ۇلتتار ىنتىماعىن كوكەيىنە ۇيالاتتى

ۇلتتار ىنتىماعىن كوكەيىنە ۇيالاتتى

مەملەكەتتىك ۇلتتار ىنتىماعى، العاباسارلىعىنداعى ۇلگىلى جەكە قايسار مامەتيمىن جونىندە

□ ءتىلشىمىز ميھىرگۇل عوپۇر

  ”مەن داڭقتى قاستەرلەيمىن، ءاربىر قاراپايىم ءىستى تىڭعىلىقتى ويداعىداي ىستەپ، ۇلتتار ىنتىماعىن ويداعىداي بەكەمدەيمىن، دامىتامىن“. 10 - ايدىڭ 15 - كۇنى ءوزىنىڭ مەملەكەتتىك ۇلتتار ىنتىماعى، العاباسارلىعىنداعى ۇلگىلى جەكە اتاعىنا يە بولعاندىعىن اۋىزعا العاندا، ءۇرىمجى قالالىق ۇلت، ءدىن ىستەرى مەكەمەسى ۇلت ىستەرى 1 - باسقارماسىنىڭ باستىعى قايسار مامەتيمىننىڭ سوزىنەن العىس جانە مىزعىماس تاباندىلىق اڭعارىلادى.

  2005 - جىلى قايسار اسكەري مىندەتتەن بوساپ، كاسىپ اۋىستىرعاننان كەيىن، ىلگەرىندى - كەيىندى ءۇرىمجى قالاسى تيانشان رايونى جەڭىس جولى ءمالى باسقارماسىندا، بايگە الاڭى اۋماعىن باسقارۋ كوميتەتى الەۋمەتتىك اۋماعىندا قىزمەت ىستەدى، قىزمەتتەگى بەينەسى كورنەكتى بولعاندىقتان، ءۇرىمجى قالالىق ۇلت، ءدىن ىستەرى مەكەمەسىنە قىزمەت اۋىستىرادى. قايسار اسكەري مىندەتتەن بوساعانمەن، بۇرىنعى قالپىن وزگەرتپەي سەرتىن ەستە بەرىك ساقتاپ، مەيلى قانداي قىزمەت ىستەسە دە، شوگەلدىكپەن، مۇقيات جاۋاپتى بولا ىستەدى، قانشاما ۇلكەن قيىنشىلىق بولسا دا، ول ىرىقتىلىقپەن جەڭە ءبىلدى، قاي - قاشان دا بەلسەندى، ىرىقتى، جاپا - ماشاقاتتان قورىقپايتىن، ەرجۇرەك تە قايسار اسكەري ستيلىن ساقتادى.

  ”بالا كۇنىمنەن تارتىپ قازىرگە دەيىن، مەن ءار ۇلت سەرىكتەرىممەن، ساباقتاستارىممەن، كاسىپتەستەرىممەن بىرگە ەرجەتىپ، بىرگە ۇيرەنىپ، بىرگە جۇمىس ىستەپ، ءبىر تۋعان تۋىسقانداي سۇيىسپەنشىلىك ورناتتىم. ۇلتتار ىنتىماعى ءار ۇلت حالقىنىڭ جانى، ءبىز،ءسوزسىز، ۇلتتار ىنتىماعىن كوز قاراشىعىمىزداي قورعاۋىمىز، ۇلتتار ىنتىماعىن ومىرىمىزدەي قاستەرلەۋىمىز كەرەك“. قايسار وسىلاي ايتتى ءارى وسىلاي ىستەدى، اسىرەسە، ءدىن ىستەرىن باسقارۋ قىزمەتىمەن شۇعىلدانعاننان بەرى، ونىڭ ۇلتتار ىنتىماعى جونىندەگى تۇسىنىگى اناعۇرلىم تەرەڭدەدى.

  ۇلت، ءدىن ىستەرى قىزمەتىن ويداعىداي ىستەۋدە مول ۇلت، ءدىن قىزمەتى نازاريالىق بىلىمدەرى بولماعاندا قىزمەتتى ويداعىداي ورىستەتۋ مۇمكىن ەمەس. قايسار ەگجەي - تەگجەيلى ۇيرەنۋ جوسپارىن جاساپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيانىڭ ۇلت، ءدىن ساياساتىن مۇقيات ۇيرەنىپ، ءار ۇلتتىڭ سالت - ساناسى، ادەت - عۇرپى سياقتىلاردى كەڭ كولەمدە يەلەدى.

  ” ءبىز، ءسوزسىز، تاباندىلىقپەن ۇيرەنۋىمىز، ۇنەمى مي جۇمساپ، ۇنەمى وي جۇگىرتىپ، يدەيادا، ساياسيدا، ارەكەتتە قاي - قاشان دا شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، ۇلكەن دۇرىس - ۇلكەن بۇرىس ماسەلەسىندە قاشاندا تۇرعىمىز بەرىك، تۋىمىز ايقىن بولۋى كەرەك، تەك وسىلاي بولعاندا عانا، شەشۋشى ساتتەردە سىننان وتە الامىز“، - دەدى قايسار.

  2016 - جىلى قايسار ءۇرىمجى قالاسىنىڭ ”ۇلتتار ىنتىماعىنىڭ بەرەكەلى شاڭىراعى“نا قاتىستى قىزمەتتەرىن ىستەۋگە اۋىسىپ كەلدى، قالىپتان تىس قالجىراعاندىقتان، ول جۇمىس ۇستىندە اۋىرىپ قالدى. 2018 - جىلى اۆتونوميالى رايون ”ۇلتتار ىنتىماعىنىڭ بەرەكەلى شاڭىراعى“نىڭ ناتيجەسىن باعالاعاندا، ءۇرىمجى قالاسى ءبىرىنشى بولدى. كاسىپتەستەرىنىڭ ءبارى ءۇرىمجىنىڭ ۇلتتار ىىنتىماعىنىڭ تاماشا جاعدايىندا، قايساردىڭ ەڭبەگى مەن قۇلشىنىسى بار ەكەندىگىن ايتتى.

  ”ۇلتتار ىنتىماعى قۇددى كۇن نۇرى، اۋا جانە سۋ سياقتى، بۇدان ايرىلساق ءومىر سۇرە المايمىز. ۇلتتار ىنتىماعىن قورعاۋدى شىن مانىندە ارەكەتتە تياناقتاندىرۋىمىز كەرەك، مەن ۇزدىكسىز قۇلشىنا قىزمەت ىستەپ، ۇلتتار ىنتىماعىن كۇندەلىكتى تۇرمىستىڭ، قىزمەتتىڭ بارلىق بۋىنىندا تياناقتاندىرىپ، ۇلتتار ىنتىماعى گۇلىن تىنباي گۇل اشتىرىپ، جايقالتامىن“، - دەدى قايسار.

جاۋاپتى رەداكتور: ريزا حاميت