىمىز ياۋ گاڭ 12 - ايدىڭ 21 - كۇنى ۇرىمجىدەن حابارلايدى. اۆتونوميالى رايوندىق مادەنيەت جانە ساياحات مەڭگەرمەسىنەن ۇعىسۋعا قاراعاندا، 3 - جاق سەرىكتەستىكتىڭ تەكسەرۋ ساناعى بويىنشا، 2019 - جىلى 1 - ايدان 11 - ايعا دەيىن بۇكىل رايونىمىز 208 ميلليون 548 مىڭ 400 ادام - رەت ساياحاتشى قابىلداعان، بۇل سايكەس مەزگىلدەگىدەن %41.65 ارتقان؛ ساياحات كىرىسىن 354 ميلليارد 572 ميلليون يۋانعا جەتكىزگەن، بۇل سايكەس مەزگىلدەگىدەن %40.57 ارتقان. شينجياڭنىڭ ساياحات كاسىبى ءۇرتىس جەدەل ارتۋ تەبىنىن بايقاتقان.

  بيىل بۇكىل رايونىمىزدىڭ جەر - جەرى كوپ ءتۇرلى شارا قولدانىپ، شينجياڭدى ساياحات ارقىلى گۇلدەندىرۋ ستراتەگياسىن زور كۇشپەن ىلگەرىلەتىپ، ”شينجياڭ جاقسى جەر“ ماركاسىنىڭ اتاعىن اسقاقتاتۋدى ارقاۋ ەتىپ، بايلىق ابزالدىلىعىن تەرەڭدەي اشىپ، ەرەكشە ساياحات ماركاسىن قالىپتاستىردى.

  اناعۇرلىم كوپ ساياحاتشىنى شينجياڭعا كەلۋگە باۋراۋ ءۇشىن، اۆتونوميالى رايوندىق مادەنيەت جانە ساياحات مەڭگەرمەسى مادەنيەت، ساياحات جاۋاپتى تاراۋلارىن، كورىنىس وڭىرلەرىن، ساياحات كاسىبى قوعامىن، كاسىپورىنداردى، ساياحات كووپەراتيۆتەرىن ۇيىمداستىرىپ، ىشكى وڭىرلەردەگى ولكە، رايون، قالالارعا بارىپ، ۇگىتتەۋ، تانىستىرۋ، ساۋدا قيمىلدارىن 50 نەشە رەت ورىستەتتى، بۇل شينجياڭعا كومەكتەسكەن 19 ولكە، قالانى جانە باتىس وڭتۇستىكتەگى، باتىس سولتۇستىكتەگى باسىم كوپ ساندى ولكە، رايون، قالانى، سونداي - اق شياڭگاڭ، اۋمىن سياقتى جەرلەردى قامتىدى. ”شينجياڭ جاقسى جەر“ ماركاسىنىڭ اتاعى بارعان سايىن اسقاقتاپ، ماركا اسەرى ۇزدىكسىز كورنەكتىلەندى.

  بۇكىل رايونىمىز تۇتاس وڭىرلىك ساياحاتتى دامىتۋدى بەلسەنە جەبەپ، ساياحاتتىڭ مادەنيەت، دەنە تاربيە، قاتىناس، اۋىل شارۋاشىلىعى، ورمان شارۋاشىلىعى، اۋا رايى قاتارلىلارمەن توعىسپالى دامۋىن جەدەل ىلگەرىلەتىپ، ”ساياحات +“ ارقىلى ساياحات كاسىبىنىڭ كۇيىن ۇزدىكسىز بايىتىپ، كاسىپ سالاسى تىزبەگىن ۇزارتتى.

  سونىمەن بىرگە، جەر - جەر ساياحات ورتاسىن كۇش سالا ساپالىلاندىرىپ، قىزمەت وتەۋ ساپاسىن ءوسىردى. اۆتونوميالى رايوننىڭ ساياحات كاسىبىن دامىتۋ باسشىلىق گرۋپپاسى اۆتونوميالى رايوننىڭ ساياحات بازارى ءتارتىبىن قاتاڭ رەتتەۋ - جونگە سالۋ قىزمەتىنىڭ 12 تارماقتى شاراسىن العا قويدى، جەر - جەر دە مادەنيەت - ساياحات بازارىنىڭ ءتارتىبىن رەتكە سالۋدى ۇزدىكسىز كۇشەيتىپ، مادەنيەت - ساياحات كاسىپورىندارىنىڭ تيجارات ارەكەتىن ولشەمدەستىردى. جەر - جەر ”ءۇش قيىن بولۋ، ءبىر ىركىلىسسىز بولماۋ“ ماسەلەسىن بەلسەنە شەشىپ، ساياحات نەگىزدىك قۇرىلعىلار قۇرىلسىن ۇزدىكسىز كەمەلدەندىرىپ، كورىنىس وڭىرلەرىنىڭ، كورىنىس تۇيىندەرىنىڭ ساپاسىن جوعارىلاتىپ، ساياحاتشىلاردىڭ ساپالى باستان كەشىرۋ سەزىمىن ۇزدىكسىز كۇشەيتتى.

  قازىر شينجياڭ اۋەجايى توبىنىڭ اۋە قاتىناس لەنياسى 264تەن استى، اقسۋ، قاشقار، حوتان قاتارلى 11 تارماق لەنيا اۋەجايلارىنان شينجياڭنىڭ سىرتىنداعى 20 قالاعا توتە ۇشۋعا بولادى. قاتىناس تاراۋلارى شينجياڭعا كىرىپ - شىعاتىن تەمىر جول، تاس جول ۇلكەن وتكەل قۇرىلىسىن ىلگەرىلەتىپ، شينجياڭداعى تاس جول، تەمىر جول، حالىقتىق اۆياتسيا جەلىسىن كەمەلدەندىرىپ، اناعۇرلىم قولايلى ستەرەولى قاتىناس جۇيەسىن قالىپتاستىرىپ، ساياحات كاسىبىنىڭ دامۋ نەگىزىن بەكەمدەدى.

  جەر - جەر ”ينتەرنەت +“ ويلامىمەن كوپ ساتىلى زەردەلى ساياحات جۇيەسىن ورناتىپ، ساياحات قىزمەت وتەۋ ساپاسى مەن ورەسىن جوعارىلاتىپ، كورىنىس وڭىرلەرىنىڭ دالمە - ءدال ساۋدا - ساتتىق جۇرگىزۋى جانە جەرگىلىكتى ۇكىمەت ءۇشىن، ساندى مالىمەت تىرەگىن جانە شەشىم جاساۋ نەگىزىن ازىرلەدى. اۆتونوميالى رايوندىق مادەنيەت جانە ساياحات مەڭگەرمەسى «شينجياڭ زەردەلى ساياحات نىسانىنىڭ ءبىرىنشى مەرزىمدىك جوباسىن» جانە «شينجياڭ زەردەلى ساياحات نىسانىنىڭ ءبىرىنشى مەرزىمدىك العاشقى جوبا جوباسىن» جاسادى، جىل سوڭىندا ”ءبىر قول تەلەفونمەن شينجياڭدى ساياحاتتاۋ“ تۇعىرىندا جەلىگە شىعارىلۋ ولشەمىنە العاشقى قادامدا جەتەدى، 2020 - جىلعى ساياحاتتىڭ قاۋىرت مەزگىلى كەلۋدەن ىلگەرى ”ءبىر ورتالىق، ەكى تۇعىر“ يقۋاتى سۇرانىسىن جۇزەگە اسىرۋ جوسپارلاندى. قازىر ءۇرىمجى، التاي، تۇرپان، قاشقار، قارامايلى قاتارلى جەرلەردىڭ زەردەلى ساياحات تۇعىرى العاشقى ادىمدا كولەم قالىپتاستىرىپ، ساياحات كاسىبىنىڭ جوعارى ساپالى دامۋى ءۇشىن پارمەندى كەپىلدىك ازىرلەدى.

  ”شينجياڭدا دۇنيە ءجۇزى دارەجەلى ساياحات بايلىعى بار، قوعامى جاراسىمدى دا ورنىقتى، ساياحاتشىلار شينجياڭعا تولاسسىز كەلىپ ساياحاتتاۋدا، ءبىزدىڭ ىستەيتىنىمىز اناعۇرلىم جاقسى قىزمەت وتەپ، اناعۇرلىم كوپ ساياحاتشىنى شينجياڭعا كەلىپ ساياحاتتاۋعا باۋراۋ“، - دەدى اۆتونوميالى رايوندىق مادەنيەت جانە ساياحات مەڭگەرمەسى پارتيا باسشىلىق گرۋپپاسىنىڭ شۋجيى، مەڭگەرمەنىڭ ورىنباسار باستىعى ۋ حۋامين.

جاۋاپتى رەداكتور: ريزا حاميت