اۋىل - قىستاقتى كوركەيتۋ ستراتەگياسىن اتقارۋ

اۋىل - قىستاقتى كوركەيتۋ ستراتەگياسىن اتقارۋ

  شينحۋا اگەنتتىگىنىڭ 12 - ايدىڭ 18 - كۇنى بەيجيڭنەن بەرگەن حابارى (چي شىڭ). اۋىل - قىستاقتى كوركەيتۋ ستراتەگياسىن اتقارۋ پارتيامىزدىڭ 19 - قۇرىلتايىندا جاساعان كەلەلى شەشىم، ورنالاستىرۋ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدىڭ، سوتسياليستىك وسىزاماندانعان مەملەكەتتى جاپپاي قۇرۋدىڭ كەلەلى تاريحي مىندەتى، جاڭا داۋىردەگى اۋىل شارۋاشىلىعى، اۋىل - قىستاق، شارۋالار قىزمەتىنىڭ باس تۇتقاسى.

  پارتيا 19 - قۇرىلتايىنىڭ بايانداماسىندا اۋىل - قىستاقتى كوركەيتۋ ستراتەگياسىن اتقارۋ ورتاعا قويىلدى. اۋىل شارۋاشىلىعى، اۋىل - قىستاق، شارۋالار ماسەلەسى − حالىق شارۋاشىلىعى مەن حالىق تۇرمىسىنا قاتىستى ءتۇبىرلى سيپاتتى ماسەلە، اۋىل شارۋاشىلىعى، اۋىل - قىستاق، شارۋالار ماسەلەسىن ويداعىداي شەشۋدى، ءسوزسىز، باستان - اياق بۇكىل پارتيا قىزمەتىندەگى ءتۇيىننىڭ ءتۇيىنى ەتۋ قاجەت. اۋىل شارۋاشىلىعىن، اۋىل - قىستاقتاردى الدىمەن دامىتۋعا تاباندى بولىپ، شارۋاشىلىعى شالقىعان، ەكولوگيالىق ورتاسى جايلى، اۋىل سالتى وركەنيەتتى، وڭاۋى ۇتىمدى، تۇرمىسى باي بولۋ سىندى جالپى تالاپقا ساي، قالا مەن اۋىلدى توعىستىرا دامىتاتىن ءتۇزىلىس مەحانيزمدەردى جانە ساياسات جۇيەسىن ورناتىپ، اقاۋسىزداندىرىپ، اۋىل شارۋاشىلىعىنىڭ، اۋىل - قىستاقتاردىڭ وسىزاماندانۋىن ىلگەرىلەتۋدى تەزدەتۋ كەرەك.

  2018 - جىلى 1 - ايدىڭ 2 - كۇنى جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس «جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ اۋىل - قىستاقتى كوركەيتۋ ستراتەگياسىن اتقارۋ جونىندەگى پىكىردى» باسىپ تاراتىپ، جاڭا داۋىردە اۋىل - قىستاقتى كوركەيتۋ ستراتەگياسىن اتقارۋدىڭ كەلەلى ءمانى جانە جالپى تالابىن، اۋىل - قىستاقتى كوركەيتۋدىڭ ءتۇيىندى مىندەتىن، اۋىل - قىستاقتى كوركەيتۋدى قامتاماسىز ەتۋ شارالارىن كوزدە ۇستاي وتىرىپ، پارتيانىڭ اۋىل شارۋاشىلىعى، اۋىل - قىستاق، شارۋالار قىزمەتىنە باسشىلىعىنا تاباندى بولۋ جانە ونى كەمەلدەندىرۋدى باسا دارىپتەدى ءارى جاپپاي ورنالاستىرۋ جاسادى.

  2018 - جىلى 9 - ايدىڭ 26 - كۇنى جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس «اۋىل - قىستاقتى كوركەيتۋدىڭ ستراتەگيالىق جوباسىن (2018 − 2022)» باسىپ تاراتىپ، اۋىل - قىستاقتى كوركەيتۋ ستراتەگياسىن اتقارۋدىڭ كەزەڭدىك جوسپارىن جاساپ، 2020 - جىلعا دەيىن جاپپاي دوڭگەلەك داۋلەتتى قوعام ورناتۋداعى جانە 2022 - جىلى پارتيانىڭ 20 - قۇرىلتايىن اشقان كەزدەگى نىسانا - مىندەتتەردى جەكە - جەكە ايقىنداپ، قىزمەت تۇيىندەرى مەن ساياسات - شارالاردى اشالاپ، ناقتىلاندىرىپ، كەلەلى ينجەنەريالارعا، كەلەلى جوسپارلارعا، ماڭىزدى ارەكەتتەرگە ورنالاستىرۋ جاسادى، اۋىل - قىستاقتى كوركەيتۋ ستراتەگياسىنىڭ ناقتاپ تياناقتانۋىنا كەپىلدىك ەتتى، بۇل جەر - جەردىڭ، تاراۋلاردىڭ اۋىل - قىستاقتى كوركەيتۋدى تۇرگە ءبولىپ، تارتىپپەن ىلگەرىلەتۋىنە جەتەكشىلىك ەتۋدەگى ماڭىزدى دايەك.

  پىكىر مىنانى اتاپ كورسەتتى: اۋىل - قىستاقتى كوركەيتۋ ستراتەگياسىن اتقارۋ حالىقتىڭ كۇن سايىن ارتىپ وتىرعان تاماشا تۇرمىس قاجەتى مەن دامۋدىڭ بىركەلكى بولماۋى، تولىق بولماۋى اراسىنداعى قايشىلىقتى ءبىر جايلى ەتۋدىڭ قاجەتتى تالابى، ”قوس 100 جىلدىق“ كۇرەس نىساناسىن جۇزەگە اسىرۋدىڭ قاجەتتى تالابى، جالپى حالىقتىڭ بىرگە بايۋىن جۇزەگە اسىرۋدىڭ قاجەتتى تالابى. پىكىردە تاعى مىنالار اتاپ كورسەتىلدى: ءسوزسىز، مەملەكەت جاعدايىن، اۋىل شارۋاشىلىعى جاعدايىن تياناق ەتىپ، اۋقىمعا قاراي ءىس ىستەپ، جاۋاپكەرشىلىك سەزىمىن، بورىشتىلىق سەزىمىن، كوكەي تەستىلىك سەزىمىن شىن مانىندە كۇشەيتىپ، تۇتاس پارتيانىڭ، تۇتاس مەملەكەتتىڭ، تۇتاس قوعامنىڭ جۇمىلا كۇش شىعارۋىندا، اناعۇرلىم زور بەكىم، اناعۇرلىم ايقىن نىسانا، اناعۇرلىم تەبىندى شارالار ارقىلى اۋىل شارۋاشىلىعىنىڭ دارەجەسىنىڭ جاپپاي جوعارىلاۋىن، اۋىل - قىستاقتىڭ جاپپاي العا باسۋىن، شارۋالاردىڭ جاپپاي دامۋىن ىلگەرىلەتىپ، جاڭا داۋىردە اۋىل - قىستاقتى جاپپاي كوركەيتۋدىڭ تىڭ پاراعىن جازۋ كەرەك.

جاۋاپتى رەداكتور: ريزا حاميت