بۇيا: ۇلت قىزمەتىن شىن پەيىلمەن ويداعىداي ىستەيمىن

  بۇيا: ۇلت قىزمەتىن شىن پەيىلمەن ويداعىداي ىستەيمىن

  □ ءتىلشىمىز دۋ جيانحۇي

  ”مەملەكەتتىك ۇلتتار ىنتىماعى، العاباسارلىعىنداعى ۇلگىلى جەكەنىڭ ۋاكىلى رەتىندە بەيجيڭگە بارىپ، ماداقتاۋ - سيلاۋ جينالىسىنا قاتىناسقانىمدى ەرەكشە داڭق جانە ماقتانىش سەزىنەمىن“. 10 - ايدىڭ 7 - كۇنى مەملەكەتتىك ۇلتتار ىنتىماعى، العاباسارلىعىنداعى ۇلگىلى جەكە بايىنعولين موڭعۇل اۆتونوميالى وبلىستىق ۇلت، ءدىن ىستەرى مەكەمەسى ۇلت ىستەرى ءبولىمىنىڭ جاۋاپتىسى بۇيا تىلشىگە الداعى قىزمەت بارىسىندا، باس شۋجي شي جينپيڭنىڭ تاپسىرماسىن قاشاندا ەسىندە بەرىك ساقتاپ، داڭقتى قاستەرلەپ، ۇزدىكسىز كۇرەس جۇرگىزىپ، باس شۋجيدىڭ ماڭىزدى ءسوزىنىڭ رۋحىن باستاماشىلدىقپەن ويداعىداي ۇيرەنىپ، ويداعىداي ۇگىتتەپ، ويداعىداي تياناقتاندىرىپ، ۇلتتار ىنتىماعى، العاباسارلىعى ىستەرى ءۇشىن ۇزدىكسىز ۇلەس قوساتىندىعىن ايتتى.

  ”ارقالاعان جاۋاپكەرشىلىگىمدى شىن جۇرەگىممەن قاستەرلەپ، ىستەپ وتىرعان ءىسىمدى بار نيەتىممەن العا باستىرامىن“. بۇل بۇيانىڭ قىزمەتتەگى ۇستانىمى. 30 نەشە جىلدان بەرى، بۇيا بار ىنتا - پەيىلىن ۇلت قىزمەتىن ويداعىداي ىستەۋگە ارناپ، پارتيانىڭ ۇلت ساياساتىن، زاڭداردى، زاڭ ەرەجەلەردى جانە ”ءۇشتىڭ ءبىر - بىرىنەن ايرىلا الماۋ“ يدەياسىن، ”بەستى شىنايى مويىنداۋ“ ۇگىت - تاربيەسىن كەڭىنەن ىشكەرىلەي ورىستەتىپ، ءار ۇلت بۇقاراسىن جۇڭحۋا ۇلتى ورتاق تۇلعا تانىمىن بەرىك ورناتۋعا جەتەلەپ، قاتىستى تاراۋلاردىڭ اقپارات قۇرالدارىندا ۇلتتار ىنتىماعى تاربيەسى ارناۋلى تاقىرىپتىق ايدارلارىن اشۋىنا بەلسەنە سايكەسىپ، ۇلتتار ىنتىماعىن ۇگىتتەيتىن قابىرعا سۋرەتىن، قولدانبا، قويىن داپتەر، وپتيكالىق تاباق سياقتىلاردى قۇراستىرىپ جاساپ، ءار ۇلت كادر - بۇقاراسىن پارتياعا العىس ايتۋعا، پارتيانىڭ سوزىنە قۇلاق اسۋعا، پارتياعا ىلەسۋگە تاربيەلەدى، جەتەكتەدى.

  ۇلتتىق ساۋدا جانە ۇلتتىق بۇيىمدار قىزمەتىنە جاۋاپتى بولعان 10 جىلدا بۇيا كاسىپورىن باسقارۋداعى ارتىقشىلىقتارىن تولىق ساۋلەلەندىرىپ، ۇلتتىق ساۋداعا ساياساتتىق جاقتان جەتەكشىلىك ەتۋدى، كاسىپتىك باۋلۋدى، ينفورماتسيالىق اقىل - كەڭەس بەرۋدى كۇشەيتىپ، ۇلتتىق ساۋدا ساياساتى جونىندە 6 كەزەك كۋرس ۇيىمداستىرۋعا ات سالىسىپ، ۇلتتىق ساۋدا كاسىپورىندارىنىڭ ۋاكىلدەرىن ىشكى وڭىرلەرگە تەكسەرۋگە، ۇيرەنۋگە تالاي رەت ۇيىمداستىرىپ، بەيجيڭ، شىنجىن، شي - ان سياقتى جەرلەردەگى ايگىلى، ساپالى، ەرەكشە اۋىل شارۋاشىلىق قوسىمشا ونىمدەرى ساۋدا كورمەسىنە قاتىناستىردى.

  بۇيا كەدەيلەردى دالمە - ءدال سۇيەمەلدەۋ، كەدەيلىكتەن دالمە - ءدال ارىلتۋ نەگىزگى جالپى جوباسىن مۇقيات دايەكتىلەندىرىپ، تياناقتاندىرىپ، ءاربىر سۇيەمەلدەۋ قارجىسىن، ءاربىر سۇيەمەلدەۋ نىسانىن كەدەي اۋىل - قالاشىقتاردىڭ دامۋىنىڭ، اۋقاتتانۋىنىڭ قان تامىرىنا اينالدىرۋعا قۇلشىنىپ، كەدەي اۋىل - قالاشىقتار مەن كەدەي وتباسىلارىنىڭ ”قان جاساۋ“ قۋاتىن ۇزدىكسىز كۇشەيتتى. 2015 - جىلدان 2018 - جىلعا دەيىن، ول از ۇلتتاردى دامىتۋ قارجىسىنا قاتىستى 140 نىسان بويىنشا 71 ميلليون 292 مىڭ يۋان قارجىعا بەلسەنە قول جەتكىزدى.

  بۇيا ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن 36 رەت دەن قويا جوبالاپ ۇيىمداستىردى، وتكىزدى، حال سۇراۋ قيمىلدارىن ۇنەمى ۇيىمداستىرىپ، ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرعان قىزمەت اترەتىندەگىلەرگە كوڭىل ءبولىپ، سۇيىسپەنشىلىك جەتكىزىپ، ولاردىڭ نەگىزگى ساتىدا الاڭسىز تۇرۋىنا، بۇقاراعا قىزمەت وتەۋىنە دەم بەردى.

  بۇيا جۇپ قۇراعان تۋىسىمەن بىرگە تاماقتانۋ، بىرگە تۇرۋ، بىرگە ەڭبەك ىستەۋ، بىرگە ۇيرەنۋ قيمىلىن باستاماشىلدىقپەن بەلسەنە ورىستەتىپ، جۇپ قۇراعان تۋىسىن بىردەن التىعا كوبەيتتى. ول ۇلتتار ىنتىماعى، العاباسارلىعى ءىسىن ىلگەرىلەتۋدى زەرتتەۋگە ۇزاق ۋاقىت كۇش سالىپ، 100دەن استام تەكسەرۋ - زەرتتەۋ بايانداماسىن، ارناۋلى تاقىرىپتىق ماقالا جازىپ، 300دەن استام سايكەستى شارا جانە ۇسىنىس قويىپ، جوعارى دارەجەلى تاراۋلاردىڭ شەشىم جاساۋدا پايدالانۋىنا بەردى.

  تالاي جىلدان بەرى، بۇيا ىلگەرىندى - كەيىندى بايىنعولين وبلىسى بويىنشا تاڭداۋلى كومپارتيا مۇشەسى، اۆتونوميالى رايون بويىنشا ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىنىڭ وزاتى سياقتى داڭق اتاقتارعا يە بولىپ كەلەدى.

جاۋاپتى رەداكتور: نۇربولات قابىل
  • 1
  • 2
  • 3
  • 4