29 - كەزەكتى جۇڭگو اقپارات سيلىعىن باعالاۋ ناتيجەسى جاريالاندى

29 - كەزەكتى جۇڭگو اقپارات سيلىعىن باعالاۋ ناتيجەسى جاريالاندى

گازەتىمىزدەن 4 تۋىندى جەكە - جەكە 1 - دارەجەلى، 2 - دارەجەلى سيلىقتارعا يە بولدى

  شينحۋا اگەنتتىگىنىڭ 11 - ايدىڭ 1 - كۇنى بەيجيڭنەن بەرگەن حابارى. جۇڭحۋا مەملەكەتتىك اقپارات قىزمەتكەرلەرى قوعامى ۇيىمداستىرىپ وتكىزگەن 29 - كەزەكتى جۇڭگو اقپارات سيلىعىن باعالاۋدىڭ ناتيجەسى 11 - ايدىڭ 1 - كۇنى جاريالاندى. بۇكىل ەلدەگى ءار دارەجەلى ءار ءتۇرلى اقپارات قۇرالدارىنان 346 تۋىندى جۇڭگو اقپارات سيلىعىنا يە بولدى، مۇنىڭ ىشىندە 5 تۋىندى ەرەكشە سيلىققا، 60 تۋىندى (10 اقپارات ايگىلى ارناۋلى ايدارىن قامتيدى) 1 - دارەجەلى سيلىققا، 108 تۋىندى 2 - دارەجەلى سيلىققا، 173 تۋىندى 3 - دارەجەلى سيلىققا يە بولدى.

  حالىق گازەتىنەن رىن جۇڭپيڭنىڭ «تاريحتىڭ ۇلى جەتىستىگىن جاراتتى − رەفورما جاساپ، ەسىك اشقان 40 جىلدى ەسكە ءتۇسىرۋ (1)»، شينحۋا اگەنتتىگى جاڭا اقپارات قۇرالىنىڭ جاسامپاز ىقپالداس تۋىندىسى «اكە. ءبىز.ءداۋىر»، ورتالىق راديو - تەلەۆيزيا باس ستانسياسىنىڭ تەلەۆيزور ارناۋلى تاقىرىپتىق فيلمى «باسىپ وتۋگە ءتيىستى جول»، راديو ۇلاسپالى حابارى «ايعاق» سياقتى سيلىققا يە بولعان تۋىندىلاردا رەفورما جاساپ، ەسىك اشقان 40 جىلداعى ايبىندى دا شۇعىلالى وزگەرىس بارىسى تۇرلىشە تۇرعىدان ەسكە ءتۇسىرىلدى جانە كورسەتىلدى. وسى تۋىندىلاردىڭ اراسىندا دەڭگەيى جوعارى، قيسىندى، وتكىر شولۋ ماقالالارى، سەزىمگە باي، ءمانى تەرەڭ، جۇرەكتى شىمىرلاتار ەگجەي - تەگجەيلى حابارلار، سونداي - اق جاڭا تەحنيكانى قولدانىپ رەفورما كۇرەسكەرلەرىنە قۇرمەت بىلدىرگەن توعىسپالى اقپارات قۇرالدارىنىڭ سارا تۋىندىلارى بار، وندا رەفورما جاساپ، ەسىك اشقان 40 جىلدا قول جەتكەن تابىستى تاجىريبەلەر بارىنشا تولىق حابارلانعان، ول اقپارات قۇرالدارى توعىسا دامىعان داۋىردەگى نەگىزگى اقپارات قۇرالدارىنىڭ كەلەلى نەگىزگى تاقىرىپتىق حابارلار جاعىنداعى ۋاكىلدىك تۋىندىلارى بولىپ، جاڭا داۋىردە جۇڭحۋا ۇلاندارىنىڭ رەفورما جاساۋ، ەسىك اشۋدا تاعى دا اتتانىسقا كەلىپ، تاعى دا كۇرەس جۇرگىزۋىنە جويقىن ۇلى كۇش ۇيىستىردى.

  تيانجين جينيۇن جاڭا اقپارات قۇرالدارى توبىنىڭ قىسقا بەينە جازبالى اقپارى «ساۋزى شۋجي»، جىجياڭ ونلاين ينتەرنەت ارناۋلى فيلمى «ءبىر جاپىراقتىڭ كەدەيلەردى سۇيەمەلدەۋ حيكاياسى» سياقتى تۋىندىلاردا كىشكەنتاي دەتالداردان ۇلكەن نەگىزگى تاقىرىپقا نازار اۋدارىلىپ، كەدەيلىكتەن ارىلتۋدان قامال الۋ شايقاسىنىڭ جاپپاي جەڭىسىنە قول جەتكىزۋ جولىنداعى تيپتىك تۇلعالار مەن تيپتىك تاجىريبەلەردى الىپ شىعىپ، اقپاراتتىق تۋىندىنىڭ جاندىلىعىن، تەرەڭدىگىن كورسەتتى. بەيجيڭ راديو - تەلەۆيزيا ستانسياسىنىڭ اقپارات ايگىلى ارناۋلى ايدارى «اقپارات ىستىق جەلىسى»، شاندۇڭ راديو - تەلەۆيزيا ستانسياسىنىڭ تەلەۆيزيالىق شولۋى «سامۇرىق ۇياسىنا قاشان قايتار» سياقتى تۋىندىلاردا ماسەلە باعدار ەتىلىپ، حالىق تۇرمىسى تۇرعىسىنان، قوعامدىق پىكىردىڭ باقىلاۋى ارقىلى اقپارات قۇرالدارىنىڭ جاۋاپكەرشىلىگى امالياتتا ايگىلەنىپ، مەملەكەت قۇرىلىسى مەن قوعامنىڭ العا باسۋى پارمەندى تۇردە ىلگەرىلەتىلگەن. ەكونوميكا گازەتىنىڭ شولۋى «”جەكەشە شارۋاشىلىقتىڭ ورىستەن اۋىتقۋ نازارياسى“ تەكتەس جۇرتتى الجاستىراتىن قاڭقۋ سوزدەردەن بارىنشا قىراعى بولايىق − ”ەكىدەن استە اۋىتقىماۋ“دا قاشاندا بىرىنە بولا ءبىرىن ەلەۋسىز قالدىرمايىق»، سىچۋان راديو - تەلەۆيزيا ستانسياسىنىڭ راديو ارناۋلى حابارى «ۇيگە قايتۋ» سياقتى تۋىندىلاردا حالىقتىق شارۋاشىلىقتى دامىتۋ، ەكولوگيالىق قورشاعان ورتانى قورعاۋ سياقتى قوعامدىق ىستىق تۇيىندەرگە جەكە - جەكە جاۋاپ قايتارىلىپ، نەگىزگى اقپارات قۇرالىنىڭ قوعامدىق پىكىرگە جەتەكشىلىك ەتۋدەگى جاۋاپكەرشىلىگى كورسەتىلگەن. حۋنان راديو - تەلەۆيزيا ستانسياسىنىڭ توعىسپالى جاسامپاز تۋىندىسى «مەنىڭ جاستىق كوكتەمىم جىبەك جولىندا»، فۋجيان گازەتىنىڭ حابارى «23 جىلدا ورىندالعان ارمان، فۋجيان جينجياڭنىڭ سۋى جينمىنعا جەتكىزىلدى»، انحۇي گازەتىنىڭ اقپاراتتىق فوتو سۋرەتى «نۇر شۇعىلا جەتكىزۋ» سياقتى تۋىندىلاردا نازار ”ءبىر بەلدەۋ، ءبىر جول“، ەكى جاعالاۋ قارىم - قاتىناسى، سوتسياليستىك وزەكتى قۇن كوزقاراسى سياقتى كەلەلى نەگىزگى تاقىرىپتارعا شوعىرلاندىرىلعان، بۇل نەگىزگى اقپارات قۇرالدارىنىڭ تاراتۋ قۋاتىن، جەتەكشىلىك ەتۋ قۋاتىن، ىقپال قۋاتىن، سەنىمدىلىك قۋاتىن كەڭەيتۋدىڭ جاندى امالياتى، قوعامنىڭ وڭ ەنەرگياسىن ساۋلەلەندىرۋدە بەلسەندى رول اتقاردى.

  جۇڭگو اقپارات قىزمەتكەرلەرى قوعامى تاياۋدا 29 - كەزەكتى جۇڭگو اقپارات سيلىعىن تاراتۋ بايانداما جينالىسىن وتكىزىپ، ەرەكشە سيلىق، 1 - دارەجەلى سيلىق يەگەرلەرىنە سيلىق تابىس ەتەدى.

  تاعى ءبىر حابار: گازەتىمىزدەن 4 تۋىندى جۇڭگو اقپارات سيلىعىنىڭ 1 - دارەجەلى، 2 - دارەجەلى سيلىقتارىنا يە بولدى. مۇندا ”كورىكتى مەكەنىمىزدى ويداعىداي قورعايىق“ ارناۋلى ايدارى جۇڭگو اقپارات سيلىعىنىڭ اقپارات ايگىلى ارناۋلى ايدارى سيلىعىنا (جۇڭگو اقپارات سيلىعىنىڭ 1 - دارەجەلى سيلىعى) يە بولدى، «شينجياڭداعى ەڭ ۇزىن تەمىر جول كوپىرى تۇتاستىرىلدى، تەتىما كولىندەگى ەرەكشە ۇلكەن كوپىر قۇرىلىسىندا كول اۋماعىندا ەشقانداي قوقىر - قوقسىق قالدىرىلمادى» اتتى حابار، «اۋىلداستاردىڭ تۇرمىسى كۇن سايىن جاقساردى» اتتى ادەبي حابار، ”وڭتۇستىك شينجياڭداعى وزگەرىستەردەگى سونى لەپ“ اتتى ۇلاسپالى حابار جۇڭگو اقپارات سيلىعىنىڭ 2 - دارەجەلى سيلىعىنا يە بولدى.

جاۋاپتى رەداكتور: 热依扎·海米提