پارتيا مەن مەملەكەت قۇرىلىمدارى رەفورماسىن تەرەڭدەتۋ

  شينحۋا اگەنتتىگىنىڭ 12 - ايدىڭ 19 - كۇنى بەيجيڭنەن بەرگەن حابارى (چي شىڭ). 2018 - جىلى 2 - ايدىڭ 26 - كۇنىنەن 28 - كۇنىنە دەيىن، پارتيا 19 - كەزەكتى ورتالىق كوميتەتىنىڭ ءۇشىنشى جالپى ءماجىلىسى بەيجيڭدە وتكىزىلدى. جالپى ءماجىلىس «جۇڭگو كوممۋنيستىك پارتياسى ورتالىق كوميتەتىنىڭ پارتيا مەن مەملەكەت قۇرىلىمدارى رەفورماسىن تەرەڭدەتۋ جونىندەگى قارارى» مەن «پارتيا مەن مەملەكەت قۇرىلىمدارى رەفورماسىن تەرەڭدەتۋ جوباسىن» ماقۇلدادى. 3 - ايدا 13 - كەزەكتى مەملەكەتتىك حالىق قۇرىلتايىنىڭ 1 - ءماجىلىسى مەملەكەتتىك كەڭەستىڭ قۇرىلىم رەفورما جوباسىن بەكىتتى، جۇڭگو كوممۋنيستىك پارتياسى ورتالىق كوميتەتى «پارتيا مەن مەملەكەت قۇرىلىمدارى رەفورماسىن تەرەڭدەتۋ جوباسىن» باسىپ تاراتتى، پارتيا مەن مەملەكەت قۇرىلىمدارى رەفورماسىن تەرەڭدەتۋ جاپپاي باستالدى.

  پارتيا ورتالىق كوميتەتى ەجەلدەن پارتيا مەن مەملەكەت قۇرىلىمدارى قۇرىلىسى مەن رەفورماسىنا وسكەلەڭ ءمان بەرىپ كەلەدى. جاڭا جۇڭگو قۇرىلعاننان كەيىن، ەلىمىز سوتسياليزم نەگىزگى ءتۇزىمىن تۇراقتاندىردى؛ 1981 - جىلدان بەرى، پارتيا ورتالىق كوميتەتىنىڭ تاراۋلارىنا 4 رەت رەفورما جاسالىپ، مەملەكەتتىك كەڭەستىڭ قۇرىلىمدارىنا 7 رەت رەفورما جاسالىپ، ەلىمىز ەرەكشەلىگىنە يە پارتيا مەن مەملەكەت قۇرىلىمدارى فۋنكتسيا جۇيەسى بىرتىندەپ ورناتىلدى. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى پارتيا باسشىلىعىن كۇشەيتىپ، ماسەلەنى باعدار ەتۋگە تاباندى بولىپ، پارتيا مەن مەملەكەت قۇرىلىمدارى رەفورماسىن تەرەڭدەتۋدىڭ ءبىر قىدىرۋ ماڭىزدى يدەياسىن العا قويدى. 2017 - جىلى 10 - ايدا پارتيا 19 - قۇرىلتايى قۇرىلىم جانە اكىمشىلىك ءتۇزىلىسى رەفورماسىن تەرەڭدەتىپ، ءتۇرلى قۇرىلىم ورنالاستىرۋىن ءبىر تۇتاس ويلاستىرىپ، پارتيا، ۇكىمەت تاراۋلارىنىڭ، سونداي - اق ىشكى قۇرىلىمداردىڭ ۇقىعىن عىلمي سەپتەۋدى، مىندەت جاۋاپكەرشىلىگىن ايقىنداۋدى ايقىن العا قويدى.

  19 - كەزەكتى ورتالىق كوميتەتىنىڭ ءۇشىنشى جالپى ءماجىلىسى جابىلعاننان كەيىن، وڭىرلەر، تاراۋلار ءبىر تۇتاس جوسپارلاۋ تەبىنىن ارتتىرىپ، رەفورما ءتارتىبىن ايقىنداپ، ادامعا ساياتىن قىزمەتتى جاقسى ىستەپ، ءتارتىپتى قاتاڭ اتقارىپ، «جوبا»نىڭ تالاپتارى بويىنشا، ءىس جۇزىندىكپەن ۇشتاستىرىپ، باتىل تياناقتاندىردى. 2019 - جىلى 7 - ايدىڭ 5 - كۇنى پارتيا مەن مەملەكەت قۇرىلىمدارى رەفورماسىن تەرەڭدەتۋ قورىتىندى ءماجىلىسى بەيجيڭدە اشىلدى. قىسقا عانا ءبىر جىل ۋاقىتتا، 19 - كەزەكتى ورتالىق كوميتەتىنىڭ ءۇشىنشى جالپى ءماجىلىسى ورنالاستىرعان رەفورما مىندەتتەرى جالپى تۇلعالىق جاقتان ورىندالىپ، ءبىر قىدىرۋ ماڭىزدى نازاريالىق جەتىستىكتەرگە، تۇزىمدىك جەتىستىكتەرگە، امالياتتىق جەتىستىكتەرگە قول جەتكىزدى.

  پارتيا مەن مەملەكەت قۇرىلىمدارى رەفورماسى، پارتيانىڭ جاپپاي باسشىلىعىن كۇشەيتۋدى ءبىر تۇتاس باسشىلىققا الىپ، مەملەكەتتى جونگە سالۋ جۇيەسى مەن جونگە سالۋ قۋاتىن وسىزامانداندىرۋدى جەتەكشى ەتىپ، پارتيا مەن مەملەكەت قۇرىلىمدارى فۋنكتسياسىنىڭ ساپالى، سايكەسىمدى، جوعارى ءونىمدى بولۋىن ىلگەرىلەتۋدى كۇش سالۋ ءتۇيىنى ەتىپ، قۇرىلىم ورنالاستىرۋىنا رەفورما جاساپ، فۋنكتسيالىق جايعاستىرۋدى جاقسارتىپ، فۋنكتسيادا بۇرىلىس جاساۋدى، تاسىلدە بۇرىلىس جاساۋدى، ستيلدە بۇرىلىس جاساۋدى تەرەڭدەتىپ، ونىمدىلىكتى، اسەر قۋاتىن جوعارىلاتىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋگە، سوتسياليستىك وسىزاماندانعان مەملەكەتتى جاپپاي قۇرۋدىڭ تىڭ ساپارىن باستاۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا پارمەندى تۇزىمدىك قامتاماسىزدىق ۇسىندى.

جاۋاپتى رەداكتور: ريزا حاميت