نازاردى ماڭىزدى تۇيىنگە شوعىرلاندىرىپ، قيىن ماسەلەلەردى شەشىپ، كاسىپ كولەمىن ۇزدىكسىز كەڭەيتتى

  نازاردى ماڭىزدى تۇيىنگە شوعىرلاندىرىپ، قيىن ماسەلەلەردى شەشىپ، كاسىپ كولەمىن ۇزدىكسىز كەڭەيتتى

  − اۆتونوميالى رايوندا جوعارى مەن تومەن بىرگە ارەكەتتەنىپ، ساياحات كاسىبىنىڭ جوعارى ساپالى دامۋىن ىلگەرىلەتتى

  ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى ورىستەتىلگەننەن بەرى، رايونىمىزدا جوعارى مەن تومەن بىرگە ارەكەتتەنىپ، جاڭا دامۋ ۇستانىمى ارقىلى ساياحاتتىڭ جوعارى ساپالى دامۋىنا جەتەكشىلىك ەتىپ، ۇيرەنۋ تاربيەسى، تەكسەرۋ - زەرتتەۋ، ماسەلەلەردى قاداعالاۋ نەگىزىندە، پارىقتاردى تاۋىپ، رەتتەۋ - تۇزەتۋدى يگەرىپ، تياناقتاندىرۋدى جەبەپ، ساياحات كاسىبىنىڭ دامۋىنداعى كورنەكتى ماسەلەلەردى كۇش سالا شەشىپ، ساياحات نەگىزدىك قۇرىلعىلارى قۇرىلىسىن تەزدەتىپ، ساياحات الەۋمەتتىك قىزمەت وتەۋ جۇيەسىن كۇش سالا كەمەلدەندىرىپ، تۇتاس وڭىرلىك ساياحاتتى بەلسەنە دامىتىپ، كاسىپ كولەمىن ۇزدىكسىز ۇلعايتىپ، رايونىمىز ساياحات كاسىبىنىڭ تاعى دا تىڭ ساتىعا كوتەرىلۋىن ىلگەرىلەتتى. 3 - جاق سەرىكتەستىكتىڭ تەكسەرىپ ساناق جۇرگىزۋىندە، مەملەكەت مەرەكەسى دەمالىسىندا شينجياڭ ەل ىشىنەن 12 ميلليون 478 مىڭ 900 ادام - رەت ساياحاتشى قابىلداپ، سايكەس مەزگىلدەگىدەن %22.19 ارتىپ، ەل ءىشى ساياحاتىندا 17 ميلليارد 577 ميلليون يۋان كىرىستى جۇزەگە اسىرىپ، سايكەس مەزگىلدەگىدەن %23.37 ارتىپ، قابىلداعان ساياحاتشى جالپى سانى مەن ساياحات كىرىسىنىڭ ەكەۋىندە دە جاڭا جوعارى ورەنى جاراتقان.

  ■ ماسەلەلەردى ءداپ باسىپ تاۋىپ، ناقتى ءادىس - امالدار قولداندى

  ىلە قازاق اۆتونوميالى وبلىسى نەگىزگى تاقىرىپتىق تاربيە بارىسىندا، كورىنىس وڭىرىندە ”دارەتحانا تابۋ قيىن بولۋ“، ساياحاتتىڭ قاۋىرت مەزگىلىندە ”قونالقى تابۋ قيىن بولۋ“، سايابىر كەزدە ساياحاتشى از بولۋ سياقتى قولامتالى، قيىن ماسەلەلەردى توڭىرەكتەي وتىرىپ، كورىنىس وڭىرىنە ىشكەرىلەپ تەكسەرۋ - زەرتتەۋ ورىستەتىپ، رەتتەۋ - تۇزەتۋدى تياناقتاندىرۋ تىزىمدىگىن جاساپ، ساياحات حالىقتىق تۇسەلحاناسى مەن ساياحات دارەتحاناسىن قۇرۋدى ساياحاتتا قىزمەت وتەۋ ساپاسىن جوعارىلاتۋداعى، ساياحاتتىڭ دامۋ ورتاسىن جاقسارتۋداعى، بۇقارانىڭ ساياحاتتىق تۇتىنۋ قاجەتىن قاناعاتتاندىرۋداعى ماڭىزدى قىزمەت ەتتى.

  ءتىلشى مىنالاردى ۇعىستى: ساياحات حالىقتىق تۇسەلحاناسى قۇرىلىسىن اشۋعا، سۇيەمەلدەۋگە جالپى قوسىلعان 150 ميلليون يۋاننان سىرت، ىلە وبلىسى تاعى دا 334 ساياحات دارەتحاناسىن كوبەيتىپ سالىپ، ”ءۇش قيىن بولۋ، ءبىر ىركىلىسسىز بولماۋ“ (دارەتحانا تابۋ قيىن بولۋ، كولىك توقتاتۋ قيىن بولۋ، ماي قۇيۋ قيىن بولۋ، حابارلاسۋ سيگنالى ىركىلىسسىز بولماۋ) ماسەلەسىن تۇبەگەيلى جاقسى شەشپەكشى ەكەن. ۇيرەنۋ تاربيەسىمەن دەڭگەيىن جوعارىلاتۋ، ماسەلەلەردى قاداعالاپ، قاراستىرۋ، تەكسەرۋ - زەرتتەپ وي جۇگىرتۋ ارقىلى ىلە وبلىسى ساياحات حالىقتىق تۇسەلحاناسىن جانە كەدەيلىكتەن ارىلتۋدان قامال الۋدى، اۋىل - قىستاقتاردى گۇلدەندىرۋ ستراتەگياسىن ءوزارا ۇشتاستىرىپ، ”قالا قۇرىلىسى + ساياحات شارۋاشىلىعى“ ۇلگىسىن العا قويىپ، ۇلكەن قۇشتاي، سەگىز تاڭبالى قالاشىق، ليجيە كوشەسى، ليۋشيڭ كوشەسى سياقتى مادەنيەت پەن ساياحات توعىسقان ءبىر توپ ۇلگى اۋماقتى تەزدەتىپ قۇرىپ، ”اس - سۋ، جاتار ورىن، ءجۇرىس - تۇرىس، ساياحات، زات ساتىپ الۋ، كوڭىل اشۋ“ دى توڭىرەكتەي، ساياحات كاسىپتىك تىزبەگىن ۇزارتىپ، ساياحات ارقىلى حالىقتى اۋقاتتاندىرۋدىڭ نەگىزگى ساتى بۇقاراسىن جاپپاي قامتۋىنا مۇمكىندىك جاسادى.

  كۇشار اۋدانى تۇرارجاي شارت - جاعدايى جالاڭ بولۋ، ”دارەتحانا تابۋ قيىن بولۋ“ سياقتى ساياحات كاسىبىنىڭ دامۋىنا تۇساۋ بولىپ وتىرعان قيىن ماسەلەلەردى شەشۋمەن بىرگە، نەگىزگى تاقىرىپتىق تاربيە بارىسىندا، تيانشان سىرلى ۇلكەن قىساڭ ساياحات كورىنىس وڭىرىنە ىشكەرىلەپ تەكسەرۋ - زەرتتەۋ جۇرگىزدى، سونداي - اق الدىڭعى مەزگىلدەگى اقسۋ ايماعىنىڭ سەزىنۋ ۇلگىسىندەگى تەكسەرۋ - زەرتتەۋىن ۇيىمداستىرۋدا اڭىس ەتكەن ماسەلەلەرىمەن بىرلەستىرىپ، رەتتەۋ - تۇزەتۋدى تياناقتاندىرۋ جاعدايىن مۇقيات تەكسەردى.

  ”قازىر رەتتەۋ - تۇزەتۋ ارقىلى ۇلكەن قىساڭدا جايلى ورىندىقتار كوبەيتىلىپ قويىلدى، سونداي - اق نوسەردەن بۇزىلعان قىساڭ ىشىندەگى قۇرىلعىلاردى جوندەپ قالپىنا كەلتىرىپ، ساياحات دارەتحانالارىن قايتادان جوندەپ، تازالىعىن ساقتاۋعا ارناۋلى ادام ورنالاستىرىلدى“. كۇشار اۋداندىق مادەنيەت - دەنە تاربيە، راديو - تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ شۋجيى جۋ پىڭ بىلاي دەدى: ءبىز تەكسەرىپ - زەرتتەلگەن ماسەلەنىڭ سوڭىنا ءتۇسىپ قايتا قاداعالاپ، ساياحاتشىلاردىڭ رازى بولۋ دارەجەسىن جوعارىلاتۋدى نىسانا ەتىپ، ماسەلەلەردىڭ تۇگەلدەي رەتتەلىپ - تۇزەتىلۋىنە، سونداي - اق ۇزاق ۋاقىت تاباندى بولۋعا شىنايى كەپىلدىك ەتتىك.

  ■ ۇزاق بولاشاقتى تياناق ەتىپ، رەتتەۋ - تۇزەتۋدى يگەردى

  نەگىزگى تاقىرىپتىق تاربيە بارىسىندا، التاي ايماعى ساياحات بازارىنا 100 كۇندىك ارناۋلى رەتتەۋ - تۇزەتۋ جۇرگىزىپ، بازارداعى بىلىقپالىق جايتتەرىن ءجىتى قاداعالاپ، كۋالىكسىز تيجارات جۇرگىزۋ، كولەمىنەن اسىرىپ تيجارات جۇرگىزۋ، ساياحات كووپەراتيۆتەرىنىڭ كولىكتى جالعا الىپ ىستەتۋ ارەكەتىن ولشەمگە ءتۇسىرۋ سياقتىلاردى رەتتەپ - وڭاپ، جاعدايعا مەرزىم سايىن تالداۋ جاساپ، ساياحات بازارىندا ساقتالىپ وتىرعان ءالسىز بۋىندار مەن كورنەكتى ماسەلەلەردى تۇرلەر بويىنشا ءبىر - بىرلەپ سايكەستىرىپ شەشتى.

  ”ءبىز باستان - اياق ساياحاتشىلاردىڭ جايلى سەزىنۋىن ءبىرىنشى ورىنعا قويىپ، ساياحاتتا قىزمەت وتەۋ ساپاسىن جوعارىلاتۋدى نەگىزگى ارقاۋ ەتىپ تۇبەگەيلى دايەكتىلەندىرىپ، بايقالعان ماسەلەلەردى تاباندا تەكسەرىپ، تاباندا تۇزەتتىك، قازىر رەتتەۋ - تۇزەتۋ مولشەرى %95كە جەتىپ بولدى“، - دەدى قاناس كورىنىس ءوڭىرىن باسقارۋ كوميتەتى ساياحات مەكەمەسىنىڭ قىزمەتكەرى جاڭ يانجۋان.

  ساياحات كاسىبىنىڭ ”قاۋىرت ارتۋ ۇلگىسىندەگى“ دامۋ جاعدايىنا مەڭزەس، تۇرپان قالاسى نەگىزگى تاقىرىپتىق تاربيە بارىسىندا، ساياحات نەگىزدىك قۇرىلعىلارى ءالسىز بولۋ ماسەلەسىن كۇش سالا شەشۋمەن بىرگە، ساياحات كاسىپورىندارىنىڭ دامۋ قاجەتىن ءجىتى قاداعالاپ، ساياحات شارۋاشىلىعى ارناۋلى كلاسىن اشىپ، ىقىلاستى، ىرىقتى تۇردە قىزمەت وتەپ، شەكتى ۋاقىتتا شەشۋ مەحانيزمىن العا قويىپ، كاسىپورىنداردىڭ دامۋىنا تاماشا تيجارات - ساۋدا ورتاسىن جاراتىپ، دامۋ كومەسكى كۇشىنە يە قىرۋار ساياحات كاسىپورىندارىن ىرگە تەبۋگە باۋرادى.

  ”ۇكىمەتتىڭ ءبىزدى قولداۋ تەبىنى ەرەكشە كۇشتى بولدى، ءبىز ءۇشىن ەلەكتردەن پايدالانۋ، سۋدان پايدالانۋ، ادام ىستەتۋ، سونداي - اق كۋالىك ءبىتىرۋ سياقتى ءىس جۇزىندىك ماسەلەلەردى سايكەستىرىپ شەشىپ بەرۋمەن بىرگە، ىرىقتىلىقپەن وزدەرى كەلىپ قىزمەت وتەپ، ءبىز ءۇشىن دامۋداعى قيىن ماسەلەلەردى شەشتى، بۇل ءبىزدىڭ بولاشاق دامۋعا بولعان سەنىمىمىزدى كۇشەيتتى“. بيىل تۇرپان قالاسىنا ىرگە تەۋىپ دامىعان ”ياردى حۋايۋان“ حالىقتىق تۇسەلحاناسىنىڭ جاۋاپتىسى لي يۇنحۇي بىلاي دەدى: بۇل ارانىڭ ساياحاتتاعى ”قاۋىرت ارتۋ ۇلگىسىندەگى“ دامۋ جاعدايى مەن تاماشا تيجارات - ساۋدا ورتاسىن كورىپ، تۇرپان قالاسىندا قارجى قوسۋ تەبىنىن ارتتىرۋدى بەلگىلەدىك.

  تەكسەرۋ - زەرتتەۋ بارىسىندا بايقالعان حالىقتىق تۇسەلحانانى دامىتۋدا ءالى دە بىركەلكى بولماۋ، تولىق بولماۋ سياقتى ماسەلەلەردىڭ ساقتالىپ وتىرعاندىعىنا مەڭزەس، لوپنۇر اۋداندىق مادەنيەت - دەنە تاربيە، راديو - تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ شۋجيى چۇن شۋەفىڭ بىلاي دەدى: ”نەگىزگى تاقىرىپتىق تاربيە بارىسىندا، اۋدان ساياحاتتىق قىزمەت وتەۋ شەبەرلىگىنە باۋلۋ كۋرسىن اشىپ، تيجاراتشىلاردى تۇرپان سياقتى جەرلەرگە بارىپ حالىقتىق تۇسەلحانا ۇلگىسىن تاماشالاۋعا، ۇيرەنۋگە ۇيىمداستىردى. سونىمەن بىرگە، ءبىز اناعۇرلىم كوپ ۇيرەنۋ، پىكىر اۋىستىرۋ تۇعىرىن اشىپ، ’ەنگىزە الاتىن، شىعارا الاتىن‘ ادىستەر قولدانىپ، حالىقتىق تۇسەلحانا تيجاراتشىلارىن باۋلۋ تەبىنىن اناعۇرلىم ارتتىرىپ، حالىقتىق تۇسەلحانالاردى ۇگىتتەپ - تانىستىرۋدى كۇشەيتىپ، تيجارات ارناسىن كەڭەيتىپ، شارۋا وتباسىلارىنىڭ مادەنيەت شاعىن كورىنىسى، ءسوزسىز، باراتىن جەر، ەرەكشە LOGO جاراتۋىنا جەتەكشىلىك ەتىپ، ساياحاتشىلاردىڭ ەسىندە ساقتاۋىنا، وسى ارادا قالىپ ساياحاتتاۋىنا مۇمكىندىك جاساپ، ’زاپاس قوبدي ەكونوميكاسىن‘ جانداندىرىپ، حالىقتىق تۇسەلحانا كاسىبى تىزبەگىن ۇزارتا ءتۇستى“.

  (تىلشىلەر جاڭ يۇنمەي، شيا چيڭ، ەرىكتى تىلشىلەر حۋاڭ جيڭ، لۇي نا، شيا رىنشان، ياڭ ۋىنحاۋ، ليۋ ۋىنحۋا، پاڭ بو جازعان)

جاۋاپتى رەداكتور: نۇربولات قابىل
  • 1
  • 2
  • 3
  • 4