رەسەيدىڭ تىزبەكتى ەرەن بازارى جۇڭگونىڭ شينجياڭىن ”قالادى“

يمپورت كورمەسىندە تابىسىپ، ”كەلىپ كورۋ“ دەن ”قول ۇستاسۋ“عا دەيىن

رەسەيدىڭ تىزبەكتى ەرەن بازارى جۇڭگونىڭ شينجياڭىن ”قالادى“

شينجياڭنان 200 دۇكەن اشۋدى جوسپارلادى

  تىلشىلەرىمىز چىن چياڭۋي، ما ينيڭ 11 - ايدىڭ 7 - كۇنى شاڭحايدان حابارلايدى. ”ءتوراعا شي جينپيڭ’ جۇڭگونىڭ بازارى وسىنشاما ۇلكەن، كوپشىلىكتىڭ كەلىپ كورۋلەرىن قارسى الامىز‘ دەدى. رەسەيدىڭ يۆانوۆ شەكتى جاۋاپكەرشىلىك سەرىكتەستىگى كەلىپ كورۋدەن سىرت، وسى رەتكى سەلبەستىك ارقىلى كەڭ جۇڭگو بازارىنا ىشكەرىلەي كىرۋدى دە ءۇمىت ەتەدى“، - دەدى 11 - ايدىڭ 6 - كۇنى 2 - كەزەكتى جۇڭگو حالىقارالىق يمپورت كورمەسىندە جۇڭگو شينجياڭ ءۇرىمجى ەكونوميكالىق - تەحنيكالىق اشۋ رايونى (توۋتۇنحى رايونى) باسقارۋ كوميتەتىمەن سەلبەستىك كەلىسىمىنە قول قويعاننان كەيىن، وسى سەرىكتەستىكتىڭ جۇڭگو جاق ۋاكىلى تالاپقان ءپاتىحان.

  الداعى 5 جىلدا وسى سەرىكتەستىك جۇڭگودا قارجى قوسىپ، 1000 حۇڭلۇيدىڭ تىزبەكتى ەرەن بازارىن اشۋدى، مۇنىڭ 200ىن شينجياڭنان اشۋدى جوسپارلادى. ەكى جاقتىڭ كەلىسىمى بويىنشا، رەسەي حۇڭلۇيدىڭ تىزبەكتى ەرەن بازارى ءۇرىمجى ەكونوميكالىق - تەحنيكالىق اشۋ رايونىنان (تۋتۇنحى رايونى) جۇڭگو وڭىرىندەگى شارۋاشىلىق جۇرگىزۋ ورتالىعىن قۇرادى ءارى بيىلدىڭ وزىندە ءبىرىنشى ەرەن بازاردى اشۋدى جوسپارلادى، نەگىزىنەن رەسەيدىڭ جانە ورتا ازياداعى ەلدەردەن يىمپورت ەتىلگەن تاۋارلاردى ساتادى. قامبادا ساقتاۋ ۇلگىسىندەگى ازىق - تۇلىك، ءتۇرلى بۇيىمدار تىزبەكتى ەرەن بازارى رەتىندە، ”حۇڭلۇيدىڭ“ ءوزى قامداعان تاۋارلاردىڭ ارزان، ساپالى بولۋىمەن باسەكەلىك جاقتا ەرەكشە كۇشتى باسىمدىق قالىپتاستىردى، قازىر رەسەي، قازاقستان، پولشا، گەرمانيا سياقتى 8 مەملەكەتتە جانە رايوندا قارجى قوسىپ، 1552 ەرەن بازار اشتى.

  ”جۋىق جىلداردان بەرى، مەن ’ءبىر بەلدەۋ، ءبىر جول‘ قۇرىلىسىنىڭ شينجياڭعا الا كەلگەن وزگەرىستەرىن شىنايى سەزىندىم. جىل باسىنان بەرى، ەكونوميكالىق - تەحنيكالىق اشۋ رايونىنىڭ ءىس جۇزىندە پايدالانعان شەتەل قارجىسى كورنەكتى دارەجەدە ارتتى، شەتەلدىك ساۋداگەرلەردىڭ اقىل - كەڭەس سۇراۋى، كەڭەسىپ سەلبەستىك جاساسۋى كورنەكتى كوبەيدى“. وسى رەتكى سەلبەستىكتىڭ جاسالۋى ءۇرىمجى ەكونوميكالىق - تەحنيكالىق اشۋ رايونى (تۋتۇنحى رايونى) ساۋدا ىستەرى مەكەمەسى پارتيا باسشىلىق گرۋپپاسىنىڭ شۋجيى لي گىنى ايرىقشا تەبىرەنتتى.

  لي گى بىلاي دەپ تانىستىردى: تۇڭعىش كەزەكتى يمپورت كورمەسىندە، رەسەي يۆانوۆ شەكتى جاۋاپكەرشىلىك سەرىكتەستىگى جۇڭگولىق تۇتىنۋشىلاردىڭ رەسەيدىڭ، ورتا ازيانىڭ ازىق - تۇلىكتەرىنە ايرىقشا اۋەس ەكەندىگىن بايقاپ، ولاردا جۇڭگوعا كەلىپ قارجى قوسۋ ويى تۋىلدى. ولاردىڭ وسى ويىن بىلگەننەن كەيىن، ءۇرىمجى ەكونوميكالىق - تەحنيكالىق اشۋ رايونى (تۋتۇنحى رايونى) دەرەۋ رەسەي جاقتىڭ كاسىپورنىمەن بايلانىس جاساپ، ەكى جاق تەكسەرۋ، كەڭەسۋ ساتىسىنا قادام تاستادى. 2 ايدىڭ الدىندا رەسەي جاقتىڭ كاسىپورىنشىلارى ءۇرىمجى حالىقارالىق قۇرلىقتىق پورت رايونىن، ءۇرىمجى جالپىلىق قورعامالى باجى رايونىن تەكسەرىپ، شينجياڭنىڭ حالىقارالىق زات اينالىم قابىلەتىنەن جانە شارۋاشىلىق - ساۋدا ورتاسىنان رازى بولىپ، سوڭىندا وسى رەتكى يمپورت كورمەسىندە شينجياڭمەن رەسمي ”قول ۇستاسۋ“دى ۇيعاردى.

  ”’ءبىر بەلدەۋ، ءبىر جول‘ قۇرىلىسىنىڭ ىشكەرىلەي ىلگەرىلەتىلۋىنە ساي، ءار ەل كاسىپورىندارىنىڭ جۇڭگو بازارىنا كىرۋ تىلەگى بارعان سايىن كۇشەيدى، جۇڭگونىڭ شينجياڭ بازارىندا ويداعىداي شارۋاشىلىق جۇرگىزۋ كەرەمەت باستاما“، - دەدى تالاپقان ءپاتىحان.

  ساندى مالىمەتتەر بيىل العاشقى جارتى جىلدا، جۇڭگو شينجياڭ وتكەلىنىڭ قازاقستان، رەسەي جانە قىرعىزستان سياقتى شاڭحاي سەلبەستىك ۇيىمىنا مۇشە ەلدەرمەن جۇزەگە اسىرعان يمپورت - ەكسپورت جالپى قۇنى 107 ميلليارد 930 ميلليون يۋان بولىپ، سايكەس مەزگىلدەگىدەن %7.6 ارتقاندىعىن، مۇندا يمپورتتىڭ 42 ميلليارد 520 ميلليون يۋان بولىپ، سايكەس مەزگىلدەگىدەن %13 ارتقاندىعىن ايگىلەدى.

جاۋاپتى رەداكتور: ريزا حاميت
  • 1
  • 2
  • 3
  • 4