ناقتى ءىس ىستەپ، قىستاق تۇرعىندارىنىڭ كەدەيلىكتەن ارىلۋ قوزعاۋشى كۇشىن تاسقىنداتتى

  ناقتى ءىس ىستەپ، قىستاق تۇرعىندارىنىڭ كەدەيلىكتەن ارىلۋ قوزعاۋشى كۇشىن تاسقىنداتتى

  − اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتىنىڭ كەريا اۋدانى كوكيار اۋىلى بوستانتەرەك قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى جونىندە

  □ ءتىلشىمىز شى شين

  التىن كۇز 10 - ايدا كەريا اۋدانى كوكيار اۋىلى بوستانتەرەك قىستاعى شاتتىققا شومدى، تاپ - تازا كوشەلەر، ادەمى بەيقۇت ۇيلەر، رەتتى دا تازا اۋلا، اسىر سالعان بالالار، قىستاعى كوركەم، ادامدارى بەرەكەلى كورىنىس مەن مۇندالايدى.

  سوڭعى جىلدارى اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتىنىڭ كەريا اۋدانى كوكيار اۋىلى بوستانتەرەك قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، قىستاق دارەجەلى كۇشتەر قۇرىلىسىنان باستاپ كومەكتەسۋ، سۇيەمەلدەۋ شارالارىن كەمەلدەندىرۋ، ودان كاسىپ سالاسىن دامىتۋدى جوسپارلاۋعا دەيىن، شارالاردىڭ ءبارىن ناقتاپ تياناقتاندىرىپ، شولدەگى جاسىل القاپتى نارلەندىرگەن بۇلاق سياقتى قىستاق تۇرعىندارىنىڭ جۇرەگىنە ءنار بەرىپ، قىستاق تۇرعىندارىن پارتيا ۇيىمىنىڭ توڭىرەگىنە تىعىز ۇيىستىردى.

  ■ ”ولشەمدى ايقىنداپ“ قىزمەتتى تىڭ ساتىعا كوتەردى

  ”قىستاق كادرلارىندا سەلقوستىق، بويكۇيەزدىك ىستەيتىن، قىزمەتتە سوزبۇيدالىققا سالىناتىن ’سىلبىرلىق‘، ساياساتتى بىلمەيتىن، تۋىس - تۋعان، دوس - جاراندارىن جان تارتاتىن ’بەتالدى ىستەۋ‘ جايتى بار“.

  قىستاققا العاش كەلگەندەگى جاعدايدى اۋىزعا العاندا، اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتىنىڭ كەريا اۋدانى كوكيار اۋىلى بوستانتەرەك قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي لي باۋشى اشىعىن ايتتى.

  قىستاق پارتيا ياچەيكاسىنىڭ جاۋىنگەرلىك قۋاتىن جانە ۇيىسۋ قۋاتىن كۇشەيتۋ ءۇشىن، قىستاقتا تۇراتىن قىزمەت اترەتى قىستاق ”ەكى كوميتەتى“مەن بىرگە قىستاق كادرلارىنىڭ مىندەتىن، جاۋاپكەرشىلىگىن قايتا ءبولىپ، ”ۇسىنىس قويۋ، اقىلداسۋ، قاراۋ، قاۋلى شىعارۋ، قاۋلىنى جاريالاۋ، اتقارۋ ناتيجەسىن جاريالاۋ“، كەلىپ - كەتۋدى تەكسەرۋ سياقتى 13 ءتۇرلى ءتۇزىمدى ورناتتى، كەمەلدەندىردى ءارى ونەگەلىك، باستاماشىلدىق رول اتقارماۋ، بۇقارانىڭ اراسىندا اۋىر ىقپال تۋدىرۋ؛ قىستاقتىڭ كەلبەتىن، قىستاقتىڭ بەينەسىن باستاماشىلدىقپەن قورعاماۋ، قىستاقتىڭ قونىس ورتاسىنا ىقپال جاساۋ؛ قىزمەت قولايلىلىعىنان پايدالانىپ، بەلگىلەمەگە قايشى قوسىمشا قاراجات تاراتۋ سياقتى ۇنامسىز تىزىمدىكتى جاساپ، قىستاق كادرلارىنىڭ ساياسي ءتارتىپ، قىزمەت ورىستەتۋ، پاك، تارتىپشەڭ بولۋ سياقتى جاقتاردا ىسكەرلىك كورسەتە الماۋىنا، ءىس تىندىرماۋىنا قاتىستى 18 ارەكەت قىزىل سىزىعىن مۇقيات بەلگىلەدى.

  ”بۇل ءادىس جاقسى ەكەن، قىستاق كادرلارى قايسى ىستەردى ىستەۋگە بولاتىندىعىن، قايسى ىستەردى ىستەۋگە بولمايتىندىعىن انىق ءبىلىپ الدى“، - دەدى قىستاق كادرلارىنىڭ مىندەتىن ادا ەتۋدەگى ۇنامسىز ىستەر تىزىمدىگىن العاننان كەيىن بوستانتەرك قىستاعى پارتيا ياچەيكاسىنىڭ شۋجيى بۇماريام سايدي.

  قىستاق ”ەكى كوميتەتى“ ”بەس قادام بويىنشا شەشىم جاساۋ ءادىسىن“ قاتاڭ تياناقتاندىرىپ، قىستاقتىڭ پارتيا ىستەرىندە، قىستاق ىستەرىندە جانە قازىنا ىستەرىندە جاريا بولۋ، جەردى پايدالانۋعا الۋ، مال - مۇلىكتى ءبىر جايلى ەتۋ، كىرىستى بولىسكە سالۋ سىندى بۇقارانىڭ ءتول مۇددەسىنە قاتىستى ماڭىزدى ىستەردى جاريالاۋ تاقتاسى، اۋىل - قىستاقتىڭ كەرنايى ارقىلى جالپى بارىسىن جاريا ۇستادى.

  ”ءبىر مەزگىلدەن كەيىن بۇقارانىڭ تۇسىنىگى ارتىپ، رەنىشى ازايدى، قىستاق كادرلارى الاڭسىز بولىپ، جۇمىس تىندىرۋ تەبىنى نىعايدى“، - دەدى لي باۋشى.

  ■ ”كوزقاراسقا بۇرىلىس جاساپ“ قىستاق تۇرعىندارىنا اۋقاتتانۋدىڭ جولىن قاراستىردى

  ”ۇيىمىزدە 3 مۋ جەر بار، بۇرىن تەك جۇگەرى، ءبيداي سالاتىنبىز، كىرىسىمىز ماردىمسىز ەدى. بيىل قىستاقتا تۇراتىن قىزمەت اترەتى ءبىزدى سيىربۇرشاق ەگىپ، اراسىنا شالعام سالۋعا باستادى، ءار مۋ جەردەگى سيىربۇرشاقتىڭ وزىنەن 3000 يۋاننان استام كىرىس كىرگىزدىك، قازىر قىزمەت اترەتىنە سەنىمىم بارعان سايىن ارتا ءتۇستى“، كۇزگى جيىن - تەرىن كەزىندە كەدەي وتباسىنداعى حالچەمحان مامەتيۇسۇپ قۋانىشتى سەزىمىن جاسىرا المادى.

  بوستانتەرەك قىستاعى بۇرىن ءداستۇرلى ەگىمشىلىكتى نەگىز ەتەتىن، قىستاق تۇرعىندارىنىڭ كىرىسى تومەن بولاتىن، قىستاقتا تۇراتىن قىزمەت اترەتى جەر جاعدايىنا قاراي قىستاق تۇرعىندارىن ەرەكشە ەگىمشىلىكتى دامىتۋعا باستاپ، ەگىمشىلىك قۇرىلىمىنا رەتتەۋ جۇرگىزۋ ارقىلى قىستاق تۇرعىندارىنىڭ كىرىستەرىن ارتتىرۋىنا كومەكتەستى.

  جىلىجاي ەگىمشىلىگى وتباسىلارىنىڭ ەگىمشىلىك تەحنيكاسى ورەسىن جوعارىلاتۋ ءۇشىن، قىستاقتا تۇراتىن قىزمەت اترەتى اۋىل شارۋاشىلىعى تەحنيكاسى ماماندارىن ۋاق - ۋاق ەگىمشىلىك وتباسىلارىنا ەگىمشىلىك تەحنيكاسى مەن ادىستەرىن قولما - قول ۇيرەتۋگە ۇسىنىس ەتىپ، ەگىمشىلىك وتباسىلارىنىڭ كىرىسىن نەداۋىر ارتتىردى. بيىل الدىڭعى جارتى جىلدا قىستاقتاعى 62 جىلىجايدان جيىنى 900 مىڭ يۋاننان استام كىرىس كىردى.

  قىستاق تۇرعىندارىنىڭ ەگىندەرىن ويداعىداي ەگۋىنە شىنايى كەپىلدىك ەتۋ العى شارتىندا، قىستاقتا تۇراتىن قىزمەت اترەتى قىستاقتاعى ارتىق ەڭبەككۇشتەردى باسقا كاسىپ سالاسىنا ويىستىرۋدى قىستاق تۇرعىندارىنىڭ كىرىسىن ارتتىرۋدىڭ قامال الۋ ءتۇيىنى ەتىپ، باستاۋ، قىزمەت وتەۋ جانە كاسىپتىك باۋلۋ ارقىلى قىستاق تۇرعىندارىن ۇيلەرىنەن سىرتقا شىعىپ جۇمىس ىستەپ، كىرىستەرىن ارتتىرىپ، اۋقاتتانۋعا شابىتتاندىردى.

  قىستاق تۇرعىندارىنىڭ جەكە باسىنىڭ قابىلەتى مەن ساپاسىنا مەڭزەس، قىستاقتا تۇراتىن قىزمەت اترەتى تۇرلىشە باۋلۋ وبيەكتىلەرىنىڭ ۇقساماعان قاجەتتەرىنە ساي، تۇرگە، ساتىعا ءبولىپ باۋلىپ، تازالىقشىلىق، اماندىق ساقتاۋ، تىگىنشىلىك سياقتى شەبەرلىكتەر بويىنشا 21 رەت شەبەرلىككە باۋلىدى. سونىمەن بىرگە، جىبەرگەن ورىننىڭ قولداۋىمەن قىستاقتا تازالىقتى باقىلاۋشى، اماندىقتى ساقتاۋشى سياقتى 13 الەۋمەتتىك يگىلىك جۇمىس ورنىن بەلگىلەپ، سىرتقا شىعىپ جۇمىس ىستەي المايتىن كەدەي قىستاق تۇرعىندارىنىڭ جۇمىستانۋىنا كومەكتەستى. قازىر وسى قىستاقتاعى 310 قىستاق تۇرعىنى ورنىقتى جۇمىستانىپ، جان باسىندىق ايلىق كىرىستەرى 1800 يۋاننان استى.

  ■ ”ناقتى ءىس ىستەپ“ كادرلار مەن بۇقارانىڭ بايلانىسىن قويۋلاتا ءتۇستى

  جارتى جىلدان استى، ايتەۋ قىستاققا قايتسا بولعانى، قىستاق تۇرعىنى روزىحان ابدۇقادىر قىستاقتا تۇراتىن قىزمەت اترەتىنىڭ كەڭسەسىنە بارىپ، كوپشىلىكپەن اڭگىمەلەسىپ، ءوزىنىڭ جۋىقتان بەرگى جاعدايىن ايتىپ جاتادى. ”قىستاقتا تۇراتىن قىزمەت اترەتى قالتقىسىز كومەكتەسكەندىكتەن، قايتادان ومىرگە كەلگەندەي بولدىم“، - دەيدى روزىحان.

  روزىحان بيىل 30 جاستا، كەدەي قىستاق تۇرعىنى. بيىل جىل باسىندا دەنەسى جايسىزدانعان ول ”جۇرەك قاقپاقشاسى تولىق جابىلماۋ، ناۋقاس جاعدايى اۋىر“ دەپ دياگنوز قويىلادى. ەرەكشە قىمبات ەمدەۋ اقىسى مەن زور پسيحولوگيالىق قىسىم سەبەبىنەن ول قايتەرىن بىلمەي قالادى. وسى جاعدايدى بىلگەننەن كەيىن، قىستاقتا تۇراتىن قىزمەت اترەتى جان - جاقتان 80 مىڭ يۋان قارجى توپتاپ، شينجياڭ مەديتسينا داشۋەسىنە قاراستى 1 - شيپاحاناعا حابارلاسىپ، وعان وپەراتسيا جاساتادى. روزىحان شيپاحانادان شىعىپ، ءبىراز ۋاقىت تىنىعىپ دەمالعان سوڭ، اۋدان قالاشىعىندا ورنىقتى جۇمىستانادى.

  تاياۋ جىلداردان بەرى، قىستاقتا تۇراتىن قىزمەت اترەتى بۇقارانىڭ قاجەتىنەن باستاپ ىسكە كىرىسىپ، قىزمەت وتەۋ ءادىسىن جاڭالاپ، قىزمەت وتەۋ بايلىعىن بىرىكتىرىپ، 2 ميلليون 200 مىڭ يۋاننان استام قارجى ءبولىپ، بۇقارالىق قىزمەت پۋنكتىن قۇرىپ، شوعىرلى تۇردە بۇقاراعا ساياسات جاعىنان كەڭەس بەرۋ، حالىق ىستەرىن ءبىتىرۋ، ارىز - ارماندى قابىلداۋ، داۋ - شاردى جاراستىرۋ سياقتى قىزمەت وتەۋلەردى ازىرلەدى. بۇقارالىق قىزمەت وتەۋ پۋنكتى قۇرىلعاننان قازىرگە دەيىن بۇقاراعا جيىنى 1900 رەتتەن استام قىزمەت وتەپ، ءتۇرلى قيىنشىلىق، تىلەكتەردەن 900دەن استامىن شەشتى.

  قىستاقتا تۇراتىن قىزمەت اترەتى ”جۇرەكتەرگە بويلاسا“، بۇقارانىڭ ”جۇرەگى جىليدى“. ”قىزمەتتى جاقسى ىستەپ قانا قويماي، تاعى قىستاق تۇرعىندارىنىڭ تىلەگىن توعىستىرىپ، قىستاق تۇرعىندارىنىڭ كىرىستەرىن ارتتىرۋ، اۋقاتتانۋ قابىلەتتەرىن جوعارىلاتۋ كەرەك“. لي باۋشى بىلاي دەيدى: ”قىستاق تۇرعىندارىنىڭ دوڭگەلەك داۋلەتتىلىككە تالپىنۋ قايراتىنىڭ بارعان سايىن تولعانىن كورىپ، قىزمەتتى اناعۇرلىم جاقسى ىستەۋ سەنىمىمىز ارتتى“.

جاۋاپتى رەداكتور: نۇربولات قابىل
  • 1
  • 2
  • 3
  • 4