كەدەيلىكتەن ارىلتۋدان قامال الۋ شايقاسىندا، ءسوز جوق، جەڭىسكە جەتەمىز

كەدەيلىكتەن ارىلتۋدان قامال الۋ شايقاسىندا، ءسوز جوق، جەڭىسكە جەتەمىز

□ گازەتىمىزدىڭ شولۋشىسى

  كەدەيلىكتەن ارىلتۋدان قامال الۋ شايقاسىندا، شينجياڭ، ءسوز جوق، جەڭىسكە جەتەدى.

  تاياۋدا شينجياڭ گازەتى جالپىلىق اقپارات قۇرالدارىنىڭ تىلشىلەرىنەن قۇرالعان 4 تەكسەرۋ - زەرتتەۋ گرۋپپاسىن وڭتۇستىك شينجياڭداعى 12 اۋدان - قالاعا كەدەيلىكتەن ارىلتۋدان قامال الۋ جونىندە تۇيىندە تۇرىپ تەكسەرۋ - زەرتتەۋ جۇرگىزۋگە جىبەردى. مەيلى قاي جەرگە بارسا دا تىلشىلەردىڭ ەڭ كوپ ەستىگەنى ”ءار كۇنى تالماي قۇلشىنۋدامىز“، ”كەدەيلىكتەن ارىلتۋدان قامال الۋ شايقاسىندا جەڭىسكە جەتۋگە سەنىمىمىز بار“ دەگەن سياقتى نىق سەنىمگە تولى سوزدەر بولدى. كورگەن - بىلگەندەرىمىز جانعا شابىت بەرىپ، ءبىزدىڭ شينجياڭنىڭ كەدەيلىكتەن ارىلتۋدان قامال الۋ شايقاسىنىڭ جەڭىسىنە ءوز ۋاعىندا قول جەتكىزۋ سەنىمىمىزدى ارتتىردى.

  تىلشىلەر كونەءشار اۋدانى وعۇساق قالاشىعى تومەنگى وعۇساق قىستاعىندا شارۋالار ساياجايىندا شارۋالاردىڭ شار تاراپتان كەلگەن قوناقتاردى شاتتانا قارسى العانىن؛ جاڭاءشار اۋدانى قامىسارىق اۋىلىنىڭ قامىسارىق قىستاعىندا قىستاق پارتيا ياچەيكاسىنىڭ جاستاردىڭ ەلەكتروندىق ساۋدامەن اينالىسىپ بايۋىنا دەم بەرگەنىن؛ حوتان قالاسى جييا اۋىلىنىڭ شاقمالى قىستاعىندا ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىنىڭ ەرەكشە كاسىپتى دامىتۋ ءۇشىن جوبا - جوسپار جاساعانىن؛ تاشقورعان تاجىك اۆتونوميالى اۋدانىنىڭ قونىس جاڭالاپ كەدەيلەردى سۇيەمەلدەپ ورنالاستىرۋ تۇيىنىندە، شينجياڭعا كومەككە كەلگەن كادرلاردىڭ باسىمدىقتى ساۋلەلەندىرىپ شىنجىن كاسىپورىندارىن ىرگە تەبۋگە باۋراعاندىعىن كوردى... وسى جاندى كورىنىستەر، تاسقىنداعان قايرات ءدال شينجياڭداعى ءار ۇلت حالقىنىڭ بۇكىل ەل حالقىمەن بىرگە جاپپاي دوڭگەلەك داۋلەتتى قوعامعا قادام تاستاۋىنىڭ سەنىم تياناعى، كۇش - قۋات تياناعى.

  سەنىم پارتيانىڭ پارمەندى باسشىلىعىنان كەلدى. باس شۋجي شي جينپيڭ بىلاي دەپ باسا دارىپتەدى: كەدەيلىكتەن ارىلتۋدان قامال الۋ − تاريحي ينجەنەريا، جۇڭگو كوممۋنيستىك پارتياسىنىڭ حالىققا بەرگەن ايبىندى ۋادەسى. كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋدىڭ بەرىك بەكىمى پارتيامىزدىڭ اۋەلگى ماقسات پەن بورىشتى ادالدىقپەن امالياتتا ايگىلەگەنىن كورسەتتى. 2014 - جىلدان 2018 - جىلعا دەيىن، شينجياڭدا جيىنى 2 ميلليون 314 مىڭ 700 كەدەي كەدەيلىكتەن ارىلىپ، 2131 قىستاق كەدەيلەر تىزىمىنەن شىعارىلىپ، 13 كەدەي اۋداننىڭ كەدەيلىك قالپاعى الىنىپ، بۇكىل رايوننىڭ كەدەيلىكتەن ارىلتۋدان قامال الۋ قىزمەتىندە كورنەكتى ونىمدىلىككە قول جەتتى. ناتيجەنىڭ استارىندا پارتيا ورتالىق كوميتەتىنىڭ پارمەندى باسشىلىعى بولعاندىعى، اۆتونوميالى رايوننىڭ باس جاۋاپتى بولۋ، قالا، اۋداندار تياناقتاندىرۋدى يگەرۋ، 5 دارەجەلى شۋجي بىرگە يگەرۋ، جاۋاپكەرشىلىكتى ساتىلار بويىنشا ناقتىلاندىرۋ سىندى ناقتى تياناقتاندىرۋ جاتىر. تىلشىلەر تەكسەرۋ - زەرتتەۋ بارىسىندا شارۋالار كاسىپتىك سەلبەستىك كووپەراتيۆىن ۇيىمداستىرۋ بولسىن، ءتارتىپتى تۇردە باسقا كاسىپ سالاسىنا ويىستىرىپ جۇمىستاندىرۋ بولسىن، الدە قونىس جاڭالاپ كەدەيلەردى سۇيەمەلدەۋ، كاسىپ سالاسى ارقىلى كەدەيلەردى سۇيەمەلدەۋ بولسىن، بارلىعىندا ءار دارەجەلى پارتيا ۇيىمى مۇشەلەرىنىڭ قاربالاس قىزمەت ىستەپ جۇرگەنىن كوردى. ءار دارەجەلى پارتيا ۇيىمدارى كەدەيلىكتەن ارىلتۋدان قامال الۋدىڭ جاۋاپكەرشىلىگىن وي - ساناسىنا ۇيالاتىپ، مىقتاپ ارقالايتىن بولسا، ارىلمايتىن قانداي كەدەيلىك بولسىن؟

  سەنىم جۇڭگوشا سوتسياليزم ءتۇزىمىنىڭ وراسان زور ابزالدىلىعىنان كەلدى. ”كۇش بىرىكسە، جەتپەيتىن جەڭىس جوق“. كۇشتى شوعىرلاندىرىپ ءىرى ىستەر تىندىرۋ − ءبىزدىڭ ىستە ناتيجە شىعارۋىمىزداعى اسىلىمىز، جۇڭگوشا سوتسياليزم ءتۇزىمىنىڭ وراسان زور ابزالدىلىعى. شينجياڭعا كومەكتەسۋ ارقىلى كەدەيلەردى سۇيەمەلدەۋ، ءتۇيىن بەلگىلەپ كومەكتەسىپ سۇيەمەلدەۋ، رايون ىشىندە سەلبەسىپ كەدەيلەردى سۇيەمەلدەۋ، قوعامنىڭ كەدەيلەردى سۇيەمەلدەۋى سىندى ”ءتورت ءبىر تۇلعالاندىرىلعان“ كەدەيلەردى سۇيەمەلدەۋدىڭ ۇلكەن اۋقىمىنىڭ رايونىمىزدا قالىپتاسۋى − جۇڭگوشا سوتسياليزم ءتۇزىمىنىڭ ابزالدىلىعىنىڭ ناقتى بەينەسى. ساناققا قاراعاندا، بيىل 8 - ايعا دەيىن، بۇكىل رايونىمىزدا 1232 حالىقتىق كاسىپورىن ”مىڭ كاسىپورىن مىڭ قىستاققا كومەكتەسۋ“دەي كەدەيلەردى دالمە - ءدال سۇيەمەلدەۋ ارەكەتىنە قاتىناسىپ، 1278 كەدەي قىستاققا كومەكتەسىپ سۇيەمەلدەپ، 270 مىڭنان استام كەدەي بۇقارا يگىلىككە كەنەلدى. تەك بيىلعى جىلدىڭ الدىڭعى جارتىسىندا كەدەيلەردى سۇيەمەلدەۋگە سالىنعان شينجياڭعا كومەكتەسۋ قارجىسى 12 ميلليارد 268 ميلليون يۋانعا جەتىپ، كەدەيلەردى سۇيەمەلدەۋ نىسانىنان 970ى اتقارىلدى. كەدەيلىكتەن ارىلتۋدان قامال الۋ جولىندا قاتىسسىز ورىن، قاتىسسىز ادام بولمايدى، بارلىق ادامنىڭ ات سالىسۋىن، بارلىق ادامنىڭ كۇش قوسۋىن قاجەت ەتەدى. ادام كۇشىن، زات كۇشىن، قازىنا كۇشىن شوعىرلاندىرىپ، ءار جاقتىڭ اقىل - پاراساتى مەن كۇش - قۋاتىن توپتاي الساق، كەدەيلىكتەن ارىلتۋدان قامال الۋ شايقاسىنىڭ جەڭىسىنە، ءسوز جوق، قول جەتكىزە الامىز.

  سەنىم ءار ۇلت بۇقاراسىنىڭ كوركەم تۇرمىسقا دەگەن تالماس تالپىنىسىنان كەلدى. حالىق − تاريحتى جاساۋشى، ناعىز قاھارمان. شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭ قىزمەتىنە بارىنشا ءمان بەرىپ جانە ءار ۇلت بۇقاراسىنا شىنايى قامقورلىق جاساپ، شينجياڭداعى ءار ۇلت حالقىنىڭ القاۋ، العىسىنا يە بولىپ، ولاردى تەرەڭ شابىتتاندىرىپ، ءار ۇلت كادر - بۇقاراسىن كوركەم تۇرمىسقا تالپىنۋ جولىندا ەرلىكپەن العا ۇمتىلۋعا تىنباي جىگەرلەندىرىپ كەلەدى. تەكسەرۋ - زەرتتەۋدە ءبىز ءار ۇلت بۇقاراسىنىڭ ەڭبەكشىل قوس قولىنا سۇيەنىپ تاعدىرىن وزگەرتۋ بەكىمىنىڭ ەرەكشە بەرىك ەكەنىن جەتە سەزىندىك. عىلمي ەگىمشىلىك، باعىمشىلىق تەحنيكاسىن قۇلشىنا ۇيرەندى، ينتەرنەتتە ساتۋ بازارىن بەلسەنە اشتى، كەڭ ايادا جالپى قاۋىم شارۋاشىلىق قۇرىپ، كوپ بولىپ جاڭالىق اشۋدىڭ ءداۋىر اعىمىمەن توعىستىرۋ جولىمەن ىرىقتىلىقپەن ءجۇردى... ءار ۇلت بۇقاراسى ىنتىماقتاسا كۇرەس جۇرگىزىپ، وزدەرىن تالماي الۋەتتەندىرىپ، ءوز تاعدىرلارىن وزگەرتۋمەن قاتار، تاريحتىڭ العا باسۋىن ىلگەرىلەتەتىن بەلسەندى كۇشكە دە اينالدى.

  بەرىك سەنىم بولعاندا عانا، بارلىق قيىنشىلىقتى جەڭەتىن ەرلىك - جىگەر بولادى. كەدەيلىكتەن ارىلتۋدان قامال الۋدىڭ كورنەكتى ناتيجەگە جەتكەنىن كورە بىلۋمەن قاتار، وڭتۇستىك شينجياڭداعى 4 ايماق، وبلىستا كەدەيلىكتەن ارىلتۋدان قامال الۋ مىندەتىنىڭ ءالى ەداۋىر جاپالى ەكەنىن، ەندى قالعاندارىنىڭ بارلىعى كەدەيدىڭ ىشىندە كەدەي، قامالدىڭ ىشىندەگى قامال ەكەندىگىن ايقىن تانۋىمىز كەرەك. ”ادام اسپاس تاۋ جوق، قادام جەتپەس جەر جوق“. ءبىز پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكومنىڭ ىنتىماقتاستىرا باستاۋىندا، شينجياڭداعى ءار ۇلت كادر - بۇقاراسىنىڭ كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋ بەرىك سەنىمى مەن ارىندى اسقاق ارىنىن ايگىلەپ ، ءسوز جوق، بارلىق جاپا - ماشاقات، قيىنشىلىق، حاۋىپ - قاتەر، كەدەرگىلەردى جەڭىپ، كەدەيلىكتەن ارىلتۋدان قامال الۋدىڭ تاريحي ۇلى ىسىندە كەرەمەت تارتىمدى شينجياڭ تاراۋىن جازاتىندىعىنا سەنەمىز.

جاۋاپتى رەداكتور: ريزا حاميت