قاشقار ايماعى تۇلعالىق جاۋاپكەرشىلىكتى قاتايتىپ، ناقتىلاندىرىپ، رەتتەۋ - تۇزەتۋدى يگەردى

قاشقار ايماعى تۇلعالىق جاۋاپكەرشىلىكتى قاتايتىپ، ناقتىلاندىرىپ، رەتتەۋ - تۇزەتۋدى يگەردى

− نازاردى نەگىزگى تاقىرىپقا، نەگىزگى جەلىگە شوعىرلاندىرىپ، رەتتەۋ - تۇزەتۋدى يگەرۋ جەلىلەس حابارى

  تىلشىلەرىمىز ءپاريزات ابدۇل، شيا چيڭ، ەرىكتى تىلشىلەر ۋاڭ جىحىڭ، ۋاڭ ۋىنبو 11 - ايدىڭ 5 - كۇنى ۇرىمجىدەن حابارلايدى. ”بۇرىن قوعامدىق قامسىزداندىرۋ بىتىرگەندە بانكە مەن قوعامدىق قامسىزداندىرۋ مەكەمەسىنىڭ اراسىندا نەشە قايتارا سابىلىپ ءجۇرىپ اۋرە - سارساڭعا تۇسەتىنبىز، قازىر ءبىر جولدا - اق بىتىرۋگە بولاتىن بولدى، كوڭىل كۇيىمىز ورنىعىپ، جۇمىس ءبىتىرۋ قولايلى بولدى“، - دەدى قاشقار ايماقتىق اكىمشىلىك قىزمەت وتەۋ ورتالىعىنا جۇمىس بىتىرۋگە كەلگەن قاشقار ۋانساي ساۋدا شەكتى سەرىكتەستىگىنىڭ جاۋاپتىسى شۇي شياڭ اسا تەبىرەنە.

  قاشقار ايماقتىق اكىمشىلىك قىزمەت وتەۋ ورتالىعى تۇلعالىق جاۋاپكەرشىلىكتى تياناقتاندىرىپ، بۇقارانىڭ اڭىسى كۇشتى ماسەلەلەردى ناقتاپ رەتتەپ - تۇزەتتى، بۇل قاشقار ايماعى نەگىزگى تاقىرىپتىق تاربيەسىنىڭ ساتى - ساتى بويىنشا قىسىم جەتكىزىپ، تۇلعالىق جاۋاپكەرشىلىكتى مۇقيات ناقتاپ تياناقتاندىرعاندىعىنىڭ شاعىن كورىنىسى.

  ”8+2“ ارناۋلى رەتتەۋ - وڭاۋ مەن ”3+3+1“ حالىق ءۇشىن ناقتى ىستەر ىستەۋدى قاداعالاپ، جاۋاپكەرشىلىك ارقالاماۋ، ىسكەرلىك كورسەتپەۋ ماسەلەلەرىن ءۇرتىس وڭادى، قاشقار ايماقتىق اكىمشىلىك قىزمەت وتەۋ ورتالىعىندا پارتيالى باسشى كادرلار باستاماشى بولىپ، تەرەزەلىك قىزمەت وتەۋ ساپاسىن ءوسىرۋدى، جۇمىس ءبىتىرۋ ءتارتىبىن ىقشامداۋدى ارناۋلى رەتتەۋ - وڭاۋدىڭ ماڭىزدى مازمۇنى ەتتى. قازىر بۇل ورتالىق ”قىزمەت وتەۋ ورتالىعى+بانكە+كاسىپورىن“ 3 جاق سەلبەسىپ جۇمىس ءبىتىرۋ ۇلگىسىن قولداندى، جۇمىس بىتىرۋگە كەلگەن كاسىپورىندار تەك ءبىر نۇسقا 3 جاق كەلىسىمىنە قول قويسا بولعانى، قالعان راسمياتتاردى قىزمەت وتەۋ ورتالىعى مەن بانكە جاۋاپتى بولىپ بىتىرەدى.

  قاشقار ايماقتىق اكىمشىلىك قىزمەت وتەۋ ورتالىعىنىڭ ورىنباسار مەڭگەرۋشىسى ۋي جىن: ”ءبىز نازاردى بۇقارانىڭ ءىس بىتىرۋىندەگى قيىن تۇيىندەرگە، اكىمشىلىك ىستەرگە قىزمەت وتەۋدەگى بوگەتتەر مەن تالماۋ تۇستارعا شوعىرلاندىرىپ، جوعارىدان تومەنگە قاراي جوعارى مەن تومەندى بايلانىستىرىپ، ماسەلەلەردى مۇقيات قاداعالاپ، تەكسەرىپ، باعىتتامالى تۇردە رەتتەۋ - تۇزەتۋ شارالارىن العا قويىپ، جۇمىس بىتىرۋگە كەلگەن بۇقارانىڭ تابىس سەزىمىن، باقىت سەزىمىن كۇشەيتتىك“، - دەدى.

  ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىندە قاشقار ايماعى ايماقتىق پارتكومداعى نەگىزگى جاۋاپتى جولداستىڭ ءبىرىنشى جاۋاپتى ادام بولۋ قىزمەت جاۋاپكەرشىلىگىن تياناقتاندىرىپ، القا مۇشەلەرى ”ءبىر قىزمەت ورنىندا قوس جاۋاپكەرشىلىك“ ارقالاپ، ايماقتىق پارتكومنىڭ ءبىر ورىنباسار شۋجيىنىڭ ايماققا توتە قاراستى ورىندارعا جاۋاپتى بولۋىن، ايماقتىق پارتكوم مۇشەلەرىنىڭ، ۇيىمداستىرۋ ءبولىمى باستىعىنىڭ 12 اۋدان - قالاعا جاۋاپتى بولۋىن ايقىنداپ، اۋدان - باسقارما دارەجەلى كادرلاردىڭ گرۋپپا باستىعى، ورىنباسار گرۋپپا باستىعى مىندەتىن ۇستىنە العان 13 جەتەكشىلىك ەتۋ گرۋپپاسىن ۇيىمداستىرىپ، تۇلعالىق جاۋاپكەرشىلىكتى، باسشىلىق ەتۋ، جەتەكشىلىك ەتۋ جاۋاپكەرشىلىگىن شىن مانىندە ۇستىنە الدى. قاشقارداعى ءارقايسى جەتەكشىلىك ەتۋ گرۋپپالارى ايماققا توتە قاراستى ورىنداردىڭ، اۋدان - قالالاردىڭ نەگىزگى تاقىرىپتىق تاربيەسىن ورىستەتۋ جاعدايىنىڭ جالپى بارىسىنا جەتەكشىلىك ەتىپ، جاقسارتۋ جونىنەن 379 پىكىردى العا قويىپ، 15 ماسەلەنىڭ شەشىلۋىن ءجىتى قاداعالادى.

  قاشقار ايماقتىق پارتكومنىڭ ورىنباسار شۋجيى، ساياسي - زاڭ كوميتەتىنىڭ ورىنباسار شۋجيى ما جيان بىلاي دەدى: ”ايماقتىق پارتكومنىڭ نەگىزگى باسشىسى ءبىرىنشى جاۋاپتى ادام رەتىندە ءبىر تۇتاس يگەردى، ايماقتىق پارتكوم القاسىنىڭ مۇشەلەرى جاۋاپكەرشىلىكتى ويداعىداي ۇستىلەرىنە الىپ، قىزمەت نەگىزىندە ناقتى يگەرىپ، سەلبەسە يگەرىپ، ايماق، اۋدان، اۋىل، قىستاق ءبىر دارەجە ءبىر دارەجەنى يگەرۋ، ساتىلار بويىنشا تياناقتاندىرۋدى يگەرۋ سىندى ارناۋلى رەتتەۋ - وڭاۋ قىزمەتىنىڭ ۇلكەن جۇلگەسىن قالىپتاستىردى“.

  كونەشار اۋداندىق سۋ يگىلىگى مەكەمەسىنىڭ پارتكومى جەرگىلىكتى ورىنداعى بۇقارانىڭ اڭىسى كۇشتى بولعان قۇبىر سۋىنىڭ قىسىمى تومەن بولۋ ماسەلەسىنە نازار اۋدارىپ، بۇقارانىڭ قۇبىر سۋىن حاۋىپسىز پايدالانۋىن ءاربىر وتباسى سايىن تەكسەرىپ، شارۋا وتباسىلارىنىڭ سۋ قۇبىرىنىڭ كومىلۋ تەرەڭدىگىنىڭ جەتكىلىكتى بولماۋى سياقتى ماسەلەلەردى رەتتەپ تۇزەتتى ءارى بۇقاراعا قۇبىردى اقىسىز اۋىستىرىپ بەرىپ، بۇقارانىڭ كوڭىل بولگەن ماسەلەلەرىنە قاراي رەتتەۋ - وڭاۋ مازمۇندارىن شىن مانىندە سايكەستىردى، رەتتەۋ - تۇزەتۋ بارىسىندا بۇقارانى قاتىناسۋعا ۇسىنىس ەتىپ، رەتتەۋ - وڭاۋ ناتيجەسىنە بۇقارانىڭ باعا بەرۋىن قابىلدادى.

  كونەشار اۋدانى بۇلاقسۋ اۋىلى ءداسۋ قستاعىنىڭ تۇرعىنى مامەتجان وسمان: ”سۋ يگىلىگى مەكەمەسىندەگى كادرلار سۋ قۇبىرىمىزدى اۋىستىرىپ بەردى، سۋ قۇبىرىنىڭ قاتىپ قالۋىنان، سۋ قىسىمىنىڭ تومەن بولۋىنان ەندىگارى الاڭدامايتىن بولدىم“، - دەدى.

  قازىر قاشقار ايماعى جاۋاپكەرشىلىكتى ساتى - ساتى بويىنشا تياناقتاندىرۋ جۇيەسىن ورناتىپ، اۋدان - باسقارما دارەجەلىدەن جوعارى باسشى كادرلار تەكسەرۋ - زەرتتەۋ ارقىلى ارناۋلى رەتتەۋ - وڭاۋ اشىق ەسەبىنەن 1972 سىن جاسادى، مۇنىڭ 613ى رەتتەپ تۇزەتىلدى.

جاۋاپتى رەداكتور: ريزا حاميت
  • 1
  • 2
  • 3
  • 4