جۇڭگو كوممۋنيستىك پارتياسى ورتالىق كوميتەتىنىڭ حۋاڭ ۋىنشيۋ جولداسقا ”مەملەكەتتىك تاڭداۋلى كومپارتيا مۇشەسى“ دەپ تولىقتاپ اتاق بەرۋ جونىندەگى قارارى

  جۇڭگو كوممۋنيستىك پارتياسى ورتالىق كوميتەتىنىڭ حۋاڭ ۋىنشيۋ جولداسقا ”مەملەكەتتىك تاڭداۋلى كومپارتيا مۇشەسى“ دەپ تولىقتاپ اتاق بەرۋ جونىندەگى قارارى

  (2019 - جىلى 10 - ايدىڭ 10 - كۇنى)

  2019 - جىلى 6 - ايدىڭ 26 - كۇنى باس شۋجي شي جينپيڭ گۋاڭشي جۋاڭزۋ اۆتونوميالى رايونى بايسى قالالىق پارتكوم ۇگىت ءبولىمىنىڭ كادرى، قىستاقتا تۇراتىن ءبىرىنشى شۋجي حۋاڭ ۋىنشيۋ جولداستىڭ ىزگى ىستەرى جونىندە ماڭىزدى نۇسقاۋ بەرىپ، مىنانى باسا دارىپتەدى: حۋاڭ ۋىنشيۋ جولداس اسپيرانتتىقتى تاۋىسقاننان كەيىن، ۇلكەن قالادا قىزمەت ىستەۋ ورايىنان باز كەشىپ، اۋىلىنا قايتىپ، كەدەيلىكتەن ارىلتۋدان قامال الۋدىڭ الدىڭعى شەبىنە بار ىنتاسىمەن كىرىسىپ، ءوزىن ارناپ، جالىندى جاستىق ورالىمەن كوممۋنيستەردىڭ اۋەلگى ماقساتىن، بورىشىن ۇعىندىرىپ، جاڭا ءداۋىردىڭ جاستىق جىرىن جازدى. قالىڭ پارتيا مۇشەلەرى، كادرلار جانە جاس جولداستار حۋاڭ ۋىنشيۋ جولداستى ونەگە تۇتىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، باتىلدىقپەن جاۋاپكەرشىلىك ارقالاپ، ۇلەس قوسۋعا پەيىل بولىپ، جاڭا ءداۋىردىڭ ۇزاق جورىعىندا اناعۇرلىم زور تىڭ ۇلەس قوسۋ كەرەك.

  باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي ۇيرەنۋ، دايەكتىلەندىرۋ، وزاتتاردى ماداقتاۋ - سيلاۋ، دۇرىس سالتتى اسقاقتاتۋ، قالىڭ پارتيا مۇشەلەرىن، كادرلاردى جانە جاس جولداستاردى اۋەلگى ماقساتتى ۇمىتپاۋعا، بورىشتى ەستە بەرىك ساقتاۋعا جىگەرلەندىرۋ جانە ولاردى باستاۋ، ارىندى جىگەرمەن جانە اسقاق جالىنمەن جاڭا داۋىردە كۇرەس جۇرگىزۋ، تىڭ ىسكەرلىك كورسەتۋ ءۇشىن، پارتيا ورتالىق كوميتەتى حۋاڭ ۋىنشيۋ جولداسقا ”مەملەكەتتىك تاڭداۋلى كومپارتيا مۇشەسى“ دەپ تولىقتاپ اتاق بەرۋدى ۇيعاردى.

  حۋاڭ ۋىنشيۋ، ايەل، جۋاڭزۋ، گۋاڭشيدىڭ تيانياڭىنان، جۇڭگو كوممۋنيستىك پارتياسىنىڭ مۇشەسى، 1989 - جىلى 4 - ايدا دۇنيەگە كەلگەن، كوزى تىرىسىندە گۋاڭشي جۋاڭزۋ اۆتونوميالى رايونى بايسى قالالىق پارتكوم ۇگىت ءبولىمى نازاريا ءبولىمىنىڭ ورىنباسار باستىعى، بايسى قالاسى لىيە اۋدانى شينحۋا قالاشىعى بايني قىستاعى پارتيا ياچەيكاسىنىڭ ءبىرىنشى شۋجيى بولعان. 2016 - جىلى 7 - ايدا بەيجيڭ پەداگوگيكا داشۋەسىنەن زاڭ عىلىمى بويىنشا ماگيسترلىك تاۋىسقان، سول جىلى 7 - ايدا گۋاڭشيعا باعىتتامالى قابىلداناتىن وقۋشىلار قاتارىندا سارالانىپ، ءبولىس بويىنشا بايسى قالالىق پارتكوم ۇگىت بولىمىنە قىزمەتكە بولىنگەن. 2017 - جىلى 9 - ايدان 2018 - جىلى 3 - ايعا دەيىن بايسى قالاسى تيانياڭ اۋدانى نامان قالاشىق پارتكومىنىڭ ورىنباسار شۋجيى؛ 2018 - جىلى 3 - ايدان باستاپ بايسى قالاسى لىيە اۋدانى شينحۋا قالاشىعى بايني قىستاعى پارتيا ياچەيكاسىنىڭ ءبىرىنشى شۋجيى بولعان. 2019 - جىلى 6 - ايدىڭ 16 - كۇنى، حۋاڭ ۋىنشيۋ جولداس اپتا سوڭىنداعى دەمالىسىنان پايدالانىپ، تيانياڭ اۋدانىنداعى اۋىر ناۋقاستان وپەراتسيا جاساتقانىنا ۇزاق بولماعان اكەسىنىڭ كوڭىلىن سۇراعاننان كەيىن، قالىڭ نوسەردە قىستاقتاعى بۇقارانىڭ باس اماندىعى مەن مال - مۇلىك حاۋىپسىزدىگىنەن الاڭداعان ول تۇندەلەتە قىزمەت ورنىنا قايتىپ بارا جاتقان جولىندا تاۋدان سەل ءتۇسىپ، 30 جاسىندا باقىتقا قارسى قازا بولادى.

  حۋاڭ ۋىنشيۋ جولداس − شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ تاربيەسىندە، جەتەكشىلىگىندە جەتىلگەن ۇزدىك جاستاردىڭ ۋاكىلى، ”اۋەلگى ماقساتتى ۇمىتپاي، بورىشتى ەستە بەرىك ساقتاۋ“دىڭ وزات تيبى، كەدەيلىكتەن ارىلتۋدان قامال الۋدىڭ ءبىرىنشى شەبىندە ماڭداي تەرىن توككەن، جان قيارلىقپەن ءوزىن ارناعان نەگىزگى ساتىداعى پارتيالى كادرلاردىڭ ىقشام بەينەسى. ول ۇيرەنۋدە بەلسەنە العا ۇمتىلىپ، باس شۋجي شي جينپيڭنىڭ ماڭىزدى سوزدەرى مەن پارتيانىڭ نەگىزگى نازاريالارىن مۇقيات ۇيرەنىپ، كەدەي قىستاققا ءبىرىنشى شۋجي بولىپ بارعاننان كەيىن، سانالى تۇردە شي جينپيڭنىڭ جاڭا ءداۋىر جۇڭگوشا سوتسياليزم يدەياسى ارقىلى امالياتقا جەتەكشىلىك ەتىپ، ءوزى تۇرعان قىستاقتاعى بۇقاراعا باس شۋجي شي جينپيڭنىڭ اۋىل - قىستاق قىزمەتى مەن اۋىل - قىستاقتى گۇلدەندىرۋ جونىندەگى ماڭىزدى بايىمداۋلارىن ۇگىتتەپ، پارتيانىڭ جاسامپاز نازارياسىنىڭ شەت - شالعايداعى تاۋلى رايونداردا تياناقتانىپ، تامىر تارتۋىن ىلگەرىلەتتى. ول پارتيا ىستەرىن باستان - اياق جۇرەگىنىڭ ەڭ تورىنە قويىپ، وقۋىن تاۋىسقاننان كەيىن ۇلكەن قالادا قىزمەت ىستەۋ ورايىنان باز كەشىپ، اۋىلى − توڭكەرىستىك بايىرعى رايون بايسىعا قايتىپ كەلىپ قىزمەت ىستەدى، سونداي - اق شارت - جاعدايى جاپالى شەت - شالعايداعى كەدەي تاۋلى رايوندا قىستاقتا تۇراتىن ءبىرىنشى شۋجي بولىپ ىستەۋگە تىزىمدەلىپ، كەدەيلىكتەن ارىلتۋدان قامال الۋدىڭ ءبىرىنشى شەبىندە بار ىنتاسىمەن ىسكە كىرىسىپ، ءۇن - ءتۇنسىز ۇلەس قوسىپ، ءومىرىنىڭ ەڭ سوڭعى ساتتەرىنە دەيىن كۇرەس جۇرگىزدى. ول كەدەيلەردى سۇيەمەلدەۋ جولىن ”كوڭىلىندەگى جاڭا جورىق“ ساناپ، قىزمەتكە بار ىنتاسىمەن ات سالىسىپ، ارحيۆ تۇرعىزىلىپ، كارتچكالاندىرىلعان كەدەي وتباسىلارىن تۇگەلدەي ارالاپ، ”حالىق جاعدايى كارتاسىن“ سىزىپ، ويلى - قىرلى تاۋ جولىندا دامىلسىز شاپقىلاپ، نىسان جۇمىستارىن ءبىتىرىپ، قارجى قاراستىرىپ، ماماندار ۇسىنىس ەتىپ، كەدەي وتباسىلارىن ءوزارا قارايلاسۋ گرۋپپاسىن قۇرۋعا ۇيىمداستىرىپ، ەلەكتروندى ساۋدا بويىنشا قىزمەت وتەۋ پۋنكتىن قۇرىپ، اۋىل شارۋاشىلىق ونىمدەرىنىڭ ساتىلماي باسىلىپ قالۋ ماسەلەسىن شەشىپ، شارۋالار كىرىسىنىڭ ارتۋىن كۇش سالا جەبەپ، تۇتاس قىستاقتى تۇلعالىق جاقتان كەدەيلىكتەن ارىلۋعا باستادى. ول بۇقاراعا تەرەڭ سۇيىسپەنشىلىك ورناتىپ، شىنايى، قاراپايىم بولدى، قىستاقتاعى ساقا ياچەيكا شۋجيلەرىنەن بۇقارالىق قىزمەت ءادىسىن كىشى پەيىلدىلىكپەن سۇراپ ۇيرەنىپ، جەتىم - جەسىر كاريالار مەن ۇيدە قالعان بالالارعا كوڭىل ءبولىپ، ءوزىنىڭ زاڭ عىلىمى ماماندىعى جاعىنداعى ارتىقشىلىعىن ساۋلەلەندىرىپ، قىستاق تۇرعىندارىنىڭ قايشىلىعىن بەلسەندىلىكپەن شەشىپ، بۇقارانىڭ جاپپاي سەنىمىنە يە بولدى. ول قايسار، ءوزىن الۋەتتەندىرۋگە، ءوزىن ەڭسەلەندىرۋگە ىنتالى، كوپشىل بولدى، اكە - شەشەسى ۇزاق ۋاقىت ناۋقاستانىپ، وتباسى جاعدايى قيىن بولسا دا، ۇيىمعا ەشقاشان ءارقانداي تالاپ قويىپ كورمەدى، ۇمىتكەرلىك، ۇمتىلعىشتىق پوزيتسيانى باستان - اياق ساقتادى، اتا - اناسىن قادىرلەپ، وپالى بولدى، وزگەلەرگە ىقىلاستى كومەك كورسەتىپ، ماڭايىنداعىلاردى ادامگەرشىلىگىمەن باۋراپ، مەيىرىمگە بولەدى. حۋاڭ ۋىنشيۋ جولداس جاستىق كوكتەمى مەن ىنتاسىن كەدەيلىكتەن ارىلتۋدان قامال الۋ ىسىنە ارناپ، ءىس جۇزىندىك ارەكەتى ارقىلى كوممۋنيستەردىڭ اۋەلگى ماقساتى مەن بورىشىن ۇعىندىرىپ، قىسقا دا تارتىمدى ومىرىمەن جاڭا داۋىردەگى كوممۋنيستەردىڭ ۇلەس قوسۋ جىرىن جازدى.

  پارتيا ورتالىق كوميتەتى مىناعان ۇندەدى: قالىڭ پارتيا مۇشەلەرى مەن كادرلار جانە جاس جولداستار حۋاڭ ۋىنشيۋ جولداستان ۇيرەنۋ كەرەك. حۋاڭ ۋىنشيۋ جولداس سياقتى پارتياعا ادال بولىپ، بورىشتى ەستە بەرىك ساقتاپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ مىزعىماس سەنۋشىلەرى جانە ادالدىقپەن امالياتتا ايگىلەۋشىلەرى بولىپ، ءومىر تالپىنىستارىن پارتيا ىستەرىمەن سانالى تۇردە تىعىز بايلانىستىرىپ، داۋىرمەن قادامداس، حالىقپەن تاعدىرلاس بولىپ، پارتيا مەن حالىق ەڭ قاجەت ەتكەن جەرلەرگە بارىپ، ەڭ قاجەت ەتكەن قىزمەتتەرگە بەلسەنە ات سالىسۋى كەرەك. حۋاڭ ۋىنشيۋ جولداس سياقتى بۇقارامەن ەتەنە بولىپ، جاۋاپكەرشىلىك ارقالاپ، ناقتى ىستەپ، شارت - جاعدايى جاپالى نەگىزگى ساتىنىڭ ءبىرىنشى شەبىنە بارىپ تەر توگۋگە، قالتقىسىز ۇلەس قوسۋعا باتىل بولىپ، حالىق بۇقاراسى ءۇشىن شىن پەيىلمەن ناقتى ىستەر ىستەپ، باقىتقا كەنەلتۋ كەرەك. حۋاڭ ۋىنشيۋ جولداس سياقتى تاباندىلىقپەن، اسقاق جىگەرمەن العا ۇمتىلىپ، سۋ ىشكەندە قاينارىن ۇمىتپاۋداي العىس ايتۋ سەزىمىندە بولىپ قيىنشىلىقتى جەڭە ورگە ۇمتىلۋ جىگەرىن اسقاقتاتىپ، الدىڭعى شەپتە اتويلاپ، تالىقپاي تالپىنىپ، جالىندى ىنتامەن، ماڭداي تەرمەن جايناعان جاستىق جىرىن جازىپ، شۇعىلالى ناتيجەلەر جاراتۋ كەرەك.

  ءار دارەجەلى پارتيا ۇيىمدارى حۋاڭ ۋىنشيۋ جولداستىڭ ىزگى ىستەرىنەن ۇيرەنۋدى ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىنىڭ ماڭىزدى مازمۇنىنا ەنگىزىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن ىشكەرىلەي ۇيرەنۋمەن، دايەكتىلەندىرۋمەن ۇشتاستىرىپ، الۋان ءتۇرلى فورمامەن كەڭ كولەمدە ۇيرەنىپ، ۇگىتتەۋ كەرەك. قالىڭ پارتيا مۇشەلەرى مەن كادرلاردى جانە جاس جولداستاردى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، وزاتتاردى ۇلگى تۇتىپ، پارتيا مەن حالىق جۇكتەگەن تاريحي كەلەلى مىندەتتى ىرىقتىلىقپەن ارقالاپ، ءداۋىردىڭ الدىڭعى لەگىندە باتىلدىقپەن جۇرەتىن كۇرەسكەرلەر، ءورىس اشۋشىلار، ۇلەسكەرلەر بولىپ، جاڭا ءداۋىردىڭ ۇزاق جورىعىنىڭ شىت جاڭا تاماشا جىرىن جازىپ، اناعۇرلىم زور دا تىڭ ۇلەس قوسۋعا باستاۋ كەرەك.

  (شينحۋا اگەنتتىگىنىڭ 10 - ايدىڭ 10 - كۇنى بەيجيڭنەن بەرگەن حابارى)

جاۋاپتى رەداكتور: نۇربولات قابىل
  • 1
  • 2
  • 3
  • 4