ءىس جۇزىندىك ارەكەتىممەن ۇلتتار ىنتىماعى گۇلىن سۋارامىن

  ءىس جۇزىندىك ارەكەتىممەن ۇلتتار ىنتىماعى گۇلىن سۋارامىن

  □ قىزىلسۋ قىرعىز اۆتونوميالى وبلىستىق قاتىناس - تاسىمال مەكەمەسىنىڭ كادرى گۇلماي ميمان

  ىنتىماق، ورنىقتىلىق − قۇت، بولشەكتەۋشىلىك، بىلىقپالىق − جۇت. دۇنيە جۇزىنە كوز جىبەرەر بولساق، قاي ەل تىنىش، بەرەكەلى بولسا، سول ەلدەگى حالىقتىڭ الاڭسىز تىرشىلىك، شات - شادىمان تۇرمىس كەشىرەتىندىگىن؛ قاي ەلدە بولشەكتەۋشىلىك، الاساپىران بولسا، سول ەلدەگى حالىقتىڭ زوبالاڭعا ۇشىراپ، ازاپ شەگەتىندىگىن كورە الامىز.

  پارتيانىڭ ابزال ساياساتى شينجياڭداعى ءار ۇلت حالقىن تاماشا، باقىتتى تۇرمىسقا كەنەلتتى. جۇڭگو كوممۋنيستىك پارتياسىنىڭ پارمەندى باسشىلىعى بولماسا، شينجياڭنىڭ زور وزگەرىسى بولماس ەدى، شينجياڭداعى ءار ۇلت حالقىنىڭ باقىتتى تۇرمىسى بولماس ەدى. شينجياڭداعى ءار ۇلت حالقى تەك پارتيانىڭ باسشىلىعىندا، وتان ۇلى شاڭىراعىندا جۇڭگوشا سوتسياليزم جولىمەن مىزعىماي جۇرگەندە عانا، جارقىن كەلەشەگى جانە تاماشا بولاشاعى بولادى.

  ءبىز وڭاي - وسپاق قولعا كەلمەگەن وسى باقىتتى تۇرمىستى قاستەرلەۋىمىز، ءوزىمىزدىڭ قارسىلىق قۋاتىمىزدى ارتتىرىپ، پارىقتاۋ قابىلەتىمىزدى كۇشەيتىپ، وي - سانانى سەرگەك ۇستاپ، ۇلتتار ىنتىماعىن كوز قاراشىعىمىزداي ايالاپ، ۇلتتار ىنتىماعىن ومىرىمىزدەي قاستەرلەۋىمىز كەرەك.

  مەن كورىكتى پامير ۇستىرتىندە دۇنيەگە كەلدىم، اكە - شەشەم قارشادايىمنان باستاپ مەنى پارتيانى قىزۋ سۇيۋگە، وتاندى قىزۋ سۇيۋگە، ۇلتتار ىنتىماعىن قورعاۋعا تاربيەلەپ، ەسەيىپ - ەرجەتۋىمە تاماشا ورتا ازىرلەدى. 2010 - جىلى داليان قاتىناس داشۋەسىنە قابىلداندىم، داشۋدەگى كەزىمدەگى كوپتەگەن ىستەر كەشەگىدەي ءالى ەسىمدە. ءبىزدىڭ جاتاقتا 6 ادام بار، بۇكىل ەلدىڭ جەر - جەرىنەن كەلگەنبىز، ءبىز ءار كۇنى بىرگە ساباق وقىپ، بىرگە تاماقتانىپ، بىرگە اڭگىمەلەسەتىنبىز، جاتاقتاعى اپەكە - سىڭلىلەردىڭ بارلىعى ماعان ەرەكشە قارايلاساتىن. ءبىر كۇنى تۇندە قاتتى قىزعانىمدا، جاتاقتاعى اپەكە - سىڭلىلەر مەنى كەزەكپەن قاراسىپ، ەرتەسى تاماق اكەلىپ، اۋرۋىمدى كورسەتىپ، شىنايى قامقورلىق جاسادى. تۋعان اپەكە - سىڭلىلەر بولماساق تا، تۋعان اپەكە - سىڭلىلەردەن دە جاقىنبىز. كەي كەزدەرى ساباققا اسىعىپ، تاماق جەۋگە ۇلگىرە الماعانىمدا، ولار تاماعىمدى كلاسقا جەتكىزىپ بەرەتىن. 4 جىلدىق ۇيرەنۋ جانە تۇرمىس بارىسىندا ءبىز ءوزارا قامقورلىق جاساپ، ءبىر - بىرىمىزگە كومەكتەسىپ، بىرگە قۇلشىنىپ، بىرگە العا باسىپ، ءبىر ءۇيلى جانداي بولىپ كەتتىك.

  داشۋەنى تاۋىسقاننان كەيىن مەملەكەت قىزمەتكەرى بولدىم، بۇلاردىڭ بارلىعىن پارتيانىڭ تاربيەلەۋىنەن جانە باۋلۋىنان بولە قاراۋعا بولمايدى. اقتاۋ اۋدانى ۇجمە اۋىلى چاعرا قىستاعىندا مامەت ءيۇسۇپ جانە گۇلسالىمحان ناسىر ەسىمدى جۇپ قۇراعان 2 تۋىسىم بار. كۇندەلىكتى ارالاسۋ، ىشتەسۋ بارىسىندا ولاردىڭ ويلاعانىن، تىلەگىن ۇعىستىم. مەن ولارعا العىسقا تولى جۇرەكپەن قازىرگى تاماشا تۇرمىستى قاستەرلەۋگە، پارتياعا العىس ايتۋعا، پارتيانىڭ سوزىنە قۇلاق اسۋعا، پارتياعا ىلەسۋگە شامامنىڭ جەتىسىنشە كومەكتەسىپ، تاربيەلەپ، جەتەلەدىم.

  الداعى قىزمەتتە جانە تۇرمىستا پارتيانى قاشاندا كوڭىلىمنىڭ ەڭ جوعارى تورىنە قويىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، ءوز ارتىقشىلىعىمدى اناعۇرلىم ساۋلەلەندىرىپ، ءدىني ۇشقارى يدەيانىڭ سىنالاپ كىرۋىنە باستاماشىلدىقپەن قارسى تۇرىپ، نەگىزگى اۋەندى بەلسەنە اسقاقتاتىپ، وڭ ەنەرگيا تاراتىپ، ءار ۇلت بۇقاراسىن ءدىني ۇشقارى يدەيانىڭ ءمانى مەن زيانىن ايقىن تانۋعا، ۇلتتار ىنتىماعىن قورعاۋعا، شينجياڭنىڭ جاراسىمدى، ورنىقتى جاعدايىن قورعاۋعا تاربيەلەيمىن، جەتەلەيمىن.

  ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىنا اناعۇرلىم بەلسەنە ات سالىسىپ، شىن جۇرەكتەن سىرلاسىپ، تۋىستارمەن ارالاسۋ قيمىلىن ورىستەتۋگە تاباندى بولىپ، ولارمەن بىرگە تاماقتانىپ، بىرگە تۇرىپ، بىرگە ەڭبەك ىستەپ، بىرگە ۇيرەنىپ، جۇپ قۇراپ، تۋىس بولۋدىڭ ىقپالداستىعىن كۇشەيتەمىن. ۇلتتار ىنتىماعى تۇقىمىن سەۋىپ، ءار ۇلت باۋىرلاستارمەن بىرگە ءوزارا كومەكتەسىپ، بىرگە العا باسىپ، سەنترلەس شەڭبەر قالىپتاستىرىپ، اناردىڭ دانىندەي تىعىز ۇيىسامىن.

  ءبارىمىز قول ۇستاسىپ، ۇلتتار ىنتىماعىن بىرگە قورعاپ، ءىس جۇزىندىك ارەكەتىمىزبەن ۇلتتار ىنتىماعى گۇلىن سۋارىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، الاڭسىز تىرشىلىك، شات - شادىمان تۇرمىس كەشىرگەن جۇڭگوشا سوتسياليستىك شينجياڭ قۇرۋعا كۇش - قۋاتىمىزدى ارنايىق!

جاۋاپتى رەداكتور: نۇربولات قابىل
  • 1
  • 2
  • 3
  • 4