سوتسياليستىك بازار شارۋاشىلىعى ءتۇزىلىسىنىڭ رەفورما نىساناسىن بەلگىلەۋ

  شينحۋا اگەنتتىگىنىڭ 10 - ايدىڭ 25 - كۇنى بەيجيڭنەن بەرگەن حابارى. 1992 - جىلى 10 - ايدا كۇللى دۇنيە ءجۇزى كوز تىككەن جۇڭگو كوممۋنيستىك پارتياسىنىڭ 14 - قۇرىلتايىندا، جياڭ زىمين مىنانى العا قويدى: جۇڭگونىڭ ەكونوميكالىق ءتۇزىلىسىنىڭ رەفورما جاساۋ نىساناسى − سوتسياليستىك بازار شارۋاشىلىعى ءتۇزىلىسىن ورناتۋ. جۇڭگونىڭ رەفورما جاساۋ، ەسىك اشۋ اياق الىسى وسىدان باستاپ اناعۇرلىم جەدەلدەدى.

  پارتيا 11 - كەزەكتى ورتالىق كوميتەتىنىڭ ءۇشىنشى جالپى ماجىلىسىنەن كەيىن، پارتيامىز رەفورما جاساۋ، ەسىك اشۋدى جولعا قويۋ بارىسىندا، جوسپار مەن بازار قاتىناسى جونىندەگى تانىمدى ۇزدىكسىز تەرەڭدەتىپ، بازاردى بەتالىس ەتكەن ەكونوميكالىق ءتۇزىلىسى رەفورماسىنىڭ وي جەلىسىن بىرتىندەپ قالىپتاستىردى.

  1992 - جىلدىڭ باسىندا، دىڭ شياۋپيڭنىڭ وڭتۇستىكتى كوزدەگەن كەشىرگەن كەزىندەگى ءسوزى جوسپارلى شارۋاشىلىق پەن بازار شارۋاشىلىعىن قوعامنىڭ نەگىزدىك ءتۇزىم كاتەگورياسىنا جاتقىزاتىن يدەيالىق بۇعاۋدان تۇبەگەيلى ارىلتتى.

  1992 - جىلى 6 - ايدىڭ 9 - كۇنى جياڭ زىمين ورتالىق پارتيا مەكتەبىنىڭ ولكە، مينيستر دارەجەلى كادرلاردىڭ ءبىلىم اسىرۋ كلاسىندا، ءوزىنىڭ جوسپار مەن بازار ماسەلەسى جونىندەگى ويلارىن باياندادى. جياڭ زىمين مىنانى ايقىن العا قويدى: ”مەنىڭ جەكە كوزقاراسىم، وسى ’سوتسياليستىك بازار شارۋاشىلىعى ءتۇزىلىسى‘ دەگەن ايتىلىمدى پايدالانۋعا ءبىرشاما بەيىمدەلىپ وتىرمىن“. بۇل جۇڭگو كوممۋنيستىك پارتياسىنىڭ 14 - قۇرىلتايىندا رەفورما جاساۋ، ەسىك اشۋدى اناعۇرلىم ىلگەرىلەتۋگە يدەيالىق نەگىز قالادى.

  سول جىلى 10 - ايدا اشىلعان پارتيا 14 - قۇرىلتايى ەلىمىزدىڭ ەكونوميكالىق ءتۇزىلىسى رەفورماسىنىڭ نىساناسى − سوتسياليستىك بازار شارۋاشىلىعى ءتۇزىلىسىن ورناتۋ ەكەنىن ايقىن بەلگىلەدى. بۇل ەلىمىزدىڭ ەكونوميكالىق ءتۇزىلىسى رەفورما نىساناسىنداعى ەلەۋلى بەت بۇرىس.

  1993 - جىلى 11 - ايدا جۇڭگو كوممۋنيستىك پارتياسى 14 - كەزەكتى ورتالىق كوميتەتىنىڭ ءۇشىنشى جالپى ءماجىلىسى «جۇڭگو كوممۋنيستىك پارتياسى ورتالىق كوميتەتىنىڭ سوتسياليستىك بازار شارۋاشىلىعى ءتۇزىلىسىن ورناتۋ جونىندەگى ءبىرسىپىرا ماسەلەلەر جايلى قارارىن» قاراپ ماقۇلداپ، پارتيا 14 - قۇرىلتايى ورتاعا قويعان ەكونوميكالىق ءتۇزىلىسى رەفورماسىنىڭ نىساناسى مەن پرينسيپتەرىن ناقتىلاندىرىپ، سوتسياليستىك بازار شارۋاشىلىعى ءتۇزىلىسىن ورناتۋدىڭ نەگىزگى مىندەتتەرى مەن تالاپتارىن ايقىن بەلگىلەپ، ونىڭ جالپى تۇلعالىق جوباسى مەن نەگىزگى جۇلگەسىن ايشىقتادى. بۇل قارار 20 - عاسىردىڭ 90 - جىلدارىنىڭ ەكونوميكالىق ءتۇزىلىسى رەفورماسىن ىلگەرىلەتۋدەگى ارەكەت تۇعىرناماسىنا اينالدى.

  سوتسياليستىك بازار شارۋاشىلىعى ءتۇزىلىسىن ورناتۋدىڭ رەفورما نىساناسىن ايقىن بەلگىلەۋ جۇڭگونىڭ رەفورما جاساۋ، دامۋىنداعى ءبىر شەشۋشى ماسەلەنى شەشتى، بۇل − ماركسيزمدىك ەكونوميكالىق نازارياسىنىڭ جاسامپازدىقپەن دامىتىلۋى.

جاۋاپتى رەداكتور: نۇربولات قابىل
  • 1
  • 2
  • 3
  • 4