قورىتىندىلاۋ جانە ماداقتاۋ - سيلاۋ قىزمەتىن مۇقيات ويداعىداي ىستەپ، ناتيجەنى ساۋلەلەندىرىپ، زەيىن - زەردەنى شوعىرلاندىرىپ كۇش توپتايىق

شي جينپيڭ 7 - كەزەكتى دۇنيە جۇزىلىك اسكەريلەر سپورت جينالىسىنىڭ تابىسپەن وتكىزىلگەندىگى جونىندە ماڭىزدى نۇسقاۋ بەرىپ، مىنانى باسا دارىپتەدى

قورىتىندىلاۋ جانە ماداقتاۋ - سيلاۋ قىزمەتىن مۇقيات ويداعىداي ىستەپ، ناتيجەنى ساۋلەلەندىرىپ، زەيىن - زەردەنى شوعىرلاندىرىپ كۇش توپتايىق

  شينحۋا اگەنتتىگىنىڭ 11 - ايدىڭ 7 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا 7 - كەزەكتى دۇنيە جۇزىلىك اسكەريلەر سپورت جينالىسىنىڭ تابىسپەن وتكىزىلگەندىگى جونىندە ماڭىزدى نۇسقاۋ بەرىپ، مىنانى باسا دارىپتەدى: 7 - كەزەكتى دۇنيە جۇزىلىك اسكەريلەر سپورت جينالىسى تابىسپەن وتكىزىلىپ، جۇڭگو ايبىنىن، اسكەريلەردىڭ ەرەكشەلىگىن ايگىلەپ، ”جارىس وتكىزۋ ورەسى ماڭداي الدى، جارىسقا قاتىناسۋ ناتيجەسى ماڭداي الدى“ بولۋ نىساناسىن جۇزەگە اسىردى. جاڭا جۇڭگو قۇرىلعاندىعىنىڭ 70 جىلدىعى قارساڭىندا، وسى جولعى حالىقارالىق اسكەري ىستەر دەنە تاربيە سالتاناتتى جينالىسىنىڭ تابىسپەن وتكىزىلۋى دۇنيە جۇزىنە جاڭا داۋىردەگى جۇڭگونىڭ وبرازىن ايگىلەپ، جۇڭگونىڭ بەيبىت دامۋ قۋاتتاماسىن جاريا ەتتى. بۇل پارتيا ورتالىق كوميتەتى مەن ورتالىق اسكەري ىستەر كوميتەتىنىڭ باسشىلىعىندا ۇيىمداستىرۋ كوميسسياسىنىڭ، ارميا مەن جەرگىلىكتى ورىندارداعى ءارقايسى قاتىستى جاقتاردىڭ ورتاق قۇلشىنۋىنىڭ ناتيجەسى. حۋبەي ولكەسى مەن ۋحان قالاسى وسكەلەڭ ساياسي جاۋاپكەرشىلىك سەزىممەن دەن قويا ۇيىمداستىردى، اناعۇرلىم كەمەلدى بولۋعا ۇمتىلدى، قالىڭ قالا حالقى قوجايىندىق بەينەمەن ىنتالانا ات سالىسىپ، بەلسەنە ۇلەس قوسىپ، اسكەريلەر سپورت جينالىسىنىڭ تولىق تابىستى وتۋىنە ماڭىزدى ۇلەس قوستى.

  شي جينپيڭ مىنانى اتاپ كورسەتتى: ءارقايسى قاتىستى جاقتار قورىتىندىلاۋ جانە ماداقتاۋ - سيلاۋ قىزمەتىن مۇقيات ويداعىداي ىستەپ، ناتيجەنى ساۋلەلەندىرىپ، زەيىن - زەردەنى شوعىرلاندىرا كۇش توپتاپ، قالىڭ كادرلار مەن بۇقارانى ”قوس ءجۇز جىلدىق“ كۇرەس نىساناسىن جۇزەگە اسىرۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا اقىل - پاراسات جانە كۇش قوسۋعا جىگەرلەندىرۋ كەرەك.

  10 - ايدىڭ 18 - كۇنىنەن 27 - كۇنىنە دەيىن، 7 - كەزەكتى دۇنيە جۇزىلىك اسكەريلەر سپورت جينالىسى حۋبەي ولكەسىنىڭ ۋحان قالاسىندا وتكىزىلدى، 109 مەملەكەتتەن كەلگەن 9300دەن استام اسكەري سپورت ساڭلاقتارى جارىسقا قاتىناستى. سپورت جينالىسىندا 27 ۇلكەن ءتۇر، 329 كىشى ءتۇر بويىنشا جارىس ورنالاستىرىلدى، ءار ەلدىڭ اسكەري سپورتشىلارى مويىماس جىگەرمەن ەڭ جوعارى شەككە سايىس جاريالاپ، جاڭا بيىكتەن اسىپ، 7 تۇردە دۇنيە جۇزىلىك رەكوردتى، 85 تۇردە حالىقارالىق اسكەري ىستەر دەنە تاربيە رەكوردىن جاڭالادى. جۇڭگو حالىق ازاتتىق ارمياسىنىڭ دەنە تاربيە ۋاكىلدەر ۇيىرمەسى 133 التىن مەدال، 64 كۇمىس مەدال، 42 مىس مەدالمەن التىن مەدال سانى جانە مەدال سانى جاعىنان ءبىرىنشى ورىندى يەلەپ، جۇڭگو كومانداسىنىڭ دۇنيە جۇزىلىك اسكەريلەر سپورت جينالىسىنىڭ جارىس الاڭىنداعى جارىس ناتيجەسىندە تاريحي تىڭ ناتيجەگە قول جەتكىزدى.

جاۋاپتى رەداكتور: ريزا حاميت