سوتسياليستىك زاڭمەن جونگە سالىناتىن مەملەكەت قۇرۋدى جەدەلدەتۋ

  شينحۋا اگەنتتىگىنىڭ 12 - ايدىڭ 6 - كۇنى بەيجيڭنەن بەرگەن حابارى (چي شىڭ). 2014 - جىلى 10 - ايدىڭ 23 - كۇنى پارتيا 18 - كەزەكتى ورتالىق كوميتەتىنىڭ ءتورتىنشى جالپى ءماجىلسى «جۇڭگو كوممۋنيستىك پارتياسى ورتالىق كوميتەتىنىڭ مەملەكەتتى زاڭمەن جونگە سالۋدى جاپپاي ىلگەرىلەتۋ جونىندەگى ءبىرقانشا كەلەلى ماسەلەلەر تۋرالى قارار»دى ماقۇلداپ، مەملەكەتتى جاپپاي زاڭمەن جونگە سالۋدى جوعارى دەڭگەيدە جوسپارلاۋى ەلىمىزدىڭ سوتسياليستىك زاڭمەن جونگە سالۋ تاريحىندا بەلەستىك مانگە يە.

  «قارار» مىنالاردى اتاپ كورسەتتى: مەملەكەتتى زاڭمەن جونگە سالۋ − جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ ماندىك تالابى مەن ماڭىزدى كەپىلى، مەملەكەتتى جونگە سالۋ جۇيەسى مەن جونگە سالۋ قۋاتىن وسىزامانداندىرۋدى جۇزەگە اسىرۋدىڭ تابيعى تالابى، پارتيامىزدىڭ بيلىك جۇرگىزىپ مەملەكەتتى گۇلدەندىرۋىنە سايادى، حالىقتىڭ باقىتىنا، اماندىعىنا سايادى، پارتيا مەن مەملەكەتتىڭ باياندى تىنىشتىعىنا سايادى. سوندىقتان پارتيا 18 - كەزەكتى ورتالىق كوميتەتىنىڭ ءتورتىنشى جالپى ءماجىلىسى ەلىمىزدىڭ سوتسياليستىك زاڭمەن جونگە سالۋ قۇرىلىسىنىڭ ءىس جۇزىندىك جاعدايىن تياناق ەتىپ، ەلىمىزدىڭ زاڭمەن جونگە سالۋ قۇرىلىسى سالاسىنداعى كورنەكتى ماسەلەلەردى بەتكە ۇستاپ، تۇڭعىش رەت ورتالىق كوميتەتتىڭ جالپى ءماجىلىسى قارارى ۇلگىسىندە مەملەكەتتى زاڭمەن جونگە سالۋدى جاپپاي ىلگەرىلەتۋدە ماڭىزدى شەشىم جاسادى.

  «قارار» تۋى ايقىن تۇردە جۇڭگوشا سوتسياليستىك زاڭمەن جونگە سالۋ جولىمەن جۇرۋدە تاباندى بولۋدى ورتاعا قويىپ، مەملەكەتتى زاڭمەن جونگە سالۋدى جاپپاي ىلگەرىلەتۋدىڭ باس نىساناسى − جۇڭگوشا سوتسياليستىك زاڭمەن جونگە سالۋ جۇيەسىن قۇرۋ، سوتسياليستىك زاڭمەن جونگە سالىناتىن مەملەكەت قۇرۋ ەكەنىن ايقىن بەلگىلەدى. «قارار» عىلمي زاڭ شىعارۋ، زاڭدى قاتاڭ اتقارۋ، ءادىليانى ءادىل جۇرگىزۋ، جالپى حالىق زاڭعا بويسۇنۋ، زاڭمەن جونگە سالىناتىن قوسىن قۇرىلىسى، پارتيانىڭ مەملەكەتتى زاڭمەن جونگە سالۋدى جاپپاي ىلگەرىلەتۋگە باسشىلىعىن كۇشەيتۋ جانە جاقسارتۋ جونىندە جان - جاقتى ورنالاستىرۋ جاساپ، پارتيانىڭ باسشىلىعى مەن مەملەكەتتى زاڭمەن جونگە سالۋدىڭ قاتىناسى سياقتى ءبىر قىدىرۋ كەلەلى نازاريالىق جانە امالياتتىق ماسەلەگە جۇيەلى تۇردە جاۋاپ قايتاردى، بۇل جاڭا جاعدايدا مەملەكەتتى زاڭمەن جونگە سالۋدى جاپپاي ىلگەرىلەتۋدىڭ تۇعىرنامالىق حۇجاتى.

  «جۇڭگو كوممۋنيستىك پارتياسى ورتالىق كوميتەتىنىڭ مەملەكەتتى زاڭمەن جونگە سالۋدى جاپپاي ىلگەرىلەتۋ جونىندەگى ءبىرقانشا كەلەلى ماسەلەلەر تۋرالى قارارى» ەلىمىزدىڭ سوتسياليستىك زاڭمەن جونگە سالىناتىن مەملەكەت قۇرۋدىڭ ”جەدەل ىلگەرىلەتۋ تيەگىن“ باسىپ، ”تەز قارقىندى جول“مەن جۇرگەندىگىنىڭ بەلگىسى، جۇڭحۋا ۇلتىنىڭ ۇلى گۇلدەنۋىنە بەرىك زاڭمەن جونگە سالىناتىن كەپىل ازىرلەدى.

جاۋاپتى رەداكتور: نۇربولات قابىل