كەدەيلىكتەن ارىلىپ، بايۋدا كۇرەس جۇرگىزۋگە سۇيەنۋ كەرەك

  كەدەيلىكتەن ارىلىپ، بايۋدا كۇرەس جۇرگىزۋگە سۇيەنۋ كەرەك

  □ يۇي چياڭفۋ

  ءتىلشى ماكىت اۋدانىندا تىلشىلىك ىستەگەندە، كەز كەلگەن جەردەن شارۋالاردىڭ شىن جۇرەكتەن شىققان قۋانىش شاتتىعىن سەزىندى.

  بۇل قۋانىش جانىندا تۋىلعان زور وزگەرىستەن تۋعان قۋانىش ەدى: تام ۇيلەردىڭ ورنىن بەيقۇت ۇيلەر باسىپ، اسفالت جول ەسىك الدىنا دەيىن جاتقىزىلىپ، قورشاعان ورتا بارعان سايىن جاقسارىپ، قالتا قالىڭداي تۇسكەن... باقىت كوز كورىم جەردە تۇرسا، شارۋالار قالاي قۋانباسىن؟

  كەدەيلىكتەن ارىلىپ، بايۋدا كۇرەس جۇرگىزۋگە سۇيەنۋ كەرەك. ماكىت اۋدانى قول جەتكىزگەن كەدەيلەردى سۇيەمەلدەۋ ناتيجەسى ءار ۇلت كادر - جۇرتشىلىعىنىڭ ورتاق قۇلشىنىسىنان ايرىلا المايدى.

  ءبىر ادام جۇمىستانسا، بۇكىل وتباسى كەدەيلىكتەن ارىلادى. ماكىت اۋدانى اۋىل - قىستاقتاعى ەڭبەككۇشتەردى باسقا سالاعا ويىستىرىپ جۇمىستاندىرۋ قىزمەتىنە ايرىقشا ءمان بەرىپ، كەدەي وتباسىلاردا ”ءبىر ۇيدەن ءبىر ادام“، ”ءبىر ۇيدەن كوپ ادام“ جۇمىستانۋدى جۇزەگە اسىردى.

  كەدەيلىكتەن ارىلتۋدان قامال الۋ كاسىپ سالاسىن دامىتۋدان ايىرىلا المايدى. ماكىت اۋدانى كاسىپ سالاسىن دامىتۋدا بيىكتەن ەكپىندەي ىلگەرىلەپ، ۇزاق بولاشاققا نازار سالىپ، اۋقىمدى ءىس - جوبالاردى ءجيى ورتاعا قويدى. جۋىق جىلداردان بەرى، ەرەكشە جەمىس ورمانى، انگۋس سويىس سيىرى، ورمان اراسى ەگىنشىلىگى، اۋلا شارۋاشىلىعى سياقتىلاردىڭ بارلىعى ارشىندى دامۋشىلىققا قول جەتكىزىپ، شارۋالاردىڭ كىرىس ارتتىرىپ، كەدەيلىكتەن ارىلۋىنا بەرىك نەگىز قالادى.

  ماكىت اۋدانىنداعى اۋىل - قىستاقتاردىڭ بەت - بەينەسى وزگەرۋدە، شارۋالاردىڭ رۋح - جىگەرى دە وزگەرۋدە. ”كۇتۋ، يەك سۇيەۋ، الاقان جايۋ“ يدەياسىنىڭ شىرماۋىنان قۇتىلىپ، قوس قولدارىنا سۇيەنىپ كەدەيلىك قامىتىنان قۇتىلىپ، باقىتقا قادام تاستاعان شارۋالار قاتارى بارعان سايىن مولايۋدا.

جاۋاپتى رەداكتور: نۇربولات قابىل
  • 1
  • 2
  • 3
  • 4