قاتىناس ىركىلىسسىزدەنىپ، ساياحات ساپارى تەزدەدى

قاتىناس ىركىلىسسىزدەنىپ، ساياحات ساپارى تەزدەدى

− ساياحات ارقىلى شينجياڭدى گۇلدەندىرۋ ستراتەگياسىن جاپپاي اتقارۋدى ىگەرىلەتۋ جونىندە جالپى شولۋ (3)

□ ءتىلشىمىز لۋ فىڭباۋ

  تاياۋدا S21 التايدان ۇرىمجىگە دەيىنگى جوعارى قارقىندى تاس جول قۇرىلىسى نىسانى باستالدى. نىسان سالىنىپ بولعاننان كەيىن التايدان ۇرىمجىگە بارۋ دا اينالىپ ءجۇرۋدىڭ قاجەتى قالمايدى، بۇل التاي ايماعىن ۇرىمجىمەن تۇتاستىراتىن قولايلى دا جوعارى قارقىندى داڭعىل جول بولادى.

  بۇل نىساننىڭ اتقارىلۋى رايونىمىزدىڭ قاتىناس، ساياحاتتى توعىستىرا دامىتۋدى كۇش سالا ىلگەرىلەتكەندىگىنىڭ شاعىن كارتيناسى ەسەپتەلەدى. تاياۋ جىلداردان بەرى، ”شينجياڭنىڭ ءىشىن تۇتاستىرۋ، شينجياڭعا كىرۋ - شىعۋدى تەزدەتۋ“ نىساناسى بويىنشا، رايونىمىز شينجياڭعا كىرىپ - شىعاتىن تەمىر جول، تاس جول داڭعىلى قۇرىلىسىن كۇش سالا ىلگەرىلەتىپ، شينجياڭنىڭ ىشىندەگى تاس جول، تەمىر جول، حالىقتىق اۆياتسيا تورابىن كەمەلدەندىرىپ، ءتىپتى دە قولايلى ستەرەولدى قاتىناس جۇيەسىن قالىپتاستىرىپ، شينجياڭ ساياحاتىنىڭ دامۋ نەگىزىن بەكەمدەدى.

■ قاتىناس ءىرى قۇرىلىسى ساياحاتتاۋعا ءتىپتى دە قولايلىلىق جاراتتى

  ساياحاتتى دامىتۋدا، قاتىناستى، ءسوزسىز، الدىمەن قولعا الۋ كەرەك.

  G7 بەيجيڭ - شينجياڭ جوعارى قارقىندى تاس جولىن تۇتاستىرۋ، G30 ليانيۇنگاڭ - قورعاس جوعارى قارقىندى تاس جولىنىڭ شينجياڭ بولىگىن كەڭەيتىپ، وزگەرتىپ سالۋ... تاياۋ جىلداردان بەرى، رايونىمىز قاتىناس نەگىزدىك قۇرىلعىلار قۇرىلىسى تەبىنىن ۇزدىكسىز ارتتىردى. 2018 - جىلدىڭ سوڭىنا دەيىن بۇكىل شينجياڭداعى تاس جولدا اۆتوكولىك قاتىناۋ جالپى ۇزىندىعى 189 مىڭ كيلومەتر (بيڭتۋاندى قامتيدى) بولدى، مۇندا جوعارى قارقىندى تاس جول 4800 كيلومەتر بولىپ، بارلىق ايماق، وبلىس، قالا جوعارى قارقىندى تاس جول داۋىرىنە قادام تاستادى.

  بيىل رايونىمىز تاس جول تورابى كولەمىن ونان ارى كەڭەيتىپ، ۇرىمجىدەن كۇيتۇنگە دەيىنگى جوعارى قارقىندى تاس جول سياقتى كوپتەگەن تاس جول قۇرىلىسى نىساندارىندا اۆتوكولىك قاتىناپ، ىسكە قوسىلدى. جيناقتاعاندا جاڭادان قوسىلعان جوعارى قارقىندى (1 - دارەجەلى) تاس جول 917 كيلومەترگە، 2 - دارەجەلى تاس جول 376 كيلومەترگە جەتتى.

  شينجياڭنىڭ تەمىر جول قۇرىلىسىندا دا ۇزدىكسىز قارقىن تەزدەدى. 5 - ايدىڭ 30 - كۇنى قارامايلى - شاۋەشەك تەمىر جولىندا پويەز قاتىناپ، شينجياڭداعى ەڭ سوڭعى ايماق، وبلىس ورتالىعى شاۋەشەك قالاسىنا پويەز قاتىناماۋ تاريحىن اياقتاتىپ، ۇرىمجىدەن شاۋەشەككە دەيىن ساپارلاۋداعى تالعام كوبەيە ءتۇستى.

  قازىر شينجياڭنىڭ تەمىر جول جولاۋشى تاسىمالداۋ ۇزىندىعى 6568 كيلومەترگە جەتتى. 2021 - جىلعا بارعاندا 9126 كيلومەترگە جەتكىزۋ جوسپارلانىپ وتىر. تەمىر جول جەلىسى بۇكىل شينجياڭنىڭ ءتىپتى دە كوپ وڭىرلەرىنە تۇتاسىپ، بۇقارانىڭ جولاۋشىلاۋى، ساياحاتشىلاردىڭ ساياحاتتاۋى ءتىپتى دە قولايلى بولا تۇسەدى.

  ۇشاقتار دامىلسىز ۇشىپ - قوندى، اۋە جولدارى ءوزارا قايشالىسا تۇتاستى. تاياۋ جىلدان بەرى، تارماق جەلى اۋەجايى قۇرىلىسىن تىرەك، ”جاڭا تەحنيكا، جاڭا قىزمەت وتەۋ“دى كۇش سالۋ ءتۇيىنى ەتكەن شينجياڭ حالىقتىق اۆياتسياسى ”شينجياڭنىڭ ىشىندە توراپ قالىپتاستىرۋ، شىعىس پەن باتىسقا قانات جايۋ“ اۆياتسيا جەلىسىن ورنالاستىرۋ قۇرىلىسىن جەدەلدەتىپ، قولايلى ”اۋە الەۋمەتتىك تاسىمالىن“ جەدەل قالىپتاستىردى.

■ ستەرەولدى قاتىناس تورابى ساياحاتتاۋعا جۇمسالاتىن وزىندىك قۇندى اناعۇرلىم تومەندەتتى

  شينجياڭنىڭ جەرى كەڭ، كورىنىس اۋماقتارى بىتىراڭقى ورنالاسقان، ساياحاتشىلاردىڭ ۋاقىت وزىندىك قۇنى ءبىرشاما جوعارى، قاتىناستى ”تەز ىلگەرىلەتۋ“ جۇيەسىن قالىپتاستىرۋ ساياحاتتاۋعا كەتەتىن ۋاقىتتى بارىنشا ازايتادى.

  قاتىناستى ”تەز ىلگەرىلەتۋ“ جۇيەسى جوعارى قارقىندى تەمىر جول، حالىقتىق اۆياتسيا، جوعارى قارقىندى تاس جولدار ارقىلى تەز قارقىندى قاتىناس تورابىن قالىپتاستىرىپ، ساياحاتتىڭ ىركىلىسسىزدىگى مەن قولايلىلىعىن جوعارىلاتۋدى مەڭزەيدى.

  جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگىنىڭ جولاۋشى تاسىمال ءبولىمىنىڭ جاۋاپتىسى تانىستىرىپ بىلاي دەدى: شينجياڭ تەمىر جولى قارقىندى ساياحاتشىلاردىڭ ساپار اسەرىن جوعارىلاتۋدىڭ تەتىگى ەتىپ، جاي قارقىندى پويەزدى جوعارى قارقىندى پويەز تەمىر جولىندا قاتىناۋعا، ساياحاتشىلاردىڭ پويەزگە شىعۋ - ءتۇسۋ ءتارتىبىن ساپالىلاندىرۋعا ۇيىمداستىرۋ سياقتى ادىستەر ارقىلى، ساپار ۋاقىتىن بارىنشا قىسقارتتى. سونىمەن بىرگە، ۆاگونداردى جاڭالاۋ، اۋىستىرۋدى جەدەلدەتىپ، ۇرىمجىدەن كورلا، قۇلجا، بۇراتالا قاتارلى باعىتتاعى ساعاتتىق جىلدامدىعى 160 كيلومەتر بولعان شوعىرلى ديناميكالىق جۇردەك پويەزدى جۇرگىزىپ، شينجياڭ تەمىر جولىنىڭ ”گۇلدەنۋ اتتى“ داۋىرگە قادام تاستاۋىنا مۇمكىندىك جاسادى.

  ”بۇلت ءۇستى الەۋمەتتىك قاتىناس“ شينجياڭنىڭ قالالار اراسىنداعى ۋاقىت - كەڭىستىك ارالىعىن بارىنشا قىسقارتتى. قازىر شينجياڭ اۋەجاي توبىنىڭ اۋە جەلىسى 264تەن اسىپ، 16 مەملەكەت، 20 حالىقارالىق قالا، ءبىر وڭىرلىك قالا، 81 ەل ءىشى قالاسى مەن ءۇرىمجى اراسىندا ۇشاق قاتىناپ، اقسۋ، قاشقار، حوتان، كورلا سياقتى 11 تارماق جەلى اۋەجايىنان ۇشاقتار شينجياڭ سىرتىنداعى 20 قالاعا توتە ۇشادى. تارماق جەلى اۋەجايىندا ۇرىمجىگە قونباي - اق شينجياڭنىڭ سىرتىنا توتە ۇشاتىن اۋە جەلىسىنەن 55ى اشىلىپ، تارماق جەلى اۋەجايى اراسىندا ءوزارا ۇشاتىن اۋە جەلىسىنەن 50ى بار.

  قولايلى اۋە قاتىناسى تورابى جولاۋشىلاردىڭ تاڭەرتەڭ گۋاڭجوۋدان تاڭعى شايىن ءىشىپ، كەشتە التايدا قار كورىنىسىن تاماشالاۋ ارمانىن رەالدىققا اينالدىردى.

  سوڭعى جىلدارى اۆتونوميالى رايوندىق قاتىناس - تاسىمال مەڭگەرمەسى تاس جول جولاۋشى تاسىمال كاسىپورىندارىن بەلگىلەنگەن جەلى بويىنشا ساياحاتتاۋ جولاۋشى تاسىمال جەلىسىن كەڭەيتۋگە ۇزدىكسىز شابىتتاندىرىپ، قولداۋ كورسەتىپ، ساياحات جولاۋشى تاسىمالى مەن ساياحات ونىمدەرىن ۇتىمدى ۇشتاستىرىپ، دارالىق ەرەكشەلىكتەگى، جوعارى ساپالى ساياحات قاجەتىن قاناعاتتاندىرا الاتىن بۇيىرتىپ جاسالعان ساياحات جولاۋشى تاسىمال بويىنشا قىزمەت وتەۋ ونىمدەرىن اشۋدى قولدادى. سونىمەن قاتار، تەمىر جول، حالىقتىق اۆياتسيامەن ءوزارا ۇشتاستىرىلعان ساياحات جولاۋشى تاسىمالداۋ، جونەلتۋ تورابىن جان - جاقتى قالىپتاستىرىپ، شارۋاشىلىق جۇرگىزۋ تولىمدىلىعىنا يە تاس جول جولاۋشى تاسىمال كاسىپورىندارىن اۋەجايدان، پويەز ۆوكزالىنان (جوعارى قارقىندى تەمىر جول) ايالداما قۇرىپ، قالا اراسىنا، كورىنىس رايوندارى اراسىنا تىكە قاتىنايتىن جىلدام جەلى اشۋعا شابىتتاندىردى.

■ قاتىناس پەن ساياحاتتى توعىستىرۋ ساياحات تالعامىنىڭ الۋان تۇرلىلەنۋىنە مۇمكىندىك جاسادى

  بيىل اۆتونوميالى رايونداعى قاتىناس تاراۋلارى 120 ميلليون يۋان قارجى قوسىپ، مايتاۋ - كۇشار تاس جولى بويىنداعى سۋ ىركىلۋ، جارىلۋ، ءىشىنارا جول بولەكتەرىنىڭ شەتى وپىرىلۋ سياقتى قاتەرلەردى ءبىر جايلى ەتىپ، كورىنىس تاماشالاۋ اۆتوكولىك ايالدامالارىنان 33ىن تىڭنان ارتتىرىپ، جالپى 1500دەن استام اۆتوكولىك توقتاتۋ ورنىن قۇردى، قورشاعان ورتانى قورعاۋ بويىنشا تىڭنان 19 الەۋمەتتىك دارەتحانا، 81 قوقىر - قوقسىق تاستاۋ ورنىن سالدى.

  ”اۋا رايى قۇبىلمالى، ءبىر كۇندە ءتورت ماۋسىمدى كورۋگە بولاتىن“ مايتاۋ - كۇشار تاس جولى بيىل جازدا شينجياڭعا ءوز كولىگىمەن ساياحاتتاي كەلگەن شاڭحايلىق ساياحاتشى شياۋ شىلوۋعا تەرەڭ اسەر قالدىردى.

  شينجياڭ تەمىر جول تاراۋلارى قولايلى، جايلى بولۋ پرينسيبى بويىنشا، كەزەكشى پويەز قاتىناۋ ۋاقىتىن ساپالىلاندىرىپ، ساياحات ارناۋلى پويەزىن جۇرگىزدى. جۋىق جىلداردان بەرى، ”سولتۇستىك شينجياڭدى اينالا ساياحاتتاۋ“، ”وڭتۇستىك شينجياڭعا ءساتى كەلۋ“ سياقتى ساياحات ونىمدەرىن ارت - ارتىنان جارىققا شىعارىپ، ”ساياحات كورىنىس رايوندارىن كەڭ كولەمدە تۇتاستىرۋ، ساياحاتشىلار ساياحاتقا شىققاندا ۇلكەن الەۋمەتتىك قاتىناسقا وتىرۋ، ساياحات كەزەكشى پويەزى كەڭ كولەمدە اينالۋ“ ”تەمىر جول + ساياحات“ توعىسپالى دامۋ ۇلگىسىن كۇش سالا قالىپتاستىردى.

  گۋاڭدۇڭنان كەلگەن ساياحاتشى جاڭ گوفىڭ شينجياڭدى پويەزعا وتىرىپ ساياحاتتاۋدى تاڭدادى. 10 - ايدىڭ 29 - كۇنىنەن 11 - ايدىڭ 5 - كۇنىنە دەيىن، شينجياڭ تەمىر جولى بيىل جۇرگىزگەن 18 - رەتكى ”وڭتۇستىك شينجياڭعا ءساتى كەلۋ“ ساياحات ارناۋلى كەزەكشى پويەزى بۇكىل ەلىمىزدىڭ جەر - جەرىنەن 200گە جۋىق ساياحاتشىنى الىپ، 8 كۇندە كورلا، قاشقار، اقسۋ سياقتى ءبىرقانشا كورىنىس تۇيىندەرىن تاماشالاتتى، وڭتۇستىك شينجياڭنىڭ سالت - ساناسى ساياحاتشىلارعا ەستەن كەتپەس اسەر قالدىردى.

  ”وڭتۇستىك شينجياڭنىڭ كۇزى مۇنداي كوركەم بولادى دەپ ويلاماعان ەكەنبىز. پويەزعا وتىرىپ شينجياڭدى ساياحاتتاۋ، شىنىمەن، قولايلى ءارى جانعا جايلى ەكەن“، - دەدى جاڭ گوفىڭ.

  شينجياڭ تەمىر جول ساياحات ىستەرىن دامىتۋ توبىنىڭ ورىنباسار باس ديرەكتورى حۋاڭ تيڭفىڭ بىلاي دەدى: كەزەكتە شينجياڭ تەمىر جول تاراۋلارى قىسقى ساياحات ونىمدەرىن شىعاردى، پويەزعا وتىرىپ التايدىڭ قالىڭ قار كورىنىسىن تاماشالاۋعا، شاڭعى تەبۋگە بولادى ەكەن، بۇل ەل ءىشى - سىرتىنان كەلگەن ساياحاتشىلارعا شينجياڭنىڭ قار - مۇز كورىنىسىن سەزىندىردى.

جاۋاپتى رەداكتور: ريزا حاميت