رايونىمىز ءتۇرلى شارانى قاتار قولدانىپ، ”كەشى كوركەم شينجياڭ“دى ايشىقتادى

  كەشكى ەكونوميكالىق كوشە رايونىن قۇرىپ، كەشكى تيجارات ۋاقىتىن ۇزارتتى

  رايونىمىز ءتۇرلى شارانى قاتار قولدانىپ، ”كەشى كوركەم شينجياڭ“دى ايشىقتادى

  ءتىلشىمىز يۋان لەي 11 - ايدىڭ 24 - كۇنى ۇرىمجىدەن حابارلايدى. شىعىس بولىك وڭىرلەردەگى ادامدار ۇيقى قۇشاعىنا كىرگەندە، شينجياڭنىڭ ءار جەرىندە ءالى دە كەشتىڭ كەرەمەتى ايگىلەنىپ جاتادى. كەشكى ەكونوميكانى گۇلدەندىرۋ ءۇشىن، تاياۋدا اۆتونوميالى رايوندىق حالىق ۇكىمەتى كەڭسەسى «اۆتونوميالى رايوننىڭ كەشكى ەكونوميكانى دامىتىپ، تۇتىنۋدىڭ ارتۋىن جەبەۋ جونىندەگى اتقارۋ پىكىرىن» باسىپ تاراتىپ، ”كەشى كوركەم شينجياڭ“ قۇرۋدى نەگىزگى تاقىرىپ ەتىپ، ”زاماندىق ومىرشەڭ كۇش تيبىندەگى، ساۋدا مەن ساياحاتتىڭ توعىسپالى دامۋى تيبىندەگى، حالىققا قولايلى قىزمەت وتەۋ تيبىندەگى“ كەشكى ەكونوميكا فورماتسياسىن كۇش سالا دامىتىپ، كەشكى ەكونوميكا دانەكەرىنەن ءبىر توبىن قۇرىپ، اشىق، ءتارتىپتى، جالىندى، جوعارى ساپالى كەشكى ەكونوميكا ورتاسىن قالىپتاستىرىپ، ايماقتاردىڭ، وبلىستاردىڭ، قالالاردىڭ كەشكى ەكونوميكا جۇيەسىن جەدەل قالىپتاستىرۋىن ىلگەرىلەتىپ، بۇكىل رايون ەكونوميكاسىنىڭ باياندى، اقاۋسىز دامۋىن جەبەۋدى العا قويدى.

  كەشكى ەكونوميكا ”كەشكى بازار“دان، ”كەشكى تاماق“تان، ”تۇنگى اسحانا“دان ايرىلا المايدى، «پىكىر»دە رايونىمىزدىڭ ۇلگى كورسەتۋ سيپاتى كۇشتى كەشكى ەكونوميكالىق كوشە رايوندارىنان ءبىر توبىن قالىپتاستىرىپ، ءىرى زات ساتىپ الۋ ورتالىعى، ەرەكشە ءدامدى تاعام كوشە رايونى، ايگىلى ساياحات كورىنىس تۇيىندەرى سياقتىلاردى وزەك ەتە وتىرىپ كەشكى ەكونوميكا كاسىپ كۇيىن ورنالاستىراتىندىعى العا قويىلدى. سونىمەن قاتار، رايونىمىز تاعى دەنە تاربيە الاڭ - سارايلارى، كىتاپحانا، مۇراجاي، كينوحانا، كەشكى تاربيەلەۋ - باۋلۋ قۇرىلىمى، باقشا كونسەرت - ويىن الاڭدارى سياقتىلارعا سۇيەنە وتىرىپ، مادەنيەت - ساياحات تۇتىنۋ تيپىندەگى ۇلگى كورسەتۋ رايونىن قۇرادى؛ كەشكى تۇتىنۋعا پايدالانۋعا بولاتىن كوشە، تار كوشە، جابىق بازار، سونداي - اق بوس تۇرعان ساۋدا قۇرىلعىلارى، پايدالانىلماعان زاۆود ۇيلەرى سياقتىلارعا سۇيەنە وتىرىپ، بۇقارالىق تۇرمىس تيپىندەگى ۇلگى كورسەتۋ رايونىن قۇرادى.

  «پىكىر»دە ”1 - مامىر جۇلدىزدى كەشكى بازارى“، ”حوتان كەشكى بازارى“ سياقتى ءبىر توپ كەشكى ەكونوميكا دانەكەرلەرىنىڭ سىرتقا شىعۋىن، تانىمالدىلىعىن ارتتىرۋىن، تارتىمدىلىعىن كۇشەيتۋىن بار كۇشپەن ۇگىتتەپ، ىلگەرىلەتىپ، ەل ءىشى - سىرتىنا ايگىلى كەشكى ەكونوميكا ماركاسى ەتۋ العا قويىلدى.

  رايونىمىز تاعى كەشكى تيجارات ۋاقىتىن ۇزارتۋعا شابىتتاندىرادى. «پىكىر»دە مىنالار العا قويىلدى: ءبىر ميلليوننان استام جان سانى بار قالالاردا ساۋدا بازارى، زات ساتىپ الۋ ورتالىعى، مادەنيەت، كوڭىل اشۋ سياقتى ورىنداردىڭ جايشىلىقتاعى تيجارات ۋاقىتى ساعات 23تەن 30 مينۋتتان كەيىنگە ۇزارتۋىنا، اپتا سوڭىنداعى تيجارات ۋاقىتى كەلەسى كۇنگى ساعات 0دەن كەيىنگە دەيىن ۇزارتۋىنا، جاڭا جىل، كوكتەم مەرەكەسى، مەملەكەت مەرەكەسى سياقتى ماڭىزدى مەرەكە - دەمالىس كۇندەرىندە تاڭ اتقانشا تيجارات جۇرگىزۋىنە قولداۋ كورسەتىلەدى جانە شابىت بەرىلەدى. جان سانى ءبىر ميلليوننان از قالالاردىڭ ءىس جۇزىندىك قاجەتىنە قاراي تيجارات ۋاقىتىن ۇيلەسىمدى ۇزارتۋىنا بولادى. ماركالى اس - سۋ، ءدارى - دارمەك، بولشەك ساتۋ سياقتى تىزبەكتى كاسىپورىنداردىڭ 24 ساعاتتىق تىزبەكتى دۇكەن قۇرىلىسى ورنالاستىرۋىن كۇشەيتىپ، مەرەكە - دەمالىس كۇندەرىندە، دۇكەننىڭ مەرەيتويى كەزىندە ”دۇكەندى جاپپاۋ“ سياقتى كەشكى تەزدەتىپ ساتۋ قيمىلداردى ورىستەتۋىنە قولداۋ كورسەتىلەدى.

  كەشكى ەكونوميكانى دامىتۋ، گۇلدەندىرۋ ءۇشىن، «پىكىر»دە مىنالار العا قويىلدى: ءار دارەجەلى ۇكىمەتتەر زاڭ، زاڭ ەرەجەلەر رۇقسات ەتەتىن كولەمدە كەشكى بازار تيجارات تۇلعالارىنا رۇقسات ەتۋ شارتىن تومەندەتىپ، تەكسەرۋ - بەكىتۋ ءتارتىبىن ىقشامداۋ؛ ساۋدا شەڭبەرىندەگى ساۋدا قۇرىلعىلارىن جاڭالاۋ، دارەجەسىن ءوسىرۋ، تەزدەتىپ ساتۋ قيمىلىن ورىستەتۋ سياقتى كەشكى ەكونوميكانى گۇلدەندىرۋگە قاتىستى قۇرىلعىلار قۇرىلىسىنا قولداۋ كورسەتۋ كەرەك. جەر - جەر كەشكى ەكونوميكانىڭ وزىندىك قۇنىن تومەندەتۋ شارالارىن زەرتتەپ، جولعا قويىپ، كەشكى ەكونوميكادان ۇلگى كورسەتۋ كوشە رايوندارىنداعى تيجاراتشىلارعا توك ىستەتۋ، سۋ ىستەتۋ، ەنەرگيا ىستەتۋ سياقتى جاقتاردان بەلگىلى جەڭىلدىك جاساۋ كەرەك. قالانى كورىكتەندىرۋدى، جارىقتاندىرۋدى، ستەرەولدىق شامداردىڭ دارەجەسىن ءوسىرىپ جاڭالاۋدى ۇزدىكسىز ىلگەرىلەتىپ، كوشەلەردى كورىكتەندىرۋ ءۇشىن ورنالاستىرىلعان الەۋمەتتىك جارىقتاندىرۋ جانە اشەكەي جارىقتاندىرۋ قۇرىلعىلارى سياقتى تيجاراتقا ىستەتىلمەۋ سيپاتىنداعى توكتەن پايدالانۋدى قالانىڭ الەۋمەتتىك ەلەكتر دايىنداۋ تورىنا جالعاۋعا بولادى.

جاۋاپتى رەداكتور: نۇربولات قابىل
  • 1
  • 2
  • 3
  • 4