پاشاگۇل كەرىم: 500دەن استام اۋىلداسىن سىرتقا شىعىپ جۇمىس ىستەۋگە باستادى

پاشاگۇل كەرىم: 500دەن استام اۋىلداسىن سىرتقا شىعىپ جۇمىس ىستەۋگە باستادى

□ ءتىلشىمىز حى ليڭ ەرىكتى تىلشىلەر جوۋ گومين، حو تيڭ

  ”گۇلي، قايىرلى تاڭ!“ ”گۇلي، بۇگىن ءتىپتى دە قۇلپىرىپ كەتىپسىڭ!“...

  10 - ايدىڭ 20 - كۇنى ساعات 6دان 50 مينۋت وتكەندە، پاشاگۇل كەرىم ءدال ۋاعىندا گۋاڭدۇڭ دۇڭگۋان لۇيجوۋ اياق كيىم شەكتى سەرىكتەستىگىنىڭ اياق كيىم تۇمسىعىن سىرۋ سەحىنا قىزمەتكە كەلدى، زاۆودتاعى اپەكە - سىڭلىلەر ونىمەن تۇس - تۇستان سالەمدەسىپ جاتتى.

  پاشاگۇل ۇلۇقشات اۋدانى ءبورىتوحاي اۋىلى اقشي قىستاعىنىڭ تۇرعىنى. گۋاڭدۇڭدا جۇمىس ىستەگەنىنە 14 جىل بولعان ول جەرگىلىكتى ورىنعا مۇلدەم ۇيلەسىپ كەتكەن ەدى.

  تاياۋدا پاشاگۇل ”مەملەكەتتىك ۇلتتار ىنتىماعى، العاباسارلىعىنداعى ۇلگىلى جەكە“ داڭق اتاعىنا يە بولدى. ول بىلاي دەدى: ”وسىنداي داڭققا يە بولعانىمدى ماقتانىش سەزىنەمىن. قازىر گۋاڭدۇڭدا وتە جاقسى تۇرمىس كەشىرىپ جاتىرمىن، دوستارىم دا كوپ، مۇنىڭ ءبارى پارتيانىڭ جاقسى ساياساتىنىڭ ارقاسى“.

  اقشي قىستاعى اۋىر كەدەي قىستاق، پاشاگۇلدىڭ وتباسى قىستاقتاعى كەدەي وتباسى. ول كىشكەنتاي كەزىندە اكەسى قايتىس بولىپ، شەشەسىنىڭ بالالاردى باعىپ - قاعۋ مىندەتىن ۇستىنە العانىن، تۇرمىستارىنىڭ جۇتاڭ ەكەنىن، وسى تاۋدان ۇزاپ شىعىپ، قۇلشىنۋ ارقىلى وتباسىنداعىلاردى جاقسى تۇرمىسقا كەنەلتۋگە كىشكەنتايىنان بەل بۋعانىن ايتتى.

  2006 - جىلى 6 - ايدا ۇلۇقشات اۋدانى ارتىق ەڭبەككۇشتەردى ىشكى جەرلەرگە بارىپ جۇمىس ىستەۋگە ۇيىمداستىردى، جەرگىلىكتى ورىنداعى كادرلاردىڭ ۇگىتتەۋى مەن شابىتتاندىرۋىندا پاشاگۇل دە تىزىمدەلدى.

  پاشاگۇلدىڭ تۇڭعىش قىزمەتى گۋاڭدۇڭ ولكەسىندەگى ءبىر ەلەكتروندىق بولشەك زاۆودىندا جۇمىس ىستەۋدەن باستالدى، العاشىندا ءتىل جاعىندا كەدەرگىگە ۇشىراپ، تەحنيكالىق جاقتا وتكەلدەن وتە الماي، كىرىسى جوعارى بولمادى. قامىعىپ جۇرگەنىندە گۋاڭشيدەن كەلگەن لي ليڭ اپاي ونىڭ ”قامقورشى ۇستازى“نا اينالدى.

  ”لي اپاي وتە مەيىرىمدى، ءار كۇنى دەمالىس ۋاقىتىنان پايدالانىپ ماعان مەملەكەتتە ءبىر تۇتاس قولدانىلاتىن ءتىلدى ۇيرەتتى. سول كەزدە مەن قاتتى قينالدىم، ءبىراق اپاي اسا سابىرلىلىقپەن ماعان ءبىر سويلەم، ءبىر سويلەمنەن ۇيرەتتى“. پاشاگۇل بىلاي دەدى: گۋاڭدۇڭعا العاش كەلگەنىمدە جەرگىلىكتى ورىننىڭ كليماتىنا ۇيلەسە الماي، تەرىمە رەاكسيا بەرگەندە، لي اپاي ارنايى ءدارى ساتىپ الىپ جاتاققا اكەلىپ بەردى.

  تۇرمىستاعى كىشكەنە ىستەر ارقىلى پاشاگۇل مەن لي اپاي اراسىندا تەرەڭ دوستىق سۇيىسپەنشىلىك ورنادى. ”قازىر ول مەنى ’گۇلي‘، ال مەن ول كىسىنى ’اپاي‘ دەپ شاقىرامىن، ءبىر ءۇيلى ادامداردايمىز“، - دەدى پاشاگۇل.

  مەملەكەتتە ءبىر تۇتاس قولدانىلاتىن ءتىلدى ۇيرەنىپ العاننان كەيىن، پاشاگۇل جەرگىلىكتى قىزمەتكەرلەرمەن بارعان سايىن ىركىلىسسىز اڭگىمەلەسىپ، كوپتەگەن اپەكە - سىڭىلىلەرمەن، جاقسى دوستارمەن تانىستى. ”ولاردىڭ كومەگىندە مەنىڭ تەحنيكام جوعارىلادى، ايىنا 2000 يۋانعا دا جەتپەيتىن ەڭبەكاقىم ايىنا 3000 يۋاننان استى“، - دەدى پاشاگۇل قۋانىپ.

  ەڭبەكشىل قوس قولىنىڭ ارقاسىندا پاشاگۇل ۇستازدارىنىڭ مويىنداۋىنا يە بولىپ قانا قالماستان، سەحتاعى ءار ۇلت جۇمىسشىلارىنىڭ دا مويىنداۋىنا يە بولىپ، تەز ارادا سەحتىڭ 10 - گرۋپپاسىنىڭ گرۋپپا باستىعى بولدى.

  قازىر پاشاگۇل گۋاڭدۇڭدى بارعان سايىن ۇناتىپ قالدى، دەمالىس ۋاقىتىنان پايدالانىپ، قىستاققا قايتىپ قىستاقتاعى اپەكە - سىڭلىلەردى وزىمەن بىرگە تاۋدان ۇزاپ شىعىپ جۇمىس ىستەۋگە جۇمىلدىردى.

  ”2006 - جىلدىڭ سوڭىندا مەن كۇيەۋىمدى، باۋىرىمدى، اعا - جەڭگەمدى سىرتقا شىعىپ جۇمىس ىستەۋگە يلاندىردىم، مەن ءار جىلعى اۋىلعا قايتىپ تۋىسشىلاۋ ورايىنان پايدالانىپ، قىستاق تۇرعىندارىنا سىرتقا شىعىپ جۇمىس ىستەۋدىڭ پايداسىن ۇگىتتەدىم“، - دەدى پاشاگۇل.

  2015 - جىلدان بەرى، پاشاگۇل ىلگەرىندى - كەيىندى جەرگىلىكتى ورىنداعى 521 اۋىل - قىستاق ارتىق ەڭبەككۇشىن گۋاڭدۇڭ ولكەسىنىڭ دۇڭگۋانىنا بارىپ جۇمىس ىستەۋگە باستاپ باردى، مۇنىڭ ىشىندە كەدەي وتباسىنداعى ارتىق ەڭبەككۇشتەردەن 210 ادام بار بولىپ، ارحيۆكە تۇرعىزىلىپ، كارتچكالاندىرىلعان 179 وتباسىنىڭ كىرىسىن ۇزدىكسىز ارتتىرۋىنا كومەكتەسىپ، كەدەيلىكتەن ارىلۋدى جۇزەگە اسىردى.

  ”وسى جىلدارداعى سىرتقا شىعىپ جۇمىس ىستەۋ كەشىرمەلەرىمنىڭ ارقاسىندا مەنىڭ كوز ايام كەڭىپ، كىرىسىم ارتتى، ونەر ۇيرەندىم، كوپتەگەن حانزۋ اپەكە - سىڭلىلەرمەن، جاقسى دوستارمەن تانىستىم، ولار باستان - اياق ماعان ىقىلاسپەن كومەكتەسىپ، قارايلاسىپ كەلەدى، مەن مەيىرباندىقتى سەزىندىم. بۇدان بىلاي اۋىلداعى ءتىپتى دە كوپ اپەكە - سىڭلىلەرىمدى سىرتقا شىعىپ جۇمىس ىستەۋگە، ولاردى ءتىپتى دە جاقسى تۇرمىس كەشىرۋگە باستايمىن“، - دەدى پاشاگۇل.

جاۋاپتى رەداكتور: ريزا حاميت