نۇر - شۇعىلاعا شومىلا سامعاعان اۋە ساپارى

نۇر - شۇعىلاعا شومىلا سامعاعان اۋە ساپارى

− پارتيا ورتالىق كوميتەتىنىڭ، ورتالىق اسكەري ىستەر كوميتەتىنىڭ جانە ءتوراعا شي جينپيڭنىڭ حالىق اۋە ارمياسى قۇرىلىسىنىڭ دامۋىنا كوڭىل بولگەندىگى جونىندەگى ەستەلىك

□شينحۋا اگەنتتىگىنىڭ تىلشىلەرى لي شۋەيۇڭ، جاڭ يۇيچيڭ، جاڭ ميمي، ازاتتىق ارميا گازەتىنىڭ ءتىلشىسى لي جيانۋىن

  بۇل حالىق اۋە ارمياسىنىڭ ەسىندە ماڭگى ساقتالاتىن تاريحي ءسات −

  1949 - جىلى 10 - ايدىڭ 1 - كۇنى جۇڭحۋا حالىق رەسپۋبليكاسىنىڭ مەملەكەت قۇرۋ سالتاناتتى پاراتىندا 17 ۇشاقتان قۇرالعان ۇشۋ شوعىرى تيان - انمىن الاڭى كەڭىستىگىنەن ۇشىپ ءوتتى، مىنە بۇل جۇڭگو كوممۋنيستىك پارتياسىنىڭ باسشىلىعىندا قۇرىلعان حالىق اۋە ارمياسىنىڭ جاقىندا دۇنيەگە كەلەتىندىگىن اڭعارتتى.

  2019 - جىلى 10 - ايدىڭ 1 - كۇنى جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ پاراتىندا حالىق اۋە ارمياسىنىڭ ەلىمىز وندىرگەن ءار الۋان تيپتەگى سوعىس ۇشاقتارى قاتارلاسا زەڭگىر كوكتە سامعاپ، پارتيا مەن حالىقتىڭ كوزدەن كەشىرۋىن قابىلداپ، قۇدىرەتتى، وسىزاماندانعان حالىق اۋە ارمياسىن قۇرۋدا تىڭ قادام تاستالعاندىعىن ايگىلەدى.

  پارتيا 18 - قۇرىلتايىنان بەرى، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ستراتەگيالىق تۇرعىسىنان ”اۋە مەن عارىشتى ءبىر تۇلعالاندىرعان، شابۋىلداۋ مەن قورعانۋى سايما - ساي كەلگەن قۇدىرەتتى حالىق اۋە ارمياسىن قۇرۋدى جەدەلدەتۋ“ ۇلى ۇندەۋىن شىعارىپ، حالىق اۋە ارمياسى قۇرىلىسى مەن ۇزاق بولاشاقتىق دامۋىنا قاتىستى ءبىرسىپىرا ستراتەگيالىق جوبالار جاسادى. حالىق اۋە ارمياسى تىڭ بەلەستەن تاريحي سيپاتتى قارىشتاۋدىڭ جاڭا اۋە ساپارىن باستادى.

  70 جىلدىق ايبىندى سامعاۋ بارىسىنا قايىرىلا قاراساق، اۋە ارمياسىنىڭ قولباسىلارى مەن جاۋىنگەرلەرى پارتيا ورتالىق كوميتەتى مەن ورتالىق اسكەري ىستەر كوميتەتىنىڭ اۋە ارمياسى قۇرىلىسىنىڭ دامۋىنا توككەن تەرەڭ سۇيىسپەنشىلىگى مەن ىقىلاستى مەيىرىن ەستە ماڭگى ساقتادى. نەشە ۇرپاق اۋە ارمياسى كوماندير - جاۋىنگەرلەرى جاستىق ورالدارىمەن، ىستىق قاندارىمەن جانە ومىرلەرىمەن ارميانى قۇدىرەتتەندىرۋدىڭ شايقاس جىرىن جازىپ، ادالدىق پەن بورىشتى وتانىمىزدىڭ زەڭگىر كوگىندە ناقىشتادى.

  70 جىلدىق شۇعىلالى تاريحي بارىستى باسىپ وتكەن حالىق اۋە ارمياسى شي جينپيڭنىڭ ارميانى قۇدىرەتتەندىرۋ يدەياسىنىڭ جەتەكشىلىگىندە، ۋاقىتپەن جارىسۋداي كوكەي تەستىلىك تانىممەن، باس تارتۋعا بولمايتىن بورىش ارقالاۋ رۋحىمەن، زەڭگىر اسپاندا سامعاپ، بۇلتپەن تىلدەسۋ جىگەرىمەن اۋەلگى ماقساتتى ۇمىتپاي، بورىشتى ەستە بەرىك ساقتاپ، كەلەلى تاپسىرمانىڭ ۇدەسىنەن شىعىپ، قاجىرلىلىقپەن كۇرەس جۇرگىزىپ، سوعىستا جەڭىسكە جەتۋ قابىلەتىن جان - جاقتى جوعارىلاتىپ، پارتيا مەن حالىق ءۇشىن وتاننىڭ كوك اسپانىن ويداعىداي قورعاپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇدەسىن باتىل قورعاپ، جۇڭگو ارمانىن، ارميانى قۇدىرەتتەندىرۋ ارمانىن جۇزەگە اسىرۋعا قۇدىرەتتى كۇش تىرەگىن ازىرلەدى.

(شينحۋا اگەنتتىگىنىڭ 11 - ايدىڭ 7 - كۇنى بەيجيڭنەن بەرگەن حابارى)

جاۋاپتى رەداكتور: ريزا حاميت