”ۇزىك جول“ تۇتاسىپ، بۇقارانىڭ كوڭىلى جاي تاپتى

”ۇزىك جول“ تۇتاسىپ، بۇقارانىڭ كوڭىلى جاي تاپتى

− نازاردى نەگىزگى تاقىرپقا، نەگىزگى جەلىگە شوعىرلاندىرىپ، رەتتەۋ - تۇزەتۋدى يگەرۋ جەلىلەس حابارى

□ ءتىلشىمىز جاڭ يۇنمەي، ەرىكتى ءتىلشى ساۋ يگۋاڭ

  ”بۇرىن تايشان كوشەسى تۇيىق جول بولاتىن، قار - جاڭبىر جاۋعان كۇندەرى بارلىق جەر لاي - باتپاق بولىپ، كوپشىلىكتىڭ بارلىعى ’ۇزىك جول‘دىڭ تۇستاستىرىلۋىن ارماندايتىن“، - دەدى 11 - ايدىڭ 1 - كۇنى ءۇيى بۇراتالا قالاسى تايشان كوشەسى حۇڭلييۋان شاعىن اۋماعىندا تۇراتىن ارشىن تەبىرەنىپ، - ”قازىر بۇل ارانىڭ جولى تۇستاستىرىلىپ، جول شەتىنە اۆتوكولىك توقتاتۋ الاڭى سالىندى، جاسىلداندىرۋ بەلدەۋى جاسالدى، ءجۇرىس - تۇرىسقا قولايلى بولۋمەن بىرگە، كوڭىلىمىز دە جاي تاپتى“.

  جۋىق جىلداردان بەرى، بۇراتالا قالاسىنىڭ ورتالىق قالا رايونىنىڭ ۇزدىكسىز كەڭەيتىلىپ، جولداردىڭ ۇزدىكسىز ۇزارۋىنا ساي، ”وڭتۇستىك پەن سولتۇستىك اراسىنداعى جول تۇيىق، شىعىس پەن باتىس اراسىنداعى جول بىتەۋ“ بولۋ ماسەلەسى بىرتىندەپ جارىققا شىقتى. ”ۇزىك جول“ قالا تۇرعىندارىنىڭ كۇندەلىكتى تۇرمىسىنا قولايسىزدىق اكەلىپ، ”ۇزىك جول“دى تۇتاستىرۋدى، ءسوزسىز، اتقارۋعا تۋرا كەلدى.

  ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن ورىستەتكەننەن بەرى، بۇراتالا قالاسى ”2 +8 “ارناۋلى رەتتەۋ - وڭاۋ جانە ”3 + 3 + 1“ حالىق ءۇشىن ناقتى ءىس ىستەۋدى كوزدەپ، بۇقارانىڭ مۇددەسىنە نەمقۇرايدى قاراۋ ماسەلەسىن ۇزدىكسىز رەتتەپ - وڭاپ، بۇقارانىڭ ءجۇرىس - تۇرىسى قيىن بولۋ ماسەلەسىن ارناۋلى رەتتەۋ - وڭاۋدىڭ ماڭىزدى مازمۇنى ەتتى. ”ۇزىك جول“ ماسەلەسىنە قاراتا، بۇراتالا قالاسىنداعى قاتىستى ورىندار قۇرىلىس مەزگىلىن كەرى شەگەرىپ ساناپ، ۋاقىتتى مىقتى ۇستاپ جۇمىس جۇرگىزىپ، مەملەكەت مەرەكەسىنەن بۇرىن 13 ”ۇزىك جول“دى تۇتاستىردى، سونىمەن قاتار كونە قالا رايونىنىڭ قورعاشان ورتاسىن كۇش سالىپ رەتتەپ - وڭاپ، بۇراتالا قالاسىنىڭ كونە قالا رايونى جولدارىنىڭ توسىلۋىن، قاتىناستىڭ ىركىلىسسىز بولماۋ تاريحىن تۇبەگەيلى اياقتاتىپ، بۇقارانىڭ اڭىسى كۇشتى بولعان قالا مەن اۋىل تۇيىلىسكەن جەردىڭ لاس، بىلىققان، ناشار، جولداردىڭ لاي - باتپاق بولىپ، جۇرۋگە قيىن بولۋى سياقتى ماسەلەلەردى شەشتى.

  ”بۇقارا اڭىس ەتكەن ءجۇرىس - تۇرىسقا قيىن بولۋ، اۆتوكولىك توقتاتۋ قيىن بولۋ سياقتى ماسەلەلەرگە قاراتا، ءبىز كۇش سالىپ شەشىم ەتىپ، شوعىرلى تۇردە جاڭادان ءبىر توپ اۆتوكولىك توقتاتۋ الاڭىن سالىپ، مىڭعا جۋىق اۆتوكولىك تۇراعىن جاڭادان كوبەيتتىك؛ ءبىر توپ شاعىن جاسىل باقشا سالىپ، بۇقارانىڭ سەيىلدەۋىنە، كوڭىل اشۋىنا قولايلىلىق جاراتتىق“، - دەدى بۇراتالا قالاسىنىڭ ورىنباسار باستىعى ليۋ چياڭ، - ”بۇدان كەيىن، ءبىز بۇقارانىڭ ارمان - تىلەگىنە جالعاستى ءۇن قاتىپ، كونە قالا رايونىن وزگەرتۋ تەبىنىن كۇشەيتىپ، ءار ۇلت بۇقاراسىنىڭ تابىس سەزىمىن، باقىت سەزىمىن شىنايى جوعارىلاتامىز“.

  ەسىك الدىنداعى ءجۇرىس - تۇرىستىڭ قولايسىز بولۋ ماسەلەسىن شەشۋمەن قاتار، بۇراتالا قالا تۇرعىندارىنىڭ ۇزاققا جولاۋشىلاۋىنىڭ قيىن بولۋى ماسەلەسى دە ءونىمدى شەشىلدى.

  ۇعىسۋعا قاراعاندا، بۇراتالا كونە پويەز بەكەتى بۇراتالا قالا رايونىنان 50 كيلومەتر الىستا بولىپ، بۇقارانىڭ ءجۇرىس - تۇرىسىنا قيىن بولۋ، اۆتوكولىككە شىعۋىنا قولايسىز بولۋ، حاۋىپسىز بولماۋ ماسەلەسى وتە كورنەكتى بولعان. نەگىزگى تاقىرىپتىق تاربيەسى ورىستەتىلگەننەن بەرى، بۇراتالا موڭعۇل اۆتونوميالى وبلىسى مەن بۇراتالا قالاسى بۇقارا ەڭ اسىعاتىن، ەڭ ۋايىمدايتىن، ەڭ ارماندايتىن ماسەلەلەردى شەشۋگە كۇش سالىپ، ءار ۇلت بۇقاراسىنىڭ پويەز بەكەتىن قالا رايونىنا سالسا دەيىن كۇشتى اڭىسىنا قاراتا، شينجياڭ تەمىر جولى بۇراتالا وبلىسى لەنيا قۇرىلىسىن وبلىس، قالا ەكى دارەجەلى ەڭ ۇلكەن حالىق تۇرمىسى ينجەنەرياسى ەتىپ جەدەل ىلگەرىلەتتى. 9 - ايدىڭ 20 - كۇنى شينجياڭ تەمىر جولى بۇراتالا وبلىسى لەنياسىندا رەسمي پويەز قاتىناپ، تيجارات باستاپ، اسىلگى جوسپاردان 8 اي بۇرىن ورىندالىپ، بۇراتالا قالا تۇرعىندارىنىڭ 30 جىلدان بەرى 50 كيلومەتر جول باسىپ پويەزگە وتىراتىن تاريحىن تۇبەگەيلى اياقتاتىپ، ”ەسىك الدىنان“ پويەزگە وتىرۋ ارمانىن جۇزەگە اسىردى.

  ”بۇرىن پويەزگە ۇلگىرۋ ءۇشىن 2 ساعات بۇرىن پويەز ستانسياسىنا باراتىن ەدىك، قازىرگى جاڭا پويەز ستانسياسى ۇيگە جاقىن، تاعى كوپ جەلىدەگى الەۋمەتتىك اۆتوبۋز توتە قاتىنايدى، 20 مينۋتتا جەتەمىز، وتە قولايلى بولدى!“- دەدى ۇنەمى پويەزبەن بۇراتالا مەن ءۇرىمجى اراسىنا جولاۋشىلايتىن بۇراتالا قالاسىنىڭ تۇرعىنى حۋاڭ شۋيىڭ قۋانىشپەن.

جاۋاپتى رەداكتور: 热依扎·海米提