شينجياڭ 12 شارامەن ساياحات ارقىلى شينجياڭدى گۇلدەندىرۋدى دەمەدى

شينجياڭ 12 شارامەن ساياحات ارقىلى شينجياڭدى گۇلدەندىرۋدى دەمەدى

  تىلشىلەرىمىز ما جيانلۇڭ، ياۋ گاڭ 10 - ايدىڭ 30 - كۇنى ۇرىمجىدەن حابارلايدى. رايونىمىز ساياحات كاسىبىنىڭ جوعارى ساپالى دامۋىن ىلگەرىلەتۋ ءۇشىن، اۆتونوميالى رايوندىق ساياحات كاسىبىنىڭ دامۋىنا باسشىلىق ەتۋ گرۋپپاسى جۋىقتا 12 شارانى العا قويىپ، ساياحاتشىلاردىڭ جانە ساياحات كاسىبىمەن شۇعىلدانۋشىلاردىڭ زاڭدى ۇقىق - مۇددەسىن قامتاماسىز ەتىپ، ساياحات تيجاراتىمەن شۇعىلدانۋشىلاردى باقىلاۋدى جانە باسقارۋدى كۇشەيتىپ، ساياحات كاسىبىنىڭ باياندى، اقاۋسىز دامۋىن جەبەپ، ساياحات ارقىلى شينجياڭدى گۇلدەندىرۋدى دەمەدى.

  12 شارا جەكە - جەكە ساياحات تيجاراتى قۇرىلىمدارى، ساياحات كاسىبىمەن شۇعىلدانۋشىلاردىڭ ارەكەت ولشەمى، ساياحات قۇرىلعىلارىنىڭ قىزمەت وتەۋ ولشەمى سياقتىلاردى ايقىن جۇيەگە ءتۇسىردى. ساياحات كووپەراتيۆتەرىن باسقارۋدى كۇشەيتۋ جاعىندا، ۇيلەسىمسىز تومەن باعا ارقىلى ساياحات قيمىلدارىن ۇيىمداستىرىپ، تۇتىنۋشىلاردى شىرعالاسا، سونداي - اق زات ساتىپ الۋعا نەمەسە بولەك اقى تولەنەتىن ساياحات نىسانىن ورنالاستىرۋ ارقىلى سىرىڭكەلىك سياقتى ورىنسىز پايداعا يە بولسا، باسقارۋ ۇقىعى بار ساياحات باسقارۋ تاراۋلارى زاڭ بويىنشا رەتتەۋ - تۇزەتۋگە بۇيىرۋعا نەمەسە جازالاۋعا ۇقىقتى. ساياحات كووپەراتيۆتەرى ساياحات قيمىلدارىن ۇيىمداستىرعاندا، ساياحاتشىلارمەن توقتامعا قول قويۋ ءتيىس. ساياحات كووپەراتيۆتەرى ساياحاتشىلارمەن ساياحات توقتامىنا قول قويعان كەزدە، ساياحات توقتامىنىڭ ناقتى مازمۇنىنا شىنايى، ءدال، تولىق تۇسىنىك جاساۋعا ءتيىس. ساياحات كووپەراتيۆتەرى ساياحات جول ساپارى باستالۋدان بۇرىن، ساياحاتشىلارعا ساياحات جول ساپارى كەستەسىن دايىنداپ بەرۋى كەرەك. ساياحات كووپەراتيۆتەرى ساياحات قيمىلدارىن ۇيىمداستىرعان كەزدە، جوعارىدا باياندالعان بەلگىلەمەنى اتقارماسا، قاتىستى بەلگىلەمەلەرگە ساي جوعارى شەكتە جازا قولدانىلىپ، ساياحات باسقارۋ تاراۋلارى جاعىنان 100 مىڭ يۋان ايىپ سالىنادى، كىناسى اۋىر بولسا، ساۋداسى توقتاتىلىپ، 3 اي رەتكە سالىنادى.

  شارادا مىنالار ايقىن كورسەتىلدى: ساياحات كورىنىس وڭىرلەرى، كورىنىس تۇيىندەرى جانە تاس جول بويلارىنداعى دەمالاتىن جەر، اۆتوكولىك بەكەتى سياقتى ساياحات شوعىرلى ورىندارداعى زات ساتۋ ورىندارىنىڭ، سونداي - اق باسقا دا زات ساتاتىن دۇكەندەردىڭ ساياحات سەرىكتەستىكتەرىمەن نەمەسە ساياحات جەتەكشىسىمەن، جول سەرىكتەرمەن استاسىپ، زات ساتىپ الۋدان تۇسكەن سىرىڭكەلىك ارقىلى ساياحات سەرىكتەستىكتەرىنە نەمەسە ساياحات جول باستاۋشىلارىنا، جول سەرىكتەرگە مال - مۇلىك بەرۋىنە نەمەسە باسقا دا تاسىلدەردەن پايدالانىپ، ساياحات ۇيىرمەلەرىن زات ساتىپ الۋعا نەمەسە تىققىشتاپ ساتاتىن زاتتاردى الۋعا ورنالاستىرۋىنا قاتاڭ تيىم سالىنادى. تيجاراتشىلاردا جوعارىداعىداي جايتتەر بايقالسا، بازار باقىلاۋ - باسقارۋ تاراۋلارى تيجاراتشىلاردىڭ زاڭعا قايشىلىق جاساپ تاپقان پايداسىن زاڭ بويىنشا ءمۇسادىرالاپ، 100 مىڭ يۋاننان جوعارى، 3 ميلليون يۋاننان تومەن ايىپ سالادى، كىناسى اۋىر بولسا، تيجارات كاسىپورىندارىنىڭ تيجارات كۋالىگى كۇشىنەن قالدىرىلادى.

  شارادا مىنالار بەلگىلەندى: ساياحات جول باستاۋشىلارى جۇمىس جۇرگىزۋ بارىسىندا ەلەكتروندىق ساياحات جول باستاۋشىسى كۋالىگىن الىپ ءجۇرۋى، ساياحات جول باستاۋشىسى سالاۋاتى بەلگىسىن تاعۋى، ”مەملەكەتتىك ساياحات جول باستاۋشىلارى وتاۋى APP“ىن اشۋى ءتيىس. ساياحات جول باستاۋشىلارى جەتەكتەۋ، قىزمەت وتەۋ قيمىلدارىن جۇرگىزگەن كەزدە، جوعارىداعى بەلگىلەمەگە بويسۇنباسا، ساياحات باسقارۋ تاراۋلارى 500 يۋان ايىپ سالادى. قاراستى وڭىردەگى ساياحات جول باستاۋشىلارى جەتەكتەۋ، قىزمەت وتەۋ قيمىلدارىن جۇرگىزگەن كەزدە، ساياحاتشىلارعا قالتاعا تىققىشتاپ زات ساتۋىنا نەمەسە ساياحاتشىلاردىڭ زاتتارىن ساتىپ الۋىنا بولمايدى؛ اشىق نەمەسە يشاراتتاۋ تاسىلدەرىمەن ساياحاتشىلاردان ”سىرىڭكەلىك“ الۋىنا بولمايدى؛ ساياحاتشىلاردى تۇتىنۋعا الداپ - ارباۋعا نەمەسە ماجبۇرلەۋگە بولمايدى. بەلگىلەمەگە قايشى جوعارىداعى جايتتەر كورىلسە، ساياحات باسقارۋ تاراۋلارى 30 مىڭ يۋان ايىپ سالادى؛ كىناسى اۋىر بولسا، ساياحات جول باستاۋشىسى كۋالىگى كۇشىنەن قالدىرىلادى جانە قوعامعا جاريا ەتىلەدى.

  شارادا مىنالار ايقىن كورسەتىلدى: قاتىستى زاڭداردىڭ بەلگىلەمەلەرى بويىنشا، قاراستى رايونداعى ساياحات قوناق ۇيلەردە ورىن تەپكەن تازالىق ورتاسى ناشار بولۋ، ”امبەباپ سۇرتكىش“، سونداي - اق ورتتەن ساقتانۋ حاۋىپسىزدىگى تولىمدى بولماۋ، ازىق - تۇلىك حاۋىپسىزدىگى ولشەمگە جەتپەۋ سياقتى ماسەلەلەر رەتتەلەدى، وڭالادى جانە تەكسەرىلىپ ءبىر جاقتى ەتىلەدى. جوعارىدا باياندالعان ماسەلەلەر كورىلسە، ساياحات باسقارۋ تاراۋلارى قاتىستى تاراۋلارمەن بىرگە قاتىستى بەلگىلەمەلەرگە نەگىزدەلىپ، تيجاراتىن توقتاتىپ رەتكە سالۋ، شەكتى مەرزىمدە رەتتەۋ - تۇزەتۋ بۇيرىعىن تۇسىرەدى، كىناسى اۋىر بولعانداردىڭ جۇلدىز دارەجەسى تومەندەتىلەدى نەمەسە ساۋداسى توقتاتىلىپ ءبىر جاقتى ەتىلەدى. قاراستى رايونداعى كورىنىس وڭىرلەرىندە، كورىنىس تۇيىندەرىندە ورىن تەپكەن بايلامالى ساتۋ، باقشا ىشىندە باقشا ورنالاستىرۋ، ەسىك سايىن بەلەت الۋ، مەيمان تابۋ، قوناق تارتۋ، جوعارى باعالى اس - سۋ، جالعان تاعام كەستەسى سياقتى ماسەلەلەر ءتۇيىندى رەتتەلەدى، وڭالادى جانە تەكسەرىلىپ ءبىر جاقتى ەتىلەدى، جوعارىدا باياندالعان ماسەلەلەر كورىلسە، ساياحات باسقارۋ تاراۋلارى قاتىستى تاراۋلارمەن بىرگە تيجاراتىن توقتاتىپ رەتكە سالۋ، شەكتى مەرزىمدە رەتتەۋ - تۇزەتۋ بۇيرىعىن تۇسىرەدى، كىناسى اۋىر بولعانداردىڭ دارەجەسى تومەندەتىلەدى نەمەسە ساۋدادان توقتاتىلىپ ءبىر جاقتى ەتىلەدى.

جاۋاپتى رەداكتور: 热依扎·海米提
  • 1
  • 2
  • 3
  • 4