اسەم كارتينامەن ورنەكتەلگەن ءۇمىت

اسەم كارتينامەن ورنەكتەلگەن ءۇمىت

− مەملەكەتتىك كەدەيلىكتەن ارىلتۋدان قامال الۋ سيلىعىنىڭ ۇيىمداستىرۋ، جاڭالىق اشۋ سيلىعىنىڭ يەگەرى شاندۇڭ ولكەسىنىڭ شينجياڭعا باعىتتامالى كومەكتەسۋ قىزمەتى الدىڭعى شەپ قولباسشىلىق شتابى جونىندە

□ ءتىلشىمىز حان چينيان

  شاندۇڭ ولكەسىنىڭ شينجياڭعا باعىتتامالى كومەكتەسۋ قىزمەتى الدىڭعى شەپتە قولباسشىلىق شتابى جەرگىلىكتى جاعدايعا قاراي دالمە - ءدال شارا قولدانىپ، جاڭالىق اشىپ، وزات ورىن قۇرىپ قايراتتانا العا ۇمتىلىپ، قاجىماي - تالماي ۇزبەي كۇش ۇستەپ، كەدەيلەردى سۇيەمەلدەۋدىڭ ءىس جۇزىندىككە جاناسىمدى، ۇتىمدى ۇلگىلەرىنە ىزدەنىس جاساپ، تاۋىپ، كومەك قابىلداعان قاشقار ايماعىنىڭ جاڭاشار، يىڭسار، يوپۇرعا، ماكىت قاتارلى 4 اۋدانداعى ارحيۆ تۇرعىزىلىپ، كارتچكالاندىرىلعان كەدەيلەردىڭ كەدەيلىكتەن ارىلۋدى جۇزەگە اسىرۋىن دەمەدى.

كاسىپ سالاسى ارقىلى كەدەيلەردى سۇيەمەلدەۋ ۇلگىسىندە جاڭالىق اشتى

كومەك قابىلداعان ورىنعا تەرەڭ تامىر تارتىپ، ”كۇش - قۋات“ ارنادى

  مارھابا يبىرايىم كۇندەردىڭ بىرىندە جاڭاشار اۋدانى رۋ - ي عىلىم - تەحنيكالىق توقىماشىلىق شەكتى سەرىكتەستىگىنە قابىلدانىپ، كوك جاعالى جۇمىسشى بولىپ، ايىنا 3000 يۋاننان ارتىق ەڭبەكاقى الاتىندىعىن مۇلدە ويلاماعان ەدى. قازىر سەحتىڭ مەڭگەرۋشىسى بولعان مارھابا:”’رۋ - ي‘گە جۇمىسقا ورنالاسقاننان كەيىن وتباسىمىزدىڭ تۇرمىسى تۇبەگەيلى وزگەردى“ دەدى.

  مارھابانىڭ ءۇيى جاڭاشار اۋدانى باقچي اۋىلى باقچي قىستاعىندا. 2014 - جىلى ونىڭ اكەسى تۇتقيىل سالماقتى ناۋقاسقا شالدىعادى. ”اكەمنىڭ اۋرۋىن ەمدەتۋ ءۇشىن وتباسىمىز جيناعان اقشانى بۇكىلدەي جۇمساپ بولدىق، تۋىس - تۋعانداردان دا 10 مىڭ يۋاننان ارتىق اقشا قارىز الدىق“، - دەدى مارھابا.

  2017 - جىلى شاندۇڭنىڭ شينجياڭعا كومەكتەسكەن كاسىپورنى − جاڭاشار اۋدانى رۋ - ي عىلىم - تەحنيكالىق توقىماشىلىق شەكتى سەرىكتەستىگى قۇرىلدى، مارھابا وسى زاۆودقا جۇمىسقا قابىلداندى. قازىر مارھابا وتباسى قارىزدارىن قايتارىپ بولدى، جاڭادان ءۇي سالىپ، كەدەيلىك قالپاعىن ءبىر جولاتا الىپ تاستادى.

  قاشقار ەكونوميكالىق اشۋ رايونى، جاڭاشار اۋدانى، يىڭسار اۋدانى سياقتى 3 جەرگە ىرگە تەپكەن شاندۇڭ رۋ - ي توبىنىڭ 800 مىڭ ۇرشىق توقىماشىلىق نىسانىنان قازىر 300 مىڭ ۇرشىعى وندىرىسكە قوسىلىپ، 2000عا تاياۋ ادامدى جۇمىستاندىردى، مۇندا ارحيۆ تۇرعىزىلىپ، كارتچكالاندىرىلعان 900گە تاياۋ كەدەي بار، ولاردىڭ ايلىق ورتاشا ەڭبەكاقىسى 3000 يۋان.

  جۇمىستانۋ حالىق تۇرمىسىنىڭ نەگىزى. شاندۇڭ ولكەسى «شاندۇڭنىڭ مىقتى كاسىپتەرىنىڭ شينجياڭ قاشقار ايماعىمەن ستراتەگيالىق سەلبەستىگىن ىلگەرىلەتۋ جونىندەگى جەتەكشى پىكىر»دى دايىنداپ، ىركەس - تىركەس ”اۋىل شارۋاشىلىعىنداعى باستاماشى كاسىپورىنداردىڭ شينجياڭ ساپارى“، ”ولكە باسقارۋىنداعى مەملەكەت مەنشىگىندەگى كاسىپورىنداردىڭ شينجياڭ ساپارى“ جانە ”شاندۇڭدىق 100 ساۋداگەردىڭ شينجياڭ ساپارى“ سياقتى جەلىلەس ساۋداگەر شاقىرۋ قيمىلىن ۇيىمداستىرىپ ورىستەتتى. 3 جىلدا قارجى قوسۋى كولەمدى، جۇمىستاندىرۋدى جەتەكتەۋ قابىلەتى كۇشتى 99 نىساندى ەنگىزدى. مۇندا زوۋچىڭ گوشىڭ يىڭسار اۋدانىندا جاڭادان 32 ميلليون پار كيىم - كەشەك نىسانىن ىسكە قوسىپ، 3000 نەشە ادامنىڭ جۇمىستانۋىن جەتەكتەدى، جىل ىشىندە 10 مىڭنان ارتىق ادامدى جۇمىستاندىرىپ، قاشقارداعى، اۋەلى، وڭتۇستىك شينجياڭداعى جۇمىستاندىرۋعا ەڭ كوپ جەتەكتەگەن شينجياڭعا كومەكتەسۋ دارا نىسانى بولادى.

  تاياۋ جىلداردا شاندۇڭ شينجياڭعا كومەكتەسىپ، ىلگەرىندى - كەيىندى زوۋچىڭ گوشىڭ، جينشىڭ توقىماشىلىعى، سىنما كيىم - كەشەگى سياقتى نىسانداردى قاشقار ايماعىنا ەنگىزىپ، جەرگىلىكتى ورىن ءۇشىن 15 مىڭنان ارتىق جۇمىس ورنىن ازىرلەدى.

جۇمىستاندىرۋ ارقىلى كەدەيلەردى سۇيەمەلدەۋ ۇلگىسىندە جاڭالىق اشتى

بۇقارانىڭ ءوز جەرىندە، جاقىن ماڭدا جۇمىستانۋىنا كومەكتەستى

  يىڭسار اۋدانى چىڭگۋان اۋىلى قازانشى ارىق قىستاعىنداعى جۇڭشيڭ قولعاپ اۋىل - قىستاق زاۆودىندا 29 جاستاعى ءپاتيما روزىنىڭ وسى ارادا جۇمىس ىستەگەندىگىنە 4 جىل بولدى، ول: ”ەسىك الدىندا قىزمەت ىستەگەندە اقشا تابۋمەن بىرگە، وتباسىمداعىلارعا دا قارايلاسا الاتىن بولدىم، راسىندا، جاقسى ەكەن“دەدى.

  يىڭسار اۋدانىنا ورنالاسقان جۇڭشيڭ قولعاپ توبى ”باس شتاپ + اۋىل - قىستاق زاۆودى“ جۇمىستانۋ ۇلگىسىنەن پايدالاندى، ياعني باس شتاپ زاۆودى تاربيەلەۋگە جانە تاپسىرىستى، شيكىزاتتى ءبىر تۇتاس تاراتۋعا، وڭدەلگەن ءونىمدى ءبىر تۇتاس جيناپ الۋعا، اۋىل - قىستاقتاردا بولىمشە زاۆود قۇرىپ، شيكىزاتتان وڭدەلگەن قولعاپ تىگۋگە جاۋاپتى بولادى. ءبىر اۋىل - قىستاق زاۆودى 2 دە 3 قىستاقتى شارپۋ، 100 نەشە ادامدى جۇمىستاندىرۋ جوباسى بويىنشا، يىڭسار اۋدانىنداعى اۋىل - قىستاقتاردا 60 اۋىل - قىستاق زاۆودىن قۇرىپ، 2000 ادامدى تۇراقتى جۇمىسقا قابىلدادى.

  ءپاتيما كەزىندە سىرتقا شىعىپ جۇمىس ىستەگەن، ايتسە دە قارتايعان اتا - اناسىنا قارايلاسۋ ءۇشىن، ۇيىنە قايتىپ ەگىنشىلىكپەن اينالىسۋعا ءماجبۇر بولادى. زاۆود ەسىك الدىندا قۇرىلىپ، ول اۋىل - قىستاق زاۆودىندا تۇراقتى قىزمەتكە ورنالاستى، كوپ ىستەگەندەر كوپ ەڭبەكاقى الاتىن سيلاۋ مەحانيزمى ونىڭ جىگەرىن تاسقىنداتتى. ”قازىر ايلىق كىرىسىم 2000 يۋاننان اسادى“، - دەدى ءپاتيما.

  شاندۇڭ شينجياڭعا كومەكتەسۋدە دەربەس اشقان ”باس شتاپ + اۋىل - قىستاق زاۆودى“ سىندى جۇمىستاندىرۋ ۇلگىسى كومەك قابىلداعان 4 اۋداندا دەرەۋ جەمىس بەردى، قىرۋار كاسىپورىن تاپسىرىستارىن الىپ ارت - ارتىنان جەتىپ كەلدى. جۇڭشيڭ قولعابى، حايياڭ كيىم - كەشەگى سياقتى 60 نەشە ەڭبەك شوعىرلانعان كاسىپورىن 365 اۋىل - قىستاق زاۆودىن ىسكە قوسىپ، 17 مىڭنان ارتىق ادامدى جۇمىستانۋعا جەتەكتەدى، مۇندا ارحيۆ تۇرعىزىلىپ، كارتچكالاندىرىلعان كەدەيلەر 8000نان اسادى.

  قازىر ”باس شتاپ + اۋىل قىستاق زاۆودى“ ۇلگىسى نەگىزىندە، شاندۇڭ ولكەسىنىڭ شينجياڭعا باعىتتامالى كومەكتەسۋ قىزمەتى الدىڭعى شەپ قولباسشىلىق شتابى تاعى ”اۋدان قالاشىعىندا كاسىپورىن باس شتابى − اۋىل، قالاشىقتا شاعىن، ۇساق كاسىپ باقشاسى − قىستاقتا قوسالقى زاۆود − وتباسىندا كەدەيلەردى سۇيەمەلدەۋ سەحى“ بولۋ سىندى 4 دارەجە بىرلەسىپ ارەكەتتەنەتىن، جوعارى مەن تومەن ساباقتاسقان كاسىپ سالاسى ارقىلى جۇمىستانۋدى جەبەۋ قىزمەت وتەۋ جۇيەسىنە ىزدەنىس جاساپ، جاڭالىق اشىپ، كومەك قابىلداعان ورىندا 30 مىڭنان استام بۇقارانىڭ ەسىك الدىندا جۇمىستانۋىنا كومەكتەستى، مۇندا ارحيۆ تۇرعىزىلىپ، كارتچكالاندىرىلعان كەدەيلەردەن تىكەلەي 10 مىڭنان استام ادامدى ورنالاستىردى.

تۇتىنۋ ارقىلى كەدەيلەردى سۇيەمەلدەۋ ۇلگىسىندە جاڭالىق اشتى

قاشقاردىڭ اۋىل شارۋاشىلىعى ونىمدەرى ىشكى ولكەلەردىڭ داستارقانىنان ورىن الدى

  ”چىلاننىڭ ساتىلىمىنان ەندىگارى الاڭدامايتىن بولدىم، بيىل چىلاندارىم، ءسوزسىز، جاقسى باعادا ساتىلادى“. چىلان ەگەتىن ديقان اسەن مامۇت تەبىرەنە: ”شينجياڭعا كومەكتەسۋدىڭ بىزگە ناقتى تيىمدىلىك اكەلگەندىگىنە العىس ايتامىن“ دەدى.

  اسەننىڭ چىلاندارىنىڭ ساتىلۋىنان الاڭداماۋىنا شاندۇڭنىڭ شينجياڭعا كومەكتەسۋدە ەڭ الدىمەن ورتاعا قويعان ”ۇلكەن قامبانى شىعىسقا كوشىرۋ“ ينجەنەرياسى سەبەپ بولدى.

  ”قاشقاردان جينانعا دەيىنگى جولدىڭ جالپى ۇزىندىعى 4000 نەشە كيلومەتر، ءبىر اۆتوكولىككە 30 توننا جۇك تولتىرا تيەلسە، زات تاسىمالىنىڭ وزىندىك قۇنى 20 مىڭ يۋان دا 30 مىڭ يۋان بولادى“، - دەدى شاندۇڭ ولكەسىنىڭ شينجياڭعا باعىتتامالى كومەكتەسۋ قىزمەتى الدىڭعى شەپ قولباسشلىق شتابى جوسپارلى كاسىپ سالاسى گرۋپپاسىنىڭ ورىنباسار باستىعى ميڭ ۋىن - ان اۋىل شارۋاشىلىعى ونىمدەرىنىڭ ”شينجياڭنان شىعۋىنىڭ قيىن بولۋى“ جونىندە اسەرلەنە.

  ”شاندۇڭدى تياناق ەتىپ، حۋادۇڭدى شارپيتىن ’ۇلكەن قامبانى شىعىسقا كوشىرۋ‘ ينجەنەرياسى قاشقاردىڭ اۋىل شارۋاشىلىعى قوسىمشا ونىمدەرىن ساتىپ الۋ، تاسىمالداۋ، جەتكىزۋ، ساتۋدىڭ تىزبەكتى جۇيەسىن اقاۋسىزداندىردى“. شاندۇڭ ولكەسىنىڭ شينجياڭعا باعىتتامالى كومەكتەسۋ قىزمەتى الدىڭعى شەپ قولباسشىلىق شتابىنىڭ باس قولباسشىسى ياڭ گوچياڭ بىلاي دەدى: جەلىدەن تىسقارى، جەلىدە بىرلەسىپ قيمىلداۋدان پايدالانىپ، تۇتىنۋ ارقىلى كەدەيلەردى سۇيەمەلدەۋدى ىلگەرىلەتۋ قاشقار ايماعىنىڭ ەرەكشە ونىمدەرىنىڭ ساتىلۋىنا مۇمكىندىك جاساپ، كەدەي بۇقاراعا كىرىستەرىن ارتتىرۋعا ءۇمىت، كەدەيلىكتەن ارىلۋعا سەنىم ۇستەدى.

  ”ۇلكەن قامبانى شىعىسقا كوشىرۋ“ ينجەنەرياسىنىڭ اتقارىلۋىنا ىلەسە، شاندۇڭنىڭ جينانىنان، جينيڭىنەن، رىجاۋىنان جيىنى 30 مىڭ شارشى مەترلىك 3 كولەمدى جاس كۇيىندە ساقتاۋ قامباسى سالىندى، سونىمەن بىرگە جينان، رىجاۋ، تاي - ان، يانتاي قاتارلى جەرلەردەن جەكە - جەكە 8 ”قاشقار ءدامى“ ماركاسىنداعى ارناۋلى ساتۋ دۇكەندەرى قۇرىلىپ، چىلان، جاڭعاق، ءجۇزىم سياقتى ەرەكشە جەمىستەردەن جيىنى 800 نەشە توننا ساتىلدى.

  شاندۇڭ - قاشقار ەرەكشە اۋىل شارۋاشىلىعى قوسىمشا ونىمدەرىمەن قامداۋ، ساتۋ بىرلەستىگىنە مۇشە ورىندار دا العاشىنداعى 64تەن كوبەيىپ 180گە جەتتى. بيىل 4 - ايدىڭ باسىندا ”قاشقار ءدامى“نىڭ شاندۇڭداعى ۋاكىلدىك ساتۋشىسى قاشقارداعى، ۇرىمجىدەگى 2 رەتكى ءوندىرۋدى، ساتۋدى ءتۇيىلىستىرۋ جينالىسىنان پايدالانىپ، نيەتتىك توقتامعا قول قويعان كاسىپورىن 20عا تاياپ، توقتام بويىنشا قامباعا 2600 توننادان ارتىق ءونىم كىرەتىن بولدى، توقتامداعى تاپسىرىستىڭ جالپى سوماسى 110 ميلليون يۋان بولدى.

  قازىر ”ۇلكەن قامبا“ باستاماشى، ناقتى دۇكەن نەگىزگى تۇلعا، جەلىدە ساتۋ تولىقتاما بولعان قاشقاردىڭ اۋىل شارۋاشىلىعى ونىمدەرىن جەدەل سىرتقا ساتۋ تورابى قالىپتاسىپ، قاشقار ديقاندارىنىڭ كىرىسىن ارتتىرىپ، كەدەيلىكتەن ارىلۋى ءۇشىن اناعۇرلىم كوپ پايدا اكەلدى.

جاۋاپتى رەداكتور: 热依扎·海米提