حالىق بۇقاراسىنىڭ تابىس سەزىمى، باقىت سەزىمى كۇننەن - كۇنگە جوعارىلادى

حالىق بۇقاراسىنىڭ تابىس سەزىمى، باقىت سەزىمى كۇننەن - كۇنگە جوعارىلادى

□ كەلپىن اۋداندىق باس جۇمىسشى ۇيىمىنىڭ ءتوراعاسى ابدىساتتار ابىلەز

  مەن كەلپىننىڭ ءتول تۋماسىمىن، بالا كەزىمدە ءبىزدىڭ ءۇي مەن كورشىنىڭ ءۇيى تۇگەلدەي تام ءۇي بولاتىن، جۇرەتىن جولداردىڭ ءبارى توپىراق جول ەدى. مەكتەپتە وقىعان كەزدەرىمدە جۇگەرى نانىن جەپ، اششى سور سۋ ءىشۋشى ەدىك، جازدا جالاڭاياق وقۋعا باراتىنبىز. پارتيانىڭ قامقورلىعى مەن تاربيەلەۋىندە، مەن داشۋگە قابىلدانىپ، بۇگىنگى قىزمەت ورنىما كەلدىم. پارتيانىڭ قامقورلىعى، ۇيىمنىڭ تاربيەلەۋى بولماسا، مەنىڭ بۇگىنىم دە بولمايتىندىعىن تەرەڭ سەزىندىم.

  نەشە ون جىلدان بەرى، پارتيانىڭ ىقىلاستى قامقورلىعىندا حالىق بۇقاراسىنىڭ ءوندىرىسى مەن تۇرمىسىنداعى وراسان زور وزگەرىستەرگە كۋا بولدىم: تام ۇيدە تۇرۋدان بەيقۇت ۇيلەرگە كوشىپ كىرۋگە دەيىن، شاڭ - توزاڭى اسپانعا شىعىپ جاتاتىن توپىراق جولدان قازىرگى قىستاق - قىستاقتى تۇتاستىرعان اسفالت جولدارعا دەيىن، تەلەۆيزور كورە الماۋدان جاساندى سەرىك تەلەۆيزورىن، اۋەلى، ينتەرنەت تەلەۆيزورىن كورۋگە دەيىن، اۋرۋ كورسەتۋ قيىن بولۋدان جالپى حالىقتىڭ دەنساۋلىعىن تەكسەرتۋگە دەيىن... ءار ۇلت بۇقاراسىنىڭ تابىس سەزىمى، باقىت سەزىمى كۇننەن - كۇنگە جوعارىلادى.

  شينجياڭنىڭ بۇگىنگىدەي ۇلتتارى ىنتىماقتى، قوعامى ورنىقتى، ەكونوميكاسى گۇلدەنىپ - كوركەيگەن اسا تاماشا جاعدايى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا بۇكىل ەلدىڭ جەر - جەرىنىڭ زور كۇشپەن كومەكتەسۋىنىڭ، شينجياڭداعى ءار ۇلت كادرلارى مەن بۇقاراسىنىڭ قايراتتانا كۇرەسۋىنىڭ ناتيجەسى. ءبىزدىڭ كەلپىندە دە جەر - جەرگە ۇقساس وراسان زور وزگەرىستەر جارىققا شىقتى، تۇرعىن ۇيلەردىڭ، جولداردىڭ كونە بەت - بەينەسى شىت جاڭا كۇيگە اۋىستى، جوعارى ساپالى، جوعارى ولشەمدى مەكتەپتەر مەن بالاباقشالار سالىندى، قىستاقتاردا ءتۇرلى كوڭىل اشۋ، دەنە شىنىقتىرۋ قۇرىلعىلارى بار، قىستاق تۇرعىندارى تازا سۋ تۇتىناتىن بولدى، وسىنىڭ ءبارى بۇرىن بىزدەر ويلاۋعا دا باتىلدىق ەتە المايتىن ىستەر بولاتىن، قازىر تۇگەلدەي شىندىققا اينالدى، كوپشىلىكتىڭ تۇرمىسى بارعان سايىن جاقساردى.

  جاڭا جۇڭگو قۇرىلعاننان بەرى، ۇلتتار ىنتىماعى ارقىلى قوعام ورنىقتىلىعىن جانە ەكونوميكانىڭ دامۋىن جەبەۋگە تاباندى بولدى، تەرەزەسى تەڭ، ىنتىماقتى، قارايلاسىمدى، جاراسىمدى سوتسياليستىك جاڭاشا ۇلت قاتىناسى ۇزدىكسىز تەرەڭدەدى. تيانشاننىڭ تۇستىگى مەن تەرىستىگىندە ۇلتتار ىنتىماقتى، قوعام ورنىقتى بولدى، اۆتونوميالى رايوندىق پارتكوم ءار ۇلت كادرلارى مەن بۇقاراسىن باستاپ ءبىر نيەت، ءبىر تىلەكپەن دامۋدى قاراستىرىپ، بار ىنتاسىن سالا قۇرىلىس جۇرگىزدى، ءار ۇلت حالقى تىنىش ءومىر، شات - شادىمان تىرشىلىك كەشىرىپ، ءتۇرلى ىستەر كۇننەن - كۇنگە وركەندەدى، كەلەشەكتىڭ اناعۇرلىم جاقسى بولاتىندىعىنا سەنەمىن.

  پارتيالى كادر رەتىندە، ۇلتتاردىڭ ۇلى ىنتىماعى جۇڭحۋا ۇلتىنىڭ ءومىرىنىڭ تياناعى ەكەندىگىن، كۇش - قۋاتىنىڭ تياناعى ەكەندىگىن، ءۇمىتىنىڭ تياناعى ەكەندىگىن تەرەڭ ۇعىندىم. ۇلتتار ىنتىماعى بولماسا، مەملەكەتتىڭ تىنىشتىعى بولمايدى، كۇش - قۋاتتى شوعىرلاندىرىپ سوتسياليستىك قۇرىلىستى جۇرگىزە دە المايمىز. تەك عانا ەش بۇلجىماستان ۇلتتار ىنتىماعىن كۇشەيتىپ، وتاننىڭ تۇتاستىعىن قورعاپ، ەكونوميكانى تەز دامىتقاندا عانا، ءبىزدىڭ تۇرمىسىمىز بارعان سايىن جاقسارادى، شينجياڭ سوندا عانا بارعان سايىن كورىكتى، ىرىستى بولادى.

  مەن اتا مەكەنىمدى قىزۋ سۇيەمىن، شينجياڭ سىندى ءار ۇلت حالقى بىرگە كۇرەسكەن وسىناۋ ىرىستى مەكەندى سۇيەمىن. مەن اۋەلگى ماقساتتى ۇمىتپاي، بورىشتى ەستە بەرىك ساقتاپ، جۇرەكتىلىكپەن جاۋاپكەرشىلىك ارقالاپ، قايراتتانا كۇرەس جاساپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن ءبىر كىسىلىك كۇشىمدى ارنايمىن.

جاۋاپتى رەداكتور: ريزا حاميت