جۇڭگو كوممۋنيستىك پارتياسىنىڭ مەملەكەتتىك 19 - قۇرىلتايى

جۇڭگو كوممۋنيستىك پارتياسىنىڭ مەملەكەتتىك 19 - قۇرىلتايى

  شينحۋا اگەنتتىگىنىڭ 12 - ايدىڭ 17 - كۇنى بەيجيڭنەن بەرگەن حابارى (چي شىڭ). جۇڭگو كوممۋنيستىك پارتياسىنىڭ مەملەكەتتىك 19 - قۇرىلتايى 2017 - جىلى 10 - ايدىڭ 18 - كۇنىنەن 10 - ايدىڭ 24 - كۇنىنە دەيىن بەيجيڭدە اشىلدى. قۇرىلتايدىڭ وزەكتى تاقىرىبى: اۋەلگى ماقساتتى ۇمىتپاي، بورىشتى ەستە بەرىك ساقتاپ، جۇڭگوشا سوتسياليزم ۇلى تۋىن بيىك ۇستاۋ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قاجىماي - تالماي كۇرەس جۇرگىزۋ.

  شي جينپيڭ جولداس پارتيا 18 - كەزەكتى ورتالىق كوميتەتى اتىنان قۇرىلتايعا «جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتىپ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزەيىك» دەگەن تاقىرىپتا بايانداما جاساپ، جۇڭگوشا سوتسياليزم جاڭا داۋىرگە ءوتتى، ەلىمىز قوعامىنداعى باستى قايشىلىق حالىقتىڭ كۇن سايىن ارتقان تاماشا تۇرمىس قاجەتى مەن دامۋدىڭ بىركەلكى، تولىق بولماۋى اراسىنداعى قايشىلىققا وزگەردى دەگەن سياقتى كەلەلى ساياسي تۇجىرىمدار جاساپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ تاريحي ورنىن تۇراقتاندىرىپ، جاڭا داۋىردە جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ نەگىزگى جالپى جوباسىن ورتاعا قويىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدىڭ، سوتسياليستىك وسىزاماندانعان مەملەكەتتى جاپپاي قۇرىپ شىعۋدىڭ جاڭا ساپارىن باستاۋ نىساناسىن بەلگىلەدى.

  قۇرىلتاي بىلاي دەپ قارادى: حالىقارالىق جانە ەل ىشىندەگى جاعدايعا جانە ەلىمىزدىڭ دامۋ شارت - جاعدايىنا جان - جاقتى تالداۋ جاساي كەلىپ، 2020 - جىلدان وسى عاسىردىڭ ورتاسىنا دەيىنگى كەزەڭدى ەكى باسقىشقا ءبولىپ ورنالاستىرۋعا بولادى. ءبىرىنشى باسقىش 2020 - جىلدان 2035 - جىلعا دەيىن، جاپپاي دوڭگەلەك داۋلەتتى قوعام ورناتىلعان نەگىزدە تاعى 15 جىل كۇرەس جاساۋ ارقىلى سوتسياليستىك وسىزاماندانۋدى نەگىزىنەن جۇزەگە اسىرامىز. ەكىنشى باسقىش 2035 - جىلدان وسى عاسىردىڭ ورتاسىنا دەيىن، وسىزاماندانۋ نەگىزىنەن جۇزەگە اسقان نەگىزدە تاعى 15 جىل كۇرەس جاساۋ ارقىلى ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل ەتىپ قۇرىپ شىعامىز.

  قۇرىلتاي «جۇڭگو كوممۋنيستىك پارتياسىنىڭ ۋستاۆىن (وزگەرىس ەنگىزىلگەن نۇسقا)» ماقۇلداپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ماركسيزم - لەنينيزممەن، ماۋ زىدۇڭ يدەياسىمەن، دىڭ شياۋپيڭ نازارياسىمەن، ”ۇشكە ۋاكىلدىك ەتۋ“ ماڭىزدى يدەياسىمەن، عىلمي دامۋ كوزقاراسىمەن قاتار پارتيانىڭ جەتەكشى يدەياسى ەتىپ بەلگىلەدى جانە پارتيا ۋستاۆىنا جازدى.

  پارتيانىڭ 19 - قۇرىلتايى جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىس كەزەڭىندە، جۇڭگوشا سوتسياليزم جاڭا داۋىرگە وتكەن شەشۋشى مەزگىلدە اشىلعان ءبىر رەتكى توتەنشە ماڭىزدى قۇرىلتاي، اۋەلگى ماقساتتى ۇمىتپاي، بورىشتى ەستە بەرىك ساقتاپ، تۋدى بيىك ۇستاپ، ىنتىماقتاسا، قايراتتانا العا باسقان قۇرىلتاي، پارتيامىز بەن مەملەكەتىمىزدىڭ دامۋ ۇدەرىسىندە ايرىقشا كەلەلى تاريحي مانگە يە.

جاۋاپتى رەداكتور: ريزا حاميت